ՃՏՊ, արխիվային լուսանկար

Արարատցի երիտասարդները վթարի են ենթարկվել Արցախում. առնվազն 5-ը եղել են ոչ սթափ վիճակում

88
(Թարմացված է 13:02 17.07.2021)
Ավտոմեքենան դուրս է եկել երթևեկելի գոտուց և գլորվել ձորը։ Վթարի պահին մեքենայում գտնվել են 6 երիտասարդներ, նրանցից 5-ը հիվանդանոցում են։

ԵՐԵՎԱՆ, 17 հուլիսի - Sputnik. Այսօր կեսգիշերից հետո Ստեփանակերտում գտնվող «Հանրապետական բժշկական կենտրոն» են դիմել Արարատի մարզի 5 բնակիչներ։ Տեղեկությունը հայտնում է Արցախի ոստիկանության մամուլի ծառայությունը։

Հիվանդանոցից ոստիկանությանը տեղեկացրել են, որ տարբեր մարմնական վնասվածքներ ունեցող երիտասարդները եղել են ոչ սթափ վիճակում։ Բոլորը ՀՀ Արարատի մարզի բնակիչներ են։ Ոստիկանությունը հրապարակել է նրանց տարիքները՝ 22-ամյա Ա. Շ., 20-ամյա Շ. Շ., Գ. Հ., Գ. Մ. և 21-ամյա Հ. Տ.։

«Դեպքի վայր մեկնած հետաքննիչը պարզել է, որ հուլիսի 16-ին ժամը 23:00-ի սահմաններում Ստեփանակերտ-Գորիս ավտոճանապարհի 14-րդ կիլոմետրին, ՀՀ Արարատի մարզի բնակիչ Մ. Ա.-ի (ծնված 1999թ.) վարած «Ինֆինիտի» մակնիշի ավտոմեքենան դուրս է եկել ճանապարհի երթևեկելի գոտուց և մոտ 100 մետր գլորվել ձորը, ինչի հետևանքով նշված անձինք ստացել են մարմնական վնասվածքներ»,- ասված է հաղորդագրության մեջ։

Պատահարի քննությամբ զբաղվում է ԱՀ ՆԳ նախարարության ոստիկանության ՔՀ վարչությունը:

Խոշոր ավտովթար Գեղարքունիքում. կա 8 տուժած, նրանցից 4-ը երեխաներ են

88
թեգերը:
Արարատի մարզ, Արցախ, վթար, Երիտասարդ
Ըստ թեմայի
Այրվել է Սևանի քաղաքապետարանի տանիքը
Լոռու մարզում ավտոմեքենան ընկել է երկաթուղային ռելսերի վրա. տեսանյութ
Երևանում պատշգամբը պոկվել է, 2 մարդ ցած են ընկել. ՌԴ քաղաքացին հիվանդանոցում մահացել է
ՃՏՊ, արխիվային լուսանկար

Սահմռկեցուցիչ դեպք Սևանի ճանապարհին. վրաերթի հետևանքով 38-ամյա կնոջ մարմինը մասնատվել է

188
(Թարմացված է 15:53 03.08.2021)
«Mercedes» մակնիշի ավտոմեքենան 64–ամյա տղամարդ է վարել, մահացած կինը Գեղարքունիքի մարզի բնակիչ է։

ԵՐԵՎԱՆ, 3 օգոստոսի – Sputnik. Գեղարքունիքի մարզում երեկ` օգոստոսի 2-ին, մահվան ելքով վրաերթ է տեղի ունեցել: Ինչպես հայտնում է shamshyan.com–ը, ժամը 20:30-ի սահմանում Տավուշի մարզի բնակիչ, 64-ամյա Ռաֆայել Բադալյանը իր վարած «Mercedes» մակնիշի ավտոմեքենայով Երևան-Իջևան ավտոճանապարհի 62-րդ կմ հատվածում դեպի Սևան ընթանալիս վրաերթի է ենթարկել հետիոտն, Գեղարքունիքի մարզի բնակիչ, 38-ամյա Գայանե Փիլոսյանին:

Ըստ կայքի` վրաերթի ենթարկված կնոջ մարմինը մի քանի մասի է բաժանվել:

