Փառատոն. արխիվային լուսանկար

«Ժենգյալով հացի փառատոն». Արցախի նոր այցեքարտը

224
(Թարմացված է 12:44 26.06.2018)
Մասնակիցները հնարավորություն կունենան նաև շրջելու Հաթերքում, այցելելու համայնքի պատմամշակութային վայրեր:

ԵՐԵՎԱՆ, 26 հունիսի — Sputnik. Հուլիսի 15–ին Արցախի Հաթերք համայնքում կկազմակերպվի «Ժենգյալով հացի փառատոն»։

«Համայնքն ունի բոլոր ռեսուրսները փառատոնը պատշաճ մակարդակով կազմակերպելու համար։ Սա մեր մշակութային ժառանգության պահպանությանն ուղղված հզոր քայլ կլինի», «Արցախպրես»-ի թղթակցի հետ զրույցում ասել է «էկոտուրիզմն Արցախում» նախաձեռնող խմբի ղեկավար Սամվել Միրզախանյանը՝ մանրամասնելով, որ փառատոնն իրականացվելու է «Հզոր Հաթերք» ծրագրի շրջանակներում:

Նրա խոսքով՝ ԱՀ մշակույթի, երիտասարդության հարցերի և զբոսաշրջության նախարար Սերգեյ Շահվերդյանի հետ արդեն քննարկվել է միջոցառումը Հաթերքում կազմակերպելու հարցը։

Փառատոնի շրջանակներում հմուտ խոհարարների կողմից կպատրաստվի ժենգյալով հաց, իսկ ներկաները հնարավորություն կունենան ծանոթանալու պատրաստման գաղտնիքներին և նրբություններին:

Ծրագրի շրջանակներում կլինեն ազգագրական երգեր ու պարեր, թատերական ներկայացումներ: Մասնակիցները հնարավորություն կունենան նաև շրջելու Հաթերքում, այցելելու համայնքի պատմամշակութային վայրեր: Իսկ «Հաթերք» հյուրատանը կմատուցվի ազգային սննդի տեսականի (կորկոտ, խաշիլ, տոլմա, խորոված, խաշլամա):

Նշենք, որ փառատոնին մասնակցել ցանկացողների համար Ստեփանակերտ-Հաթերք երթուղով կգործեն փոխադրամիջոցներ: Մինչև 10 տարեկան երեխաների տոմսերն անվճար են, 10-14 տարեկանների համար արժեն 500 դրամ, իսկ 15 տարեկանից սկսած՝ 1000 դրամ։

224
թեգերը:
Արցախ
Ըստ թեմայի
Արցախում միշտ հայեր են ապրել. Սոլովյով
Արցախում «Ղարաբաղ Տելեկոմն» այլևս մենաշնորհ չի ունենա
Պատերազմի և խաղաղության նժարները տատանվում են. ինչի՞ կբերի Արցախում անօդաչուների մրցավազքը
Արցախ. դիրքեր

Ինչ իրավիճակ է եղել արցախա-ադրբեջանական սահմանին անցնող շաբաթվա ընթացքում

138
(Թարմացված է 14:11 01.08.2020)
Հայ դիրքապահների ուղղությամբ տարբեր տրամաչափի հրաձգային զինատեսակներից հակառակորդն արձակել է շուրջ 1700 կրակոց։

ԵՐԵՎԱՆ, 1 օգոստոսի — Sputnik. Արցախի պաշտպանության նախարարությունից տեղեկանում ենք, որ արցախա-ադրբեջանական հակամարտ զորքերի շփման գոտում հակառակորդի կողմից կրակոցների թիվը նվազել է։

«Հուլիսի 26-ից օգոստոսի 1-ն ընկած ժամանակահատվածում, արցախա-ադրբեջանական հակամարտ զորքերի շփման  գոտում հակառակորդը հրադադարի պահպանման ռեժիմը խախտել է ավելի քան 170 անգամ։ Հայ դիրքապահների ուղղությամբ տարբեր տրամաչափի հրաձգային զինատեսակներից արձակել են շուրջ 1700 կրակոց»,–նշված է հաղորդագրության մեջ։

ՊԲ առաջապահ զորամասերը հետևում են հրադադարի պահպանման ռեժիմին և շարունակում անհրաժեշտ քայլեր ձեռնարկել մարտական դիրքերի պահպանությունը հուսալիորեն կազմակերպելու համար:

Հիշեցնենք, որ հուլիսի 18-ից 25-ն ընկած ժամանակահատվածում արցախա-ադրբեջանական հակամարտ զորքերի շփման գոտում հակառակորդը հրադադարի պահպանման ռեժիմը խախտել էր ավելի քան 260 անգամ։ Տարբեր տրամաչափի հրաձգային զինատեսակներից հայ դիրքապահների ուղղությամբ արձակել էին շուրջ 2300 կրակոց:

