Armenia ավիաընկերությունը Մոսկվայից Թբիլիսի չվերթ կիրականացնի Երևանով

129
«Արմենիա» ավիաընկերությունը կսկսի Երևան-Մոսկվա-Երևան, Մոսկվա-Երևան-Թբիլիսի-Երևան-Մոսկվա ուղղություններով չվերթեր իրականացնել:
Armenia ավիաընկերությունը Մոսկվայից Թբիլիսի չվերթ կիրականացնի Երևանով
© Sputnik / Shushanik Sargsyan

Sputnik Արմենիայի ինֆոգրաֆիկայի միջոցով կարող եք տեղեկություններ ստանալ թռիչքների տևողության ու տոմսերի մոտավոր գների մասին։

Հիշեցնենք` հունիսի 21-ին Ռուսաստանի նախագահ Վլադիմիր Պուտինը հրամանագիր է ստորագրել, որով ավիաընկերություններին արգելում է հուլիսի 8-ից Ռուսաստանից դեպի Վրաստան փոխադրումներ իրականացնել: ՌԴ ղեկավարը նաև կարգադրել է կառավարությանն ապահովել Վրաստանի տարածքում գտնվող ռուսաստանցիների վերադարձը: Բացի այդ, Ռուսաստանի Դաշնության նախագահը խորհուրդ է տվել տուրօպերատորներին արգելքի ժամանակահատվածում չվաճառել ուղեգրեր Ռուսաստանից Վրաստան: Հայաստանում կարծիքներ են հնչել, որ սա կարող է լրացուցիչ խթանել ռուսաստանցի զբոսաշրջիկների այցելությունը Հայաստան:

Հունիսի 20-ին Թբիլիսիում անկարգություններ էին սկսվել. ընդդիմադիրները բողոքի ցույց էին կազմակերպել այն բանից հետո, երբ նույն օրն առավոտյան Վրաստանի խորհրդարանի խոսնակի աթոռին նստել էր ՌԴ պետդումայի պատգամավոր, Կոմկուսի անդամ Սերգեյ Գավրիլովը։

Նա Թբիլիսի էր մեկնել Ուղղափառության միջխորհրդարանական վեհաժողովի 26–րդ նստաշրջանի մասնակցելու համար, բայց միջոցառումը տապալվել էր։ Ընդդիմությունը Վրաստանի իշխանությանը մեղադրել էր «հայրենիքը դավաճանելու» մեջ։ Թբիլիսիում ընդդիմության ցույցն անկարգությունների էր վերածվել: Վերջին տվյալներով՝ մոտ 240 մարդ տուժել է, 300-ից ավելի մարդ՝ բերման ենթարկվել:

129
թեգերը:
ինքնաթիռ, Ռուսաստան, Վրաստանի Հանրապետություն, Հայաստան
Ըստ թեմայի
Ռուսաստան-Հայաստան ուղղությամբ ավիատոմսերը կթանկանան. ո՞րն է պատճառը
Ինչպես են «Զվարթնոցի» տաքսիստները խաբել օտարերկրացիներին. տեսանյութ
Armenia-ն ազդարարեց, թե ամսի քանիսից է կարելի Մոսկվայից Թբիլիսի տոմսեր գնել

Կորոնավիրուսի տարածման դինամիկան Հայաստանում

503
(Թարմացված է 11:29 04.06.2020)
Հիվանդությունների կանխարգելման և վերահսկման ազգային կենտրոնը ներկայացրել է Հայաստանում կորոնավիրուսային հիվանդության վերջին մեկ օրվա զարգացումները։ Հիվանդությունը ևս 6 մարդու կյանք է խլել։
Կորոնավիրուսի տարածման դինամիկան Հայաստանում
© Sputnik / Shushanik Sargsyan

Հայաստանում կորոնավիրուսով վարակվածների թիվը վերջին մեկ օրում ավելացել է 697–ով և դարձել 11 221։ Տեղեկությունը հայտնում է Հիվանդությունների կանխարգելման և վերահսկման ազգային կենտրոնը:

Այս պահին փաստացի բուժում է ստանում 7509 (+668) մարդ, կատարվել է 63459 (+1809) թեստավորում, առողջացել են վարակվածներից 3468–ը (+14)։

