«Ֆ1» նռնակ

Պայթյուն Կոտայքի զրուցարաններից մեկում. 42-ամյա տղամարդը հոսպիտալացվել է

93
(Թարմացված է 13:58 12.07.2021)
Տղամարդու բնակարանից ոստիկանները զենք-զինամթերք են հայտնաբերել։ Կինն ասել է, որ ամուսինն արցախյան պատերազմի ընթացքում է դրանք ձեռք բերել։

ԵՐԵՎԱՆ, 12 հուլիսի – Sputnik. Երեկ արտառոց դեպք է տեղի ունեցել Կոտայքի մարզում. Զրուցարաններից մեկում պայթյուն է հնչել, որի հետևանքով մի տղամարդ է հոսպիտալացվել. գրում է Shamshyan.com-ը։

Ժամը 19։40-ի սահմաններում «Հրազդան» բժշկական կենտրոնից ոստիկանություն ահազանգ է ստացվել, որ «զույգ ստորին վերջույթների ականապայթունային, բեկորային վիրավորում, գլխի սալջարդ վերք, փակ գանգուղեղային վնասվածք հարցական» ախտորոշմամբ իրենց մոտ է տեղափոխվել մի քաղաքացի։ Հիվանդանոցում բժիշկները ոստիկաններին հայտնել են, որ վիրավորն ի վիճակի չէ կատարվածի մասին բացատրություն տալու։

«Ոստիկանները պարզել են, որ վիրավորը Հրազդան քաղաքի բնակիչ, 42-ամյա Լև Ասրյանն է։ Պարզվել է, որ նույն օրը, ժամը 19։10-ի սահմաններում նա հիվանդանոց է տեղափոխվել Հրազդանի Կենտրոն թաղամասի 33 շենքի բակում գտնվող տաղավարից։ Նա այնտեղ մենակ է եղել և նռնակ է պայթեցրել, ինչի արդյունքում էլ վնասվածքներ է ստացել»,–նշված է կայքում։

Ոստիկանները տղամարդու բնակության վայրից պայուսակներ են գտել, որոնց մեջ հայտնաբերվել են 2 հատ «Ֆ1» տիպի նռնակ, 1 հատ «ՌԳԴ 5» տիպի նռնակ, 3 հատ նռնակի պայթուցիչներ, 119 հատ 7.62 տրամաչափի փամփուշտներ և նռնակի պլաստմասե կափարիչ։

33-ամյա երիտասարդը ծեծել է հորը ու պայթեցրել նռնակը. մանրամասներ՝ Էջմիածնի սպանությունից

Կինը ոստիկաններին հայտնել է, որ նշված զինամթերքը պատկանում է իր ամուսնուն, որը դրանք ձեռք է բերել 2020 թվականի արցախյան 44-օրյա պատերազմի ընթացքում։

Փաստի առթիվ նյութեր են նախապատրաստվում։

93
թեգերը:
նռնակ, Հրազդան, պայթյուն
Ըստ թեմայի
«Կալաշնիկով», նռնակներ... ապօրինի հրազենի կամավոր հանձնումները շարունակվում են
Քաշել է նռնակի օղակն ու մերժել ադրբեջանցիներին. Տեղի գյուղապետը մանրամասներ է պատմել
Միհրան Հակոբյանի մեքենայի տակ նռնակ են նետել
Շտապօգնության մեքենա

Վթար Վանաձոր քաղաքում. կա 7 վիրավոր, նրանցից մեկը կորցրել է երեխային

60
(Թարմացված է 23:34 23.07.2021)
Խոշոր վթարը տեղի է ունեցել Վանաձորի Դեմիրճյան փողոցի 1/4 հասցեում գտնվող սգո սրահի դիմաց։

ԵՐԵՎԱՆ, 23 հուլիսի – Sputnik. Երեկ՝ հուլիսի 22-ին, խոշոր ավտովթար է տեղի ունեցել Լոռու մարզում: Կա 7 վիրավոր, նրանցից մեկը հղի է եղել և վթարի արդյունքում կորցրել է երեխային։ Տեղեկությունը հայտնում է shamshyan.com–ը։

