Արցախը` բանակցություններում. Ադրբեջանին պետք է «համոզել» ԵԱՀԿ Մինսկի խմբի միջոցով
(Թարմացված է 18:42 15.07.2018)
Արցախի վերաբերյալ բանակցային գործընթացն ընթանում է ԵԱՀԿ Մինսկի խմբի շրջանակում, ՆԱՏՕ-ի շրջանակում հայտարարությունները զգալիորեն չեն ազդում այդ գործընթացի վրա։ԵՐԵՎԱՆ, 13 հուլիսի — Sputnik. Հայաստանը պետք է որոշակի ճնշում գործադրի համանախագահների վրա, որպեսզի ստանա Ադրբեջանի համաձայնությունը Ստեփանակերտի մասնակցությունը բանակցային գործընթացում վերականգնելու համար, Sputnik Արմենիային ասաց քաղաքագետ Սուրեն Սարգսյանը։
Նրա խոսքով՝ Ստեփանակերտը բանակցային սեղանի շուրջ վերադարձնելու մասին Ազգային ժողովում արված Փաշինյանի հայտարարությունը տրամաբանական էր։
«Մենք չենք կարող որոշել Արցախի ճակատագիրը՝ չհարցնելով նրա ժողովրդին։ Դա բացառված է», — ասաց Սարգսյանը։
Դա նշանակում է, որ Արցախը բանակցային գործընթացի մեջ ներառելու անհրաժեշտություն կա, առավել ևս` ժամանակին նման ձևաչափ արդեն եղել է։
Այլ հարց է, որ Հայաստանի տրամաբանական առաջարկը տարբեր օբյեկտիվ և սուբյեկտիվ պատճառներով կմերժվի Ադրբեջանի կողմից՝ հաշվի առնելով նաև այդ երկրում տիրող ներքաղաքական իրավիճակը։
«Իհարկե, մենք պետք է նման առաջարկ անենք։ Համանախագահների վրա պետք է որոշակի ճնշում գործադրվի, որպեսզի նրանք իրենց հերթին ազդեն Ադրբեջանի վրա՝ տրամաբանական ձևաչափը վերականգնելու համար», — ասաց Սարգսյանը։
Նրա խոսքով՝ ներկա պայմաններում հակամարտության կարևոր կողմը բանակցությունների սեղանից բացակայում է։ Միաժամանակ, մինչ այդ պետք է կայանան հանդիպումներ բարձր մակարդում՝ հասկանալու համար, թե որքան հեռու կգնա հայկական կողմի կիրառած ռազմավարությունը։
Սարգսյանը նաև ուշադրություն հրավիրեց ՆԱՏՕ-ի հռչակագրին, որում նշվում է՝ կազմակերպությունը շարունակում է աջակցել Հայաստանի, Ադրբեջանի, Մոլդովայի և Վրաստանի տարածքային ամբողջականությանը, անկախությանը և ինքնավարությանը։
Սարգսյանի խոսքով՝ նման հայտարարությունները ստանդարտ են և չեն ազդում ԵԱՀԿ Մինսկի խմբում բանակցությունների վրա։
«Նախկինում ՆԱՏՕ-ի հայտարարությունները մեզ համար բացասական էին ձևակերպման առումով, հիմա շեշտադրությունները փոխվել են։ Տվյալ դեպքում խոսքն, առաջին հերթին, Վրաստանի և Մոլդովայի մասին է։ Քանի որ Հայաստանի և Ադրբեջանի դեպքում հղումներ կան ՄԱԿ-ի և Հելսինկյան ակտի վրա», — ասաց Սարգսյանը։
Բայց ՆԱՏՕ-ն կամ ՄԱԿ-ն այն կառույցները չեն, որոնք զբաղվում են Արցախի հարցով բանակցություններով։ Կա Մինսկի խումբը, և դա անփոխարինելի հարթակ է։
Սարգսյանի խոսքով՝ պետք է հաշվի առնել, որ հռչակագրերը պարտադիր չեն։ Ավելին, ԱՄՆ-ը և Ֆրանսիան՝ ՆԱՏՕ-ի կարևորագույն անդամները, մտնում են ԵԱՀԿ Մինսկի խմբի մեջ, և նրանց հայտարարություններն այդ ձևաչափի շուրջ հայտնի են։
«Նրանք միշտ հայտարարել են, որ հարցը չունի ռազմական լուծում և պետք է լուծվի երեք սկզբունքների հիման վրա։ Այստեղ ոչ մի վտանգավոր բան չեմ տեսնում, նման ձևակերպումներ դեռ կլինեն», — ասաց Սարգսյանը։
Միաժամանակ պետք է աշխատել, որ ձևակերպումներն ապագայում ավելի շահավետ լինեն Հայաստանի համար, թեև` չարժե դրանց չափազանց մեծ ուշադրություն դարձնել։
