ԵՐԵՎԱՆ, 14 հունիսի — Sputnik. Արցախի Հանրապետության նախագահի խորհրդական Տիգրան Աբրահամյանն իր ֆեյսբուքյան էջում անդրադարձ է կատարել բազմազավակ ընտանիքների համար տների կառուցման ծրագրին։ Նա, մասնավորապես, գրել է.
«Արցախում ծնելիության և բազմազավակության խթանման ծրագրերի շրջանակներում շարունակվում է 6 և ավելի երեխաներ ունեցող ընտանիքների համար առանձնատների կառուցման գործընթացը:
Ներկայումս 44 առանձնատուն կառուցման փուլում է, ևս 35-ը՝ կկառուցվի առաջիկայում:
Դրան զուգահեռ, պետությունն իրականացնում է նաև բնակարանների գնում և տրամադրում` բազմազավակ ընտանիքներին»:
