Սյունիքի տարածքի հատվածները, որոնք Ադրբեջանին են փոխանցվում «սահմանազատման» արդյունքում

1945
(Թարմացված է 15:24 31.12.2020)
Շուռնուխ գյուղում, ըստ նախնական տվյալների, ադրբեջանցիներին է անցնում գյուղի 12 տուն և կից հողատարածքներ։
Սյունիքի տարածքի հատվածները, որոնք Ադրբեջանին են փոխանցվում նախնական «սահմանզատման» արդյունքում
© Sputnik / Shushanik Sargsyan

Հայկական կողմի կորուստները Արցախում հողեր հանձնելով չեն սահմանափակվել։ Հարվածի տակ է հայտնվել նաև Սյունիքի մարզը։ Քաշաթաղի (Լաչինի) շրջանի հանձնումից հետո Սյունիքի առանձին հատվածներ փաստացի անցել են ադրբեջանական կողմին։ Ավելի մանրամասն՝ ինֆոգրաֆիկայում։

ՀՀ վարչապետը հայտարարել էր, որ Ադրբեջանի հետ սահմանին տեղի ունեցող գործընթացները չի կարելի սահմանազատում և սահմանագծում համարել։ Սակայն «սահմանային կետերի որոշման» ընթացքում Սյունիքի մարզը տարածքներ է կորցնում։ Մասնավորապես՝ Շուռնուխ գյուղում, ըստ նախնական տվյալների, ադրբեջանցիներին է անցնում գյուղի 12 տուն և կից հողատարածքներ, Որոտան գյուղում՝ 12 շինություն և գյուղատնտեսական տարածքներ։

Դավիթ Բեկ համայնքի հողերի զգալի մասը ևս մնում է Ադրբեջանի վերահսկողության տակ։

Քարահունջ գյուղը 30 հեկտար այգիներ է կորցնում և մոտակա ՀԷԿ-ը։

Բացի այդ, Ադրբեջանի վերահսկությանն են անցնում Գորիս-Կապան, Կապան-Ճակատեն ճանապարհահատվածներ։ Լիովին փակվում է հիմնական մայրուղու՝ Կապանից դեպի Ագարակ գյուղ տանող հատվածը։

Հիշեցնենք` նոյեմբերի 9-ին ՌԴ նախագահ Վլադիմիր Պուտինը, ՀՀ վարչապետ Նիկոլ Փաշինյանը և Ադրբեջանի նախագահ Իլհամ Ալիևը համատեղ հայտարարություն ընդունեցին ռազմական գործողությունների դադարեցման վերաբերյալ։

Գորիս համայնքի 12 շենք-շինությունն արդեն Ադրբեջանի վերահսկողության տակ են. փոխքաղաքապետ

Եռակողմ հայտարարության մեջ մասնավորապես նշվում է, որ մինչև նոյեմբերի 15-ը Ադրբեջանին է վերադարձնում Քելբաջարը (ավելի ուշ այդ ժամկետը 10 օրով երկարաձգվեց-խմբ.), մինչև նոյեմբերի 20-ը՝ Աղդամի շրջանը, մինչև դեկտեմբերի 1-ը՝ Լաչինի շրջանը` թողնելով միջանցք 5 կմ լայնությամբ, որը ապահովելու է Հայաստանի կապը, սակայն չի շոշափելու Շուշին։ 

Հայաստանն ապահովում է տրանսպորտային կապ Ադրբեջանի արևմտյան շրջանների և Նախիջևանի Ինքնավար Հանրապետության միջև։ 

Եռակողմ հայտարարության մեջ Հայաստանից Ադրբեջանին փոխանցվող տարածքների վերաբերյալ կետ չկա։

1945
թեգերը:
Դեմարկացիա, Ադրբեջան, Հայաստան, Սյունիք
Ըստ թեմայի
Սյունիքի Որոտան ու Շուռնուխ գյուղերում կարող են ցավոտ իրավիճակներ առաջանալ. Փաշինյան
Ադրբեջանցիները պահանջել են մեկ օրում ազատել Շուռնուխ գյուղի կեսը. Գորիսի փոխքաղաքապետ
«Հետո թոռս չասի` երկու մանեթի դիմաց հողը վաճառեցիր». Շուռնուխի 12 տների հարցը պարզ չէ

