ԵԱՀԿ դիտարկում

ԵԱՀԿ–ն դիտարկում է անցկացրել Արցախի ու Ադրբեջանի սահմանին

22
Դիտարկումն անցել է ըստ նախատեսված ժամանակացույցի:

ԵՐԵՎԱՆ, 12 մարտի – Sputnik. Արցախի Հանրապետության իշխանությունների հետ ձեռք բերված պայմանավորվածության համաձայն, ԵԱՀԿ առաքելությունը մարտի 12-ին հրադադարի ռեժիմի պլանային դիտարկում է անցկացրել Արցախի և Ադրբեջանի սահմանին՝ Հադրութի շրջանից դեպի հյուսիս-արևելք ընկած հատվածում: Այս մասին հայտնում է Արցախի արտգործնախարարության մամուլի ծառայությունը։

Արցախի Հանրապետության պաշտպանության բանակի դիրքերից դիտարկումն իրականացրել են ԵԱՀԿ գործող նախագահի անձնական ներկայացուցչի (ԳՆԱՆ) դաշտային օգնականներ Միխայիլ Օլարուն (Մոլդովա) և Գենադիե Պետրիկան (Մոլդովա):

Սահմանի հակառակ կողմից դիտարկումն իրականացրել են ԵԱՀԿ ԳՆԱՆ անձնական օգնական Սայմոն Թիլերը (Մեծ Բրիտանիա) և ԳՆԱՆ գրասենյակի աշխատակից Մարտին Շուստերը (Գերմանիա):

Դիտարկումն անցել է ըստ նախատեսված ժամանակացույցի:

Դիտարկման առաքելությանը արցախյան կողմից ուղեկցել են Արցախի Հանրապետության արտաքին գործերի նախարարության և պաշտպանության նախարարության ներկայացուցիչները:

 

22
թեգերը:
Ադրբեջան, Արցախ
Ըստ թեմայի
Հայաստանի նոր կառավարությունից ակնկալիքներ կան Արցախի հարցի վերաբերյալ. ԵԱՀԿ ղեկավար
Փաշինյան–Ալիև հանդիպման մանրամասները վարչապետը ներկայացրել է ԵԱՀԿ ՄԽ համանախագահներին
Ադրբեջանը ԵԱՀԿ-ին չի տեղեկացրել սպասվող խոշոր զորավարժությունների մասին
ԵԱՀԿ ՄԽ հայտարարությունը Ադրբեջանի սպասումներին համահունչ էր. քաղաքագետ