ԵՐԵՎԱՆ, 15 հուլիսի — Sputnik. Մենք պետք է ցանկացած պահի զգոն լինենք ու պատրաստ` Ադրբեջանի կողմից պրովոկացիային անհրաժեշտ հակազդեցություն ցույց տալու համար։
Այս մասին, պատասխանելով ֆեյսբուքյան օգտատերերի`սահմանում նկատվող լարվածության մասին հարցին, ասաց ՀՀ վարչապետը:
«Սահմանում ադրբեջանական զինուժի կուտակումներն այնքան սովորական են դարձել, որ հայկական զինուժը դրանք չի նկատում»,- ասաց Փաշինյանը` միաժամանակ հավելելով, որ Հայաստանն ու Արցախը պետք է ցանկացած պահի պատրաստ լինեն պաշտպանվելու և հակահարված տալու:
«Հայ ժողովուրդն Արցախում և Սփյուռքում համախմբված է ավելի, քան երբևէ, և սա երաշխիքն է անվտանգության: Ադրբեջանի ոտնձգության դեպքում մենք բոլոր ռեսուրսները կներդնենք ՀՀ և Արցախի պաշտպանության համար»,- ասաց վարչապետը:
Անդրադառնալով վերջն օրերին Ադրբեջանից տարբեր մակարդակներով հնչող ռազմատենչ հռետորաբանությանը`ՆիկոլՓաշինյանն ասաց, որ Ադրբեջանն ագրեսիվ է բառապաշարի և ժեստիկուլյացիայի մակարդակում: Բայց այդ իրավիճակը պետք չէ ո՛չ գերագնահատել, ո՛չ էլ` թերագնահատել:
«Ցանկացած հայ, աշխարհի տարբեր կողմերում, պատրաստ է Հայրենիքի պաշտպանությանը: Եվ մենք պետք է ցույց տանք, որ ոչինչ չենք խնայի Հայրենիքի պաշտապնության համար»,- ասաց Փաշինյանը:
Պատասխանելով այլ հարցերի նա նաև նշեց, ՀՀ ՊՆ-ն պատրաստակամ է դիտարկել հայրենիքի պաշտպանությանն աջակցելու ցանկացած դիմում:
Ավարտելով խոսքը` ՀՀ վարչապետը վերահսատատեց. Հայաստանն ու սփյուռքը պատրաստակամ են նյութապես ու ֆիզիկապես աջակցել Արցախի պաշտպանությանը:
