Վարդավառ

Վարդավառի օրը երկու դեռահասների միջև ծեծ ու դանակահարություն է եղել

92
(Թարմացված է 18:45 12.07.2021)
Նոր Խարբերդում ջրոցի խաղալու հետևանքով վիճաբանության ժամանակ 13 տարեկան տղան դանակով խփել է 16 տարեկանի գոտկային հատվածին՝ պատճառելով վնասվածք:

ԵՐԵՎԱՆ, 12 հուլիսի – Sputnik. Վարդավառի օրը երկու դեռահասների միջև ծեծ ու դանակահարություն է եղել, տեղեկացնում է ՀՀ ոստիկանությունը։

Նշվում է, որ հուլիսի 11-ին, ժամը 15:15-ին, ոստիկանության օպերատիվ կառավարման կենտրոն զանգած քաղաքացին հայտնել էր, որ ջրոցի խաղալիս երեխաների մեջ վիճաբանություն է եղել, և իր երեխային դանակահարել են: Պարզվել է, որ հիվանդանոց են տեղափոխել դեմքի սալջարդով և թևի վնասվածքով 13 տարեկան տղայի և գոտակային շրջանի ծակած վերքով 16 տարեկան պատանու: 16 տարեկանի ծնողը հայտնել է, որ իր տղային դանակահարել են, իսկ 13 տարեկանի ծնողը հայտնել է, որ իր երեխային ծեծել են:

Ոստիկանների ձեռնարկած միջոցառումների շնորհիվ պարզվել է, որ Նոր Խարբերդում ջրոցի խաղալու հետևանքով վիճաբանության ժամանակ 13 տարեկան տղան դանակով խփել է 16 տարեկանի գոտկային հատվածին՝ պատճառելով վնասվածք: Բացատրական աշխատանքի շնորհիվ 13 տարեկան գնացել է ոստիկանության Շենգավիթի բաժին, ներկայացրել դանակը և տվել է խոստովանական բացատրություն:

Երևանում վիճաբանության ժամանակ որդին դանակահարել է մորը

Նշանակվել է դատաբժշկական փորձաքննություն, նախապատրաստվում են նյութեր:

92
թեգերը:
Վարդավառ, դանակահարություն
Ըստ թեմայի
Արարատի մարզում երիտասարդներ են դանակահարվել. նրանք տեղափոխվել են «Էրեբունի» ԲԿ
Երևանում դանակահարել են ՀՔԾ–ի նախկին պետի որդուն. կասկածյալը Կենտրոնի պաշտոնյաներից է
Բաթումում ադրբեջանցու կողմից դանակահարված հայ տղային վիրահատել են. նոր մանրամասներ
Շտապօգնություն

Ողբերգական ավտովթար` Արարատի մարզում. վարորդը տեղում մահացել է

32
(Թարմացված է 09:46 02.08.2021)
Քննիչի հանձնարարականով՝ ավտոմեքենաները տեղափոխվել են ոստիկանության Վեդիի բաժնի պահպանվող հատուկ տարածք։

ԵՐԵՎԱՆ, 2 օգոստոսի – Sputnik. Ողբերգական ավտովթար է այսօր տեղի ունեցել Արարատի մարզում։ Ինչպես հայտնում է Shamshyan.com–ը, ժամը 05։55-ի սահմաններում Վեդի-Վանաշեն միջհամայնքային ավտոճանապարհին բախվել են Արարատի մարզի բնակիչներ 64-ամյա Արամայիս Տերտերյանի վարած Opel Zafira մակնիշի և 27-ամյա Արամ Ղուկասյանի վարած ZIL MMZ մակնիշի ավտոմեքենաները։ 

Երևան-Սևան ավտոճանապարհին մեքենան գլորվել է ձորը

Վթարի հետևանքով Տերտերյանը տեղում մահացել է, իսկ ZIL-ը դուրս է եկել ճանապարհի երթևեկելի գոտուց և կողաշրջվել։

Փաստի առթիվ հարուցվել է քրեական գործ ՀՀ Քրեական օրենսգրքի 242 հոդվածի 2-րդ մասի հատկանիշներով։ 

Քննիչի հանձնարարականով՝ ավտոմեքենաները տեղափոխվել են ոստիկանության Վեդիի բաժնի պահպանվող հատուկ տարածք։

32
թեգերը:
Հայաստան, ավտովթար, ավտոմեքենա, Զոհ, վարորդ
Երևան-Սևան ավտոճանապարհին մեքենան գլորվել է ձորը

Երևան-Սևան ավտոճանապարհին մեքենան գլորվել է ձորը

51
(Թարմացված է 20:24 01.08.2021)
Դեպքը տեղի է ունեցել ճանապարհային ոստիկանության անցակետի մոտակայքում։ Վարորդն ու ուղևորներից մեկը մեքենայից դուրս են բերվել տեղի ուժերով։

ԵՐԵՎԱՆ, 1 օգոստոսի – Sputnik. Այսօր ՃՏՊ է տեղի ունեցել Գեղարքունիքի մարզում։ Տեղեկությունը հայտնում է ՀՀ արտակարգ իրավիճակների նախարարությունը` նշելով, որ պատահարի հետևանքով 3 մարդ է հոսպիտալացվել։

Ըստ հաղորդագրության` Գեղարքունիքի մարզային ճգնաժամային կառավարման կենտրոնը օգոստոսի 1-ին` ժամը 15։55-ին, ահազանգ է ստացել, որ Երևան-Սևան ավտոճանապարհին՝ ՃՈ անցակետի մոտակայքում, ավտոմեքենան դուրս է եկել ճանապարհի երթևեկելի հատվածից։ Դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ։

Պարզվել է, որ Երևան-Սևան ավտոճանապարհի մոտ 51-րդ կմ-ին «Opel Astra G» մակնիշի ավտոմեքենան (վարորդ՝ Ս․ Կ․, ծնված 1991 թ․) դուրս է եկել ճանապարհի երթևեկելի հատվածից և մոտ 3 մ սահել ձորը։

Սևանում ջրափրկարարները փրկել են 11–ամյա երեխայի կյանքը

Մինչ փրկարարների կանչի վայր հասնելը վարորդը և ուղևոր Ն․ Ն․-ն (ծնված 1994 թ․) տեղի ուժերով դուրս են բերվել ավտոմեքենայից և տեղափոխվել Սևանի ԲԿ, որտեղ բժիշկները նրանց առողջական վիճակը գնահատել են բավարար։ Իսկ փրկարարները ուղևոր Վ․ Ա․-ին (ծնված 1995 թ․) մոտեցրել են շտապօգնության ավտոմեքենային։

Փրկարարները հոսանքազրկել են ավտոմեքենան, փակել գազի բալոնի փականը։

Գեղարքունիքում շտապօգնության մեքենան կողաշրջվել է, հիվանդը` տեղում մահացել

51
թեգերը:
Հայաստան, Երևան, Սևան, ավտոմեքենա, վթար
Ըստ թեմայի
Ավազակային հարձակում Էջմիածնում. վաճառողուհին դաժան ծեծի է ենթարկվել
Խոշոր ավտովթար Արարատի մարզում. տուժածների թվում երեխաներ կան
Սարսափելի դեպք Կոտայքի մարզում. վրաերթի ենթարկված կնոջ մարմինը մի քանի մասի է բաժանվել
ԱԺ անդրանիկ նիստը մեկնարկեց 44-օրյա պատերազմի զոհերի հիշատակը մեկ րոպե լռությամբ հարգելով

ԱԺ անդրանիկ նիստը մեկնարկեց 44-օրյա պատերազմի զոհերի հիշատակը մեկ րոպե լռությամբ հարգելով

37
(Թարմացված է 10:28 02.08.2021)
ԱԺ նիստին ներկա են ՀՀ նախագահ Արմեն Սարգսյանը և Ամանայն Հայոց կաթողիկոս Գարեգին Բ-ն։

ԵՐԵՎԱՆ, 2 օգոստոսի – Sputnik. Նորընտիր` 8-րդ գումարման Ազգային ժողովի անդրանիկ նիստը մեկնարկեց Արցախյան 44-օրյա պատերազմի զոհերի հիշատակը մեկ րոպե լռությամբ հարգելով։

Председатель первого заседания парламента Армении 8-го созыва Князь Гасанов приветствует присутствующих (2 августа 2021). Еревaн
© Sputnik / Aram Nersesyan
ԱԺ նիստին ներկա են ՀՀ նախագահ Արմեն Սարգսյանը և Ամանայն Հայոց կաթողիկոս Գարեգին Բ-ն

Նիստին ներկա են նաև ՀՀ նախագահ Արմեն Սարգսյանը և Ամանայն Հայոց կաթողիկոս Գարեգին Բ-ն։

Նիստը վարում է տարիքով ամենաավագ պատգամավորը՝ Կնյազ Հասանովը։ Ի դեպ, «Հայաստան» խմբակցությունն ԱԺ է եկել Սյունիքի՝ կալանավորված համայնքի ղեկավարների լուսանկարներով շապիկներով։

ՀՀ հիմնը հնչելուց հետո Գարեգին Բ-ն տերունական աղոթք կարդաց, որից հետո նա իր օրհնանքի խոսքն ասաց։

Նշենք, որ կալանավորված են Գորիսի քաղաքապետ Առուշ Առուշանյանը, Մեղրիի նախկին քաղաքապետ Մխիթար Զաքարյանը, Քաջարանի քաղաքապետ Առուշ Առուշանյանը, Սիսիանի քաղաքապետ Արթուր Սարգսյանը։

«Այսօր մեր հայրենիք Հայաստանն ու Արցախը դիմակայում են արտաքին և ներքին լուրջ մարտահրավերների։ Ադրբեջանի ծավալապաշտական նկրտումները հաշվի առնելով` հրամայական է պետական գործիչների և ողջ հասարակության համախմբումը։ Բոլորիս ձգտումը հայրենիքի անվտանգությունն է»,–ասաց Գարեգին Բ-ն։

«Հայաստան» ու «Պատիվ ունեմ» դաշինքները հանդես կգան ԱԺ փոխխոսնակի միասնական թեկնածուով

Հիշեցնենք` հունիսի 20-ին կայացած խորհրդարանական արտահերթ ընտրություններում անցողիկ շեմը հաղթահարել են «Քաղաքացիական պայմանագիր» կուսակցությունը (53.92%) ու «Հայաստան» դաշինքը (21.04%)։ «Պատիվ ունեմ» դաշինքն էլ (5.23%) խորհրդարան կանցնի իրավունքի ուժով՝ որպես երրորդ ամենաշատ ձայներ ստացած քաղաքական ուժ։

37
թեգերը:
Հայաստան, ԱԺ, Նիստ, Արմեն Սարգսյան, Ամենայն Հայոց կաթողիկոս Գարեգին Բ
Ըստ թեմայի
«Հայաստան» ու «Պատիվ ունեմ» դաշինքները հանդես կգան ԱԺ փոխխոսնակի միասնական թեկնածուով
Ի՞նչ հարցեր են քննարկելու նոր գումարման ԱԺ–ի առաջին նիստում
Ի՞նչ կլինի, եթե ընդդիմադիրները հանկարծ սայթաքեն. Մաթևոսյանը` նոր գումարման ԱԺ–ի մասին