Նիկոլ Փաշինյան

Ադրբեջանն օրեցօր ավելի ագրեսիվ է դառնում Հայաստանի նկատմամբ. Փաշինյան

231
(Թարմացված է 16:42 13.07.2018)
Բաքվի ագրեսիայի պատճառը կարող է լինել նաև սեփական ժողովրդի առաջ վախը։ Այսպես թե այնպես, ուժի ցանկացած կիրառում պետք է խստորեն դատապարտվի, այդ թվում` ՆԱՏՕ–ի կողմից, նշեց Փաշինյանը։

ԵՐԵՎԱՆ, 13 հուլիսի — Sputnik. ՆԱՏՕ–ի կոշտ արձագանքը կօգնի արցախյան հակամարտությանը։ Այդ մասին Euronews–ին տված հարցազրույցում ասել է Հայաստանի վարչապետ Նիկոլ Փաշինյանը։

Հակամարտությունն ուժային ճանապարհով լուծելու ցանկացած փորձ պետք է արժանանա միջազգային հանրության խիստ գնահատականին, հավելել է Փաշինյանը։

«Դժբախտաբար, վարչապետի պաշտոնում առաջին իսկ օրերից ես տեսնում եմ, որ Ադրբեջանն ավելի ագրեսիվ է դառնում Հայաստանի նկատմամբ։ Բայց հիմա այդ ագրեսիան ուղղված է ոչ թե Հայաստանի, այլ ժողովրդավարության դեմ, որովհետև հիմա Հայաստանն իսկապես ժողովրդավարական երկիր է։ Ես կարծում եմ` Ադրբեջանը մտավախություն ունի, որ իր սեփական ժողովուրդն օրինակ կվերցնի Հայաստանից և Ադրբեջանում ժողովրդավարական բարեփոխումներ կսկսի», – հավելել է Փաշինյանը։

Ինչ վերաբերում է արտաքին քաղաքականությանը, ապա Հայաստանը շարունակում է մնալ ՆԱՏՕ–ի գործընկեր երկիրը և մասնակցում դաշինքի խաղաղապահ առաքելություններին Կոսովոյում և Աֆղանստանում։ Բայց մեր երկիրը ՀԱՊԿ անվտանգության համակարգի մեջ է և կմնա այնտեղ։

«Մենք կմնանք Ռուսաստանի սերտ դաշնակիցը, հույս ունենք զարգացնել մեր հարաբերությունները Ռուսաստանի հետ, բայց նաև ՆԱՏՕ-ի, արևմտյան երկրների, Եվրամիության և ԱՄՆ–ի հետ: Մեր արտաքին քաղաքականությունը շրջադարձային չի լինի», – հայտարարել է Փաշինյանը։

Հիշեցնենք, որ ՀՀ վարչապետ Փաշինյանը Բրյուսելում ՆԱՏՕ–ի գագաթաժողովին մասնակցում էր Աֆղանստանում անվտանգությանը նվիրված նիստին։ Գագաթաժողովի շրջանակում Փաշինյանը հանդիպել է մի շարք համաշխարհային առաջնորդների հետ, այդ թվում` Ֆրանսիայի, Գերմանիայի, Իտալիայի և Կանադայի

231
թեգերը:
Նիկոլ Փաշինյան, Ադրբեջան, Արցախ, Հայաստան
Ըստ թեմայի
Մոսկվայում հույս ունեն, որ Երևանն ու Բաքուն կպայմանավորվեն Արցախի դիտորդների հարցում
Լաքոտը խոսել է բանակցային գործընթացում Արցախի մասնակցության մասին
Ուժեղի զսպվածություն. արդյո՞ք Արցախի շուրջ բանակցություններում նոր փուլ է մեկնարկում
Եվրոպացի դիտորդներն Արցախի ու Ադրբեջանի սահմանին դիտարկում կանցկացնեն