Իրականում քանի՞ հայ է ապրել Շուշիում

659
(Թարմացված է 16:00 23.01.2021)
Վարչապետ Նիկոլ Փաշինյանի աղմկահարույց հայտարարության հետքերով, թե մինչև 90-ականներին հայերի կողմից Շուշիի ազատագրումը նրա բնակչության 90%-ն ադրբեջանցիներ էին, ներկայացնում ենք ինֆոգրաֆիկա։ Դրանում ակնհայտ է, որ քաղաքի հայ բնակչությունը տարբեր տարիներին գերակշռել են։
Իրականում քանի՞ հայ է ապրել Շուշիում
© Sputnik / Shushanik Avdalyan

Փաստերն անողոք բան են։ Շուշիում միշտ գերակշռել են հայերը։ Շուշիում ադրբեջանական բնակչության ավելի քան 90%-ը բաժին եղել է միայն երկու շրջանում (երկուսն էլ հայերի ջարդերից հետո)՝ 1920 և 1988 թվականներին։ Փորձագետներն արդեն Փաշինյանի հայտարարությունն անվանել են Շուշիի կորուստն արդարացնելու փորձ։

Փաշինյանը շրջանցում է մի ոչ պակաս կարևոր փաստ՝ Շուշիի կարգավիճակը հայկական վերահսկողության տակ (անգամ ադրբեջանական բնակչության 90% –ի դեպքում) մի բան է, իսկ քաղաքի կարգավիճակը Ադրբեջանի ձեռքում՝ բոլորովին այլ։

Դրանք իրարից տարբերվող սցենարներ են ՝ աշխարհաքաղաքական տարբեր հետևանքներով, ինչի մասին Հայաստանի վերնախավում առանձնապես չեն սիրում խոսել։

«Գիտակցված ենք եկել այստեղ». Թաթուլը նստեց տեղն ու... Շուշիի մշակույթի տունը հրթիռակոծեցին

659
թեգերը:
ադրբեջանցի, Նիկոլ Փաշինյան, հայեր, Շուշի
Ըստ թեմայի
Ե՛վ պատերազմը կանգնեցնել, և՛ Շուշին պահել․ որն էր Հայաստանի իշխանության հիմնական սխալը
Ինչո՞ւ Փաշինյանն այդքան չի սիրում Շուշին. Սարգսյանը` վարչապետի աղմկոտ հայտարարության մասին
Դա կարող է Ալիևի պատվերը լինել. Կարապետյանը` Շուշիի վերաբերյալ Փաշինյանի ասածի մասին
Ինչո՞ւ է «ադրբեջանականացվում» Շուշին. փորձագետները` Փաշինյանի հայտարարության մասին

Որքան են բարձրացել գները Հայաստանում

159
(Թարմացված է 15:46 20.01.2021)
Հայաստանում թանկացել է և՛ հացաբուլկեղենը, և՛ ձավարեղենը, և՛ կաթնամթերքը, և՛ մսամթերքը։ Sputnik Արմենիայի կազմած ինֆոգրաֆիկայում երևում է, թե որքան է կազմել գնաճը մեկ տարում և մեկ ամսում։
Գների փոփոխությունը Հայաստանում
© Sputnik / Shushanik Sargsyan

Հայաստանի Հանրապետության սպառողական շուկայում 12-ամսյա գնաճը (2020թ. դեկտեմբերը 2019թ. դեկտեմբերի նկատմամբ) կազմել է 3.7%, իսկ նախորդ ամսվա նկատմամբ` 3.4%:

2020թ. դեկտեմբերին 2019թ. դեկտեմբերի համեմատ հանրապետությունում արձանագրվել է սննդամթերքի և ոչ ալկոհոլային խմիչքի 4.9%, իսկ 2020թ. նոյեմբերի համեմատ՝ 7.2% գնաճ: Բանջարեղենի ապրանքախմբում 2020թ. դեկտեմբերին 2019թ. դեկտեմբերի համեմատ արձանագրվել է 2.8%, իսկ 2020թ. նոյեմբերի համեմատ՝ 35.9% գնաճ։

Նախատեսվածից 60 մլրդ դրամով ավել եկամուտ է հավաքագրվել. ՊԵԿ նախագահ

Մրգի ապրանքախմբում 2020թ. դեկտեմբերին 2019թ. դեկտեմբերի համեմատ արձանագրվել է 11.4%, իսկ 2020թ. նոյեմբերի համեմատ`6.5% գնաճ:

2020թ. դեկտեմբերին 2019թ. դեկտեմբերի համեմատ թանկացել են նաև հացաբուլկեղենը, ձավարեղենը, կաթնամթերքը, ձուն, շաքարը, մսամթերքը։ 

Թանկացում՝ դեղերի ոլորտում. ինչի՞ հետևանքով են քաղաքացիներն ավելի շատ վճարում

159
թեգերը:
գին, Հայաստան
Ըստ թեմայի
2021 թվականը լինելու է մեր տնտեսական ամբիցիաների վերականգնման տարի. Փաշինյան
Բյուրոկրատիան խեղդում է. ի՞նչն է խանգարում Հայաստանում նոր սերնդի շինանյութ արտադրել
Հայաստանում ծխախոտի ակցիզների դրույքաչափերը կավելանան
Ծովային հետևակայինները Կապիտոլիումի արևմտյան ճակատի մոտ

«Ամեն ինչ դրան էր տանում»․ ինչո՞ւ է ամերիկյան ծովային հետևակը հայտնվել Հյուսիսում

0
Ամերիկյան բանակն ամրապնդվում է Նորվեգիայում՝ ռուսական սահմանների անմիջական հարևանությամբ։ Հունվարին այստեղ ցամաք է իջել մոտ հազար ծովային հետևակային։

Նիկոլայ Պրոտոպոպով, ՌԻԱ Նովոստի

Ամերիկացի քաղաքական գործիչներն ու գեներալները ավելի ու ավելի հաճախ են հայտարարում Արկտիկայի լարվածության ուժեղացման մասին, որը, փորձագետների կարծիքով, հենց իրենք էլ ստեղծում են։ Պենտագոնն ինչի՞ է պատրաստում Նորվեգիային՝ ՌԻԱ Նովոստիի հոդվածում։

Վիկինգներին հյուր

Ծովային հետևակը Նորվեգիա է տեղափոխվել Հյուսիսային Կարոլինայից, այսպես կոչված, ռոտացիայի շրջանակում։ Արդեն մի քանի տարի է` ամերիկացիներն այդ հնարքին են դիմում. մի ստորաբաժանումը փոխարինում է մյուսին, և ԱՄՆ-ի ռազմական զորակազմը փաստացի մշտապես ներկա է երկրում։

Ծովային հետևակի խնդիրն է նորվեգացի հրահանգիչների ղեկավարությամբ սովորել մարտական գործողություններ վարել Արկտիկայի խստաշունչ պայմաններում և սերտ գործակցություն մշակել ՆԱՏՕ-ի գործընկերների հետ:

Փետրվարին ամերիկացիները, նորվեգացիները, ինչպես նաև հոլանդացիներն ու անգլիացիները՝ ընդամենը տասը հազար մարտիկ, կմասնակցեն Joint Viking 2021 լայնածավալ զորավարժություններին: ՆԱՏՕ-ականները կմշակեն մեծ հեռավորությունների վրա զորքերի արագ տեղափոխումը, կյուրացնեն բոլոր մակարդակներում տեղեկատվության փոխանակման մեթոդները և մի քանի համատեղ գործողություն կիրականացնեն։

Ս-500 համակարգն առաջին գնորդներն ունի սպառազինությունների համաշխարհային շուկայում

JointViking զորավարժություններն ամենամյա են։ Զորքերը՝ զրահատեխնիկան, հրետանին, ավիացիան, նավերն ու սուզանավերը, բարձր ինտենսիվության մարտական գործողություններ են մոդելավորում մի քանի հարյուր քառակուսի կիլոմետր տարածքում, մեծ մասամբ` անտառապատ և լեռնային տեղանքում։

Ռազմական փորձագետ Ալեքսանդր Ժիլինը ՌԻԱ Նովոստիի հետ զրույցում նշել է, որ ԱՄՆ ռազմական դոկտրինի համաձայն՝ նրանց բանակը սովորում է պատերազմել հիմնականում արտասահմանում:

«Ուստի պետության քաղաքականությունը կառուցվում է այնպես, որ ամերիկացի զինվորականները մշտապես հայտնվում են այլ երկրներում՝ մարտական գործողություններ, հետախուզություն, օդանավակայանների շուրջ թռիչքներ, ծովային ուղիների շրջանցում մշակելու համար»,-բացատրում է նա: Հատուկ ուշադրություն է դարձվում համատեղ գործողություններին, քանի որ ԱՄՆ-ն միշտ պատերազմում է ուրիշի ձեռքերով։