Հուլիսի 11-13-ը Նիկոլ Փաշինյանն աշխատանքային այցով Բելգիայի Թագավորությունում էր։ Այնտեղ նա հանդիպել է ԵՄ կառույցների ղեկավարների հետ, Հյուսիսատլանտյան դաշինքի գագաթաժողովի շրջանակում մասնակցել է Աֆղանստանում «Վճռական աջակցություն» առաքելությանը մասնակցող ՆԱՏՕ-ի անդամ և ոչ անդամ պետությունների և կառավարությունների ղեկավարների հանդիպմանը, որտեղ հանդես է եկել ելույթով։
©
Sputnik / Asatur Yesayants
ՆԱՏՕ-ի ամփոփիչ հռչակագրում, որն ընդունվել է Բրյուսելում, նշվում է, որ դաշինքը նախկինի նման հավատարիմ է Հայաստանի, Ադրբեջանի, Վրաստանի և Մոլդովայի տարածքային ամբողջականությանը, անկախությանը և ինքնավարությանն աջակցելուն։
Նշվում է, որ ՆԱՏՕ-ն շարունակում է ջանքեր գործադրել Հարավային Կովկասում, ինչպես նաև Մոլդովայի Հանրապետությունում հակամարտությունների խաղաղ կարգավորման ուղղությամբ այդ սկզբունքների և միջազգային իրավունքի նորմերի, ՄԱԿ-ի կանոնադրության և Հելսինկյան եզրափակիչ ակտի հիման վրա։
ԼՂ–ում 1 օրում մաքրվել է 17 հա տարածք և 5 կմ ճանապարհ. ՌԴ ՊՆ–ն նոր ամփոփագիր է հրապարակել
(Թարմացված է 21:41 04.03.2021)
2020 թ. նոյեմբերի 23-ից ի վեր չպայթած զինամթերքից մաքրվել է 1575 հա տարածք, 493 կմ ճանապարհ։ ԵՐԵՎԱՆ, 4 մարտի - Sputnik. ՌԴ պաշտպանության նախարարության Միջազգային հակաականային կենտրոնի մասնագետները շարունակում են Լեռնային Ղարաբաղի տարածքի ականազերծման աշխատանքները։
«Մեկ օրում մաքրվել է 17 հա տարածք և 4 կմ ճանապարհ, հայտնաբերվել և ոչնչացնելու համար անվտանգ տարածք է տեղափոխվել 27 պայթյունավտանգ առարկա»,- նշված է ՌԴ պաշտպանության նախարարության տարածած հաղորդագրության մեջ։
2020 թ. նոյեմբերի 23-ից ի վեր չպայթած զինամթերքից մաքրվել է 1575 հա տարածք, 493 կմ ճանապարհ, 1549 բնակելի շինություն, այդ թվում՝ 30 հանրային նշանակության օբյեկտ, հայտնաբերվել և վնասազերծվել է 25 072 պայթյունավտանգ առարկա։
Ռուս խաղաղապահ զորախմբի պատասխանատվության գոտում հնարավոր միջադեպերի կանխմանն ուղղված ջանքերը համակարգելու նպատակով շարունակական գործակցություն է պահպանվում Հայաստանի և Ադրբեջանի զինված ուժերի գլխավոր շտաբների հետ:
Հիշեցնենք` 2020թ.–ի նոյեմբերի 9-ին ՌԴ նախագահ Վլադիմիր Պուտինը, ՀՀ վարչապետ Նիկոլ Փաշինյանը և Ադրբեջանի նախագահ Իլհամ Ալիևը համատեղ հայտարարություն են ընդունել ռազմական գործողությունների դադարեցման վերաբերյալ։
Եռակողմ հայտարարության համաձայն` Լեռնային Ղարաբաղի շփման գծի և Լաչինի միջանցքի երկայնքով տեղակայվել է Ռուսաստանի Դաշնության խաղաղապահ զորակազմը ՝ 1960 զինծառայողներով, հրաձգային զենքով, 90 զրահամեքենաներով, 380 միավոր ավտոմոբիլային և հատուկ տեխնիկայով:
Ռուսաստանի Դաշնության խաղաղապահ զորակազմը տեղակայվել է 5 տարի ժամկետով, որից հետո այդ ժամանակահատվածը մեխանիկորեն կերկարաձգվի ևս 5 տարով, եթե կողմերից որևէ մեկը ժամկետի ավարտից 6 ամիս առաջ չհայտարարի տվյալ դրույթի կիրառումը դադարեցնելու մտադրության մասին:
Ղարաբաղում խաղաղապահ գործողության գինն ու վարկանիշը. թվերն ավելի քան խոսուն են
Զախարովան խորհուրդ է տվել գերիների թվի հարցով դիմել ոչ թե իրեն, այլ Երևանին և Բաքվին
(Թարմացված է 19:38 04.03.2021)
