Հայերի ավանդը Հայրենական մեծ պատերազմում

149
(Թարմացված է 12:09 09.05.2021)
Sputnik Արմենիայի ինֆոգրաֆիկայում երևում է, թե ինչ ներդրում են ունեցել հայերը Հայրենական մեծ պատերազմի ժամանակ։
Հայերի ավանդը Հայրենական մեծ պատերազմում
© Sputnik / Shushanik Sargsyan

Հայրենական մեծ պատերազմին մասնակցել է 600 հազար հայ, որոնցից 300 հազարը եղել են Խորհրդային Հայաստանից, իսկ մնացած 200 հազարը` Խորհրդային Միության այլ հանրապետություններից:

200 հազարը հերոսաբար ընկել են ռազմի դաշտում: Շուրջ 70 հազարը պարգևատրվել են մարտական շքանշաններով ու մեդալներով:

«Հաղթանակը չի տրվում որպես նվեր». նախագահը հյուրընկալել է Հայրենական պատերազմի վետերանների

Խորհրդային Միության հերոսի բարձր կոչմանն են արժանացել 103 հայեր։ Խորհրդային Միության կրկնակի հերոսի կոչման են արժանացել Հովհաննես Բաղրամյանը և Նելսոն Ստեփանյանը:

4 գեներալ, մեկ ավիացիայի մարշալ, մեկ ծովակալ. այս թվերը հայերի մեծ ներդրման խոսուն վկայությունն են։

Պուտինը ԱՊՀ երկրների ղեկավարներին ու քաղաքացիներին շնորհավորել Է Հաղթանակի օրվա առիթով

149
թեգերը:
Հայրենական մեծ պատերազմ, հայեր
Ըստ թեմայի
27 մլն ծառ՝ ի հիշատակ Մեծ հայրենականի 27 մլն զոհի. Գյումրին ու Վանաձորը միացան ակցիային
Սերգեյ Լավրովն այցելել է «Հաղթանակ» զբոսայգի. լուսանկարներ
ԵԱՀԿ անդամ երկրներից 11–ը համատեղ հայտարարություն են ընդունել. Հայաստանը նրանց թվում է

2021թ․–ի առաջին եռամսյակի 10 խոշոր հարկատուները

138
(Թարմացված է 09:49 16.06.2021)
ՀՀ պաշտպանության նախարարությունը Հայաստանի երկրորդ խոշոր հարկատուն է․ գերատեսչությունը 15 միլիարդ դրամ հարկ է վճարել պետբյուջե։
2021թ–ի առաջին եռամսյակի առաջին 10 խոշոր հարկատուները
© Sputnik / Shushanik Avdalyan

Պետական եկամուտների կոմիտեն հրապարակվել է 2021 թ–ի առաջին եռամսյակի խոշոր հարկ վճարողների տվյալները:

Հրապարակման համաձայն՝ 1000 խոշոր հարկ վճարողների կողմից 2021թ–ի առաջին եռամսյակում պետական բյուջե է վճարվել ավելի քան 260 մլրդ 170 մլն դրամ:

Հայաստանի ամենախոշոր հարկատուն այս տարի «Գազպրոմ Արմենիա» ՓԲԸ–ն է` վճարած 18 704 826 000 դրամ հարկերով, երկրորդը պաշտպանության նախարարության աշխատակազմն է` 15 051 743 000 հարկերով, երրորդը` Զանգեզուրի պղնձամոլիբդենային կոմբինատը` 9 770 690 000 հարկերով։

Ով հասցրել է, վաճառել է․ ի՞նչ է կատարվում անշարժ գույքի շուկայում

Առաջին տասնյակում են նաև ծխախոտի տեղական արտադրողներն ու հեղուկ վառելիքի 2 խոշոր ներկրողները։

Հայաստանում ստվերային տնտեսությունը 2018-ից հետո կրճատվել է 40% -ով. Փաշինյան

138
թեգերը:
խոշոր հարկատու, Հայաստան
Ըստ թեմայի
Որքան պարգևավճար են ստացել պետական աշխատողները. Ջանջուղազյանը թվեր հրապարակեց
5 ամսում հավաքվել է 618.4 մլրդ դրամի հարկ, որից 68.6 միլիարդը վերադարձվել է հարկատուներին
Եթե ցանկանում եք երկիրը փլուզել ներսից` պարտք տվեք, կամ ինչ է պետք անել պետական պարտքի հետ

Որքան է նվազել Հայաստանի բնակչությունը անկախության տարիներին

223
(Թարմացված է 17:22 10.06.2021)
Պաշտոնական վիճակագրության համաձայն՝ վերջին 30 տարում Հայաստանի բնակչությունը նվազել է ավելի քան կես միլիոնով, ավելի կոնկրետ` 553 000-ով։
Ում կառավարման տարիներին Հայաստանից որքան մարդ է արտագաղթել
© Sputnik / Shushanik Avdalyan

Հայաստանում անցկացվող արտահերթ ընտրությունների քարոզարշավի հիմնական թեմաներից մեկը արտագաղթն է. ում կառավարման տարիներին Հայաստանից որքան մարդ է արտագաղթել։ Մինչ քաղաքական ուժերը փոխադարձ մեղադրանքներ են հնչեցնում, Հայաստանն այսօր էլ շարունակում է դատարկվել։

Այդ են վկայում ՀՀ մշտական բնակչության վերաբերյալ պաշտոնական տվյալները։ ՀՀ վիճակագրական կոմիտեի կայքում հրապարակված տվյալների համաձայն՝ Հայաստանի անկախացումից հետո 30 տարում հանրապետության մշտական բնակչությունը նվազել է ավելի քան կես միլիոնով, ավելի կոնկրետ` 553 000-ով։