«Պատրաստ եմ աշխատել յուրաքանչյուրի հետ». Մնացականյանը` Ադրբեջանի ԱԳ նոր նախարարի մասին

138
թեգերը:
դիրքեր, կրակոց, Ադրբեջան, Սահման, Ղարաբաղյան հակամարտություն, Լեռնային Ղարաբաղ, Արցախ
թեմա:
Սահմանին տիրող իրավիճակը
Ըստ թեմայի
«Ես չեմ հասկանում` ինչ է նշանակում՝ Արցախը Հայաստան է, և վերջ». Ռոբերտ Քոչարյան
«Հրամանատարական հավաք Արցախում». մարտական գործողությունները կարող են տեղափոխվել Ադրբեջան
«Սա քաղաքականության հարց չէ». Ստաս Նամինը` նոր ֆիլմի և որդու հետ Արցախ մեկնելու մասին
Արայիկ Հարությունյան

Մեր արյամբ գծված սահմանը եթե փոխվի` ընդարձակվելու է. Արցախի նախագահը պատասխանել է Ալիևին

544
(Թարմացված է 14:15 01.08.2020)
Արցախի նախագահն անդրադարձել է Իլհամ Ալիևի արած հայտարարություններին` ասելով, որ պատրաստ ենք վերադարձնել Արցախի գրավյալ տարածքներն Ադրբեջանից։

ԵՐԵՎԱՆ, 1 օգոստոսի — Sputnik. Ստեղծված իրավիճակում Արցախի ժողովրդի հետ քաղաքական ու շանտաժի հռետորաբանությամբ խոսելը հղի է անդառնալի հետևանքներով։ Մարտունու շրջանի համայնքների ղեկավարների հետ հանդիպման ժամանակ նման կարծիք է հայտնել Արցախի նախագահ Արայիկ Հարությունյանը` անդրադառնալով Ադրբեջանի նախագահ Իլհամ Ալիևի` Արցախի մասին հայտարարություններին։

Ալիևը երեկ հայտարարել էր, թե Արցախի հետ բանակցություններ վարել հնարավոր չէ, քանի որ, ըստ նրա, ԼՂ Հանրապետություն գոյություն չունի։ Նա ասել էր` եթե Հայաստանը խիզախություն ունի, թող ինքն էլ ճանաչի Արցախի Հանրապետությունը։

«Արցախի պաշտպանության բանակը, թիկունքում ունենալով հայ ժողովրդի անվերապահ աջակցությունը, պատրաստ է ոչ միայն պաշտպանել մեր երկրի տարածքային անվտանգությունն ու տարածքային ամբողջականությունը, այլ նաև անհրաժեշտության դեպքում արժանի հակահարված տալ հակառակորդին։ Ավելին, մենք պատրաստ ենք վերադարձնել Արցախի գրավյալ տարածքներն Ադրբեջանից»,–ասել է Հարությունյանը։

Նրա խոսքով` Ալիևի հայտարարությանը կարելի էր և չարձագանքել, բայց պետք է ևս մեկ անգամ վերահաստատել այն, ինչ մտածում ենք, ինչի համար ապրում ենք, հանուն ինչի պատրաստ և ի վիճակի ենք մշտապես մարտնչելու:

«Պատրաստ եմ աշխատել յուրաքանչյուրի հետ». Մնացականյանը` Ադրբեջանի ԱԳ նոր նախարարի մասին

Հարությունյանն ասում է, որ կասկածի տակ չպետք է դրվեն հայկական կողմի այն քայլերը, որոնց սկիզբ է դրվել 1988-ից։ Արցախի նախագահը վստահեցնում է` սահմանը, որը գծվել է մեր արյամբ, անհնարին է փոփոխել, իսկ փոփոխվելու պարագայում այն ավելի կընդարձակվի։

Հիշեցնենք, որ երեկ Թուրքիայի նախագահ Ռեջեփ Թայիփ Էրդողանն ու Ադրբեջանի նախագահ Իլհամ Ալիևը հեռախոսազրույց էին ունեցել. Ալիևը բարձր էր գնահատել Թուրքիայի աջակցությունը Հայաստանի հարցով։

544
թեգերը:
Ադրբեջան, Իլհամ Ալիև, Ղարաբաղյան հակամարտություն, Լեռնային Ղարաբաղ, Արցախ, Արցախի նախագահ Արայիկ Հարությունյան
Ըստ թեմայի
Իլհամ Ալիևն ինքն է խոստովանում, որ Լեռնային Ղարաբաղը Հայաստանի մի մասն է. Փաշինյան
Ամեն ջանք կգործադրենք Ղարաբաղյան հակամարտության քաղաքական լուծման համար․ Ֆրանսիայի ԱԳՆ
Համընկնում են արդյոք Ռուսաստանի և Թուրքիայի տեսակետները Ղարաբաղի հարցում. ՌԴ ԱԳՆ պատասխանը
Արտակ Դավթյանը հանդիպել է անօդաչու թռչող սարքեր արտադրող ընկերությունների ղեկավարների հետ

Արտակ Դավթյանը հանդիպել է անօդաչու թռչող սարքեր արտադրող ընկերությունների ղեկավարների հետ

0
(Թարմացված է 16:06 04.08.2020)
Հայկական ԱԹՍ արտադրող ընկերությունների ղեկավարները ներկայացրել են ընթացիկ աշխատանքները, մատնանշել ոլորտային ցուցանիշների բարելավման իրենց պատկերացումները:

ԵՐԵՎԱՆ, 4 օգոստոսի — Sputnik. ՀՀ բարձր տեխնոլոգիական արդյունաբերության նախարարության ռազմարդյունաբերության կոմիտեի նախագահ Արտակ Դավթյանն ընդունել է հայկական անօդաչու թռչող սարքեր (ԱԹՍ) արտադրող ընկերությունների ղեկավարներին։ Տեղեկությունը հայտնում է նախարարության մամուլի ծառայությունը։

Председатель военно-промышленного комитета Министерства высоких технологий РА Артак Давтян принял руководителей компаний, производящих армянские беспилотные летательные аппараты (БПЛА).
Արտակ Դավթյան

Հանդիպմանը ռազմարդյունաբերության կոմիտեի նորանշանակ նախագահ Արտակ Դավթյանը ծանոթացել է ԱԹՍ արտադրող ընկերությունների ղեկավարների հետ, լսել նրանց առաջարկությունները, ներկայացրել ոլորտի զարգացման իր տեսլականը:

Հայկական ԱԹՍ արտադրող ընկերությունների ղեկավարներն իրենց հերթին, ներկայացրել են իրականացվող ընթացիկ աշխատանքները, մատնանշել ոլորտային ցուցանիշների բարելավման իրենց պատկերացումները:

Քննարկվել են Հայաստանի ռազմարդյունաբերական ոլորտի գիտահեն զարգացման հնարավորությունները, ԱԹՍ-ների կատարելագործման ուղղությամբ իրականացվելիք առաջիկա ծրագրերն ու առաջնահերթությունները:

Հանդիպմանը նաև ամփոփվել է հուլիսին սահմանային բախումների ժամանակ հայկական արտադրության ԱԹՍ-ների կիրառման փորձը:

Արշակյանն այցելել է Տավուշ. քննարկվել է հայկական արտադրության ԱԹՍ-ների արդյունավետությունը

Հիշեցնենք, որ հուլիսի 12–ից իրավիճակը սրվել էր հայ–ադրբեջանական սահմանի Տավուշի հատվածում։ Հուլիսի 12–ին` ժամը 12:30-ի սահմաններում, Ադրբեջանի զինված ուժերի զինծառայողները ՈւԱԶ մակնիշի ավտոմեքենայով Տավուշի ուղղությամբ ՀՀ պետական սահմանը խախտելու փորձեր էին արել:

Հայկական կողմի նախազգուշացումից հետո Ադրբեջանի զինծառայողները, թողնելով ավտոմեքենան, վերադարձել էին իրենց դիրքեր:

Դրանից հետո հակառակորդը պարբերաբար վերսկսում էր գնդակոծությունն ինչպես հայ դիրքապահների, այնպես էլ բնակավայրերի ուղղությամբ։

Պաշտոնական տվյալներով՝ Ադրբեջանն ունի 13 զոհ, վիրավորների մասին որևէ բան չի հաղորդվում, իսկ հայկական կողմը 5 զոհ ունի, 36 վիրավոր (ևս մեկը խաղաղ բնակչությունից)։

Հայկական ԶՈւ ստորաբաժանումները 13 ԱԹՍ են խոցել

0
թեգերը:
Հայաստան, անօդաչու թռչող սարք, Արտակ Դավթյան
Ըստ թեմայի
Hermes ԱԹՍ-ն խոցվել է արդիականացված «ՕՍԱ-ԱԿՄ» համակարգից. ՊՆ–ն մանրամասներ ներկայացրեց
Մեծ գլխացավանք հանդիսացող ԱԹՍ–ներից հայկական ԶՈՒ–ն շատ լավ է գլուխ հանում. Հովհաննիսյան
Կմշակվեն ԱԹՍ-ի դեմ պայքարի նոր ձևեր. ՀՀ–ում պլանային վարժանքներ են մեկնարկել