Կայքը գրում է, որ ժամը 17:30-ի սահմաններում Վանաձոր քաղաքի Դեմիրճյան փողոցի 1/4 հասցեի սգո սրահի դիմաց բախվել են Լոռու մարզի բնակիչներ` 25-ամյա Էրիկ Մելքումյանի վարած Volkswagen մակնիշի և 62-ամյա Ավետիք Մարգարյանի վարած Opel մակնիշի ավտոմեքենաները:

Վթարի հետևանքով Ա. Մարգարյանը, նրա ուղևորներ, Լոռու մարզի բնակիչներ, 58-ամյա Նունուֆար Մարգարյանը, 35-ամյա Տիգրան Մարգարյանը և Է. Մելքումյանն ու նրա ուղևորներ, 64-ամյա Գոհար Դումիկյանը, 47-ամյա Արմինե Դունամալյանը և 28-ամյա Անահիտ Հարությունյանը մարմնական վնասվածքներով տեղափոխվել են «Վանաձոր» բժշկական կենտրոն:

Վթար Կոտայքի մարզում. կա 7 վիրավոր, վարորդներից բացի բոլորն անչափահասներ են

Փրկարարները հոսանքազրկել են ավտոմեքենաները, փակել գազաբալոնն ու սահմանազատել տարածքը:

Կայքի տեղեկություններով՝ պարզվել է, որ հիվանդանոց տեղափոխված վիրավորներից Ա. Հարությունյանը եղել է հղի, և նրա 7 ամսական երեխան հիվանդանոցում ծննդաբերության ժամանակ մահացել է:

Գիշերվանից որոնում էին. 55-ամյա տղամարդու դին գտել են ձորում՝ վթարված մեքենայի մեջ

60
թեգերը:
հղի, Տուժածներ, Մահ, Վանաձոր, վթար
Ըստ թեմայի
Խոշոր վթար Կոտայքում. տուժածներից մեկը հղի կին է
Սևանի ճանապարհին վթարի է ենթարկվել կին վարորդի Nissan Tiida–ն. 4 երեխա հիվանդանոցում են
Վթար Երևան-Սևան ավտոճանապարհի 1-ին կիլոմետրում. կա մեկ զոհ, մեկ տուժած
Մեքենան պայթել է, հետո բախվել բեռնատարին

Մեքենան պայթել է, հետո բախվել բեռնատարին. ՔԿ–ն ներկայացնում է սարսափելի վթարի մանրամասները

265
(Թարմացված է 15:23 23.07.2021)
Ողբերգական ելքով վթարը տեղի էր ունեցել Տավուշի մարզի Բագրատաշեն գյուղում` մաքսատան մոտակայքում։

ԵՐԵՎԱՆ, 23 հուլիսի – Sputnik. ՀՀ քննչական կոմիտեն հրապարակել է հուլիսի 22-ի ցերեկը Բագրատաշենի մաքսատան մոտ ավտոմեքենաների բախման տեսանյութը։

Ըստ հաղորդագրության` Վանաձորի 35-ամյա բնակչի վարած «Մերսեդես-Բենց E-350» մակնիշի ավտոմեքենան իրականում պայթել է ոչ թե մաքսատան մոտ կայանած բեռնատարի հետ բախվելու հետևանքով, ինչպես հաղորդվել էր երեկ, այլ երթևեկելու պահին։

«Բագրատաշեն բնակավայրից դեպի Վրաստանի Հանրապետության սահման երթևեկելու ընթացքում պայթել է գազի գլանանոթը, որի հետևանքով վարորդը ստացած մարմնական վնասվածքներից տեղում մահացել է»,– հայտնում է ՔԿ–ն։

Տեսանյութում հստակ երևում է, որ արդեն պայթյունից հետո ավտոմեքենան, կորցնելով կառավարումը, բախվում է բեռնատարին։

Երևանի կենտրոնում հաստաբուն ծառն ընկել է ոստիկանական ավտոմեքենայի վրա

Դեպքի առթիվ ՀՀ քննչական կոմիտեի Տավուշի մարզային քննչական վարչության Նոյեմբերյանի քննչական բաժնում հարուցվել է քրեական գործ՝ ՀՀ քրեական օրենսգրքի 279-րդ հոդվածի 2-րդ մասի 3-րդ կետով (Անվտանգության պահանջներին չհամապատասխանող ապրանքներ թողարկելը կամ իրացնելը, աշխատանքներ կատարելը կամ ծառայություններ մատուցելը ):

