Ժուլիան Ասանժ

Փաստաբան. Ասանժին կարող են ԱՄՆ արտահանձնել, որտեղ նրան կտտանքներ են սպառնում

83
(Թարմացված է 00:49 12.04.2019)
Գարսոնը հայտարարել է «քաղաքական մոտիվներով, ԱՄՆ–ի կողմից հետապնդման առումով Ասանժին սպառնացող վտանգի» մասին։

ԵՐԵՎԱՆ, 11 ապրիլի — Sputnik. Նախկին դատավոր, WikiLeaks  կայքի հիմնադրի` Ջուլիան Ասանժի պաշտպանական խմբի համակարգող Բալտասար Գարսոնը չի բացառում, որ իր պաշտպանյալին ԱՄՆ կարտահանձնեն, որտեղ նրան կտտանքներ են սպառնում, հայտնում է ՌԻԱ Նովոստին։

«Մենք այդ խոստումները չենք տեսել։  (WikiLeaks–ի տեղեկատու անձ) Չելսի Մենինգը կտտանքների էր ենթարկվում։ Մենք լուրջ մոտիվներ ունենք (մտավախության` խմբ.), որ դա կարող է տեղի ունենալ։ Ամեն դեպքում երաշխիքներ չկան։ Կան նախադեպեր, երբ Մեծ Բրիտանիան մարդկանց է արտահանձնել առանց նման երաշխիքների։ Սպասենք, ինչ կասի բրիտանական ոստիկանությունը արտահանձնման առիթով», – հայտարարել է Գարսոնը։

Գարսոնը հայտարարել է «քաղաքական մոտիվներով, ԱՄՆ–ի կողմից հետապնդման առումով Ասանժին սպառնացող վտանգի» մասին, ինչպես նաև մեղադրել է Էկվադորի իշխանությանը նրանում, որ «լուրջ վտանգի տակ է դրել մարդու, ում քաղաքական ապաստան էր տրվել և որը կատարել է (բոլոր պահանջները), անկախ նրանից, թե ինչ են խոսում (Էկվադորի իշխանությունները)»։

Ավելի վաղ Էկվադորի նախագահ Լենին Մորենոն հայտարարել էր, որ բրիտանական իշխանությունները երաշխիքներ են տվել, որ Ասանժին չեն արտահանձնի երկիր, որտեղ նրան կտտանքներ կամ մահապատիժ է սպառնում։

83
թեգերը:
Ամերիկայի Միացյալ Նահանգներ
Ըստ թեմայի
Լոնդոնում ձերբակալվել է WikiLeaks–ի հիմնադիր Ջուլիան Ասանժը
Ջուլիան Ասանժը կարտաքսվի Էկվադորի դեսպանատնից. Wikileaks
Դեսպանի երաշխավորությունը չօգնեց. Մոսկվայի դատարանը Վահան Աբգարյանին կալանքի տակ թողեց
Մեծ Բրիտանիայում կալանավորել են Շոտլանդիայի նախկին ղեկավարին` RT–ի հաղորդավարին
Արցախն օգնության խմբաքանակ է ուղարկել Լիբանան

Եվս մեկ ինքնաթիռ․ Արցախն օգնության խմբաքանակ է ուղարկել Լիբանան

165
(Թարմացված է 23:26 09.08.2020)
Օդանավում դեղորայք և բժշկական տաբեր պարագաներ են։ Հայաստանն արդեն մեկ օդանավ օգնություն ուղարկել է Լիբանան, ևս երկուսը կուղարկի։

ԵՐԵՎԱՆ, 9 օգոստոսի - Sputnik. Արցախից օգնության խմբաքանակ է ուղարկվել Լիբանան: Տեղեկությունը հայտնում է ՀՀ կառավարությունը։ Օդանավում դեղորայք և բժշկական տաբեր պարագաներ են։ Տուփերի վրա գրված է․ «Արցախի ժողովրդից Լիբանանին» և պատկերված են Արցախի ու Լիբանանի դրոշները։

1 / 3
Արցախն օգնության խմբաքանակ է ուղարկել Լիբանան

Հումանիտար օգնությամբ բեռնված օդանավի մասին գրառում է արել Հայաստանի վարչապետ Նիկոլ Փաշինյանը։

