ԵՐԵՎԱՆ, 6 հուլիսի - Sputnik. Այսօր մահվան ելքով վրաերթ է տեղի ունեցել Արմավիրի մարզում: Shamshyan.com-ը հայտնում է, որ ժամը 16:40-ի սահմանում Կոտայքի մարզի բնակիչ, 37-ամյա Սեդրակ Գասպարյանն իր վարած «Nissan Sunny» մակնիշի ավտոմեքենայով Սարդարապատ գյուղի վարչական տարածքում վրաերթի է ենթարկել կին հետիոտնի:
Կայքի տեղեկություններով՝ վարորդը փախուստի չի դիմել։ Նա օգնել է քաղաքացիներին վրաերթի ենթարկված կնոջը տեղափոխել «Արմավիր» բժշկական կենտրոն։ Ցավոք, հիվանդանոցի ճանապարհին կինը մահացել է։
Լիճք գյուղի մոտակա ջրվեժից ջրափրկարարները դուրս են բերել 30–ամյա քաղաքացու դին
Փաստի առթիվ քրեական գործ է հարուցվել ՀՀ Քրեական օրենսգրքի 242-րդ հոդվածի 2-րդ մասի (ճանապարհային երթևեկության կամ տրանսպորտային միջոցների շահագործման կանոնները խախտելը, որն անզգուշությամբ առաջացրել է մարդու մահ) հատկանիշներով: Իրավապահները պարզում են մահացածի ինքնությունը:
Վանաձորի դպրոցներից մեկի մոտ տղամարդու դի է հայտնաբերվել
