Արծրուն Հովհաննիսյան

Սահմանին իրավիճակը հանգիստ է, վիրավորների վիճակն էլ նույնն է

43
(Թարմացված է 13:17 08.07.2017)
Ադրբեջանական զինուժի արկակոծության հետևանքով բեկորային վիրավորում ստացած զինծառայողների առողջական վիճակը նույնն է։ Sputnik Արմենիային այս մասին հայտնեց ՀՀ ՊՆ մամուլի քարտուղար Արծրուն Հովհաննիսյանը։

ԵՐԵՎԱՆ, 8 հուլիսի — Sputnik. Ադրբեջանական զինուժի արկակոծության հետևանքով տարբեր աստիճանի բեկորային վիրավորումներ ստացած ՊԲ զինծառայողներ Ռոբերտ Նովրուզի Գասպարյանի (ծնվ. 1969թ.), Համբարձում Կարապետի Հարությունյանի (ծնվ. 1997թ.) և Վահե Գագիկի Բադալյանի (ծնվ. 1998թ.) առողջական վիճակը չի փոխվել։ Այս մասին հայտնեց ՀՀ ՊՆ մամուլի քարտուղար Արծրուն Հովհաննիսյանը։

«Վիրավորների վիճակը նույնն է»,- ասաց նա։

Ստեփանակերտի զինվորական հոսպիտալ տեղափոխված զինծառայողներից երկուսի վիճակը շարունակում է ծանր մնալ։

«Գլխի շրջանում վիրավորում ստացած զինծառայողի վիճակը շարունակում է մնալ ծայրահեղ ծանր»,- այս մասին հայտնում են Ստեփանակերտի հոսպիտալից:

Արծրուն Հովհաննիսյանը խոսեց նաև առաջնագծում տիրող իրադրության մասին։ Նրա խոսքով` այս պահին իրավիճակը հանգիստ է։

43