Այս տվյալներն, իհարկե, ներառում են ոչ միայն արտագաղթի տվյաները, այլև բնակչության բնական հավելաճի (մահերի ու ծնունդների) հնարավոր բացասական ցուցանիշները։

Նշենք, որ բոլոր տվյալները ներկայացված են տվյալ տարվա հունվարի 1-ի դրությամբ, հետևաբար, 2020թ–ի ցուցանիշը չի ներառում ո՛չ կորոնավիրուսի, ո՛չ էլ պատերազմի մահերի վիճակագրությունը։

Առողջապահության նախարարության տվյալներով՝ 2021թ–ի հունվարի 1-ի դրությամբ ՀՀ–ում կորոնավիրուսից մահացել է 2941 մարդ։ Պատերազմի ընթացքում մահացածների թիվը, ըստ ՀՀ վարչապետի պաշտոնակատար Նիկոլ Փաշինյանի, կազմել է շուրջ 3700 մարդ։

«Թող հայրենիքը մնա իմ սրտում, բայց ես լինեմ ուրիշ երկրում». քաղաքացիները` արտագաղթի մասին

Ինչ վերաբերում է 2020-ի արտագաղթի տվյալներին, ապա փակ սահմանների պայմաններում այդ ցուցանիշը գրեթե զրոյական է եղել։ Իսկ արդեն 2021թ.- հունվար-մարտին, պաշտոնական տվյալներով, ՀՀ-ից դուրս է եկել 127 338 քաղաքացի, մուտք գործել՝ 63 625-ը: Այսինքն՝ 3 ամսում Հայաստանից հեռացել է 63 713 ՀՀ քաղաքացի:

223
թեգերը:
արտագաղթ, Հայաստան
Ըստ թեմայի
Բոլոր թեկնածուներին միավորող մինուսները, կամ մեծ է վտանգը, որ միասին մեջքի վրա կընկնենք
Ինչպես կանխել արտագաղթը, կամ իրավիճակի պատասխանը կգտնեք «Զվարթնոցում»
Հազարավոր մարդիկ ուզում են ԱՄՆ կամ Ռուսաստան գնալ. ՀՀ նախագահը` սպասվող արտագաղթի մասին
Նուբարաշենի աղբավայր

Նուբարաշենի աղբավայրում շարունակվում են հրդեհաշիջման աշխատանքները

0
Ութ օր շարունակ հրշեջները աշխատում են մարել աղբավայրում բռնկված հրդեհը։

ԵՐԵՎԱՆ, 16 հունիսի - Sputnik. Նուբարաշենի աղբավայրում շարունակվում են հրդեհաշիջման աշխատանքները։ Տեղեկությունը հայտնում է ՀՀ արտակարգ իրավիճակների նախարարության մամուլի ծառայությունը։

Նշվում է, որ հունիսի 8-ից ԱԻՆ ՓԾ Երևան քաղաքի փրկարարական վարչության հրշեջ-փրկարարական ջոկատների մարտական հաշվարկները հրդեհաշիջման աշխատանքներ են իրականացնում Նուբարաշենի աղբավայրում:

«Հունիսի 16-ին Նուբարաշենի աղբավայրում հրդեհաշիջման աշխատանքները շարունակելու նպատակով դեպքի վայր են մեկնել ԱԻՆ ՓԾ Երևան քաղաքի փրկարարական վարչության հրշեջ-փրկարարական ջոկատներից երեք մարտական հաշվարկ և Հրդեհաշիջման և փրկարարական աշխատանքների կազմակերպման բաժնի օպերատիվ խումբը», - ասված է հայտարության մեջ։

Հիշեցնենք, որ հունիսի 8-ին՝ ժամը 10։04-ին Ճգնաժամային կառավարման ազգային կենտրոնը տեղեկություն էր ստացել, որ հրդեհ է բռնկվել Երևանի Նուբարաշենի աղբավայրում։ Դեպքի վայր էին մեկնել հրշեջ-փրկարարական ջոկատներից վեց մարտական հաշվարկ և Հրդեհաշիջման և փրկարարական աշխատանքների կազմակերպման բաժնի օպերատիվ խումբը։

Հրդեհը մեկուսացվել էր ժամը 18։40-ին։ Սահմանվել էր հերթապահություն։ Հունիսի 9-ին և 10-ին դեպքի վայրում հերթապահող հրշեջ-փրկարարական ջոկատը նկատել էր հրդեհի նոր երկու օջախ, որոնցից մեկը մարվել էր, արդյունքում այրվել էր մոտ 400 խմ շինարարական աղբ։

Հրդեհաշիջման աշխատանքներին ներգրավված են Երևանի քաղաքապետարանի հինգ ջրատար, երկու բեռնատար մեքենա, հինգ տրակտոր, օժանդակ մեքենա (ջրատար), երկու ինժեներական տեխնիկա և ինքնաթափ մեքենա։

Շաբաթը թեժ էր ոչ միայն քաղաքական կյանքում, այլև Երևանի ամենամեծ աղբավայրում. լուսանկարներ

0
թեգերը:
հրդեհ, Նուբարաշենի աղբավայր, Երևան, Հայաստան
Ըստ թեմայի
100-ից ավել փրկարար, 6000 տոննա ջուր. Մասիսի աղբավայրի հրդեհն ահռելի ծախսեր է պահանջել
Թյուրիմացությո՞ւն է եղել. նախարարը Մասիսի աղբավայրի հրդեհի հարցով քննություն է նշանակել
Պատահականությո՞ւն, թե՞ հրկիզում. «գարշահոտ» պատմություն՝ Մասիսի աղբավայրի շուրջ