Մասիս Մայիլյան

Արցախի ԱԳՆ–ն Ադրբեջանին ուղղված հայտարարություն է տարածել

149
Գերատեսչությունը հորդորում է հրաժարվել ԼՂ խնդրի ուժային լուծման քաղաքականությունից և ներկայացնում է Ղարաբաղյան հակամարտության կարգավորման գործընթացում հաջողության հասնելու տարբերակը։

ԵՐԵՎԱՆ, 13 մայիսի — Sputnik. Արցախի Հանրապետության արտաքին գործերի նախարարությունը կարծում է, որ Ղարաբաղյան հակամարտության կարգավորմանն անհրաժեշտ խթան հաղորդելու համար հարկ է, մի կողմից, վերսկսել ուղղակի եռակողմ բանակցությունները, մյուս կողմից, հետևողականորեն ամրապնդել հրադադարի ռեժիմը։ Այս մասին Արցախի արտաքին գործերի նախարարությունը հայտարարություն է տարածել գերատեսչության պաշտոնական կայքում։

1994 թ. մայիսի 12-ին ուժի մեջ է մտել «Կրակի և ռազմական գործողությունների լիակատար դադարեցման մասին եռակողմ համաձայնագիրը», որը ստորագրվել է Արցախի, Ադրբեջանի և Հայաստանի կողմից՝ Ռուսաստանի միջնորդությամբ: 1994 թ. հուլիսի 26-27-ը, լրացուցիչ պայմանագիր ստորագրելով` բոլոր երեք կողմերը հաստատել են հրադադարի ռեժիմի անժամկետ բնույթը՝ ընդհուպ մինչև ադրբեջանա-ղարաբաղյան հակամարտության վերջնական կարգավորում

«Հրադադարի ռեժիմն անհրաժեշտ է պահպանել դրա վերահսկման միջազգային մեխանիզմի ներդրման միջոցով, որը նախատեսված է 2016 թ. Վիեննայում և Սանկտ Պետերբուրգում ձեռք բերված պայմանավորվածություններով: Կարևոր է նաև վերականգնել հակամարտող ուժերի սահմանազատման գիծը, որը ռազմական գործողությունների դադարեցման ժամանակ երեք կողմերի միջև համաձայնեցվել և ամրագրվել է ՌԴ Պաշտպանության նախարարության միջնորդությամբ` որպես հրադադարի ռեժիմի բաղկացուցիչ մաս»,–նշված է հայտարարության մեջ:

Արցախի ԱԳՆ–ն վերահաստատում է պաշտոնական Ստեփանակերտի հավատարմությունը հակամարտության բացառապես խաղաղ կարգավորմանը։

Գերատեսչությունն Ադրբեջանի իշխանություններին կոչ է անում հրաժարվել դրա ուժային լուծման անհեռանկարային քաղաքականությունից, ինչը թույլ կտա անշրջելի դարձնել խաղաղ գործընթացը և տևական խաղաղություն ու կայունություն հաստատել Հարավային Կովկասի տարածաշրջանում:

149
թեգերը:
Ադրբեջան, Արցախ
թեմա:
Ղարաբաղյան հակամարտություն (239)
Ըստ թեմայի
Հայաստանը երբեք չի հրաժարվելու երկխոսությունից. Փաշինյանը`ղարաբաղյան հակամարտության մասին
Սարգսյան. «Ղարաբաղյան հակամարտության կարգավորման գործընթացում հաշտեցման հեռանկար չկա»
Ղարաբաղյան հարցի վերաբերյալ գաղտնիքներ չկան. Նիկոլ Փաշինյան
Ղարաբաղյան հակամարտության կարգավորման համար կամք ու ժամանակ է պետք. Ռուսաստանի ԱԳՆ