Փորձագետի խոսքով՝ Պենտագոնն արհեստականորեն սրում է իրադրությունը, քանի որ ԱՄՆ-ն ու ՆԱՏՕ-ն համառորեն չեն ցանկանում հրաժարվել Արկտիկայի նկատմամբ հավակնություններից:

«Ծովային հետևակի զորավարժությունները կլինեն հարձակողական, ոչ թե պաշտպանական,-վստահ է Ժիլինը,-նաև Ռուսաստանի դեմ գործողություններ կմշակեն։ Եթե ընդհանուր առմամբ վերլուծենք Եվրոպայում ՆԱՏՕ-ի քայլերը, հստակ երևում է` դրանք կազմակերպում են այնպես, որ Մոսկվայի համար լարման գոտիներ ստեղծեն։ Մեր բանակը չի կարող չարձագանքել նաև նրան, ինչ կատարվում է Նորվեգիայում։ Խուճապ չկա, բայց ուժերն ու միջոցները շեղվում են՝ մենք պետք է լիարժեք վերահսկենք իրավիճակը, թույլ չտանք որևէ սադրանք»։

Հյուսիսային ռազմահենադաշտ

«Վալդայ» վերլուծական ակումբի փորձագետ Արտյոմ Կուրեևը մատնանշում է, որ ամերիկացիները սեփական զարգացած ենթակառուցվածքն ունեն Ալյասկայում՝ Արկտիկայում մարտական գործողությունների մարտավարություն մշակելու համար, սակայն նրանք, միևնույնն է, գերադասում են մարզվել Նորվեգիայում։

«Դա անհրաժեշտ է նրանց, որպես ՆԱՏՕ-ի առաջնորդի,-ընդգծում է Կուրեևը,-Նորվեգիան դաշինքի ամենահին անդամներից է։ Օսլոն ի դեմս Ռուսաստանի հավանական հակառակորդ է տեսնում։ Դեռևս սառը պատերազմի տարիներին նորվեգացիները ենթակառուցվածք էին ստեղծում և պահպանում Արկտիկայում ԽՍՀՄ-ին հակազդելու համար։ Նույնը շարունակվում է նաև այսօր։ Իրական ռազմական սրման դեպքում Հյուսիսային Նորվեգիան անմիջապես կվերածվի ՆԱՏՕ-ի ռազմահենադաշտի՝ ռուսական Մուրմանսկ տանող ճանապարհին»։

Արկտիկայում ամրապնդվելու և մյուս երկրներին դուրս մղելու վաշինգտոնյան ցանկության մասին է վկայում նաև ռազմածովային ուժերի և ծովային հետևակի կորպուսի Արկտիկական նոր ռազմավարությունը: Մասնավորապես այնտեղ ասվում է, որ առանց արկտիկական տարածաշրջանում ամերիկյան ռազմածովային ներկայության՝ խաղաղությանն ու բարգավաճմանը ավելի ու ավելի են սպառնալու Ռուսաստանն ու Չինաստանը:

Սիրիայից Կովկաս․ ի՞նչ են ցույց տվել ռուսական ուղղաթիռների փորձարկումները

Ինչպես նշել է ԱՄՆ ռազմածովային ուժերի նախարար Քենեթ Բրեյթուեյթը, Պենտագոնը պլանավորում է Արկտիկայում մշտապես պահել մարտական նավերն ու սուզանավերը, որպեսզի պարեկություն իրականացնեն ռուսական ափերի մոտ գտնվող ջրատարածքում և կանխեն «Մոսկվայի հարձակումը Հեռավոր Հյուսիսում»: Ընդ որում՝ Արկտիկայում նաև հզոր ցամաքային ուժեր կկենտրոնացնեն։

Նորվեգիայի պաշտպանության նախարար Ֆրանկ Բակկե-Ենսենն իր հերթին հայտարարել է, որ երկրի անվտանգության քաղաքականության առանցքային ուղղություններն են Արկտիկան և Ռուսաստանի գործունեությունը տարածաշրջանում, իսկ տրանսատլանտյան կապերն այստեղ «անկյունաքարային են»: Նա ընդգծել է` Նորվեգիան ողջունում է ՆԱՏՕ-ի առանցքային դաշնակիցների ներկայությունը Հեռավոր Հյուսիսում:

Ռուսական զենք․ ինչ են իրենցից ներկայացնում առաջին սերիական Սու-57-ն ու «Օխոտնիկ» ԱԹՍ-ն

«Ռազմածովային ուժերի, ծովային հետևակի, Ռազմաօդային ուժերի հատուկ ստորաբաժանումների և ԱՄՆ տիեզերական ուժերի հետ մեկտեղ զարգացնում ենք համախորհների հետ գործակցությունը Արկտիկայում,-նշել է նախարարը,-դա ենթադրում է դաշնակից ռազմածովային և օդային ուժերի կանոնավոր զորավարժություններ Հեռավոր Հյուսիսում։ Նորվեգիան մտադիր է մասնակցել այդ միջոցառումներին և բարձրացնել դաշնակիցների հետ օպերատիվ համատեղելիությունը»։

Բոլոր ճակատներում

Հարկ է նշել, որ ԱՄՆ-ն արդեն լրջորեն ամրապնդվել է Հյուսիսում։ Եվ Նորվեգիան այդ հարցում գրեթե գլխավոր դեր է խաղում։ Սեպտեմբերին հայտնի էր դարձել նորվեգական Թրոմսե նավահանգստում Seawolf դասի ատոմային սուզանավի վերակայանման մասին, որի հիմնական առաքելությունը ռուսական սուզանավերի երթուղիներին հետևելն է։

Իսկ ավելի վաղ ԱՄՆ-ն «Հյուսիսում Ռուսաստանին զսպելու համար» վերականգնեց Երկրորդ նավատորմը, որը պատասխանատու է Ատլանտյան օվկիանոսի, Խաղաղ օվկիանոսի մի մասի, Հյուսիսային սառուցյալ օվկիանոսի համար և 2011թ․-ին ցրվել էր բյուջեի միջոցների խնայողության համար։

Սառը պատերազմի ևս մեկ հետք է նորվեգական ստորգետնյա Օլավսվերն ռազմածովային բազան, որը տեղակայված է Ռուսաստանի սահմանից 350 կմ հեռու։ 1960-ականներին կառուցված և լեռնային հանքանյութի երեք հարյուր մետրանոց շերտով պաշտպանված հսկայական բունկերում տեղակայվում էին ՆԱՏՕ-ի սուզանավերն ու նավերը, գործում էին նորոգման դոկեր, զինամթերք էր պահվում։

Արևմտյան կոալիցիայի նավատորմը ցանկացած պահի կարող էր փակել խորհրդային ռազմածովային նավատորմի ելքը դեպի Նորվեգական ծով և Հյուսիսային Ատլանտիկա։ 2000-ականների վերջին ռազմակայանը փակեցին, քանի որ կարիքը չկար, բայց հիմա նախատեսում են վերաբացել այն։

Պենտագոնը լրջորեն ձեռնամուխ է եղել նաև Արկտիկայում ռազմաօդային հզորացմանը։ Այսպես, անցած տարի տեղի ունեցան ամերիկյան և նորվեգական Ռազմաօդային ուժերի մասշտաբային զորավարժությունները։ Միաժամանակ 6 B-52 Stratofortress ռազմավարական ռմբակոծիչներն անցան Հյուսիսային բևեռի երկնքով և մարզական թռիչներ իրականացրին Նորվեգիայի ռազմաօդային ուժերի կործանիչների հետ։ Իսկ մի քանի օր առաջ հայտնի դարձավ, որ Պենտագոնը փետրվարին Տեխասից ֆյորդների երկիր՝ Էրլանդ ավիաբազա կտեղափոխի չորս գերձայնային B-1BLancer «ստրատեգներ»։

0
թեգերը:
Նորվեգիա, ՆԱՏՕ, ԱՄՆ
Ըստ թեմայի
«Վառվում» է Ղրիմի պատճառով․ ՆԱՏՕ-ում երազում են արգելել ռուսական բանակի ներկայությունը
Ադրբեջանը պատերազմում ՆԱՏՕ–ի զենք է կիրառել. ֆրանսիական AgoraVox
«Հարվածենք ռուսների խոցելի տեղին»․ ի՞նչ կա ՆԱՏՕ-ի մտքին