Արխիվային լուսանկար

Երևանում «Լեքսուսի» վարորդը կրակել է «Օպելի» վրա՝ ճանապարհն արագ չզիջելու համար

518
(Թարմացված է 15:50 21.07.2021)
«Լեքսուսի» վարորդն իր մոտ գտնվող ատրճանակով երկու անգամ կրակել է «Օպելի» ուղղությամբ՝ վնասելով մեքենայի շարժիչի ծածկը, ապա մեծ արագությամբ հեռացել դեպքի վայրից:

ԵՐԵՎԱՆ, 21 հուլիսի - Sputnik. 2021 թվականի հուլիսի 19-ին`ժամը 16:50-ին, քաղաքացին հաղորդում է տվել, որ նույն օրը՝ ժամը 11:00-ի սահմաններում, իր կողմից շահագործվող «Օպել» մակնիշի ավտոմեքենայով Երևանի Դավիթ Բեկ փողոցով դեպի Արցախի փողոց ուղևորվելու ճանապարհին «Լեքսուս» մակնիշի ավտոմեքենայի վարորդն ատրճանակից իր ուղղությամբ կրակոցներ է արձակել: Այս մասին տեղեկացնում են ՀՀ քննչական կոմիտեից։

Նախնական տվյալներով՝ «Լեքսուս» մակնիշի ավտոմեքենան,«Օպել» մակնիշի ավտոմեքենայի հետևից ձայնային ազդանշաններով և լուսարձակները թարթելով, ճանապարհ է խնդրել, ինչին ի պատասխան՝ «Օպելի» վարորդը զիջել է ճանապարհը, այնուհետև «Լեքսուսը» դուրս է եկել ճանապարհն իրեն զիջած ավտոմեքենայի դիմաց, որի պատճառով երկու ավտոմեքենաներն էլ արգելակել են ճանապարհի աջակողմյան հատվածում, իսկ «Լեքսուսի» վարորդն իր մոտ գտնվող ատրճանակով երկու անգամ կրակել է «Օպելի» ուղղությամբ՝ վնասելով մեքենայի շարժիչի ծածկը, ապա մեծ արագությամբ հեռացել դեպքի վայրից:

Փաստի առթիվ ՀՀ ոստիկանության Նոր Նորքի բաժնում հարուցվել է քրեական գործ՝ ՀՀ քրեական օրենսգրքի 258-րդ հոդվածի 4-րդ մասի հատկանիշներով (խուլիգանություն, որը կատարվել է զենքի կամ որպես զենք օգտագործվող առարկաների գործադրմամբ), որն ուղարկվել է ՀՀ քննչական կոմիտեի Երևան քաղաքի քննչական վարչության Ավան և Նոր Նորք վարչական շրջանների քննչական բաժին և ընդունվել վարույթ:

Քրեական գործով էական նշանակություն ունեցող հանգամանքներ պարզելու նպատակով նշանակվել են փորձաքննություններ:

ՔԿ-ն մանրամասներ է հայտնում Գորիսի գիշերային կրակոցների մասին

Նախաքննությունը շարունակվում է: Ձեռնարկվում են միջոցառումներ՝ դեպքի բոլոր հանգամանքները պարզելու, կրակոցներ արձակած անձին և հանցագործության գործիք հանդիսացող հրազենը հայտնաբերելու և վարույթն իրականացնող մարմնին ներկայացնելու ուղղությամբ:

518
թեգերը:
կրակոց, ավտոմեքենա, Երևան
Ըստ թեմայի
Կրակոցներ Ալավերդի քաղաքում. պատճառ չի եղել
Ծառայակցի արձակած կրակոցից 20 տարեկան զինծառայող է մահացել
Հրազենային, կտրած-ծակած վերքեր. մանրամասներ են հայտնի Ամիրյանում հնչած կրակոցների դեպքից
ՀՀ ոստիկանություն

Երևանում նռնակով հարձակում կատարած տղամարդիկ եղբայրներ են․ նրանց բերման են ենթարկել

91
(Թարմացված է 22:51 29.07.2021)
Տեղում ոստիկաններն ու քննիչները հայտնաբերել են հանցագործության գործիք հանդիսացող մարտական նռնակը և բժշկական դիմակ:

ԵՐԵՎԱՆ, 29 հուլիսի – Sputnik. Ոստիկանությունը պարզել է, որ այսօր Երևան քաղաքի Ամիրյան 7/35 հասցեում գտնվող վարկային կազմակերպությունում դիմակավորված և նռնակով զինված ավազակային հարձակում կատարողները եղբայրներ էին: Այս մասին գրում է Shamshyan.com-ը։

Հիշեցնենք՝ ժամը 13:20-ի սահմաններում դիմակավորված 2 անձ մտել են նշված հասցե և նռնակի սպառնալիքով աշխատակցից պահանջել են գումար: Աշխատակիցները չեն համաձայնել կատարել նրանց պահանջը, մի դիմակավորը հասցրել է փախչել, մյուսին բռնել են։