Ընդհանուր առմամբ գրանցվել է կորոնավիրուսային հիվանդությունից մահանալու 176 (+6) և մահվան 68 (+9) անուղղակի դեպք:

Հունիսի 3-ի տվյալներով՝ ՀՀ-ում կորոնավիրուսով վարակվածների թիվը 10524 էր:

ՀՀ–ում կորոնավիրուսից մահացածներից մեկը 44 տարեկան կին է. նոր տվյալներ

Հիշեցնենք` ՀՀ կառավարությունը մայիսի 14–ի նիստում որոշեց արտակարգ դրությունը երկարացնել ևս մեկ ամսով։ Այն կտևի մինչև հունիսի 13–ը` ժամը 17։00–ը ներառյալ։

Երկարաձգված արտակարգ դրության պայմանները որոշակի փոփոխությունների են ենթարկվել։ Տնտեսական շատ գործունեություններ թույլատրվել են, բայց սահմանվել են պարտադիր պահանջներ։

Այսօրվանից՝ հունիսի 4-ից, արտակարգ դրության ընթացքում կիրառվող կարգավորումներում փոփոխություններ և լրացումներ են ուժի մեջ մտել։ Այսուհետ բոլոր հանրային բաց տարածքներում դիմակ կրելը պարտադիր է։ Հանրային բաց վայրերում դիմակ կարող են չկրել միայն մինչև 6 տարեկան երեխաները, հեծանիվ վարողներն ու ֆիզիկական վարժություններ անողները։

Փարաքարում կորոնավիրուսից երիտասա՞րդ է մահացել. Մինասյանի խոսքով` մահացողը 62 տարեկան է

503
թեգերը:
հիվանդ, Մահ, կորոնավիրուս, Հայաստան
թեմա:
Կորոնավիրուսը Հայաստանում և Արցախում
Ըստ թեմայի
Կավասակիի սինդրոմ` կորոնավիրուսով հիվանդ 4 տարեկան երեխայի մոտ. Թորոսյանը մտահոգ է
Համաճարակն ու Հայաստանը․ կորոնավիրուսը արագացնո՞ւմ է քաղաքական գործընթացները
Թքած կորոնավիրուսի վրա. ոչ ոք չի ուզում դադարեցնել զինված հակամարտությունները

Որ երկրները և երբ կբացեն սահմանները

1003
(Թարմացված է 10:43 02.06.2020)
Ճանապարհորդել սիրողներին այս օրերին մեկ հարց է հետաքրքրում` երբ կբացեն երկրներն իրենց սահմանները։ Sputnik Արմենիայի ինֆոգրաֆիկան ներկայացնում է, թե որ երկիրը երբ է մտադիր բացել իր սահմանները։
Երբ կբացվեն սահմանները
© Sputnik / Shushanik Sargsyan

Նոր տիպի կորոնավիրուսի` COVID-19-ի ստեղծած իրավիճակով պայմանավորված աշխարհի շատ երկրներ, ինչպես նաև Հայաստանը սահմանափակել են օտարերկրացիների մուտքն ու ելքը: Երկրների միջև դադարեցվել է նաև ավտոհաղորդակցությունը։  Հատուկ չվերթերը գործել  և գործում են միայն արտերկրում գտնվող քաղաքացիների համար, ովքեր այլ երկրներից ցանկացել են վերադառնալ հայրենիք։

Կորոնավիրուսը բուժող դեղ Հայաստանում չի փորձարկվում. ինչ է իրենից ներկայացնում «Հելթ թոնը»
Ճանապարհորդության սիրահարները, արտերկրում ուսում և աշխատանք ունեցողները անհամբեր սպասում համավարակի տեմպերի մարմանն ու սահմանների բացելուն։

Sputnik Արմենիան ամբողջացրել է շատ երկրների` սահմանները բացելու մասին տեղեկությունը և ինֆոգրաֆիկայի միջոցով ներկայացնում է, թե որ երկրները և երբ կբացեն սահմանները։

1003
թեգերը:
զբոսաշրջություն, կորոնավիրուս, աշխարհ, Սահման
Ըստ թեմայի
Որն է COVID-19–ից մահացության ամենաբարձր ցուցանիշ ունեցող երկիրը. ՄԱԿ–ի տվյալները
Ինչպես է COVID-19-ը ազդել Ռուսաստանից Հայաստան և այլ երկրներ դրամական փոխանցումների վրա
Թվերը շարունակում են աճել․ աշխարհում ավելի քան 6,2 միլիոն մարդ COVID-19–ով է վարակվել
Նիկոլ Փաշինյան. արխիվային լուսանկար

Եթե նույնիսկ կորոնավիրուսը չլիներ, մահեր լինելու էին. որն է Հայաստանի խնդիրն ըստ Փաշինյանի

0
(Թարմացված է 10:30 06.06.2020)
ՀՀ վարչապետը վստահ է, որ եթե մարդիկ հետևեն կորոնավիրուսի կանխարգելման կանոներին և վարակվածների թիվը նվազի, կնվազի նաև մահացության ցուցանիշը, քանի որ առողջապահական համակարգն ի վիճակի կլինի բուժօգնություն կարիք ունեցող բոլոր քաղաքացիներին սպասարկել։

ԵՐԵՎԱՆ, 6 հունիսի — Sputnik. ՀՀ վարչապետ Նիկոլ Փաշինյանը Facebook-ի ուղիղ եթերում անդրադառնալով կորոնավիրուսից մահացության թվերին, հայտարարեց, որ այս տարվա առաջին 6 ամիսների ընթացքում նախորդ տարվա նույն ժամանակահատվածի համեմատ գրանցվել է մի քանի հարյուրով պակաս մահ։

«Նախորդ տարվա հունիսի 1-ի դրությամբ քաղցկեղից մահացել է 2307 մարդ, այս տարի՝ 2213, մոտ 100 մարդով ավելի պակաս։ Այսինքն` քաղցկեղից մահացողների բավականին մեծ տոկոսը վարակվել է կորոնավիրուսով և կորոնավիրուսը թույլ չի տվել, որպեսզի քաղցկեղը դառնա մահվան պատճառ, այլ մահը վրա է հասել կորոնավիրուսի պատառով։ Նույնը վերաբերվում է նաև այլ խրոնիկ հիվանդություններին։ Եթե կորոնավիրուսը չլիներ, ապա քաղցկեղով հիվանդների մի մասը կմահանար քաղցկեղից մինչև 2020 թվականի հունիսի 1-ը։ Նույն իրավիճակն է նաև շնչառական օրգանների տարբեր հիվանդությունների դեպքում։ Նախորդ տարի հունիսի 1-ի դրությամբ շնչառական օրգանների հիվանդություններից մահացել է 1448 մարդ, այս տարի նույն ժամանակահատվածում՝ 1062 մարդ։ Ստացվում է` այս տարի մոտ 400-ով պակաս մարդ է մահացել շնչառական հիվանդություններից»,-ասաց վարչապետը։

Նրա խոսքով այժմ Հայաստանի ամենամեծ խնդիրն այն է, որ կորոնավիրուսով վարակված բոլոր քաղաքացիներին կարողանան պատշաճ բուժօգնություն ցույց տալ, այսինքն վարակման դեպքերը լինեն այնքան, որքան ի վիճակի է սպասարկել առողջապահական համակարգը, որովհետև եթե բուժօգնության կարիք ունեցողների թիվը շատանա, մահացության թվերն էլ կմեծանան։

Հիշեցնենք` Հայաստանում հունիսի 5-ի դրությամբ կորոնավիրուսով վարակվածների թիվը դարձել է 11 817։

Երեկվա դրությամբ փաստացի բուժում է ստանում 8052 մարդ, կատարվել է 65161 թեստավորում, առողջացել են վարակվածներից 3513–ը։ Ընդհանուր առմամբ գրանցվել է 183 մահվան դեպք։

0
թեգերը:
Հայաստան, կորոնավիրուս, Նիկոլ Փաշինյան
Ըստ թեմայի
Փաշինյանի եթերը հուզել է վրացիներին. 18–ամյա Սանդրոն կոչ է արել օգնել Հայաստանին
Ոստիկանները «ասֆալտին են փռել» «դիմակային ռեժիմը» խախտողին․ Փաշինյանն արձագանքել է
«Կարծում ենք, որ կորոնավիրուսի գագաթնակետը կլինի հունիսի վերջին». Փաշինյան