Մասնատված դին ավտոմեքենայից դուրս են բերել փրկարարները, իսկ Սևանի հիվանդանոցից ժամանած շտապօգնության բժիշկները ճանապարհից հավաքել են մարմնի մասերը:

Ողբերգական ավտովթար Արարատի մարզում. վարորդը տեղում մահացել է

Փաստի առթիվ քրեական գործ է հարուցվել: Քննիչի հանձնարարականով ավտոմեքենան տեղափոխվել է ոստիկանության Սևանի բաժնի պահպանվող հատուկ տարածք:

Վթար Երևան-Գյումրի ճանապարհին. Mercedes–ի վարորդն ու ուղևորները հիվանդանոց են տեղափոխվել

 

188
թեգերը:
Հայաստան, Սևան, Վրաերթ, Կին, Մահ
Ըստ թեմայի
Սևանում ջրափրկարարները փրկել են 11–ամյա երեխայի կյանքը
Երևան-Սևան ավտոճանապարհին մեքենան գլորվել է ձորը
Ողբերգական դեպք Երևանում. մոտ 30 տարեկան տղամարդը նետվել է Դավթաշենի կամրջից
Շտապօգնության մեքենա. արխիվային լուսանկար

Վթար Երևան-Գյումրի ճանապարհին. Mercedes–ի վարորդն ու ուղևորները հիվանդանոց են տեղափոխվել

257
(Թարմացված է 22:47 02.08.2021)
Արագածոտնի մարզի տարածքում վթարված Mercedes–ի վարորդն ու ուղևորները Շիրակի մարզի բնակիչներ են։

ԵՐԵՎԱՆ, 2 օգոստոսի - Sputnik. Այսօր՝ օգոստոսի 2-ին,  ավտովթար է տեղի ունեցել Արագածոտնի մարզում: Կան տուժածներ։ Տեղեկությունը հայտնում է shamshyan.com-ը։

«Ժամը 17:40-ի սահմաններում Շիրակի մարզի բնակիչ, 34-ամյա Մխիթար Դավթյանը իր վարած «Mercedes» մակնիշի ավտոմեքենայով Երևան-Գյումրի ավտոճանապարհի 83-րդ կմ հատվածում դեռևս անհայտ հանգամանքներում դուրս է եկել ճանապարհի երթևեկելի գոտուց, բախվել քարերին»,–գրում է կայքը:

Վթարի հետևանքով  վարորդ Մ. Դավթյանը, ուղևորներ` Շիրակի մարզի բնակիչներ` 66-ամյա Դավիթ Դավթյանն ու 47-ամյա  Հայկ Առաքելյանը մարմնական վնասվածքներով տեղափոխվել են «Թալին» բժշկական կենտրոն:

Փաստի առթիվ նյութեր են նախապատրաստվում:

Կոտայքի մարզում Opel-ը բախվել է ЗИЛ–ին, ապա բաժանարար գոտու երկաթե արգելապատնեշին

257
թեգերը:
վթար, Գյումրի, Շիրակի մարզ, Արագածոտնի մարզ, վարորդ
Ըստ թեմայի
Վթար Կոտայքի մարզում. ծնողներն ու նրանց 3 անչափահաս երեխաները հիվանդանոցում են
Սևանում կվադրացիկլը վթարի է ենթարկվել. 27-ամյա վարորդն ու 17-ամյա ուղևորը հիվանդանոցում են
Որդու գերեզմանից Երևան վերադառնալիս վթարի է ենթարկվել Արցախում զոհված Դավիթ Այդոևի մայրը
Ռուստամ Իբրահիմբեկով

Ադրբեջանի կինեմատոգրաֆիստների միությունը «քաշել» է ժողովրդական գրողին

0
Ադրբեջանի կինեմատոգրաֆիստների միության քարտուղար Ալի Իսա Ջաբարովն ասել էր, որ «Արևելք-Արևմուտք։ Ոսկե կամար» միջազգային կինոմրցանակի վարչության նախագահն է ցուցակից հանել հայկական ֆիլմերը։

ԵՐԵՎԱՆ, 3 օգոստոսի - Sputnik. Ադրբեջանական կողմը յուրովի է մեկնաբանել «Արևելք-Արևմուտք։ Ոսկե կամար» միջազգային կինեմատոգրաֆիական մրցանակի ընտրական հանձնաժողովի` հայկական երկու ֆիլմերի վերաբերյալ որոշումը։

Ավելի վաղ Նորա Մարտիրոսյանի «Երբ քամին հանդարտվի» և Մարատ Սարգսյանի «Ջրհեղեղ չի լինելու» ֆիլմերը չէին ընդգրկվել «Արևելք-Արևմուտք։ Ոսկե կամար» միջազգային կինեմատոգրաֆիական մրցանակի կարճ ցանկում։ Ադրբեջանական ԶԼՄ-ները հաղորդագրություն էին տարածել` հղում անելով Ադրբեջանի կինեմատոգրաֆիստների միության քարտուղար Ալի Իսա Ջաբարովին, որը պնդել էր, թե ֆիլմերը ցուցակից հանել է կինոմրցանակի վարչության նախագահ, Ադրբեջանի ժողովրդական գրող Ռուստամ Իբրահիմբեկովը` համարելով, որ դրանցում խեղաթյուրվում են իրական պատմական փաստերը:

Sputnik Արմենիային հաջողվեց կապ հաստատել կինոմրցանակի արտ-տնօրեն և ընտրող հանձնաժողովի նախագահ, ռուս հայտնի կինոգետ Անդրեյ Պլախովի հետ։ Նա տեղեկացրեց, որ Նորա Մարտիրոսյանի և Մարատ Սարգսյանի ֆիլմերը մեծ ցանկի շրջանակում դիտել են միջազգային փորձագետներից կազմված ժյուրիի անդամները:Եվ դրանք, ինչպես նաև բազմաթիվ այլ ֆիլմեր, կարճ ցանկում չեն ընդգրկվել փորձագիտական քվեարկության արդյունքում: Պլախովի խոսքով՝ այդ մասին են վկայում քվեարկության արձանագրությունները։

«Կանոնակարգի համաձայն` ոչ ոք, այդ թվում՝ Իբրահիմբեկովը, չի կարող միջամտել ընտրական հանձնաժողովի (որը ես ղեկավարում եմ ու որը երկու ֆիլմերն էլ ներառել է մեծ ցանկում) ու միջազգային ժյուրիի աշխատանքին», - ասաց Պլախովը: Նա Ջաբարովի հայտարարության թեմայով կապ է հաստատել նաև Ռուստամ Իբրահիմբեկովի հետ և ստացել հետևյալ պատասխանը. «Այդ հայտարարությունն իրականության հետ որևէ կապ չունի»։

2021 թվականի մրցանակի միջազգային ժյուրիի կազմում ընդգրկվել են 25 կինոգետներ ու կինոքննադատներ, Ասիայի ու Արևելյան Եվրոպայի երկրների կինեմատոգրաֆիայի մասնագետներ, մրցանակի հոգաբարձուների խորհրդում են Գորչակովի անվան հանրային դիվանագիտության աջակցության հիմնադրամի գործադիր տնօրենը Լեոնիդ Դրաչևսկին, Ռուսաստանի ԱԳՆ պաշտոնական ներկայացուցիչ Մարիա Զախարովան, Ռուսաստանի Դաշնության նախագահի միջազգային մշակութային համագործակցության հարցերով հատուկ ներկայացուցիչ Միխայիլ Շվիդկոյը, իսկ կինոմրցանակի վարչության կազմում, Իբրահիմբեկովից բացի, ընդգրկված են նաև հայտնի կինեմատոգրաֆիստներ Վադիմ Աբդրաշիտովը, Էլդար Շենգելայան, Հարություն Խաչատրյանը և ուրիշներ:

Հիշեցնենք, որ երկու ֆիլմերն էլ ցուցադրվել են Երևանում 2020 թվականի նոյեմբերին կայացած «Ոսկե ծիրան» միջազգային կինոփառատոնի հատուկ փառատոնային թողարկման ժամանակ, իսկ «Երբ քամին հանդարտվի» ֆիլմը նույն տարում ընտրվել է Կաննի կինոփառատոնի պաշտոնական ընտրության «Առաջին լիամետրաժ ֆիլմ» (The First Features) անվանակարգում և այս տարվա մայիսի վերջին դուրս է եկել ֆրանսիական վարձույթ:

0