Ռուսաստանի ԱԳՆ պաշտոնական ներկայացուցիչ Մարիա Զախարովան ուշադրություն է հրավիրել հայկական և ադրբեջանական կողմերի մոտեցումների զգալի տարբերության վրա, որն առկա է պատերազմի ժամանակ գերեվարված անձանց հարցում:ԵՐԵՎԱՆ, 4 մարտի - Sputnik. Ադրբեջանում գերության մեջ գտնվող հայերի հարցում կողմերի դիրքորոշումները տարբեր են, և ռուսական կողմն այդ մասին բազմիցս խոսել է։ Այսօր կայացած ճեպազրույցի ժամանակ այս մասին ասել է ՌԴ ԱԳՆ պաշտոնական ներկայացուցիչ Մարիա Զախարովան։
©
Photo : provided by Tomasz Lech Buczek
Նա ընդգծել է, որ այդ տվյալները շատ տարբեր են. թվերը, որոնք բարձրաձայնում է պաշտոնական Երևանը, պարբերաբար փոխվում են, իսկ Ադրբեջանից այլ տեղեկատվություն է ստացվում:
«Հաշվի առնելով նման տարաձայնությունները, խորհուրդ ենք տալիս այդ հարցով դիմել անմիջապես ադրբեջանական և հայկական կողմերին։ Ես վստահ եմ, որ նրանք պատրաստ կլինեն տրամադրել սեփական սպառիչ պարզաբանումները», - առաջարկել է ռուս դիվանագետը։
Ադրբեջանը փորձում է գերիների հարցը սակարկել. ՀՀ փոխվարչապետի խոսնակ
Ընդ որում, Զախարովան հայտնել է, որ այսօրվա դրությամբ ռուս խաղաղապահների միջնորդությամբ վերադարձվել է ընդհանուր առմամբ 79 մարդ՝ 63–ը հայկական, 16–ը` ադրբեջանական կողմին:
«Մենք կցանկանայինք օգտվել առիթից և ևս մեկ անգամ ընդգծել ռուսական դիրքորոշումն այդ հարցում. մենք ելնում ենք նրանից, որ փոխանակման օպտիմալ բանաձևը «բոլորը բոլորի դիմաց» սկզբունքն է»,-հիշեցրել է ՌԴ ԱԳՆ ներկայացուցիչը:
Զախարովան կարծում է, որ այդ հարցի շուտափույթ լուծումը թույլ կտա կողմերին «շրջել ողբերգական էջերը հարաբերություններում» և կենտրոնանալ դրական օրակարգի զարգացման վրա, այդ թվում՝ տնտեսական ոլորտում: Նա հիշեցրել է, որ այդ մասին խոսվել է 2021 թվականի հունվարի 11-ին Մոսկվայում Ռուսաստանի, Հայաստանի և Ադրբեջանի ղեկավարների գագաթնաժողովի ընթացքում:
Ադրբեջանական կողմը մանիպուլյացիայի է ենթարկում հայ գերիների ցուցակը. ՀՀ արտգործնախարար
թեգերը:
Պուգաչովան անցել է Անջելինա Ջոլիին. ովքեր են իսկական կանայք` ըստ ռուսաստանցիների
(Թարմացված է 23:49 04.03.2021)
Հանրային կարծիքի ուսումնասիրման համառուսական կենտրոնի հետազոտությունը նվիրված է մարտի 8-ի Կանանց միջազգային օրվան:
ԵՐԵՎԱՆ, 4 մարտի - Sputnik. Ռուսաստանցիներն իսկական կին են համարում Ալլա Պուգաչովային, Սոֆյա Ռոտարուին և Վալենտինա Մատվիենկոյին: Այսպիսին են ՀԿՈւՀԿ–ի (Հանրային կարծիքի ուսումնասիրման համառուսական կենտրոն)` Կանանց միջազգային օրվան՝ Մարտի 8-ին նվիրված հարցման արդյունքները։
ՀԿՈւՀԿ–ի տվյալներով՝ հարցվածների 6 տոկոսը իսկական կին է անվանել Պուգաչովային, 3 տոկոսը՝ Ռոտարուին, ևս 3 տոկոսը՝ Մատվիենկոյին:
©
Sputnik / Екатерина Чеснокова
Բացի նրանցից, ռուսաստանցիներն իսկական կանանց ցուցակում են ներառել Իրինա Խակամադային (2%), Վալերիային (2%), Ալիսա Ֆրեյնդլիխին (2%), Չուլպան Խամատովային (2%) և Անջելինա Ջոլիին (1%):
«ՀԿՈւՀԿ- Sputnik» համառուսաստանյան նախաձեռնողական հարցումն անցկացվել է փետրվարի 14-ին, մարտի 2-3-ին 18-ից բարձր տարիքի 1600 ռուսաստանցիների շրջանում: Հարցումն անցկացվել է հեռախոսով։
Կանանց միջազգային օրն ամեն տարի նշվում է մարտի 8-ին։ Առաջին անգամ տոնի անցկացման գաղափարը ծագել է 20-րդ դարի սկզբին։ Կանանց միջազգային օրը նշվում են կանանց ձեռքբերումները՝ անկախ ազգային կամ էթնիկ, լեզվական, մշակութային, տնտեսական և քաղաքական պատկանելություններից։