Заседание совет безопасности Армении и Карабаха (12 марта 2019). Степанакерт

Արցախի անկախության միջազգային ճանաչումը եղել է, կա և կմնա առաջնահերթ խնդիր. Բակո Սահակյան

60
Անվտանգության խորհուրդների համատեղ նիստում վերահաստատվել է, որ Արցախի պաշտպանության ապահովման կարողությունները բարձր մակարդակում են:

ԵՐԵՎԱՆ, 12 մարտի — Sputnik. Արցախի Հանրապետության անկախության միջազգային ճանաչումը եղել, մնում է և կմնա առաջնահերթ խնդիր։ ՀՀ վարչապետի պաշտոնական կայքի փոխանցմամբ` Հայաստանի ու Արցախի Անվտանգության խորհուրդների` Արցախում ընթացող համատեղ նիստում այս մասին ասել է Արցախի Հանրապետության նախագահ Բակո Սահակյանը։

«Մենք գիտենք, որ Հայաստանի Հանրապետության վարչապետը մի շարք հանդիպումներ է ունեցել այս ընթացքում, և ես խնդրել եմ պարոն վարչապետին, որպեսզի մենք տեղեկանանք այդ հանդիպումների և քննարկումների մասին: Ես կտամ լրացուցիչ տեղեկություններ, որ օր առաջ հանդիպել եմ ԵԱՀԿ գործող նախագահի անձնական ներկայացուցչին: Բնական է՝ խոսել ենք շփման գծում տիրող իրավիճակի, ինչպես նաև բանակցային գործընթացի մասին»,– ասել է Արցախի նախագահը։

Նիստի ընթացքում Հայաստանի և Արցախի Անվտանգության խորհուրդների անդամները գնահատել են Արցախի անվտանգության համակարգը և վերահաստատել, որ պաշտպանության ապահովման կարողությունները երաշխավորված են և գտնվում են բարձր մակարդակի վրա:

Միևնույն ժամանակ Հայաստանն ու Արցախը վերահաստատել են ԵԱՀԿ Մինսկի խմբի համանախագահության հովանու ներքո Արցախի հիմնահարցի բացառապես խաղաղ կարգավորմանն աջակցելու իրենց հանձնառությունը` հիմնված միջազգային իրավունքի հիմնարար սկզբունքների, մասնավորապես` ժողովուրդների ինքնորոշման իրավունքի իրագործման վրա։

Համատեղ նիստի շրջանակում ընդգծվել է, որ Լեռնային Ղարաբաղի հիմնահարցի շրջանակում Արցախի անվտանգության ապահովումն ու կարգավիճակը հայկական կողմերի համար եղել և մնում են բացարձակ գերակայություն:

Կարևորվել է խաղաղության մթնոլորտի ձևավորումը, ռիսկերի նվազեցման և միջադեպերի կանխարգելման մեխանիզմների և փոխվստահության ամրապնդման միջոցառումների ներդրումը, ինչպես դա ամրագրվել է Դուշանբեի, մինչ այդ նաև Վիեննայի ու Սանկտ Պետերբուրգի գագաթաժողովների շրջանակում:

60
թեգերը:
Բակո Սահակյան, Արցախ
Ըստ թեմայի
Փաշինյանն ու Կասպրչիկը քննարկել են ղարաբաղյան հակամարտության խաղաղ կարգավորման հարցեր
Նիկոլ Փաշինյանը վերահաստատել է Ղարաբաղյան հակամարտության մեր դիրքորոշումը
Պետք է թողնենք ամեն ինչ գործող ֆորմատով. Յոհաննես Հանը` Ղարաբաղյան բանակցությունների մասին
Ռուսաստանն իրենից կախված ամեն ինչ կանի ղարաբաղյան հակամարտության լուծման համար. Զախարովա
Երկար հարց, կարճ պատասխան. Ղարաբաղյան հարցում Ռուսաստանի դիրքորոշումը չի փոխվել