ԵՐԵՎԱՆ, 22 նոյեմբերի — Sputnik. «Այս կառավարությունն ունի բավական ամուր մանդատ, և դա միայն ավելացնում է վճռականությունն ինքնավստահ գործելու բոլոր հարցերում՝ ներառյալ ԼՂ խաղաղ կարգավորման գործընթացում, որը գերակա խնդիր է, որովհետև առնչվում է անմիջապես մեր անվտանգությանը»: Այս մասին «Առավոտ» օրաթերթին տված հարցազրույցում ասել է ՀՀ արտգործնախարարի պաշտոնակատար Զոհրաբ Մնացականյանը` պատասխանելով հարցին, թե Հայաստանում իշխանափոխությունից հետո որոշ պաշտոնական հայտարարություններ հիմք ընդունելով՝ կարելի է ասել, որ ԼՂ խնդրով ՀՀ-ի կողմից ինչ-որ քայլեր են ակնկալվում:

© Sputnik / Владимир Песня

«Երևանն ու Բաքուն պետք է պայմանավորվեն». Զախարովան` Ադրբեջանի առաջարկության մասին

«Դրանք հայտարարություններ են, որոնք պետք է ընկալել որպես գործառույթ, որը նպաստում է այն միջավայրին, որի շրջանակներում հնարավոր է առաջընթաց ապահովել: Եթե մենք սա ընկալենք որպես ազդակ, որ հիմա Հայաստանը միակողմանի զիջումների է գնալու, և ԼՂ հարցը տանուլ է տրվելու՝ նման կարգի զրույց վարելը նույնիսկ հետաքրքիր չէ: Եթե խոսքն այն մասին է, որ այս կառավարությունն արտահայտել է շատ հստակ իր պատրաստակամությունը աշխատելու բացառապես խաղաղ կարգավորման ուղղությամբ, այո՛, այդպես է»,–ասել է Մնացականյանն ու հավելել, որ մինչև տարեվերջ նախատեսվում է արտգործնախարարների մակարդակով ևս մեկ հանդիպում անցկացնել:

ՀՀ արտգործնախարարի պաշտոնակատարի կարծիքով` չափազանց էական պահ էր, որ Դուշանբեում հանդիպեցին Հայաստանի վարչապետն ու Ադրբեջանի նախագահը, երբ հնարավոր դարձավ գործնականում ձեռք բերել ռիսկերի նվազմանը վերաբերող համաձայնություններ: «Հիշենք, զարգացումներ կային Նախիջևանի ուղղությամբ: Հիմա սկզբունքորեն կա էսկալացիայի նվազում, մենք պնդում ենք, որ հռետորաբանությանն ուշադրություն դարձվի, գործընթացը շարունակական է լինելու: Բայց ուզում եմ վճռականորեն պնդել, որ ոչ ոք չհամարի, թե հնարավոր է լինեն ինչ-որ իրավիճակներ, երբ արվի ԼՂ ժողովրդի անվտանգությանը, ՀՀ շահերին վնասող որևէ քայլ»,–ընդգծել է Զոհրաբ Մնացականյանը:

© Sputnik / Murad Orujov

Կրքերը բորբոքվում են. Ադրբեջանը բողոքի նոտա կհղի ԱՄՆ–ին` Բակո Սահակյանի այցի հետ կապված

Անդրադառնալով Դուշամբեում հրադադարի ռեժիմի խախտումները կանխելու մասին ձեռք բերած բանավոր հայտարարությունների կարևորությանը` նախարարի պաշտոնակատարը նշել է, որ զինադադարի պահպանման ամենակարևոր փաստաթուղթը եղել և մնում է 1994թ.–ին կնքվածը` ԼՂՀ ներկայացուցչի ստորագրությամբ, և մենք ապավինում ենք և շարունակելու ենք հղում կատարել այդ փաստաթղթին:

«Բայց 1994թ.-ից ի վեր մենք ունենք պատմություն, այսինքն՝ եթե հարցը վերաբերում է նրան, թե ինչու է սա պետք, եթե կա 1994թ. փաստաթուղթը, ճիշտ եք ասում՝ 1994թ. փաստաթուղթը կա: Բայց կա նաև իրականություն. 2014թ. ի վեր սկսվեց խիստ ընդգծված լարվածության աճ, իսկ 2016թ. ապրիլին՝ քառօրյա ադրբեջանական ագրեսիան Լեռնային Ղարաբաղի դեմ: 2018թ. ընթացքում ունեցանք զարգացումներ, որոնք կարող էին հանգեցնել նոր էսկալացիայի, Նախիջևանի ուղղությամբ իրավիճակը չափազանց մտահոգիչ էր: Մենք չէինք կարող թույլ տալ, որ որևէ զարգացում լիներ, որը կարող էր նպաստել նոր էսկալացիայի, և այդ ուղղությամբ աշխատելը մշտական մարտահրավեր է, դրա համար ենք մենք ընդգծում ռիսկերի նվազեցման գործառույթը որպես կարևորագույն բաղադրիչ»,–պատասխանել է Մնացականյանը:

© Photo / official site of the Prime minister of RA

ԵԱՀԿ համանախագահները ողջունում են երկխոսության գնալու Երևանի ու Բաքվի պատրաստակամությունը

Իսկ 2014թ.-ից Ադրբեջանի ավելի ագրեսիվ կեցվածքին ի պատասխան արտգործնախարարի պաշտոնակատարն ունի իր տեսակետը։

«Մեկ բան պետք է հստակ ընդունել՝ չկա ռազմական լուծում: Ռազմական լուծումը կնշանակի՝ ավերածություններ ամբողջ տարածաշրջանի համար, կյանքերի կորուստ: Միևնույն ժամանակ չի լինելու իրավիճակ, երբ Հայաստանը և Լեռնային Ղարաբաղը բանակցեն թույլի դիրքերից: Այսինքն՝ Դուշանբեն քայլ էր՝ ուժեղացնելու ռիսկերի նվազեցումը, խաղաղությանը նպաստող միջավայրն ուժեղացնելու, բանակցությունների ավելի լավ միջավայր ստեղծելու, քայլ՝ վստահություն ստեղծելու ուղղությամբ»,–ասել է Մնացականյանը։

Խոսելով շփման գծում հետաքննության մեխանիզմներ ներդնելու պահանջի անտեսման մասին Զոհրաբ Մնացականյանն ընդգծել է, որ Վիեննայի և Սանկտ Պետերբուրգի պայմանավորվածությունները չեն կարող օրակարգից դուրս մնալ, որովհետև դրանք ռիսկերի նվազեցմանն ուղղված գործառույթներ են, և մենք դրանց պահպանման ու իրականացման վրա պնդելու ենք:

ԵՐԵՎԱՆ, 5 մարտի - Sputnik. Հայաստանում կորոնավիրուսով վարակվածների թիվը վերջին մեկ օրում ավելացել է 442–ով և դարձել 173 749։ Տեղեկությունը հայտնում է Հիվանդությունների վերահսկման և կանխարգելման ազգային կենտրոնը։

Այս պահին փաստացի բուժում է ստանում 5249 մարդ, կատարվել է 744863 թեստավորում, առողջացել են վարակվածներից 164463-ը։ Գրանցվել է մահվան 3215 դեպք (+7)։ Կորոնավիրուսով վարակված, բայց այլ պատճառով մահացածների թիվը վերջին մեկ օրում ավելացել է 2-ով և հասել 822-ի։

© Sputnik / Andranik Ghazaryan

Դիմակներն իզուր եք պահել. «կորոնավիրուսային տուգանքները» կվերադառնան

Հիշեցնենք` 2020թ.–ի մարտի 16–ից Հայաստանում արտակարգ դրություն էր սահմանված, որը մի քանի անգամ երկարաձգվեց և տևեց մինչև սեպտեմբերի 11–ը։ Երկարաձգված արտակարգ դրության պայմանները որոշակի փոփոխությունների ենթարկվեցին։

Տնտեսական շատ գործունեություններ թույլատրվեցին, բայց սահմանվեցին պարտադիր պահանջներ։

Հանրային բաց տարածքներում դիմակ դնելը պարտադիր էր։ Դիմակ կարող էին չդնել միայն մինչև 6 տարեկան երեխաները, հեծանիվ վարողները, ֆիզիկական վարժություններ անողները և խրոնիկ շնչառական հիվանդություններ ու սրտային անբավարարություն ունեցողները։

2020թ.–ի սեպտեմբերի 11–ին ՀՀ կառավարությունը որոշեց, որ երկրում սեպտեմբերի 12–ից մինչև 2021թ.–ի հունվարի 11–ը կգործի կարանտինի ռեժիմ։ Որոշ սահմանափակումներ մեղմացվեցին, բայց հասարակական վայրերում դիմակ դնելու պահանջը շարունակեց գործել։

Գիտնականներն ասել են, թե մարդկությունը քանի տարի է կորցրել կորոնավիրուսի պատճառով

Հաշվի առնելով կորոնավիրուսի 3–րդ ալիքի գոյությունն աշխարհում և այն փաստը, որ Հայաստանում վարակակիրների թիվը շարունակում է բարձր մնալ` 2021թ.–ի հունվարի 11–ին ՀՀ կառավարությունը որոշեց երկրում կարանտինային ռեժիմը երկարաձգել ևս 6 ամսով։ Այն կտևի մինչև 2021թ.–ի հուլիսի 11–ը։