Միջազգային դիտորդների ենթադրյալ տեղակայման գոտիները հայ-ադրբեջանական սահմանին

590
(Թարմացված է 18:56 28.05.2021)
Հայաստանի վարչապետի պաշտոնակատարն առաջարկել է Ռուսաստանից ու ԵԱՀԿ Մինսկի խմբի մյուս համանախագահ երկրներից (ԱՄՆ ու Ֆրանսիա) միջազգային դիտորդներ տեղակայել հայ-ադրբեջանական սահմանի երկայնքով։ Sputnik Արմենիայի ինֆոգրաֆիկան ներկայացնում է տեղակայման մոտավոր քարտեզը։
Միջազգային դիտորդների ենթադրյալ տեղակայման գոտիները
© Sputnik / Shushanik Avdalyan

Փաշինյանն ադրբեջանական կողմին առաջարկել է ետ քաշվել ելման դիրքեր Սոթքից (Գեղարքունիքի մարզ) մինչև Խոզնավար (Սյունիքի մարզ) ընկած սահմանի երկայնքով ու միջազգային դիտորդներ տեղակայել այդտեղ Ռուսաստանից ու ԵԱՀԿ Մինսկի խմբի մյուս համանախագահ երկրներից (ԱՄՆ ու Ֆրանսիա) սահմանների ճշգրտման նորմալ գործընթացն ապահովելու համար։

ԵԱՀԿ-ն պատրաստ է աջակցել. Անն Լինդեն` Հայաստանի սահմանին ստեղծված վիճակի մասին

Մայիսի 28-ին Փաշինյանը Երևանում իր նախընտրական շտաբների ներկայացուցիչների հետ հանդիպման ժամանակ տեղեկացրեց, որ ԱՄՆ-ն արդեն հայտարարություն է արել, սպասում են մյուսների արձագանքին։

590
թեգերը:
դիտորդ, Սահման, Ադրբեջան, Հայաստան
Ըստ թեմայի
Ադրբեջանական ԶՈւ-ն մի քանի կրակոց է արձակել Կութ գյուղի սահմանամերձ հատվածում
Այն, ինչ կատարվում է սահմանին, սպառնալիք է ամբողջ տարածաշրջանի համար. Մհեր Գրիգորյան
«Սահմանի ճշգրտման» կեղծ հիմնավորմամբ. Շոյգու–Հարությունյան հանդիպման մանրամասները

Որքան է նվազել Հայաստանի բնակչությունը անկախության տարիներին

184
(Թարմացված է 17:22 10.06.2021)
Պաշտոնական վիճակագրության համաձայն՝ վերջին 30 տարում Հայաստանի բնակչությունը նվազել է ավելի քան կես միլիոնով, ավելի կոնկրետ` 553 000-ով։
Ում կառավարման տարիներին Հայաստանից որքան մարդ է արտագաղթել
© Sputnik / Shushanik Avdalyan

Հայաստանում անցկացվող արտահերթ ընտրությունների քարոզարշավի հիմնական թեմաներից մեկը արտագաղթն է. ում կառավարման տարիներին Հայաստանից որքան մարդ է արտագաղթել։ Մինչ քաղաքական ուժերը փոխադարձ մեղադրանքներ են հնչեցնում, Հայաստանն այսօր էլ շարունակում է դատարկվել։

Այդ են վկայում ՀՀ մշտական բնակչության վերաբերյալ պաշտոնական տվյալները։ ՀՀ վիճակագրական կոմիտեի կայքում հրապարակված տվյալների համաձայն՝ Հայաստանի անկախացումից հետո 30 տարում հանրապետության մշտական բնակչությունը նվազել է ավելի քան կես միլիոնով, ավելի կոնկրետ` 553 000-ով։

Այս տվյալներն, իհարկե, ներառում են ոչ միայն արտագաղթի տվյաները, այլև բնակչության բնական հավելաճի (մահերի ու ծնունդների) հնարավոր բացասական ցուցանիշները։

Նշենք, որ բոլոր տվյալները ներկայացված են տվյալ տարվա հունվարի 1-ի դրությամբ, հետևաբար, 2020թ–ի ցուցանիշը չի ներառում ո՛չ կորոնավիրուսի, ո՛չ էլ պատերազմի մահերի վիճակագրությունը։

Առողջապահության նախարարության տվյալներով՝ 2021թ–ի հունվարի 1-ի դրությամբ ՀՀ–ում կորոնավիրուսից մահացել է 2941 մարդ։ Պատերազմի ընթացքում մահացածների թիվը, ըստ ՀՀ վարչապետի պաշտոնակատար Նիկոլ Փաշինյանի, կազմել է շուրջ 3700 մարդ։

«Թող հայրենիքը մնա իմ սրտում, բայց ես լինեմ ուրիշ երկրում». քաղաքացիները` արտագաղթի մասին

Ինչ վերաբերում է 2020-ի արտագաղթի տվյալներին, ապա փակ սահմանների պայմաններում այդ ցուցանիշը գրեթե զրոյական է եղել։ Իսկ արդեն 2021թ.- հունվար-մարտին, պաշտոնական տվյալներով, ՀՀ-ից դուրս է եկել 127 338 քաղաքացի, մուտք գործել՝ 63 625-ը: Այսինքն՝ 3 ամսում Հայաստանից հեռացել է 63 713 ՀՀ քաղաքացի:

184
թեգերը:
արտագաղթ, Հայաստան
Ըստ թեմայի
Բոլոր թեկնածուներին միավորող մինուսները, կամ մեծ է վտանգը, որ միասին մեջքի վրա կընկնենք
Ինչպես կանխել արտագաղթը, կամ իրավիճակի պատասխանը կգտնեք «Զվարթնոցում»
Հազարավոր մարդիկ ուզում են ԱՄՆ կամ Ռուսաստան գնալ. ՀՀ նախագահը` սպասվող արտագաղթի մասին

Իմացեք` որ թիվն է ձեր նախընտրածը ընտրություններին քվեարկելու համար

332
(Թարմացված է 20:01 31.05.2021)
22 կուսակցություն և 4 դաշինք կմասնակցեն հունիսի 20–ին սպասվող արտահերթ խորհրդարանական ընտրություններին։ Sputnik Արմենիայի ինֆոգրաֆիկան ներկայացնում է` թե որ ուժը ինչ թվի ներքո է հանդես գալու։
Ո՞ր քաղաքական ուժերն են մասնակցում արտահերթ խորհրդարանական ընտրություններին
© Sputnik / Shushanik Avdalyan

 

ՀՀ կենտրոնական ընտրական հանձնաժողովի հաստատմամբ`  22 կուսակցություն և 4 դաշինք գրանցեց Ազգային ժողովի ընտրությանը մասնակցելու համար:

ԿԸՀ նախագահ Տիգրան Մուկուչյանը վիճակահանության ավարտին հայտարարեց, որ քաղաքական ուժերին բաժին ընկած համարները փոփոխման ենթակա չեն՝ անկախ այն հանգամանքից, թե քաղաքական ուժերից քանիսը ընտրական գործընթացում կորոշեն դադարեցնել իր մասնակցությունն ընտրություններին ու ինքնաբացարկ կհայտարարեն:

Նշենք, որ ԱԺ արտահերթ ընտրությունը կկայանա հունիսի 20-ին։ Հայաստանի Հանրապետության ընտրողների ռեգիստրում ընդգրկված ընտրողների ընդհանուր թիվը 2.581.093 է: Ըստ գտնվելու վայրի և հաշվառում չունեցող ընտրողների՝ քվեարկությանը մասնակցելու համար ընտրողների ցուցակում ընդգրկվելու մասին դիմում ներկայացնելու գործընթացը սկսվում է ընտրություններից 20 օր առաջ` մայիսի 31-ից։

332
թեգերը:
թիվ, քվեարկություն, կուսակցություն, Ազգային ժողովի ընտրություններ, Հայաստան
թեմա:
ԱԺ արտահերթ ընտրություններ 2021
Армен Петросян

ԱՄՆ–ն ձգտում է վերադառնալ մեր տարածաշրջան, սակայն այլ ձևաչափով․ Պետրոսյան

0
(Թարմացված է 16:34 13.06.2021)
Արաբագետ Արմեն Պետրոսյանը Sputnik Արմենիայի եթերում անդրադարձել է կովկասյան տարածաշրջանում ԱՄՆ–ի և Ռուսաստանի շահերի բախման խնդրին և վարվող քաղաքականությանը։

Արմեն Պետրոսյանի դիտարկմամբ` նշված գերտերությունները բացի երկկողմ հարաբերություններից, որոնց բովանդակությունը որոշ հարցերի առնչությամբ բավականին խնդրահարույց է, այդուհանդերձ տարածաշրջանային հակամարտությունների համատեքստում հարաբերվում են միմյնաց հետ, ինչը դրսևորվում է կա՛մ փոխադարձ շահերը ճանաչելու, կա՛մ մրցակցելու տեսքով։ Ըստ նրա` նշված գործոնների առկայության պարագայում սպասվում է բավականին հետաքրքիր հանդիպում երկու երկրների նախագահների միջև, որը կկայանա մոտ օրերս։

«Առարկայական փոփոխություններ ակնկալելն այդքան էլ ճիշտ չի լինի ու նաև տեղին չէ գալիք հանդիպումը դասել ճանաչողականների շարքին, որովհետև երկու առաջնորդները նախկինում տարբեր կարգավիճակներով արդեն իսկ հանդիպել են, ծանոթ են միմայանց բանակցային հմտություններին, ընդհանուր քաղաքական մոտեցումներին, քանզի Բայդենի քաղաքականությունը մեծամասամբ լրացնում է Օբամայի ժամանակաշրջանում իրականացված քաղաքականությանը։ Հաշվի առնելով այդ հանգամանքը` կարծում եմ՝ գալիք հանդիպումից հետո կնշմարվեն նաև որոշ ընդհանրություններ»,– նշեց արաբագետը։

Պետրոսյանը չշտապեց կանխատեսել, թե ԱՄՆ–ն մշտապես փորձում է նախադրյալներ ստեղծել կովկասյան տարածաշրջանից հեռանալու համար, այլ հակառակը` այդ գերտերությունը ձգտում է վերադառնալ մեր տարածաշրջան, սակայն այլ ձևաչափով։ Եթե Թրամփի կառավարման շրջանում ամերիկյան քաղաքականությունն իրականացվում էր առնվազան Վաշինգտոնի համար տնտեսական շահերի ծիրում, ապա այժմ առաջ է մղվում նաև աշխարհաքաղաքական գործոնը։
«Թրամփի օրոք էականորեն մեծացել էր կախվածությունը տարածաշրջանային դաշնակիցներից, և ԱՄՆ–ն նույնիսկ չէր կարողանում զսպել նրանց քայլերը, մինչդեռ նոր վարչակազմը փորձում է քայլ առ քայլ կարգավորել հարաբերությունները տարբեր ուղղություններում»,– նշեց արաբագետը։

Պետրոսյանի գնահատմամբ` ամերիկյան վարչակարգը հետայսու իր ստանձնած պարտավորությունների շրջանակում փորձելու է հնարավորինս հավասարակշռված կեցվածք դրսևորել։   

Հիշեցնենք, որ ԱՄՆ–ի և ՌԴ–ի նախագահներ Ջո Բայդենի և Վլադիմիր Պուտինի հանդիպումը տեղի կունենա հունիսի 16-ին Ժնևում գտնվող «Լա–Գրանժ» առանձնատանը։
Շվեյցարական աղբյուրների համաձայն` արդեն մի քանի օր է, ինչ առանձնատան մերձակայքն արգելափակված է ոստիկանության կողմից։ Ակնկալվում է, որ նախանշված հանդիպումից առաջ Ժնևի այն շրջանում, որտեղ գտնվում է «Լա–Գրանժ» առանձնատունը, կտեղակայվեն հակաօդային պաշտպանության համակարգեր։

0
թեգերը:
Վլադիմիր Պուտին, Ջո Բայդեն, տարածաշրջան, Ռուսաստան, ԱՄՆ