Շփման գիծ

Շփման գծում այսօրվա իրավիճակն ամենավտանգավորն է 2016–ի ապրիլյան պատերազմից հետո

508
(Թարմացված է 15:40 13.06.2018)
Ադրբեջանական զինուժի կուտակումը շփման գծում և ստեղծված իրավիճակն Արցախի նախագահի խորհրդականը համեմատում է 2016թ–ի ապրիլյան պատերազմին նախորդած իրադրության հետ։

ԵՐԵՎԱՆ, 13 հունիսի — Sputnik. Ադրբեջանը շփման գծում ակտիվացել է դեռ ապրիլի 12-ին։ Այդ օրը նկատվեցին զինտեխնիկայի առաջին կուտակումները։ Մեկնաբանելով շփման գծում Ադրբեջանի վերջին ակտիվացումը` Sputnik Արմենիային ասաց Արցախի նախագահի խորհրդական Տիգրան Աբրահամյանը։

«Այդ ակտիվացումը տարբեր դրսևորումներ է ունեցել` մի փուլում եղել է զինտեխնիկայի ակտիվ տեղաշարժ, մի փուլում եղել է հատուկ նշանակության ստորաբաժանումների ու դրանցում գործող դիպուկահարների աննախադեպ ակտիվություն»,– ասաց նա։

Միաժամանակ Ադրբեջանն աշխատանքներ է տանում նաև սահմանի երկայնքով ենթակառուցվածքների ստեղծման ուղղությամբ` փորձելով իր տեղաշարժերը հայկական կողմի համար անտեսանելի դարձնել։

«Կարող ենք արձանագրել, որ վերջին 2 ամսում ստեղծված իրավիճակը 2016թ.–ի ապրիլյան պատերազմից հետո ամենավտանգավոր իրավիճակն է, երբ Ադրբեջանն առաջնագծի մի քանի ուղղություններով միանգամից ակտիվություն է դրսևորում. այսօր ռեալ վտանգ է ստեղծվել առաջնագծում իրավիճակի կտրուկ սրման»,– ասաց Աբրահամյանը։

Սահմանին տեղի ունեցող տեղաշարժերին զուգահեռ, Արցախի նախագահի խորհրդականի դիտարկմամբ, Ադրբեջանը նաև ակտիվ գործողությունների է անցել քարոզչական դաշտում, ինչը ևս, նրա խոսքով, վկայում է ռազմական ակտիվ գործողությունների նախապատրաստվելու և հանրությանը դրան նախապատրաստելու մասին։

Այդուհանդերձ, հայկական ուժերն ակնդետ հետևում են Ադրբեջանի բոլոր գործողություներին ու անհրաժեշտության դեպքում պատրաստ են արագ արձագանքել, վստահեցնում է Տիգրան Աբրահամյանը։

Հիշեցնենք` վերջին օրերին արցախա-ադրբեջանական հակամարտ զորքերի շփման գծի տարբեր հատվածներում նկատվում են հակառակորդի զինտեխնիկայի և մարդկային ուժի ակտիվ տեղաշարժեր ու կուտակումներ:

508
թեգերը:
Արցախ
Ըստ թեմայի
Արցախի շուրջ բանակցություններ. հեղափոխական էյֆորիան չի կարելի շփոթել դիվանագիտության հետ
Հարությունյան. «Հակամարտությունը եռակողմ է. կան Արցախի և Հայաստանի հետ կապված հարցեր»
Երևանը հոգնել է Արցախի շուրջ ձևական բանակցությունից. Փաշինյանն ուզում է վերջ տալ խաբկանքին
Արայիկ Հարությունյան

Հայտնի է Արցախի նախագահի կորոնավիրուսի թեստի պատասխանը

436
(Թարմացված է 15:30 01.06.2020)
Արցախի նախագահն այս պահին աշխատանքի մեջ է և շարունակում է ակտիվորեն կատարել իր լիազորությունները։

ԵՐԵՎԱՆ, 1 հունիսի – Sputnik. Արցախի Հանրապետության նախագահ Արայիկ Հարությունյանը կորոնավիրուսով վարակված չէ։ Նրա` այսօր հանձնած թեստի պատասխանը բացասական է եղել։ Տեղեկությունը Facebook-ի իր էջում հայտնել է Արցախի նախագահի մամուլի քարտուղար Վահրամ Պողոսյանը։

«Քիչ առաջ ստացվել է Արցախի Հանրապետության նախագահ Արայիկ Հարությունյանի Covid-19-ի թեստի պատասխանը: Ուրախ եմ տեղեկացնել, որ արդյունքը բացասական է: Նախագահն այս պահին աշխատանքի մեջ է և շարունակում է ակտիվորեն կատարել իր լիազորությունները»,–գրել է նա:

Ինչպես արդեն հայտնել ենք, ՀՀ վարչապետ Նիկոլ Փաշինյանի կորոնավիրուսով վարակվելու մասին հայտնի դառնալուց հետո, Արցախի նախագահ Արայիկ Հարությունյանը կորոնավիրուսի թեստ է հանձնել։ Նա կրկնակի թեստավորում է անցել, որովհետև մասնակցել է մայիսի 28-ի Առաջին հանրապետության տոնակատարություններին։

Նշենք, որ Արցախում մինչ այժմ գրանցվել է կորոնավիրուսով վարակման 43 դեպք, որոնցից 3–ն այսօր։ Նրանցից 26-ն արդեն առողջացել են, 17-ի առողջական վիճակը գնահատվում է բավարար: Արցախի Հանրապետությունում մեկուսացված է 102 քաղաքացի, կորոնավիրուսի ախտորոշման 926 թեստ է կատարվել։

436
թեգերը:
թեստ, կորոնավիրուս, Արցախի նախագահ Արայիկ Հարությունյան, Լեռնային Ղարաբաղ, Արցախ
Ըստ թեմայի
44 օր վերակենդանացման բաժանմունքում. 47-ամյա կինը հաղթահարել է կորոնավիրուսը
Փոխվարչապետ Մհեր Գրիգորյանը կորոնավիրուսի թեստ չի հանձնի. ախտանիշներ չկան
Հրաչյա Հակոբյանը Փաշինյանենց տուն է գնացել. նա թեստ կհանձնի
Ստեփանակերտ

Կորոնավիրուսով հիվանդների թիվն Արցախում ավելանում է. 3 նոր դեպք է գրանցվել

26
(Թարմացված է 11:55 01.06.2020)
Նոր հայտնաբերված դեպքերը գրանցվել են արտերկրից ժամանած քաղաքացիների մոտ. նրանք արդեն մեկուսացված են։

ԵՐԵՎԱՆ, 1 հունիսի- Sputnik. Արցախի Հանրապետությունում կորոնավիրուսով վարակման նոր դեպքեր են գրանցվել։ Արցախի տեղեկատվական շտաբը, հղում անելով Առողջապահության նախարարությանը, տեղեկացնում է, որ կորոնավիրուս է հաստատվել ևս 3 քաղաքացու մոտ:

«Նրանք արտերկրից ժամանած Արցախի Հանրապետության քաղաքացիներ են, ովքեր ժամանելուն պես մեկուսացվել էին համապատասխան վայրերում»,- նշված է հաղորդագրության մեջ:

Այսպիսով, Արցախում մինչ այժմ գրանցվել է կորոնավիրուսով վարակման 43 դեպք։ Նրանցից 26-ն արդեն առողջացել են, 17-ի առողջական վիճակը գնահատվում է բավարար: Արցախի Հանրապետությունում մեկուսացված է 102 քաղաքացի, կորոնավիրուսի ախտորոշման 926 թեստ է կատարվել։

Արայիկ Հարությունյանը կորոնավիրուսի թեստ է հանձնել

26
թեգերը:
թեստ, կորոնավիրուս, Լեռնային Ղարաբաղ, Արցախ
Ըստ թեմայի
Հայաստանում կորոնավիրուսով վարակվածների թիվը մեկ օրում ավելացել է 210-ով և հասել 9492–ի
ՀՀ կառավարության անդամների մասսայական թեստավորում չի անցկացվի
Հայաստանում վերջին մեկ օրում կորոնավիրուսից 8 մարդ է մահացել. մանրամասներ
Ռուբեն Հայրապետյան

