Սենոր Հասրաթյան

Ադրբեջանում զոհված երեխայի մասին. «Թշնամի երեխա չի լինում, առավել ևս... երկու տարեկան»

134
(Թարմացված է 15:59 05.07.2017)
Արցախի պաշտպանության բանակի տեղեկատվության և հասարակայնության հետ կապերի բաժնի պետ Սենոր Հասրաթյանը ֆեյսբուքյան իր էջում ցավով է արձանագրում, որ Ադրբեջանում 2 տարեկան երեխա է մահացել։

ԵՐԵՎԱՆ, 5 հուլիսի — Sputnik. Սենոր Հասրաթյանն արձագանքել է ադրբեջանական կողմի պնդումներին, որ երեկ սպանվել են Ալխանլու գյուղի բնակիչներ՝ 1967 թվականին ծնված Սահիբա Գուլիևան և 2015-ին ծնված Զահրա Գուլիևան։

«Թշնամի երեխա չի լինում, առավել ևս… երկու տարեկան, բայց լինում են դեպքեր, երբ վախկոտ անգլուխների մեղքով երեխա է զոհվում: Այդպես եղավ հուլիսի 4-ի երեկոյան, երբ խաղաղ բնակչության թիկունքում թաքնված ադրբեջանական «հզոր» բանակի ասկյարը հայկական ուժերի դեմ կիրառելով ռեակտիվ հրթիռահրետանային կայանք, թիրախավորեց ոչ այլ ում, քան հենց երկու տարեկան աղջնակին։ Ի տարբերություն նեոլիթյան մտածողությամբ մեր հարևանների, մենք ստիպված ենք ցավով արձանագրել այս փաստը և ափսոսանք հայտնել: Ընդունեք որպես անձնական կարծիք»,- ընդգծել է Հասրաթյանը:

Նշենք, որ Արցախի ՊԲ-ի տարածած հաղորդագրության համաձայն` հուլիսի 4-ին արցախա-ադրբեջանական հակամարտ զորքերի շփման գծի տարբեր հատվածներում հակառակորդը շարունակել է խախտել հրադադարի պահպանման ռեժիմը։

Հակառակորդի նախահարձակ ակտիվությունը ճնշելու համար ՊԲ առաջապահ զորամասերը ժամը 20:31-20:40-ի սահմաններում ստիպված են եղել ձեռնարկել պատասխան գործողություններ, ինչի արդյունքում վնաս է հասցվել Ալխանլու գյուղում տեղակայված կրակակետին: ՊԲ համապատասխան ծառայությունների կողմից տրամադրված հավաստի տվյալներով, հակառակորդն ունի կորուստներ:

Ադրբեջանական սադրիչ գործողությունների արդյունքում ՊԲ-ն կորուստներ չի ունեցել:

134
Ըստ թեմայի
Կադրեր Ադրբեջանի TR-107 հրթիռային կայանքի հարվածից
Արցախի ՊԲ–ի զինվորներ չեն վիրավորվել. ադրբեջանական ԶԼՄ–ների հերթական սուտը
Մինսկի խմբի հերթական լղոզված հայտարարությունը. նույն համահարթեցված մոտեցումն է
Արցախն Ադրբեջանի դեմ պատասխան գործողություն է սկսել
Արցախն ահազանգում է. Ադրբեջանը կիրառել է ՏՌ-107