ԵՐԵՎԱՆ, 18 ապրիլի — Sputnik. Ադրբեջանական կողմը հայ դիրքապահների ուղղությամբ արձակել է ավելի քան 640 կրակոց: Այս մասի հայտնում է Արցախի պաշտպանության նախարարության մամուլի ծառայությունը։
«Շփման գծի հարավային, արևելյան և հյուսիսարևելյան ուղղությամբ ադրբեջանական զինուժը ակտիվորեն կիրառել է նաև դիպուկահար հրացաններ (93 կրակոց)»,- նշված է հաղորդագրության մեջ:
Հակառակորդի նախահարձակ ակտիվությունը ճնշելու համար ՊԲ առաջապահ զորամասերը դիմել են պատասխան գործողությունների և շարունակել իրականացնել մարտական դիրքերի հուսալի պահպանություն: