Քարտեզ. որտե՞ղ են տեղակայվելու ռուս խաղաղապահները

4207
(Թարմացված է 21:48 11.11.2020)
Արցախի վերաբերյալ եռակողմ հայտարարության համաձայն՝ Ղարաբաղյան հակամարտության գոտում տեղակայվում է ռուսական խաղաղապահ զորախումբը՝ հրադադարի ռեժիմի պահպանման և ռազմական գործողությունների վերահսկման համար։
Արցախում ռուս խաղաղապահների տեղակայման քարտեզը
© Sputnik / Shushanik Sargsyan

Ղարաբաղում նոյեմբերի 10-ից տեղակայվող ՌԴ խաղաղապահ զորախումբը բաղկացած է 1960 զինծառայողներից, 90 զրահամեքենաներից, 380 միավոր այլ ռազմական տեխնիկայից:

Զորախմբի տեղակայումը Հայաստանի, Ադրբեջանի և Ռուսաստանի ղեկավարներ Նիկոլ Փաշինյանի, Իլհամ Ալիևի և Վլադիմիր Պուտինի եռակողմ հայտարարության կետերից մեկն էր։ 

Ղարաբաղի խաղաղապահ կոնտինգենտն ունի ամենաժամանակակից սպառազինությունը․ ՌԴ Գլխավոր շտաբ

4207
թեգերը:
խաղաղապահ, Արցախ
թեմա:
Խաղաղապահներն Արցախում (62)
Ըստ թեմայի
Արցախ է ուղևորվում ՌԴ խաղաղապահների հերթական զորակազմը․ տեսանյութ
Հայաստան է ժամանել ՌԴ խաղաղապահների 15-րդ ինքնաթիռը
Թեհրանը պատրաստ է օգնել Ղարաբաղում ռուս խաղաղապահների տեղակայման հարցում

12–ից 6–ն արդեն հեռացել են. որ նախարարներն են ազատվել պաշտոնից

438
Հայաստանի կառավարությունը կիսով չափ «թարմացվել» է։ Թեև հասարակությունը պահանջում է վարչապետ Փաշինյանի հրաժարականը, նա նախարարներին է ազատում, կամ նրանք են հրաժարական տալիս։ Sputnik Արմենիան ներկայացնում է հեռացող ու եկող նախարարներին։
Կադրային փոփոխություններ կառավարությում
© Sputnik / Shushanik Sargsyan

ՀՀ կառավարության կազմում 12 նախարարություն կա։ Այժմ նախկին կազմից մնացել է նախարարների ուղիղ կեսը։ Ներքաղաքական վերջին իրադարձությունների ֆոնին վարչապետը կադրային փոփոխություններ է անում, թեև ընդդիմությունը պահանջում է հենց նրա հրաժարականը։

Առաջինը հեռացան ՀՀ արտաքին գործերի և պաշտպանության նախարարներ Զոհրաբ Մնացականյանը և Դավիթ Տոնոյանը։ Ոչ բոլորն են սեփական դիմումի համաձայն գնում, շատերը լքում են պաշտոնը վարչապետ Նիկոլ Փաշինյանի «դրդմամբ»։ Շատ փորձագետների կարծիքով՝ այդպիսով վարչապետը փորձում է ազատվել ժողովրդականություն վայելող նախարարներից և բարձրացնել իր վարկանիշը։

Հիշեցնենք` նոյեմբերի 23–ին, ՀՀ նախագահ Արմեն Սարգսյանի հրամանագրով պաշտոնից ազատվեց ՀՀ կրթության, գիտության, մշակույթի և սպորտի նախարար Արայիկ Հարությունյանը։ ՀՀ նախագահի մեկ այլ հրամանագրով նոր նախարար նշանակվեց Վահրամ Դումանյանը։

Նոյեմբերի 16–ին հրաժարական էր ներկայացրել ԱԳ նախարար Զոհրաբ Մնացականյանը, նոյեմբերի 17-ին հրաժարականի դիմում ներկայացրեց ԱԻ նախարար Ֆելիքս Ցոլակյանը, նոյեմբերի 20-ին՝ աշխատանքի և սոցիալական հարցերի նախարար Զարուհի Բաթոյանը։ Նրանց պաշտոններում փոխարինեցին համապատասխանաբար Արա Այվազյանը, Անդրանիկ Փիլոյանն ու Մեսրոպ Առաքելյանը։

Այսօր հրաժարական է ներկայացրել էկոնոմիկայի նախարար Տիգրան Խաչատրյանը։

Վերջին օրերին իրենց պաշտոններից հեռացել են նաև ԱԺ նախագահ Արարատ Միրզոյանի խորհրդական Աշոտ Ղուլյանը, փոխարտգործնախարար Շավարշ Քոչարյանը, ՀՀ շրջակա միջավայրի նախարարության փոխնախարար Իրինա Ղափլանյանը, փոխվարչապետ Տիգրան Ավինյանի աշխատակազմի ղեկավար Վարագ Սիսեռյանը։

Նշենք, որ պաշտոնյաների ու պատգամավորների հրաժարականները սկսվել են նոյեմբերի 9-ին Հայաստանի, Ռուսաստանի ու Ադրբեջանի ղեկավարների եռակողմ հայտարարությունից հետո։

438
թեգերը:
Տիգրան Խաչատրյան, Ֆելիքս Ցոլակյան, Արայիկ Հարությունյան, Զարուհի Բաթոյան, Նիկոլ Փաշինյան, Հրաժարական, Զոհրաբ Մնացականյան, Դավիթ Տոնոյան, Նախարար, Հայաստան

121 արցախյան համայնք դարձան ադրբեջանական. որոնք են դրանք

1870
(Թարմացված է 15:42 23.11.2020)
ՀՀ կառավարությունը հրապարակել է սեպտեմբերի 27-ից Ադրբեջանի կողմից Արցախի դեմ սանձազերծած պատերազմի ու նոյեմբերի 9-ին ստորագրված եռակողմ հայտարարության հետևանքով Ադրբեջանի վերահսկողության տակ անցած հայկական գյուղերի ու քաղաքների ցանկը։
Ադրբեջանի վերահսկողության տակ անցած արցախյան համայնքները
© Photo : Shushanik Sargsyan

Հրապարակված տեղեկությունների համաձայն` Ադրբեջանի վերահսկողության տակ է անցնում 121 համայնք։

ՀՀ կառավարությունը Ադրբեջանի վերահսկողությանն անցած բոլոր համայնքների բնակիչներին տրամադրվելու է յուրաքանչյուր շահառուի համար 300 000–ական դրամ միանվագ ֆինանսական աջակցություն։ Գումար են ստանալու ընտանիքի բոլոր անդամները, ներառյալ` անչափահաս երեխաները։

Sputnik Արմենիայի ինֆոգրաֆիկան ներկայացնում է, թե որ համայնքներն են անցել հակառակորդի վերահսկողության տակ  Քաշաթաղի, Մարտակերտի, Շահումյանի, Հադրութի, Շուշիի, Ասկերանի և Մարտունու շրջաններում։

1870
թեգերը:
Շուշի, Հադրութ, Ղարաբաղյան հակամարտություն, Լեռնային Ղարաբաղ, Արցախյան պատերազմ, Արցախ, հայ-ադրբեջանական, Ադրբեջան
թեմա:
Իրադրությունը Հայաստանում և Արցախում հայտարարության ստորագրումից հետո
Ըստ թեմայի
Հրապարակվել են Ադրբեջանում գերության մեջ գտնվող 17 զինծառայողների անունները
Անհետ կորած զինծառայողների հարցով քննարկում կլինի. ի՞նչ են խոստանում ծնողներին
Բաքուն գեներալ Սեյրան Օհանյանին մեղադրում է ցեղասպանության համար
Հենրիխ Մխիթարյան

Հենրիխ Մխիթարյանը՝ «Ռոմայի» նոյեմբեր ամսվա լավագույն ֆուտբոլիստ

0
Նոյեմբերին 30-ամյա Մխիթարյանը «Ռոմայի» կազմում մասնակցել է 7 հանդիպման, խփել 6 գոլ, կատարել 2 գոլային փոխանցում:

ԵՐԵՎԱՆ, 5 դեկտեմբերի – Sputnik. Հայաստանի ֆուտբոլի ազգային հավաքականի ավագ և «Ռոմայի» կիսապաշտպան Հենրիխ Մխիթարյանը ճանաչվել է «Ռոմայի» նոյեմբեր ամսվա լավագույն ֆուտբոլիստ։ Տեղեկությունը հայտնում է «Ռոմա» ակումբի մամուլի ծառայությունը:

Նոյեմբերին 30-ամյա Մխիթարյանը «Ռոմայի» կազմում մասնակցել է 7 հանդիպման, խփել 6 գոլ, կատարել 2 գոլային փոխանցում:

«Ռոմայի» լավագույն ֆուտբոլիստին ընտրել են երկրպագուները՝ ակումբի պաշտոնական կայքում անցկացված քվեարկության միջոցով:



0
թեմա:
Հենրիխ Մխիթարյան