Հայ–ռուսական Լազարյան ակումբ

Ղարաբաղը պետք է անմիջականորեն մասնակցի բանակցություններին. Կազիմիրով

224
Բանակցությունների նախնական ձևաչափը ենթադրում էր Ղարաբաղի մասնակցություն, ու 1994 թվականի հրադադարի պայմանագիրը երեք կողմերն են ստորագրել` Հայաստանը, Ադրբեջանն ու Ղարաբաղը։

ԵՐԵՎԱՆ, 30 նոյեմբերի — Sputnik. Լեռնային Ղարաբաղը պետք է անմիջականորեն մասնակցի ղարաբաղյան հակամարտության կարգավորման բանակցություններին։ Այս մասին լրագրողների հետ զրույցում ասաց ԵԱՀԿ Մինսկի խմբի նախկին համանախագահ Վլադիմիր Կազիմիրովը։

Նա հիշեցրեց` բանակցությունների նախնական ձևաչափը Ղարաբաղի մասնակցություն ենթադրում էր, ու 1994 թվականի հրադադարի համաձայնագիրը երեք կողմերն են ստորագրել` Հայաստանը, Ադրբեջանն ու Ղարաբաղը։

«Այդ հակամարտության կոնֆիգուրացիան զգալիորեն տարբերվում է  հետխորհրդային տարածքի մյուս հակամարտություններից։ Բոլոր դեպքերում իրավիճակը դասական է` կա երկու կողմ։ Իսկ այստեղ հնարավոր չէ սահմանափակվել երկու կողմով։ Ղարաբաղը հակամարտության կողմ է, հետևաբար պետք է մասնակցի բանակցություններին։ Ինձ համար դա ակնհայտ է», – ընդգծեց Կազիմիրովը։ 

Այլ հարց է, որ ադրբեջանական կողմը ոչ մի կերպ չի ուզում դա անել, ու վերջին 20 տարիներին բանակցությունները երկկողմ ձևաչափով են ընթանում։

Կազիմիրովը կարծում է նաև, որ Ադրբեջանը փորձում է առաջին պլան մղել, այսպես կոչված, «գրավյալ հողերի» ազատագրումը, սակայն դա հնարավոր չէ առանց հայկական կողմին պատասխան զիջումներ անելու։

«Իսկ Ադրբեջանի ներկայիս ղեկավարությունն այդ զիջումները չի ուզում անել։ Ավելին` Բաքուն մշտապես սաբոտաժի է ենթարկում ԵԱՀԿ Մինսկի խմբի համանախագահների կառուցողական առաջարկները` դիպուկահարների հեռացման, միջադեպերի հետաքննության մեխանիզմների ներդրման մասին և այլն», –ասաց նա։

Նրա խոսքով` այնպիսի տպավորություն է ստեղծվում, որ ադրբեջանական կողմին պետք է անընդհատ լարել իրավիճակը։

224
թեգերը:
Արցախ
թեմա:
Ղարաբաղյան հակամարտություն (385)
Ըստ թեմայի
«Սասնա ծռերի» դեբյուտը. Արցախի միացում, օտարերկրյա գործակալների բացահայտում և Ռուսաստան
Լեհաստանի մայրաքաղաքում հայերին ստիպել են թաքցնել Արցախի դրոշը
ԵԱՀԿ–ն դիտարկում է անցկացնելու Արցախի և Ադրբեջանի սահմանին
ԵԱՀԿ Մինսկի խումբ

ԵԱՀԿ Մինսկի խումբը նոր հայտարարություն է տարածել. ի՞նչ են պայմանավորվել Ժնևում

1143
(Թարմացված է 01:38 31.10.2020)
Հայտարարության մեջ նշվում է, որ կողմերն ակտիվորեն պետք է մասնակցեն զոհվածների աճյունների փոխանակման գործընթացին և մեկ շաբաթվա ընթացքում տրամադրեն իրենց մոտ գտնվող ռազմագերիների ցանկը։

