Հայկ Խանումյան

Հայկ Խանումյանի առևանգման գործի մանրամասները

113
(Թարմացված է 12:25 09.06.2016)
ԼՂՀ Ազգային ժողովի պատգամավոր Հայկ Խանումյանին առևանգելու դեպքի առթիվ հարուցված քրեական գործով քննչական խմբի կողմից հունիսի 6-ից 8-ն ընկած ժամանակահատվածում իրականացվել են մի շարք դատավարական գործողություններ

ԵՐԵՎԱՆ, 9 հունիսի – Sputnik. ԼՂՀ ոստիկանության մամուլի ծառայությունը հայտնում են, որ կատարվել է դեպքի վայր հանդիսացող Ստեփանակերտ քաղաքի Վերածննդի հրապարակի համապատասխան հատվածի զննություն, որի ընթացքում նաև արձանագրվել են այն շենքերն ու շինությունները, որոնց վրա տեղադրված են տեսագրող սարքեր։

Որոշվել է առգրավել տեսագրող սարքերի` դեպքին վերաբերող հնարավոր տեսագրությունները, Հայկ Խանումյանին տուժող ճանաչել։ Տուժողը հարցաքննվել է, նրա նկատմամբ դատաբժշկական փորձաքննություն է նշանակվել։ Խանումյանի նկատմամբ պաշտպանության միջոցներ կիրառելու մասին որոշում է կայացվել՝ հաշվի առնելով այն հանգամանքը, որ ըստ տուժողի ցուցմունքի՝ հանցագործության ընթացքում հնչել են իրեն ուղղված սպառնալիքներ։

Հաղորդագրության մեջ նշված է, որ հարցաքննվել են դեպքի հնարավոր ականատես մի շարք անձինք:

Նախաքննությունը շարունակվում է: Իրականացվում են քննչական և օպերատիվ հետախուզական միջոցառումներ՝ ուղղված հանցանք կատարած անձանց ինքնությունը պարզելուն:

Նշենք, որ Հայկ Խանումյանին ծեծի ենթարկելու դեպքի առթիվ հարուցվել է քրեական գործ Քրեական օրենսգրքի 129-րդ հոդվածի 2-րդ մասի 1-ին, 2-րդ կետերի (մի խումբ անձանց կողմից նախնական համաձայնությամբ, կյանքի կամ առողջության համար վտանգավոր բռնություն գործադրելով կամ դրա գործադրելու սպառնալիքով մարդուն առեւանգելը) հիման վրա։

 

113