Բակո Սահակյան և արմեն Սարգսյան

Ինչո՞ւ էր Բակո Սահակյանն Արմեն Սարգսյանին Արցախ հրավիրել. «Ժամանակ»

212
Որն էր այս պահին հանդիպման պատճառը` Արցախում ստեղծված իրավիճակը, թե ղարաբաղյան խնդրում մոտեցումների հստակեցումը։

ԵՐԵՎԱՆ, 14 հունիսի — Sputnik. «Ժամանակ» թերթը գրում է. ««ԵԱՀԿ Մինսկի խմբի համանախագահները ժամանել էին Երևան և հանդիպումներ ունեցել Հայաստանի նոր ղեկավարության հետ: Համանախագահների այցին ընդառաջ Արցախի պաշտպանական բանակը տարածել էր հայտարարություն, որտեղ խոսվում է առաջնագծում Ադրբեջանի ակտիվ շարժերի և կուտակումների մասին: Համանախագահների հետ հանդիպումից հետո վարչապետ Նիկոլ Փաշինյանը, փաստորեն, մեկնեց Մոսկվա, որտեղ հանդիպում կունենա Պուտինի հետ: Այցի առիթը ֆուտբոլի աշխարհի առաջնության բացումն է, որին, ի դեպ, մասնակցելու է նաև Ալիևը: Բայց Ալիև-Փաշինյան հանդիպում Մոսկվայում նախատեսված չէ:

Միաժամանակ, հունիսի 13-ի առավոտյան Արցախի նախագահ Բակո Սահակյանի հրավերով Արցախ է մեկնել Հայաստանի նախագահ Արմեն Սարգսյանը: Որն է հրավերի բուն նպատակը՝ արցախյան հակամարտության իրողությունների շուրջ քննարկումնե՞րը, թե՞ Արցախի ներքին զարգացումների վերաբերյալ խորհրդատվությունները:

Իսկ գուցե, այսպես ասած, երկուսը մեկ այցում, երկուսը միասին և փոխկապակցված: Արցախի Նախագահ Բակո Սահակյանն օրերս հայտարարել էր, որ այլևս չի առաջադրվելու նախագահի պաշտոնի համար:

Նախագահի հերթական ընտրությունը նախատեսված է 2020 թվականին, բայց Սահակյանի հայտարարությունից հետո շատերը առնվազն հարցնում են, թե արդյո՞ք կլինի արտահերթ ընտրություն: Առավել ևս, որ Արցախում վերջին օրերին տեղի է ունենում թավշյա իշխանափոխություն, և հրաժարական են տվել գործնականում բոլոր առաջին դեմքերը՝ բացառությամբ պաշտպանության նախարարի և հենց Բակո Սահակյանի: Բոլոր դեպքերում, ակնհայտ է, որ Արցախում ձևավորվում է նոր իշխանություն, և աներկբա է, որ այդ գործընթացը Հայաստանում թավշյա հեղափոխության տրամաբանական շարունակությունն է:

Միաժամանակ ակնհայտ է, որ թե´ Հայաստանում, թե´ Արցախում նոր իշխանության հանգամանքը չի կարող չանդրադառնալ բանակցային գործընթաց կոչվածի վրա: Առնվազն առկա է հարց, թե արդյո՞ք նոր իշխանությունը ենթադրելու է Արցախի հարցում հին մոտեցումներից հրաժարում և նոր ռազմավարության անցում: Հայաստանի վարչապետ Նիկոլ Փաշինյանն արդեն իսկ որոշակի նոր երանգներ հաղորդել է իրավիճակին, սակայն ակնհայտ է, որ անհրաժեշտ է ձևակերպված բանաձև և ռազմավարություն, հստակեցում, թե ինչից է հրաժարվում հայկական կողմը և ինչ է առաջարկում դրա փոխարեն»:

212
թեգերը:
ԵԱՀԿ Մինսկի Խումբ, Արմեն Սարգսյան, Բակո Սահակյան, Արցախ, Հայաստան
Ըստ թեմայի
Դավիթ Տոնոյանը ԵԱՀԿ ՄԽ համանախագահների հետ քննարկել է սահմանային լարվածության թեման
Արցախի շուրջ բանակցություններ. հեղափոխական էյֆորիան չի կարելի շփոթել դիվանագիտության հետ
Հարությունյան. «Հակամարտությունը եռակողմ է. կան Արցախի և Հայաստանի հետ կապված հարցեր»