Երկաթուղային հաղորդակցության սխեման Հարավային Կովկասում` ապաշրջափակումից հետո
(Թարմացված է 21:10 13.01.2021)
Sputnik Արմենիան պատրաստել է ինֆոգրաֆիկա Հարավային Կովկասում գտնվող այն մայրուղիների մասին, որոնք կարող են սկսել գործել Մոսկվայում ձեռք բերված եռակողմ պայմանավորվածությունների արդյունքում։
©
Sputnik / Shushanik Sargsyan
Երեկ Մոսկվայում կայացած բանակցությունների ժամանակ Ռուսաստանի, Հայաստանի ու Ադրբեջանի առաջնորդները որոշել են այդ աշխատանքի հստակ ուղղություններ սահմանել։
Տրանսպորտային հաղորդակցության ապաշրջափակումը Մոսկվայում Հայաստանի, Ռուսաստանի ու Ադրբեջանի առաջնորդների բանակցությունների առանցքային թեմաներից էր։ Նիկոլ Փաշինյանի, Վլադիմիր Պուտինի ու Իլհամ Ալիևի ստորագրած համատեղ հայտարարության մեջ նշված է, որ անհրաժեշտ է ապաարգելափակել բոլոր ճանապարհները։ Խոսքն առաջին հերթին երկաթուղային ճանապարհների մասին է։
Եթե հաջողվի պայմանավորվածությունները կյանքի կոչել, կստանանք հետևյալ պատկերը․ Իջևան-Ղազախ երկաթուղային հատված հյուսիսում։ Այն Հայաստանին հնարավորություն կտա երկաթուղային ելք ունենալ դեպի Ռուսաստան։
Մեղրիով Նախիջևանի Ինքնավար Հանրապետություն գնացող՝ Ադրբեջանի հարավում գտնվող ճանապարհի վերականգնում։ Այնտեղ Թուրքիա գնացող ավտոմայրուղի կա։
Հայաստանը կարող է դառնալ տարածաշրջանի դուռը. Դանիելյանը`ապաշրջափակման մասին
Հայաստանի Արարատի մարզն ու Նախիջևանը կապող Երասխ – Շարուր անցման ապաարգելափակում։ Հայաստանի համար դա երկաթուղային ճանապարհ է դեպի Իրան ու կարճ ճանապարհ դեպի Սյունիք։
Գյումրուց մինչև Թուրքիայի սահման տանող երկաթուղու բացումը կհանգեցնի Ռուսաստանի ու Թուրքիայի երկաթուղային համակարգերի միավորմանը, նաև կարող է լրացուցիչ միջանցք դառնալ Թուրքիայի ու Ադրբեջանի հաղորդակցության համար։
Այդ ցանցը կարող է համակցված լինել «Հյուսիս-հարավ» (Եվրոպա-Ռուսաստան-Իրան-Հնդկաստան) տրանսպորտային միջանցքի հետ։
Տնտեսական կապերի ապաշրջափակումը «թոզփչոցի» է. տնտեսագետը զգուշացնում է վտանգների մասին
Հին կարանտին, նոր պայմաններ. ինչ է փոխվել կանոններում
(Թարմացված է 19:17 12.01.2021)
2020 թվականն աշխարհում սկսվեց կորոնավիրուսի համավարակով, որից անմասն չմնաց նաև Հայաստանը։ Sputnik Արմենիայի ինֆոգրաֆիկայում կարող եք տեսնել` այս ընթացքում ինչ փոփոխություններ են կրել կորոնավիրուսի հետ կապված կարանտինային սահմանափակումները Հայաստանի բնակիչների համար։
©
Sputnik / Shushanik Sargsyan
Կարանտինը Հայաստանում երկարացվեց ևս 6 ամսով։ Համապատասխան որոշումը երեկ`հունվարի 11–ին, հրապարակվեց ՀՀ կառավարության e-gov.am տեղեկատվական հարթակում։
Նշենք, որ զ հաշվի առնելով ներկայում Հայաստանի Հանրապետությունում առկա համաճարակային իրավիճակը, կատարվել են կարանտինի ընթացքում կիրառվող միջոցառումների և սահմանափակումների որոշակի մեղմացումներ, մասնավորապես.
- Հայաստանի Հանրապետության քաղաքացի չհանդիսացող անձինք կարող են հատել սահմանը և մուտք գործել Հայաստանի Հանրապետություն նաև ցամաքային սահմանային անցման կետերով, եթե Հայաստանի տարածք մուտք գործելիս ներկայացվում է կորոնավիրուսային հիվանդության (COVID-19) ախտորոշման պոլիմերազային շղթայական ռեակցիայի հետազոտության բացասական արդյունքը հավաստող առավելագույնը 72 ժամ վաղեմության սերտիֆիկատ, կամ սահմանային անցակետում իրականացվում է նմուշառում և տրվում է ինքնամեկուսացման հրահանգ մինչև մինչև ՊՇՌ հետազոտության բացասական արդյունքի ստացումը (նախկինում սույն պահանջը ներկայացված էր միայն օդային սահմանային անցման կետերում):
- Ուժը կորցրած են ճանաչվել հանրային միջոցառումների իրականացմանը ներկայացվող սահմանափակումները, այդ թվում՝ հանվել են հանրային միջոցառումների համար մասնակիցների թվի սահմանափակումը (նախկինում՝ 60 մասնակից) և փակ տարածքներում միջոցառումների կազմակերպմանը ներկայացվող պահանջները։
Հիշեցնենք` 2020 թ.–ի մարտի 16–ից Հայաստանում արտակարգ դրություն էր սահմանված, որը մի քանի անգամ երկարաձգվեց`որոշակի փոփոխությունների ենթարկվելով։
Գիտնականները նշել են` որ ախտանիշների դեպքում կարող է կորոնավիրուսը 12 շաբաթից ավելի տևել
Ովքեր են արցախյան իրադարձությունների ֆոնին լքել «Իմ քայլը»
(Թարմացված է 19:29 09.01.2021)
2020թ.-ի նոյեմբերի 9-ի եռակողմ հայտարարությունից հետո «Իմ քայլը» խմբակցության շարքերը սկսեցին նոսրանալ։ Ճիշտ է` ոչ խմբակային, սակայն իմքայլականները լքում են խմբակցությունը։ Իսկ թե ովքեր են դուրս եկել «Իմ քայլից», կարող եք տեսնել Sputnik Արմենիայի ինֆոգրաֆիկայում։ 
©
Sputnik / Shushanik Sargsyan
Չնայած իմքայլականներից որոշները մեղադրում են այս ծանր օրերին խմբակցությունը լքողներին, սակայն դուրս եկողները նշում են` չեն կիսում իշխող ուժի գաղափարախոսությունը։ Ի դեպ, «Իմ քայլից» դուրս եկողներից ոչ բոլորն են նաև վայր դնում իրենց պատգամավորական մանդատը։
Հիշեցնենք, որ նախօրեին Սոֆյա Հովսեփյանը Facebook-ի իր էջում գրառում էր կատարել` հայտնելով, որ լքում է «Իմ քայլն» ու անկախ պատգամավոր է դառնում։
Ավելի վաղ նույնն էին արել Վարդան Աթաբեկյանը, Թագուհի Թովմասյանը, Գոռ Գևորգյանը, Աննա Գրիգորյանը։
Իսկ ահա Գայանե Աբրահամյանը, Տիգրան Կարապետյանը, Արգիշտի Մեխակյանն ու Արամ Խաչատրյանը նաև իրենց մանդատը վայր դրեցին, չնայած վերջին երկուսը «դատարկ տեղը» չարեցին դա։ Նրանք այլ պաշտոն ստանձնեցին։
Ինչո՞ւ են իշխանական պատգամավորները լքում «Իմ քայլը» խմբակցությունը
Ինչո՞վ է զբաղված ՏՄՊՊՀ-ն և ինչո՞ւ դեղատներն անբարեխիղճ գործելաոճի համար չեն պատժվում
«Դեղորայքի թանկացման հարցում էական նշանակություն ունի դոլարի արժեվորումը, սակայն չեմ բացառում նաև սպեկուլյատիվ գործոնները». Կառլեն Խաչատրյան
Դեղորայքի գների բարձրացման հարցում էական նշանակություն ունի դոլարի արժեվորումը, սակայն, չի բացառվում, որ գործ ունենք նաև գերիշխող դիրքի չարաշահման ու սպեկուլյատիվ գործոնների հետ։ Sputnik Արմենիայի հետ զրույցում նման կարծիք հայտնեց տնտեսագետ Կառլեն Խաչատրյանը` մեկնաբանելով մամուլում տարածված տեղեկությունները, թե դեղերի շուկան դուրս է եկել վերահսկողությունից, իսկ դեղատները նման անբարեխիղճ գործելաոճի համար չեն պատժվում։
©
Sputnik / Asatur Yesayants
«Վերջին 2 ամիսների ընթացքում դոլարը մոտ 10 տոկոսով է արժեվորվել, սակայն այն դեպքերում, երբ քաղաքացիները հանդիպում են 65-70 տոկոսով դեղերի գնի բարձրացման, թանկացումը միայն դոլարի փոխարժեքով չի կարելի պայմանավորել»,- ասաց նա։
Հայաստանում դեղորայքի շուկայում առկա չարաշահումների ուսումնասիրությամբ զբաղվում է ՏՄՊՊՀ-ն, որն, ըստ Խաչատրյանի, վերջին 2.5 տարում այնքան էլ բարեխիղճ չի գործում։
«Վերջին 2-2.5 տարիների ընթացքում պետական որևէ մարմին իր գործառույթները պատշաճ մակարդակով չի իրականացնում կամ կադրային բավարար ներուժ չկա, ղեկավար անձնակազմը պատրաստ չէ, պահանջկոտ չէ, դրա համար էլ այս իրավիճակում ենք»,- նշեց տնտեսագետը։
Նրա համոզմամբ, եթե ոլորտի համար պատասխանատու հանձնաժողովը տարբեր պատճառաբանություններով մեկնաբանություններ չի ներկայացնում կամ փորձում է իր գործառույթները չկատարելը քողարկել «ուսումնասիրություններն ընթացքի մեջ» են պատճառաբանությամբ, դա ոչ այլ ինչ է, եթե ոչ անկարողության ու անգործության ուղղակի հետևանք։
«Հույս չունենաք, որ լավ ենք ապրելու». Վազգեն Մանուկյանը Գյումրիում է
Նշենք, որ այսօր «Ժողովուրդ» թերթը գրել էր, որ դեղատները անբարեխիղճ գործելաոճի համար չեն պատժվում, իսկ ՀՀ տնտեսական մրցակցության պաշտպանության պետական հանձնաժողովը վստահեցնում է, որ դեղերի շրջանառության ոլորտն ուսումնասիրում են: