Ֆրանկոֆոնիայի 2018 թ. լավագույն երիտասարդ գործարարը

Աֆրիկա՛, գալիս ենք. հայկական բիզնեսի համար «ֆրանկոֆոն» պատուհան կբացվի

182
Միասնական ցանցում կարող են շփվել գրեթե 90 ֆրանսախոս երկրների գործարարներ։

ԵՐԵՎԱՆ, 25 հունվարի — Sputnik. ՄԱԿ-ը կօգնի հայ գործարարներին ստեղծել ֆրանկոֆոն աշխարհի գործընկերների հետ կոնտակտների ցանց։

Այս մասին Sputnik Արմենիային ասաց Եվրամիությունում ՄԱԿ—ի արդյունաբերական զարգացման կազմակերպության (UNIDO) ներկայացուցիչ Պատրիկ Ժիլաբերը։

UNIDO-ն մեծ ծրագրեր ունի՝ ստեղծել Ֆրանկոֆոնիայի գործարարների պրոֆեսիոնալ ցանց։ Հայաստանցի գործարարները կկարողանան նոր գործընկերների գտնել գրեթե 90 երկրներում։

Ոչ ոքի համար գաղտնիք չէ, որ Ֆրանսիայում, Բելգիայում կամ Կանադայում բազում հայեր կան։ Սակայն հայ գործարարներն այստեղից ցրվում են աշխարհի ամենաանհավանական անկյուններ, որտեղ ֆրանսերեն են խոսում։ Նման «աֆրիկյան գյուտարարի» մասին արդեն գրել ենք։

«Կարծում ենք՝ նման ցանցը կարող է շատ օգտակար լինել Հայաստանի համար։ Ձեր գործարարները կկարողանան ամրապնդել կապերը Աֆրիկայի ու Ֆրանկոֆոնիայի այլ երկրների շուկաների հետ», - ավելացրեց Ժիլաբերը։

Նախագծի գաղափարը քննարկել են բիզնես-ֆորումում, որն անցկացվել է Երևանում Ֆրանկոֆոնիայի գագաթնաժողովի շրջանակում նախորդ տարվա հոկտեմբերին։ Հիմա նախագծին աջակցելու մասին խոսակցություններ են վարում Եվրահանձնաժողովի հետ։

182
Ըստ թեմայի
Հայաստանը Ֆրանկոֆոնիայի երկրների թվային տնտեսության համար հարթակ կստեղծի
Լուիզ Միշիկիվաբոն դարձավ Ֆրանկոֆոնիայի գլխավոր քարտուղարը
Հանդիպումներ բարձրաստիճան անձանց հետ. Ֆրանկոֆոնիայի գագաթնաժողովը շարունակվում է
«Ապրել միասին»․ Ֆրանկոֆոնիայի գագաթնաժողովի երևանյան համերգը համաշխարհային մասշտաբի էր
Արայիկ Հարությունյան

Արցախում արտակարգ իրավիճակը երկարացվեց ևս մեկ ամսով

47
(Թարմացված է 15:37 11.07.2020)
Վերջին 1 օրում Արցախում կորոնավիրուսի նոր դեպք չի հայտնաբերվել։ Հուլիսի 11-ի դրությամբ ընդհանուր հաստատված դեպքերի քանակը 146 է:

ԵՐԵՎԱՆ, 11 հուլիսի – Sputnik. Արցախի նախագահ Արայիկ Հարությունյանը հրամանագիր է ստորագրել, որով ԱՀ-ում հայտարարված արտակարգ իրավիճակի ժամկետը երկարաձգվել է։

Հիշեցնենք՝ Արցախում կորոնավիրուսի համաճարակով պայմանավորված արտակարգ իրավիճակ էր հայտարարվել 2020 թվականի ապրիլի 12-ից մինչև հուլիսի 11-ը:

Նախագահի նոր հրամանագրով այն երկարաձգվել է ևս 32 օրով` 2020 թվականի հուլիսի 11-ից, ժամը 22:00-ից մինչև 2020 թվականի օգոստոսի 12-ը, ժամը 22:00-ը ներառյալ։

Նշենք, որ վերջին 1 օրում Արցախում կորոնավիրուսի նոր դեպք չի հայտնաբերվել: Հուլիսի 11-ի դրությամբ ընդհանուր հաստատված դեպքերի քանակը 146 է:

Նրանք պայքարում են կորոնավիրուսային դժոխքում. մի քանի ժամ վերակենդանացման բաժանմունքում

Այս պահին մեկուսացված է 84 մարդ, հիվանդությունը փաստացի հաղթահարում է 27 քաղաքացի: Հիվանդներից մեկի առողջական վիճակը գնահատվում է ծանր, ևս մեկինը՝ միջին ծանրության: COVID-19 ախտորոշմամբ մյուս վարակակիրների առողջական վիճակը բավարար է:

Ընդհանուր առմամբ կատարվել է 2639 թեստավորում:

489 նոր դեպք` մեկ օրում. Հայաստանում կորոնավիրուսով վարակվածների թիվը հասավ 31 392-ի


  

47
թեգերը:
Արտակարգ դրություն, կորոնավիրուս, Արցախ
թեմա:
Կորոնավիրուսը Հայաստանում և Արցախում
Ըստ թեմայի
Նիդեռլանդները Հայաստանին 200 000 եվրո է հատկացրել կորոնավիրուսի դեմ պայքարի համար
Գյումրիում կորոնավիրուսի նոր օջախ է հայտնաբերվել. թիրախում մանկատան սաներն են
«Լոռի» ֆուտբոլային ակումբի անդամներից 17–ը վարակվել են կորոնավիրուսով
Մարտական հենակետ, արխիվային լուսանկար

Ադրբեջանը շարունակում է կրակել Արցախի ուղղությամբ. քանի՞ կրակոց է հնչել շփման գծում

28
(Թարմացված է 15:08 11.07.2020)
Հակառակորդը նախորդ շաբաթվա համեմատ քչացրել է կրակոցների թիվն ու հրադադարի ռեժիմի խախտումները։

ԵՐԵՎԱՆ, 11 հուլիսի – Sputnik. Ադրբեջանը հուլիսի 5-ից 11-ն ընկած ժամանակահատվածում, արցախա-ադրբեջանական հակամարտ զորքերի շփման գոտում, հրադադարի պահպանման ռեժիմը խախտել է ավելի քան 150 անգամ։ Տեղեկությունը հայտնում է Արցախի պաշտպանության նախարարությունը։

«Հակառակորդը տարբեր տրամաչափի հրաձգային զինատեսակներից հայ դիրքապահների ուղղությամբ արձակել է շուրջ 1800 կրակոց»,– նշված է հաղորդագրության մեջ:

ՊԲ առաջապահ զորամասերը հետևում են հրադադարի պահպանման ռեժիմին և շարունակում վստահորեն իրականացնել իրենց առջև դրված մարտական խնդիրը:

Հիշեցնենք, որ նախորդ շաբաթվա ընթացքում Ադրբեջանը հրադադարի ռեժիմը խախտել էր ավելի քան 200 անգամ ու հայ դիրքապահների ուղղությամբ արձակել շուրջ 2000 կրակոց։

Արցախի ՊՆ–ն հերքում է ադրբեջանցիների տարածած լուրը

28
թեգերը:
հրադադար, կրակոց, Սահման, Ադրբեջան, Արցախ
թեմա:
Սահմանին տիրող իրավիճակը
Ըստ թեմայի
Մնացականյանն Արցախի ղեկավարությանն է ներկայացրել կարգավորման գործընթացի զարգացումները
Արցախի անվտանգությունը երբեք վտանգի տակ չի դրվի. Մնացականյանը` բանակցությունների մասին
ՀՀ նախագահն ու վարչապետը Արցախի կողքին են. Արմեն Սարգսյանը` 4 հիմնասյան մասին
Արման Սարգսյան

ՀՀ ոստիկանապետը ծառայողական քննություն է նշանակել իր նախորդին վերաբերող նյութերի հիման վրա

0
(Թարմացված է 20:49 11.07.2020)
Քննությունն ավարտվել է և, համաձայն ոստիկանության հրապարակած արդյունքների, հաստատվել է, որ Արման Սարգսյանի հրամաններով անվանական զենքերով են պարգևատրվել ոստիկանության ոչ թե 51, այլ 7 ծառայողներ:

ԵՐԵՎԱՆ, 11 հուլիսի – Sputnik. ՀՀ ոստիկանության պետ Վահե Ղազարյանի՝ հուլիսի 7-ի հրամանով ծառայողական քննություն է անցկացվել ոստիկանության նախկին պետ Արման Սարգսյանի վերաբերյալ մամուլում առկա որոշ տեղեկությունների վերաբերյալ: Ըստ ՀՀ ոստիկանության հրապարակած հաղորդագրության` քննության արդյունքում հաստատվել է, որ Արման Սարգսյանի հրամաններով ոստիկանության 7 ծառայողներ պարգևատրվել են անվանական զենքերով:

«Արձանագրվել է, որ հիշյալ ծառայողների զենքով պարգևատրումները հիմնավորված են, մասնավորապես՝ դրանք տրվել են ՀՀ ոստիկանությունում երկարամյա, օրինակելի և անբասիր ծառայության, ինչպես նաև ծառայողական պարտականությունները կամ հատուկ առաջադրանքները բարեխիղճ կատարած ծառայողներին, ինչը վկայում է, որ ՀՀ ոստիկանության պետի հրամանները բացառապես բխել են օրենսդրական պահանջներից և եղել են իրավաչափ»,- ասված է ոստիկանության հաղորդագրության մեջ:

Կայքերից մեկը գրել էր, որ պարգևատրվել են ոստիկանության 51 ծառայողներ, որոնց թվում՝ անձինք, որոնք ըստ կոչումների ենթակա չեն նման պարգևատրման: Նույն հրապարակման համաձայն` ՀՀ ոստիկանության նախկին պետ Ա. Սարգսյանն ու ոստիկանության պետի տեղակալներ Ա. Մարտիրոսյանն ու Հ. Մհրյանը 30 միլիոն դրամ են դուրս գրել ոստիկանության ծառայողներին հավելավճարներ վճարելու համար, բայց այդ գումարը ևս նպատակին չի ծառայել:

Ծառայողական քննության ընթացքում պարզվել է, որ այս տեղեկությունը ևս իրականությանը չի համապատասխանում:

«ՀՀ ոստիկանության գաղտնագրված ծառայողների աշխատանքի վարձատրությունը յուրաքանչյուր ամիս կատարվում է օրենսդրությամբ սահմանված կարգով, ժամկետներում և չափով, ու ամենևին համեմատելի չէ հրապարակված գումարի հետ»,- նշված է ոստիկանության հաղորդագրության մեջ:

Քննության ընթացքում վճարումների բոլոր հասցեատերերը հայտնաբերվել են:

Իսկ ապատեղեկատվություն հրապարակած կայքի տնօրենն ասել է, որ հրապարակման հետ կապված հանցագործության վերաբերյալ հաղորդում ներկայացնել չի ցանկանում, հիշյալ տեղեկություններն ապացուցող փաստական տվյալներ չի կարող ներկայացնել, նշված տեղեկությունն էլ հրապարակել է կայքի նկատմամբ հետաքրքրությունը մեծացնելու ակնկալիքով:

Ինչո՞ւ են 1․8 մլն դրամով պարգևատրվել Երևանի քաղաքապետարանի պաշտոնյաները․ պարզաբանում

Հիշեցնենք՝ Արման Սարգսյանը Հայաստանի ոստիկանության պետի պաշտոնից ազատվեց ՀՀ վարչապետի՝ հունիսի 8-ի հրամանով: Նույն օրը նրան այդ պաշտոնում փոխարինեց ներկայիս ոստիկանապետ Վահե Ղազարյանը:

«Կորոնավիրուսն էլ կանցնի...». պարգևատրումներ նախագահականում. լուսանկարներ

0
թեգերը:
Վահե Ղազարյան, Արման Սարգսյան, Ոստիկանություն, Հայաստան
Ըստ թեմայի
Քննչական կոմիտեի 32 աշխատակից դիմակ չկրելու համար զրկվել են մեկ ամսվա պարգևավճարից
«Narek Sargsyan» օգտատերը հայհոյել է ուղիղ եթերում. քրգործն ուղարկվել է դատարան
«Շտապօգնության» բոլոր աշխատակիցները դրամական պարգևներ են ստացել «Տաշիր» ընկերությունից