Նախաքննությունը շարունակվում է:

Շղթայական ավտովթար՝ Երևանի Կոմիտասի պողոտայում. բախվել են 5 ավտոմեքենա

265
թեգերը:
ավտոմեքենա, բեռնատար, Հայաստան
Ըստ թեմայի
Ընկերը կատակով գցել է լողավազանի մեջ․ մանրամասներ՝ Արզնիում կնոջ մահվան դեպքից
Կոտայքի մարզում տեղի ունեցած վթարի զոհը հայտնի սողունաբան է
Ողբերգական դեպք Արարատի մարզում. 23-ամյա երիտասարդը հոսանքահարվել է ու մահացել
Գյումրիում ավազակային հարձակման ենթարկված տղամարդու վիճակը ծանր է․ մանրամասներ
(1:05 / 6.13Mb / просмотров видео: 962)

Դրոնների խաղը` 32-րդ ամառային օլիմպիական խաղերում. շլացնող տեսանյութ

0
(Թարմացված է 00:20 24.07.2021)
Թիմերի շքերթի ժամանակ Հայաստանի դրոշակակիրներն են եղել հանրապետության բազմակի չեմպիոն և ռեկորդակիր, լողորդ Վարսենիկ Մանուչարյանը և անվանի բռնցքամարտիկ Հովհաննես Բաչկովը։

Տոկիոյի Ազգային մարզադաշտում հուլիսի 23–ին վառվեց 32-րդ ամառային օլիմպիական խաղերի կրակը։ Բացման հանդիսավոր արարողությանը մասնակցել է նաև Հայաստանի օլիմպիական հավաքականը։

Կրակը վառեց «Մեծ սաղավարտի» մրցաշարերի քառակի հաղթող, աշխարհի նախկին առաջին ռակետ, ճապոնացի Նաոմի Օսական։

Օլիմպիական խաղերի բացման արարողությանը մասնակցում էին 205 երկրների մարզիկներ, ինչպես նաև փախստականների օլիմպիական թիմը:

Թիմերի շքերթի ժամանակ Հայաստանի դրոշակակիրներն էին հանրապետության բազմակի չեմպիոն և ռեկորդակիր, լողորդ Վարսենիկ Մանուչարյանը և անվանի բռնցքամարտիկ Հովհաննես Բաչկովը։

Նշենք, որ օլիմպիական խաղերն անցկացվում են մեկ տարի ուշացումով կորոնավիրուսի համավարակի պատճառով:

Օլիմպիական հավաքական. ովքեր կներկայացնեն Հայաստանը Տոկիոյում

Հուլիսի 23-ից օգոստոսի 8-ն անցկացվող 2021 Օլիմպիական խաղերին մասնակցելու համար Ճապոնիայի մայրաքաղաք Տոկիո են ժամանել մոտ 200 երկրների 11 հազար մարզիկներ: Նրանք պայքարելու են մեդալների 339 հավաքածուների համար։

Սպորտային այս տոնին Հայաստանը ներկայացնում են 17 մարզիկներ 8 մարզաձևերում:

Sputnik Արմենիայի տեսանյութում կարող եք տեսնել 32-րդ ամառային օլիմպիական խաղերի կրակը վառելու ժամանակ դրոններով կազմած տեսարանը։ 

Ներքին խոհանոց. ինչո՞վ են սնվում օլիմպիական մարզիկներն ու լրագրողները Տոկիոյում

0
թեգերը:
Տոկիո, տեսանյութ, Օլիմպիական խաղեր
Ըստ թեմայի
Եռագույնն ու հայ մարզիկները օլիմպիական խաղերի բացմանը. օրվա կադր
Տոկիոյում վառվել է օլիմպիական կրակը. ամենավառ կադրերը՝ Sputnik-ի աչքերով
Առանց աղմուկի ու հանդիսատեսի. մեկնարկում են 32-րդ ամառային Օլիմպիական խաղերը