ԵՐԵՎԱՆ, 31 հոկտեմբերի – Sputnik. Ժնևում կողմերը պայմանավորվել են միջազգային մարդասիրական իրավունքին համապատասխան միտումնավոր հարձակումներ չգործել քաղաքացիական բնակչության կամ ոչ ռազմական օբյեկտների վրա։ Պայմանավորվածության մասին նշված է ԵԱՀԿ Մինսկի խմբի համանախագահների տարածած համատեղ հայտարարության մեջ։

Հոկտեմբերի 30-ին Ժնևում համանախագահներն առանձին և միացյալ հանդիպումներ են անցկացրել Հայաստանի արտգործնախարար Զոհրաբ Մնացականյանի և Ադրբեջանի արտգործնախարար Ջեյհուն Բայրամովի հետ: Հանդիպումներին մասնակցել է նաև ԵԱՀԿ գործող նախագահի անձնական ներկայացուցիչ Անջեյ Կասպշիկը: Նրանք նաև խորհրդակցություններ են անցկացրել ՄԱԿ-ի Փախստականների հարցերով գերագույն հանձնակատար Ֆիլիպո Գրանդիի և ԿԽՄԿ-ի նախագահ Պետեր Մաուրերի հետ:

Համանախագահները կրկին կոչ են արել կողմերին ամբողջությամբ կատարել իրենց պարտավորությունները` ներառյալ հումանիտար հրադադարի անհապաղ հաստատումը։

Առանց վնաս հասցնելու կրակի դադարեցման կամ այլ պարտավորությունների կատարման շուրջ ձեռք բերված համաձայնությանը՝ կողմերը պայմանավորվել են շտապ կարգով մի շարք քայլեր ձեռնարկել։

«Կողմերը միտումնավոր հարձակումներ չեն գործի քաղաքացիական բնակչության կամ ոչ ռազմական օբյեկտների վրա»,- շեշտվում է հայտարարության մեջ։

Նշվում է նաև, որ կողմերն ակտիվորեն պետք է մասնակցեն զոհվածների աճյունների փոխանակման գործընթացին՝ աջակցության համար անվտանգության անհրաժեշտ երաշխիքներ ապահովելով ԿԽՄԿ-ի և ԵԱՀԿ գործող նախագահի անձնական ներկայացուցչին։  Կողմերը պետք է նաև մեկ շաբաթվա ընթացքում տրամադրեն իրենց մոտ գտնվող ռազմագերիների ցանկը` նրանց տեսակցելու և հետագայում փոխանակելու համար։ 

Կողմերը պետք է նաև հրադադարի վերիֆիկացիոն մեխանիզմների հետ կապված գրավոր մեկնաբանություններ ներկայացնեն։

Համանախագահները շարունակելու են ինտենսիվ աշխատանքը կողմերի հետ՝ փորձելով գտնել հակամարտության խաղաղ կարգավորման ուղիներ։

​Հիշեցնենք` Հայաստանի և Ադրբեջանի արտգործնախարարներ Զոհրաբ Մնացականյանն ու Ջեյհուն Բայրամովը հոկտեմբերի 9–ին Մոսկվա էին մեկնել` խորհրդատվություններ անցկացնելու։ ՌԴ արտգործնախարար Սերգեյ Լավրովի հետ համատեղ հանդիպումը տևեց գրեթե 11 ժամ և ավարտվեց համաձայնագրի ընդունմամբ, որը հակամարտության կարգավորման չորս կետ է պարունակում։

Մասնավորապես, կողմերը պայմանավորվեցին, որ հոկտեմբերի 10-ին, ժամը 12։00-ից սկսած հումանիտար նպատակներով հրադադար կհաստատվի ռազմագերիներին, այլ պահվող անձանց և զոհվածների մարմինները փոխանակելու համար՝ Միջազգային Կարմիր խաչի չափանիշներին համապատասխան։ Հրադադարի վերաբերյալ պայմանավորվածությունից հետո Ադրբեջանը շարունակեց հրետակոծել Արցախը։

