Զինծառայողներ

Արցախի ՊԲ–ի զինվորներ չեն վիրավորվել. ադրբեջանական ԶԼՄ–ների հերթական սուտը

87
(Թարմացված է 13:36 05.07.2017)
Արցախի պաշտպանության նախարարությունը հայտարարություն է հրապարակել` հերքելով ադրբեջանական լրատվամիջոցների տարածած տեղեկությունները։

ԵՐԵՎԱՆ, 5 հուլիսի — Sputnik. Ադրբեջանական լրատվամիջոցների կողմից այսօր հրապարակված տեղեկատվությունն առ այն, թե իբր զորամասում տեղի ունեցած պայթյունի հետևանքով վիրավորվել են ՊԲ 3 զինծառայողներ, իրականությանը չի համապատասխանում: Այս մասին հայտնում է Արցախի ՊՆ-ն։

«Ի տարբերություն ադրբեջանական կողմի, Արցախի Հանրապետության պաշտպանության նախարարությունը հավատարիմ է իր թափանցիկ գործելաոճին և տեղ գտնող միջադեպերի վերաբերյալ պարբերաբար հանդես է գալիս տեղեկատվությամբ»,- նշված է հաղորդագրության մեջ։

Արցախի ՊԲ-ն վստահեցնում է` հակառակորդ երկրի նմանաբովանդակ ապատեղեկատվություններն ուղղված են բացառապես ներքին լսարանին:

87