Փոխզիջումների մշակույթն ու պրագմատիզմն Արցախում կգերիշխեն. քաղտեխնոլոգ
(Թարմացված է 15:15 04.06.2018)
Արցախի իշխանություններն ու հասարակությունը հասկանում են, որ ներքաղաքական իրավիճակի ապակայունացումը կարող է Ադրբեջանի «ձեռքերին» ազատություն տալ։ԵՐԵՎԱՆ, 4 հունիսի — Sputnik. Արցախում առկա իրավիճակը մտահոգություն է առաջացնում փորձագիտական և քաղաքական շրջաններում։
Այնտեղի ներքաղաքական լարվածությունը չափազանց վտանգավոր է` հաշվի առնելով հակառակորդի գոյությունը։ Դիտորդների կարծիքով` Արցախի ղեկավարության դեմ ուղղված բողոքի ակցիաները անդառնալի հետևանքների կարող են հանգեցնել։
©
Sputnik / Asatur Yesayants
Sputnik Արմենիային տված հարցազրույցում, մեկնաբանելով իրավիճակը, քաղտեխնոլոգ Վիգեն Հակոբյանը նշեց, որ անկասկած, որոշակի խմբեր և ուժեր կան, որոնք կցանկանային Հայաստանում տեղի ունեցած վերջին իրադարձությունները պրոյեկտել Արցախի վրա։ Նրանք կարծում են, որ եթե Հայաստանում հաջողվեց իշխանափոխության հասնել, ապա ինչու նույնը չի կարելի անել նաև Արցախում։
Սակայն ի տարբերություն Հայաստանի, Արցախի ղեկավարությունը փորձում է ինքնուրույն և օպերատիվ կերպով կարգավորել խնդիրը բողոքի ոչ ֆորմալ առաջնորդների հետ բանակցությունների ճանապարհով։ Արցախի նախագահ Բակո Սահակյանը նախօրեին երեկոյան ընդունել է բողոքի ցույցի մասնակիցներին, ինչը հույս է ներշնչում, որ իրավիճակը վերջնականապես հնարավոր կլինի լիցքաթափել։
Քաղտեխնոլոգը կարծում է, որ Արցախում հարթակ կստեղծվի, որտեղ ներկայացված կլինեն ոչ միայն խորհրդարանական, այլև արտախորհրդարանական կուսակցություններ և ուժեր, որոնք կկարողանան իրենց տեսակետը հասցնել իշխանություններին։ Արցախում փոխզիջումերի հասնելու մշակույթ կա։ Այնտեղ մարդիկ ավելի պրագմատիկ են, ի տարբերություն նույն Հայաստանի, կարծում է Հակոբյանը։
Ավելի վաղ Ստեփանակերտի իրադարձությունները մեկնաբանել էր Հայաստանի առաջին նախագահ Լևոն Տեր–Պետրոսյանը, որը հայտարարել էր, որ Հայաստանի ղեկավարությունը պետք է շատ արագ և օպերատիվ միջամտի իրավիճակին և սատարի Արցախի իշխանություններին։ Նախկին նախագահը համոզված է, որ ճնշումներ չի կարելի թույլ տալ պատերազմական վիճակում գտնվող ղեկավարության վրա։ Տեր–Պետրոսյանը կարծում է, որ Արցախում իրավիճակը կայունացնելու համար սեփական ազդեցությունը պարտադիր պետք է օգտագործեն Ռոբերտ Քոչարյանը, Սերժ Սարգսյանը, Արկադի Ղուկասյանն ու Սամվել Բաբայանը, նույնիսկ եթե դրա համար անհրաժեշտ լինի վերջինիս անհապաղ ազատ արձակել։
Հակոբյանի կարծիքով` հիշատակված գործիչները մինչ օրս չեն միջամտում, քանի որ Արցախի իշխանություններին դեռ հաջողվում էր վերահսկել իրավիճակը։ Սակայն եթե ինչ-որ պահի բողոքի ցույցերը նոր թափ ու մասշտաբներ ստանան, ապա կմիջամտեն ոչ միայն նախկին առաջնորդները, այլև Հայաստանի գործող ղեկավարությունը։
Բացի այդ, եթե այդ մարդիկ հանրորեն չեն արտահայտվել, ապա դա ամենևին էլ չի նշանակում, որ նրանք անգործության էին մատնված, նշեց քաղտեխնոլոգը։
©
AFP 2020 / HAKOB BERBERYAN / AFP
«Համոզված եմ, որ Հայաստանի իշխանություններն ուշադիր հետևում են Արցախում տիրող իրավիճակին և մշտապես կապի մեջ են Ստեփանակերտի հետ։ Իսկ Հայաստանի առաջին նախագահի մոտեցումը պրագմատիկ է։ Այն ինչ ընդունելի է Հայաստանի համար, միշտ չէ, որ ընդունելի է և թույլատրելի Արցախի համար», – ընդգծեց Հակոբյանը։
Իհարկե, Արցախի իշխանությունը չպետք է մշտական լինի, սակայն հարցը մեթոդաբանությունն է, նշում է փորձագետը։ Կարելի է երկխոսություն սկսել, հասկանալ մարդկանց դժգոհության պատճառները, անհրաժեշտության դեպքում կադրային լուծումների գնալ։ Սակայն պահանջել անհապաղ իշխանության հրաժարականը, վերջնագիր ներկայացնել, հաշվի չառնելով իրավիճակը տարածաշրջանում, որոշակի խելամիտ ժամկետներ չնշելով, չափազանց վտանգավոր ու հակաարդյունավետ է։ Կտրուկ փոփոխությունները, այդ թվում նաև ուժային կառույցներում, հղի են անկանխատեսելի հետևանքներով։ Արցախում ցանկացած ապակայունացում կարող է ազատություն տալ Ադրբեջանի «ձեռքերին», նախազգուշացնում է քաղտեխնոլոգը։
Միևնույն ժամանակ, ինչպես նշեց Հակոբյանը, բողոքի ցույցերը լուրջ ազդանշան էին Արցախում արմատական բարեփոխումներ անցկացնելու անհրաժեշտության մասին։ Արցախի իշխանությունները պետք է «վերևից» սկսեն հեղափոխությունը, և ոչ մի րոպե հապաղել չի կարելի։
Հիշեցնենք, որ հունիսի 1-ին Ստեփանակերտում զանգվածային ծեծկռտուք էր տեղի ունեցել ԱԱԾ–ի աշխատակիցների և քաղաքացիների միջև։ Դրանից հետո քաղաքում բողոքի ցույցեր սկսեցին իրականացնել` պահանջելով ուժային կառույցների ղեկավարների հրաժարականը։
ԼՂ–ում 1 օրում մաքրվել է 17 հա տարածք և 5 կմ ճանապարհ. ՌԴ ՊՆ–ն նոր ամփոփագիր է հրապարակել
(Թարմացված է 21:41 04.03.2021)
2020 թ. նոյեմբերի 23-ից ի վեր չպայթած զինամթերքից մաքրվել է 1575 հա տարածք, 493 կմ ճանապարհ։ ԵՐԵՎԱՆ, 4 մարտի - Sputnik. ՌԴ պաշտպանության նախարարության Միջազգային հակաականային կենտրոնի մասնագետները շարունակում են Լեռնային Ղարաբաղի տարածքի ականազերծման աշխատանքները։
«Մեկ օրում մաքրվել է 17 հա տարածք և 4 կմ ճանապարհ, հայտնաբերվել և ոչնչացնելու համար անվտանգ տարածք է տեղափոխվել 27 պայթյունավտանգ առարկա»,- նշված է ՌԴ պաշտպանության նախարարության տարածած հաղորդագրության մեջ։
2020 թ. նոյեմբերի 23-ից ի վեր չպայթած զինամթերքից մաքրվել է 1575 հա տարածք, 493 կմ ճանապարհ, 1549 բնակելի շինություն, այդ թվում՝ 30 հանրային նշանակության օբյեկտ, հայտնաբերվել և վնասազերծվել է 25 072 պայթյունավտանգ առարկա։
Ռուս խաղաղապահ զորախմբի պատասխանատվության գոտում հնարավոր միջադեպերի կանխմանն ուղղված ջանքերը համակարգելու նպատակով շարունակական գործակցություն է պահպանվում Հայաստանի և Ադրբեջանի զինված ուժերի գլխավոր շտաբների հետ:
Հիշեցնենք` 2020թ.–ի նոյեմբերի 9-ին ՌԴ նախագահ Վլադիմիր Պուտինը, ՀՀ վարչապետ Նիկոլ Փաշինյանը և Ադրբեջանի նախագահ Իլհամ Ալիևը համատեղ հայտարարություն են ընդունել ռազմական գործողությունների դադարեցման վերաբերյալ։
Եռակողմ հայտարարության համաձայն` Լեռնային Ղարաբաղի շփման գծի և Լաչինի միջանցքի երկայնքով տեղակայվել է Ռուսաստանի Դաշնության խաղաղապահ զորակազմը ՝ 1960 զինծառայողներով, հրաձգային զենքով, 90 զրահամեքենաներով, 380 միավոր ավտոմոբիլային և հատուկ տեխնիկայով:
Ռուսաստանի Դաշնության խաղաղապահ զորակազմը տեղակայվել է 5 տարի ժամկետով, որից հետո այդ ժամանակահատվածը մեխանիկորեն կերկարաձգվի ևս 5 տարով, եթե կողմերից որևէ մեկը ժամկետի ավարտից 6 ամիս առաջ չհայտարարի տվյալ դրույթի կիրառումը դադարեցնելու մտադրության մասին:
Ղարաբաղում խաղաղապահ գործողության գինն ու վարկանիշը. թվերն ավելի քան խոսուն են
Զախարովան խորհուրդ է տվել գերիների թվի հարցով դիմել ոչ թե իրեն, այլ Երևանին և Բաքվին
(Թարմացված է 19:38 04.03.2021)
Ռուսաստանի ԱԳՆ պաշտոնական ներկայացուցիչ Մարիա Զախարովան ուշադրություն է հրավիրել հայկական և ադրբեջանական կողմերի մոտեցումների զգալի տարբերության վրա, որն առկա է պատերազմի ժամանակ գերեվարված անձանց հարցում:ԵՐԵՎԱՆ, 4 մարտի - Sputnik. Ադրբեջանում գերության մեջ գտնվող հայերի հարցում կողմերի դիրքորոշումները տարբեր են, և ռուսական կողմն այդ մասին բազմիցս խոսել է։ Այսօր կայացած ճեպազրույցի ժամանակ այս մասին ասել է ՌԴ ԱԳՆ պաշտոնական ներկայացուցիչ Մարիա Զախարովան։
©
Photo : provided by Tomasz Lech Buczek
Նա ընդգծել է, որ այդ տվյալները շատ տարբեր են. թվերը, որոնք բարձրաձայնում է պաշտոնական Երևանը, պարբերաբար փոխվում են, իսկ Ադրբեջանից այլ տեղեկատվություն է ստացվում:
«Հաշվի առնելով նման տարաձայնությունները, խորհուրդ ենք տալիս այդ հարցով դիմել անմիջապես ադրբեջանական և հայկական կողմերին։ Ես վստահ եմ, որ նրանք պատրաստ կլինեն տրամադրել սեփական սպառիչ պարզաբանումները», - առաջարկել է ռուս դիվանագետը։
Ադրբեջանը փորձում է գերիների հարցը սակարկել. ՀՀ փոխվարչապետի խոսնակ
Ընդ որում, Զախարովան հայտնել է, որ այսօրվա դրությամբ ռուս խաղաղապահների միջնորդությամբ վերադարձվել է ընդհանուր առմամբ 79 մարդ՝ 63–ը հայկական, 16–ը` ադրբեջանական կողմին:
«Մենք կցանկանայինք օգտվել առիթից և ևս մեկ անգամ ընդգծել ռուսական դիրքորոշումն այդ հարցում. մենք ելնում ենք նրանից, որ փոխանակման օպտիմալ բանաձևը «բոլորը բոլորի դիմաց» սկզբունքն է»,-հիշեցրել է ՌԴ ԱԳՆ ներկայացուցիչը:
Զախարովան կարծում է, որ այդ հարցի շուտափույթ լուծումը թույլ կտա կողմերին «շրջել ողբերգական էջերը հարաբերություններում» և կենտրոնանալ դրական օրակարգի զարգացման վրա, այդ թվում՝ տնտեսական ոլորտում: Նա հիշեցրել է, որ այդ մասին խոսվել է 2021 թվականի հունվարի 11-ին Մոսկվայում Ռուսաստանի, Հայաստանի և Ադրբեջանի ղեկավարների գագաթնաժողովի ընթացքում:
Ադրբեջանական կողմը մանիպուլյացիայի է ենթարկում հայ գերիների ցուցակը. ՀՀ արտգործնախարար
թեգերը:
Պուգաչովան անցել է Անջելինա Ջոլիին. ովքեր են իսկական կանայք` ըստ ռուսաստանցիների
(Թարմացված է 23:49 04.03.2021)
Հանրային կարծիքի ուսումնասիրման համառուսական կենտրոնի հետազոտությունը նվիրված է մարտի 8-ի Կանանց միջազգային օրվան:
ԵՐԵՎԱՆ, 4 մարտի - Sputnik. Ռուսաստանցիներն իսկական կին են համարում Ալլա Պուգաչովային, Սոֆյա Ռոտարուին և Վալենտինա Մատվիենկոյին: Այսպիսին են ՀԿՈւՀԿ–ի (Հանրային կարծիքի ուսումնասիրման համառուսական կենտրոն)` Կանանց միջազգային օրվան՝ Մարտի 8-ին նվիրված հարցման արդյունքները։
ՀԿՈւՀԿ–ի տվյալներով՝ հարցվածների 6 տոկոսը իսկական կին է անվանել Պուգաչովային, 3 տոկոսը՝ Ռոտարուին, ևս 3 տոկոսը՝ Մատվիենկոյին:
©
Sputnik / Екатерина Чеснокова
Բացի նրանցից, ռուսաստանցիներն իսկական կանանց ցուցակում են ներառել Իրինա Խակամադային (2%), Վալերիային (2%), Ալիսա Ֆրեյնդլիխին (2%), Չուլպան Խամատովային (2%) և Անջելինա Ջոլիին (1%):
«ՀԿՈւՀԿ- Sputnik» համառուսաստանյան նախաձեռնողական հարցումն անցկացվել է փետրվարի 14-ին, մարտի 2-3-ին 18-ից բարձր տարիքի 1600 ռուսաստանցիների շրջանում: Հարցումն անցկացվել է հեռախոսով։
Կանանց միջազգային օրն ամեն տարի նշվում է մարտի 8-ին։ Առաջին անգամ տոնի անցկացման գաղափարը ծագել է 20-րդ դարի սկզբին։ Կանանց միջազգային օրը նշվում են կանանց ձեռքբերումները՝ անկախ ազգային կամ էթնիկ, լեզվական, մշակութային, տնտեսական և քաղաքական պատկանելություններից։