Հոկտեմբերի 17-ին ՀՀ արտգործնախարարությունը հայտնեց, որ Հայաստանի Հանրապետությունը և Ադրբեջանի Հանրապետությունը երկրորդ պայմանավորվածությունն են ձեռք բերել. որոշվել է հոկտեմբերի 18-ին, տեղական ժամանակով ժամը 00:00-ից հաստատել մարդասիրական զինադադար։

Արցախի ՊԲ–ն, սակայն, հոկտեմբերի 18-ի առավոտյան տեղեկացրեց, որ 07:20-ի սահմաններում հրետանային ակտիվ կրակից հետո ադրբեջանական զինուժը հարավային ուղղությամբ անցել է հարձակման: Երկուստեք եղել են զոհեր ու վիրավորներ: 

Հոկտեմբերի 26-ին ՀՀ ԱԳՆ–ն հայտարարեց, որ Հայաստանի և Ադրբեջանի արտգործնախարարները հումանիտար հրադադարի հաստատման երրորդ ժամկետի մասին են պայմանավորվել, որը պետք է ուժի մեջ մտներ 2020թ. հոկտեմբերի 26-ին, տեղական ժամանակով 08:00-ին։ Սակայն Ադրբեջանը խախտեց նաև երրորդ պայմանավորվածությունը։

1143
թեգերը:
ԵԱՀԿ Մինսկի Խումբ, Ադրբեջան, Հայաստան
Ըստ թեմայի
«Մենք «Չեխոսլովակիան» չենք պատրաստվում զիջել ոչ մեկին». Փաշինյանը` փոխզիջումների մասին
Օպտիմալ լուծումը ռուս խաղաղապահների տեղակայումն է. Նիկոլ Փաշինյան
Այս պահին կա 2 գերխնդիր. Դավիթ Բաբայանը` Շուշիի, առաջնագծի և դիվանագիտական աշխատանքի մասին
Սմարթֆոնով երիտասարդ

Հնարավոր է՝ Ադրբեջանը հող է պատրաստում Բերձորի հիվանդանոցին հարվածելու համար. Արցախի ՄԻՊ

167
(Թարմացված է 00:49 31.10.2020)
Ադրբեջանական կառավարության հետ փոխկապակցված էջերից մեկով կեղծ լուսանկարներ են տարածվում։

ԵՐԵՎԱՆ, 31 հոկտեմբերի - Sputnik. Ադրբեջանական ֆեյսբուքյան օգտահաշիվներից մեկը կեղծ լուսանկարներ է տարածում՝ պնդելով, թե Բերձորի հիվանդանոցը ռազմական նպատակներով է օգտագործվում։ Տեղեկությունը Twitter-ի իր էջում հայտնում է Արցախի Մարդու իրավունքների պաշտպան Արտակ Բեգլարյանը։ Նրա խոսքով՝ նշված օգտահաշիվը փոխկապակցված է Ադրբեջանի կառավարության հետ։

«Հրապարակել է նկարներ՝ պնդելով, թե իբր Բերձորի հիվանդանոցն օգտագործվում է ռազմական նպատակներով։ Սա ամբողջությամբ կեղծ է, և կարող է այս հիվանդանոցին ևս հարվածելու նախապատրաստություն լինել»,- գրել է Բեգլարյանը։

167
թեգերը:
Ադրբեջան, Արցախ
թեմա:
Ադրբեջանական ագրեսիան Արցախում - 2020
Ըստ թեմայի
Ադրբեջանն ունի գերճշգրիտ խոցման միջոցներ, խաղաղ բնակչությանը սխալմամբ չի կարող հարվածել
Ինչպիսի ԱԹՍ–ներ է կիրառում Ադրբեջանը
Ըստ այս պահի տվյալների` Ադրբեջանն օգտագործում է ֆոսֆոր պարունակող զենք. տեսանյութ