Նիկոլ Փաշինյանի և Իլհամ Ալիևի հանդիպումը Դավոսում

ՀՀ ԱԳՆ–ն մեկնաբանել է Փաշինյան–Ալիև հանդիպման հարցը

167
(Թարմացված է 16:04 15.03.2019)
Մնացականյանը նշել է, որ չի ուզում խախտել այդ հարցում ձևավորված վարքականոնը։

ԵՐԵՎԱՆ, 15 մարտի – Sputnik. Հանդիպման ժամկետների ու վայրի հայտարարման ժամանակը դեռ չի եկել։ Այս մասին ՀՀ արտգործնախարար Զոհրաբ Մնացականյանն ասաց այսօր խորհրդարանի արտաքին կապերի հանձնաժողովի փակ քննարկումից հետո` մեկնաբանելով Փաշինյան–Ալիև հանդիպումը։

«Ինչ վերաբերում է հանդիպման ժամկետներին, կա ձևավորված մշակույթ, որ հանդիպման ժամկետները հստակեցվում են երկրորդ կողմի հետ, ապա դրանից հետո միայն հրապարակային հայտնում են։ Այդ պահը դեռ չի եկել, համաձայնեցնում ենք ժամկետներ, աշխատում ենք այդ ուղղությամբ, բայց կողմերի միջեւ միմյանց հարգելու խնդիր կա այստեղ։ Երբ հստակ կլինի, կհայտնենք», – ասաց Մնացականյանը։
Հիշեցնենք `ավելի վաղ հայտնի էր դարձել, որ երկու պետությունների ղեկավարները ընդունել են առաջիկայում ԵԱՀԿ ՄԻնսկի խմբի համանախագահների հովանու ներքո հանդիպելու առաջարկը։

«ԵԱՀԿ Մինսկի խմբի համանախագահները հանդիպել են Հայաստանի վարչապետի հետ Երևանում ու Ադրբեջանի նախագահի հետ Բաքվում։ Քննարկվել են առաջիկայում Փաշինյանի ու Ալիևի հանդիպման նախապատրաստման հարցերը, այդ թվում` քննարկման հնարավոր թեմաները», – նշված էր ԵԱՀԿ ՄԻնսկի խմբի համանախագահների տարածած հայտարարության մեջ։

Երկու երկրների առաջնորդները ընդունել են առաջիկայում ԵԱՀԿ Մինսկի խմբի համանախագահների հովանու ներքո հանդիպման առաջարկը։ Հայտարարության մեջ նաև նշվում է, որ համանախագահները դրական են գնահատել հակամարտության կողմերի միջև շփման գծում կորուստների նվազման պահպանումը, ու ողջունել են տարածաշրջանում զարգացող քննարկումները բնակչությանը խաղաղության պատրաստելու վերաբերյալ։

167
թեգերը:
Իլհամ Ալիև, Նիկոլ Փաշինյան, Արցախ, ԵԱՀԿ Մինսկի Խումբ, Հայաստան, Ադրբեջան
թեմա:
Ղարաբաղյան հակամարտություն (169)
Ըստ թեմայի
Երկար հարց, կարճ պատասխան. Ղարաբաղյան հարցում Ռուսաստանի դիրքորոշումը չի փոխվել
Որոնք են ղարաբաղյան կարգավորման կենսական նշանակություն ունեցող կետերը. հիշեցրել է ՀՀ ԱԳՆ–ն
Ղարաբաղյան բանակցությունների ձևաչափը պետք է բոլոր կողմերի համար ընդունելի լինի. Լայչակ