Դեպքի վայր ժամանած ոստիկանության կենտրոնական բաժնի ծառայողները տեղում պարզել են, որ բռնվածը Արմավիրի մարզի բնակիչ, 24-ամյա Դավիթ Բ.-ն է, որը բերման է ենթարկվել ոստիկանությսն կետրոնական բաժին: Տեղում ոստիկաններն ու քննիչերը հայտնաբերել են հանցագործության գործիք հանդիսացող մարտական նռնակը և բժշկական դիմակ:

Ոստիկանները պարզել են, որ Դավիթ. Բ.-ի հետ ավազակային հարձակմանը մասնակցել են Արմավիր մարզի բնակիչներ, 27-ամյա Իսահակ Հ.-ն և 32-ամյա Արթուր Բ.-ն: Վերջիններս ոստիկանների կողմից իրականացված օպերացիայի շրջանակում Մաշտոցի պողոտայում հայտնաբերվել և բերման են ենթարկվել ոստիկանության կետնրոնական բաժին։

91
թեգերը:
ավազակային հարձակում, Երևան, ՀՀ Ոստիկանություն
Ըստ թեմայի
Համարանիշներ գողացած ու մեքենայատերերից փող շորթած անձը կալանավորվել է. տեսանյութ
Ոստիկանական ավտոմեքենա

Զինված հարձակում Երևանի կենտրոնում. անհայտ անձը սպառնացել է նռնակով

202
(Թարմացված է 17:19 29.07.2021)
Հարձակում իրագործած անձը եղել է բժշկական դիմակով։ Նրա դիմակն ու նռնակը իրավապահները հայտնաբերել են Ամիրյան 13 շենքի բակում։

ԵՐԵՎԱՆ, 29 հուլիսի – Sputnik. Քիչ առաջ ավազակային հարձակում է տեղի ունեցել Երևանի կենտրոնում։ Անհայտ անձը, ըստ նախնական տեղեկությունների, նռնակով զինված մտել է Ամիրյան 7 հասցեում գործող վարկային կազմակերպություն ու տարադրամի փոխանակման կետ և այնտեղից փորձել գումար հափշտակել։ Տեղեկությունը հայտնում է shamshyan.com–ը։

Կայքի տեղեկություններով` հարձակում իրագործած անձը եղել է բժշկական դիմակով, և երբ չի կարողացել իր գործն ավարտին հասցնել, դեպքի վայրից դիմել է փախուստի։

Նրա դիմակն ու նռնակը ոստիկաններն ու քննիչները հայտնաբերել են Ամիրյան 13 շենքի բակում։

Ավազակային հարձակում Էջմիածնում. վաճառողուհին դաժան ծեծի է ենթարկվել

Այս պահին տեղում աշխատում են ոստիկանության փորձաքրեագիտական վարչության փորձաքրեագետներն ու Հայաստանի քննչական կոմիտեի Երևան քաղաքի քննչական վարչության Կենտրոն և Նորք-Մարաշ վարչական շրջանների քննչական բաժնի խումբը։ Տեղում ուժեղացված ծառայություն են կատարում ՀՀ ոստիկանության Պարեկային ծառայության Երևանի գնդի պարեկները։

Սարսափելի դեպք Կոտայքի մարզում. վրաերթի ենթարկված կնոջ մարմինը մի քանի մասի է բաժանվել

202
թեգերը:
ավազակային հարձակում, Ոստիկանություն, Հայաստան
Ձյուն

Բրազիլիայում և Արգենտինայում ձյուն է տեղացել

0
(Թարմացված է 00:08 30.07.2021)
Շատ տարածաշրջաններում այս ամռաննը անոմալ շոգ է եղել, իսկ շոգ երկրներում ցածր ջերմաստիճաններ են գրանցվել։

ԵՐԵՎԱՆ, 30 հուլիսի – Sputnik. Բրազիլիայի հարավում ձյուն է տեղացել։ Տեղումները գրանցվել են Ռիու Գրանդի դու Սուլ նահանգի 13 քաղաքներում, հաղորդում են բրազիլական լրատվականները։

Նահանգի որոշ շրջաններում նաև կարկուտ է տեղացել։ Օդերևութաբանները նախազգուշացնում են, որ հուլիսի 30-ին Բրազիլիայում կարող են սահմանվել 2021 թվականի նվազագույն ջերմաստիճանների ռեկորդներ: Այսպես, Պորտու Ալեգրիում, Ֆլորիանոպոլիսում, Կուրիտիբում, Սան Պաուլոյում և Կամպու Գրանդիում կանխատեսվում է 5 աստիճանից ցածր եղանակ։

Ձյուն է տեղացել նաև Արգենտինայի որոշ շրջաններում, այդ թվում՝ Կորդովա քաղաքում, որում 14 տարվա ընթացքում առաջին անգամ է ձյուն եկել։ Ջերմաստիճանի բացասական արժեքները գրանցվել են 18 բնակավայրերում, որոնցից մի քանիսում ջերմաչափերի սյուները իջել են 2-3 աստիճանից:

0
թեգերը:
ձյուն, Արգենտինա, Բրազիլիա