Փարիզի Աստվածամոր տաճարը հրդեհված

Փլվեցին Փարիզի Աստվածամոր տաճարի աշտարակը և տանիքը. տեսանյութ

860
Տեղեկության համաձայն` հրդեհը կարող է կապված լինել շինարարական աշխատանքների հետ։

ԵՐԵՎԱՆ, 15 ապրիլի – Sputnik. Աստվածամոր այրվող տաճարի աշտարակ փլվեց։ Փուլ եկավ նաև տանիքը: Այս մասին հայտնում է ՌԻԱ Նովոստին։

Սիտե կղզու շարժումը փակ է, հեռավորության վրա հավաքված հարյուրավոր մարդիկ հետևում են հրդեհին։

Արտակարգ ծառայությունների նոր ու նոր մեքենաներ են դեպքի վայր ժամանում։

Ավելի վաղ Sputnik Արմենիան տեղեկացրել էր, որ Փարիզի տեսարժան վայրերից մեկում հրդեհ էր բռնկվել։

AFP–ի տեղեկության համաձայն` հրդեհումը կարող է կապված լինել շինարարական աշխատանքների հետ։

Հրդեհի հետևանքով տուժածների մասին տեղեկություն չկա։

Տաճարի ներկայացուցիչ Անդրե Ֆինոն հայտնել է, որ հրդեհի մասին տեղեկացնող ազդանշանային համակարգը միացել է տեղի ժամանակով ժամը 18:30–ին։ Տաճարում գտնվող մարդիկ տարհանվել են։

860
թեգերը:
Ֆրանսիա