«Հարսնաքարի» նախկին տնօրենն ինքն է գույք հափշտակել. Ռուբեն Հայրապետյանի փաստաբան

0
(Թարմացված է 00:16 02.06.2020)
Ռուբեն Հայրապետյանի փաստաբանը հույս ունի, որ այս քրեական գործով բոլոր հնարավոր միջոցները կձեռնարկվեն արտերկրում գտնվող Հայկ Շահնազարյանին ՀՀ վերադարձնելու ուղղությամբ։

ԵՐԵՎԱՆ, 2 հունիսի – Sputnik. Հայաստանի ֆուտբոլի ֆեդերացիայի նախկին ղեկավար Ռուբեն Հայրապետյանի ընտանիքին պատկանող «Հարսնաքար» համալիրի նախկին տնօրեն Հայկ Շահնազարյանի կողմից Ընկերության առանձնապես խոշոր չափերով գույքը խարդախությամբ հափշտակելու փաստի առթիվ ՀՀ քննչական կոմիտեի հատկապես կարևոր գործերի քննության գլխավոր վարչությունում հարուցվել է քրեական գործ: Տեղեկությունը հայտնում է Հայրապետյանի փաստաբան Ամրամ մակինյանը։

«Հույս ունենք, որ այս քրեական գործով նույնպես կձեռնարկվեն բոլոր հնարավոր միջոցները արտերկրում գտնվող Հայկ Շահնազարյանին ՀՀ վերադարձնելու ուղղությամբ…»,– Facebook–ի իր էջում գրել է նա։

Մակինյանը հիշեցրել է` Հայկ Շահնազարյանն այն նույն անձն է, որին իբրև թե խոշտանգել ու ապօրինի ազատությունից զրկել են Ռուբեն Հայրապետյանի կազմակերպմամբ։

«Սակայն Հայրապետյանի առնչությունը նշվածին դատարանը չհաստատեց, փոխարենը օրեր անց քրեական գործ հարուցվեց Հայկ Շահնազարյանի կողմից առերևույթ առանձնապես խոշոր չափերի խարդախություն կատարելու փաստի առթիվ։ Ափսոսում եմ, որ քննչական կոմիտեի մամուլի ծառայությունը մոռացել է հանրությանը հայտնել նաև այս մասին, ինչպես արվեց Ռուբեն Հայրապետյանին առերևույթ մեղադրելու դեպքում…»,– եզրափակել է փաստաբանը:

Ավելի վաղ հայտնել էինք, որ Երևանի ընդհանուր իրավասության դատարանը բավարարել է ՀՖՖ նախկին նախագահ Ռուբեն Հայրապետյանին և ևս 4 անձի կալանավորելու միջնորդությունները։ Հայրապետյանը որպես մեղադրյալ է ներգրավել ՀՀ քրեական օրենսգրքի 119-րդ հոդվածի 2-րդ մասի 3-րդ, 5-րդ կետով (ֆիզիկական ուժեղ ցավ կամ հոգեկան տառապանք պատճառելը), 133-րդ հոդվածի 2-րդ մասի 1-ին, 2-րդ, 7-րդ կետերով (մի խումբ անձանց կողմից շահադիտական դրդումներով մարդուն առևանգելը) և 322-րդ հոդվածի 2-րդ մասով  (ինքնիրավչություն): Նա գտնվում է հետախուզման մեջ:

Ռուբեն Հայրապետյանին կանչել են հարցաքննության, իսկ նա Հայաստանում չէ

0
թեգերը:
Ամրամ Մակինյան, Ռուբեն Հայրապետյան, Հայաստան
Ըստ թեմայի
«Հորդորում էր, որ ես փախնեմ Հայաստանից». Ռուբեն Հայրապետյանը` Անդրանիկ Քոչարյանի մասին
Ռուբեն Հայրապետյանի որդին կամավոր ներկայացել է. դատարանը մերժել է կալանքի միջնորդությունը
Ռուբեն Հայրապետյանն իր ասածի պատասխանը կզգա ոչ միայն շորերի, այլև մարմնի վրա. Գրիգորյան