«Երկու ինքնաթիռ արդեն ուղարկվել է Լիբանան՝ տանելով մարդասիրական առաջին անհրաժեշտության օգնություն: Այսքանով, սակայն, մեր աջակցությունը Լիբանանի Հանրապետությանը և հայ համայնքին չի ավարտվում: Խաղաղություն եղբայրական Լիբանանին»,- գրել է նա։

 

 

Հայաստանն արդեն մեկ օդանավ օգնություն ուղարկել է Լիբանան, ևս երկուսը կուղարկի։ Բեյրութ ուղևորվող երկրորդ և երրորդ ինքնաթիռներում արդեն կլինի հայ համայնքի համար նախատեսված օգնություն՝ գույք, պարենամթերք՝ այն, ինչը Հայաստանից խնդրել է լիբանանահայ համայնքը: Երկրորդ ինքնաթիռը Լիբանան կուղևորվի օգոստոսի 9-ին, երրորդը՝ օգոստոսի 11-ին:

Հիշեցնենք` օգոստոսի 4-ին Բեյրութի նավահանգստի շրջանում հզոր պայթյուն է որոտացել ամոնիումի նիտրատի պատճառով։ Լիբանանի վարչապետ Հասան Դիաբը խոստովանել է, որ նյութը պատշաճ ձևով չի պահվել։
Լիբանանի նախագահ Միշել Աունը հրաժարվել է միջազգային հետաքննությունից։ Հայտնի է, որ Բեյրութի նավահանգստի ու մաքսատան աշխատակազմից մոտ քսան մարդ է հարցաքննվել, այդ թվում՝ ղեկավարները։ Սարսափելի պայթյունից 13 հայ է մահացել, հայտնի է 11–ի ինքնությունը։

Պայթյունի զոհ է դարձել ընդհանուր առմամբ 154 մարդ, նրանից 25-ի ինքնությունը դեռ չի պարզվել։ Եվս 60-ը անհետ կորած են։ Տուժել է ավելի քան 5000 մարդ։

165
թեգերը:
Հայաստան, կառավարություն, Բեյրութ, Լիբանան, Արցախ
թեմա:
Պայթյուն Բեյրութում
Ըստ թեմայի
Երևանը հումանիտար օգնություն կուղարկի Բեյրութ. հայտնի է` երբ կմեկնի 1–ին ինքնաթիռը
«Օգնի՛ր մեզ». ինչպես են Մակրոնին դիմավորել Բեյրութում
Իսրայելա-լիբանանյան կոնֆլիկտն ու Բեյրութի պայթյունը. ինչ կապ ունի «Հըզբոլլահը»
ՌԴ ԱԻՆ–ը 5 ինքնաթիռով օգնություն կուղարկի Բեյրութ
Զինծառայողներ

Ադրբեջանը շուրջ 2800 կրակոց է արձակել Արցախի ուղղությամբ

744
(Թարմացված է 14:29 08.08.2020)
Արցախի պաշտպանության նախարարությունը հայտնել է` վերջին յոթ օրում ինչ է կատարվել առաջնագծում։

ԵՐԵՎԱՆ, 8 օգոստոսի – Sputnik. Արցախա-ադրբեջանական հակամարտ զորքերի շփման գոտում օգոստոսի 2-ից 8-ն ընկած ժամանակահատվածում հակառակորդը հրադադարի պահպանման ռեժիմը խախտել է ավելի քան 300 անգամ: Տեղեկությունը հայտնում է Արցախի պաշտպանության նախարարությունը։

«Հայկական դիրքերի ուղղությամբ արձակվել է շուրջ 2800 կրակոց»,– նշված է հաղորդագրության մեջ:

ՊՆ–ն վստահեցնում է, որ բանակի առաջապահ ստորաբաժանումները տիրապետում են օպերատիվ-մարտավարարական իրադրությանը և շարունակում վստահորեն իրականացնել իրենց առջև դրված մարտական խնդիրը:

Հիշեցնենք` հուլիսի 26-ից օգոստոսի 1-ն ընկած ժամանակահատվածում Ադրբեջանը հրադադարի պահպանման ռեժիմը խախտել էր ավելի քան 170 անգամ՝ տարբեր տրամաչափի հրաձգային զինատեսակներից հայ դիրքապահների ուղղությամբ արձակելով շուրջ 1700 կրակոց:

Արցախի ՊՆ–ն հայտարարություն է տարածել. դիպուկահարներ են պետք և ոչ միայն

744
թեգերը:
կրակոց, հրադադար, Ադրբեջան, Արցախ
թեմա:
Սահմանին տիրող իրավիճակը
Ըստ թեմայի
ՀՀ ՊՆ–ն հերքում է խոցված անօդաչուի մասին տեղեկությունը
Ըստ առաջադրված խնդիրների. ՀՀ ԶՈւ գրոհային ավիացիոն ուժերը վարժանքներ են անում
Հայկական ուժերը ճնշել են հակառակորդին. ԶՈւ ԳՇ պետը հետևել է զորավարժության ընթացքին
Ֆիրդուսի

Սրճարաններ, թանգարաններ և ոչ միայն․ ինչպիսի՞ն է իրականում լինելու Ֆիրդուսի թաղամասը

64
(Թարմացված է 00:12 11.08.2020)
Իշխանությունը կարծում է, որ աշխատանքներն ավարտելուց հետո Երևանում ևս մեկ զբոսաշրջային գոտի կբացվի։

ԵՐԵՎԱՆ, 10 օգոստոսի – Sputnik․ Մշակույթի ու արվեստի անվանի գործիչների թանգարան, հուշանվերների խանութներ և փայտե պատշգամբներով քարե շենքեր․ ահա այն հիմնական կետերը, որոնք նախատեսված են Երևանի Ֆիրդուսի թաղամասի վերականգնման ու կառուցապատման նախագծով։ Sputnik Արմենիայի հարցմանն ի պատասխան հայտնեցին ՀՀ փոխվարչապետ Տիգրան Ավինյանի գրասենյակից։

Ավելի վաղ ՀՀ գրասենյակի Տիգրան Ավինյանի աշխատակազմի ղեկավար Վարագ Սիսեռյանը ցույց էր տվել՝ ինչ տեսք է ունենալու Ֆիրդուսին վերականգնումից ու կառուցապատումից հետո, նա քաղաքի այդ հատվածի 3D մոդելը հրապարակել էր Facebook-ում։

Կառուցապատման ընդհանուր մակերեսը 58 հազար քառակուսի մետր է, աշխատանքներն իրականացվել են 49 հազար քառակուսի մետրում, իսկ մնացած 9 հազարը դեռ իրականացման փուլում են։

Օրերս ՀՀ վարչապետ Նիկոլ Փաշինյանի մոտ տեղի ունեցած խորհրդակցության ժամանակ նշվել է, որ արդեն իսկ փոխհատուցվել է 378 ընտանիք (60 միլիոն դոլարի չափով), ընթացքի մեջ է 50 ընտանիքի փոխհատուցման գործընթացը։

«Ֆիրդուսում այժմ ընթանում են քանդման աշխատանքներ։ Շինարարության մեկնարկը ծրագրվում է 2020 թվականի վերջին, ավարտը՝ 2024 թվականի սկզբին», - նշված է գերատեսչության պատասխանում։

Այս պահին 70 միլիոն դոլար է ներդրվել նախագծում։ Ծրագրված է ևս 200 միլիոն դոլար ներդնել։ Ենթադրվում է, որ 6-ից 8 հազար աշխատատեղ է բացվելու։

Կառուցապատման հատակագծի հեղինակը Նարեկ Սարգսյանն է (Երևանի նախկին գլխավոր ճարտարապետը – խմբ․), գլխավոր ճարտարագետը՝ Հովհաննես Մութաֆյանը։ Տարածքը բաժանվել է 18 լոտերի, յուրաքանչյուր լոտ ունենալու է իր ճարտարապետը։

Նշվում է, որ հուշարձանային տարածքում գտնվող Հանրապետության և Տիգրան Մեծ փողոցներին հարակից հուշարձանները պահպանվելու են իրենց տեղերում, և վերարժևորվելու են շենքի բակային ճակատները։ Այս հուշարձանային շենքերին հաջորդելու են 2-4 հարկանի շենքերը՝ փայտե պատշգամբով։

«Արդյունքում տվյալ տարածքում կստեղծվի նոր, համահունչ զբոսաշրջային միջավայր։ Այս տարածքը կեզրագծվի 250 մ հետիոտնային ճանապարհով, որից այն կողմ արդեն կլինեն նորակառույց շենքեր», - նշված է պատասխանի մեջ։

1–ին և 2–րդ հարկերում նախատեսվում է սրճարաններ ու հուշանվերների խանութներ բացել։ Քննարկվում է նաև պատմական միջավայրի տարածքում 2–րդ և 3–րդ հարկերում ստեղծել մշակույթի հայտնի գործիչների թանգարաններ։

Ֆիրդուսին, որտեղ ժամանակին բավականին մեծ շուկա կար և մի քանի տասնյակ բնակելի տներ, Երևանում վերջին «հյուղակների թաղամասերից» էր։ Շուկան բազում դարերի պատմություն ունի, սկզբում այստեղ մեծ մասամբ իրանցիներն էին առևտուր անում։ Հենց այդ պատճառով էլ այդ հատվածը պահպանել է պարսիկ բանաստեղծ Ֆիրդուսիի անունը։

Հայաստանի նախկին իշխանությունը նախատեսում էր քանդել թաղամասի բոլոր հին շենքերը և մոտ հինգ հեկտար տարածքում նոր թաղամաս կառուցել, որում կլինեին բնակելի շենքեր, բիզնես կենտրոններ ու հյուրանոցներ։

Նոր Ֆիրդուսիի նախագիծը բուռն քննարկումների թեմա դարձավ, հատկապես երբ 2020 թվականի հունիսի 10-ին քանդեցին «կարմիր շենքը»։ Հունիսի 13-ին Երևանի ավագանին արտահերթ նիստ հրավիրեց։ Քաղաքապետարանի առջև Ֆիրդուսիի պաշտպանությանն ուղղված ակցիա անցկացվեց։

Ավելի ուշ ակտիվիստները բաց նամակ հղեցին վարչապետ Նիկոլ Փաշինյանին ու Երևանի քաղաքապետ Հայկ Մարությանին` պահանջելով անհապաղ դադարեցնել շինարարական աշխատանքները Ֆիրդուսիում, չեղարկել Նարեկ Սարգսյանի  նախագիծը, մայրաքաղաքի կենտրոնում նախատեսվող ցանկացած նոր շինարարության համար հանրային քննարկումներ անցկացնել ու այդ հին թաղամասի համար պատմամշակութային տեսքի պահպանությամբ նախագիծ մշակել։

Նամակը ստորագրել էին մի շարք հայտնի մարդիկ` գրողներ Նարինե Աբգարյանն ու Արամ Պաչյանը, օպերային երգիչներ Հասմիկ Պապյանն ու Աննա Մայիլյանը, ռեժիսորներ Աշոտ Ադամյանը, Լևոն Աթայանը, Սեդա Գրիգորյանն ու Դավիթ Մաթևոսյանը, նկարիչներ Զարուհի Մուրադյան ու Մարինա Դիլանյանը, ճարտարապետներ Արմեն Աբրոյանն ու Աշոտ Սիմոնյանը, լրագրողներ Արտավազդ Եղիազարյանն ու Լուսինե Հովհաննիսյանը, հասարակական գործիչ Հրանուշ Խառատյանը և ուրիշներ։

64
թեգերը:
Ֆիրդուսի, Երևան, Հայաստան
Ըստ թեմայի
Հուսամ` Արթուր Մեսչյանը կլինի Երևանի վերջին գլխավոր ճարտարապետը. Մնացականյան
Սթրիթ արտ սահմանամերձ գոտում. ինչպես Բալայանի «բլոճիկները» զվարճացրին Բերդի տղաներին
Սահմանամերձ Բերդավանի և Այգեպարի փողոցները հիմնանորոգվում են
Ի՞նչ աշխատանքներ են կատարվում Լոռիում. Փաշինյանը հերթական տեսանյութն է հրապարակել