«Սուրբ Աստվածամայր» բժշկական կենտրոն

Երևանում բախվել են «Միցուբիշին» և մոտոցիկլետը․ մոտոցիկլավարի հետ 4 տարեկան երեխա է եղել

53
(Թարմացված է 20:25 03.05.2021)
Մոտոցիկլավարն ու նրա փոքրիկ ուղևորը տեղափոխվել են տարբեր բուժկենտրոններ։ Ոստիկանները պարզում են նրանց ինքնությունը։

ԵՐԵՎԱՆ, 3 մայիսի - Sputnik. Այսօր Երևանում ավտոմեքենայի և մոտոցիկլետի մասնակցությամբ վթար է տեղի ունեցել։ Տեղեկությունը հայտնում է shamshyan.com-ը։ Վթարը տեղի է ունեցել ժամը 16:30-ի սահմաններում։

Դավիթ Բեկի փողոցում դեռևս անհայտ հանգամանքներում բախվել են մոտոցիկլետն ու «Mitsubishi Pajero» մակնիշի ավտոմեքենան: Բախման հետևանքով մոտոցիկլետը կողաշրջվել է, մոտոցիկլավարը մարմնական վնասվածքներով տեղափոխվել է «Էրեբունի» բժշկական կենտրոն։ Ականատեսների խոսքով՝ մոտոցիկլավարը մենակ չի եղել, ունեցել է նաև փոքրիկ ուղևոր։ Ըստ տեղեկությունների՝ ուղևորը 4 տարեկան երեխա է եղել, որը մարմնական վնասվածքներով տեղափոխվել է «Սուրբ Աստվածամայր» բժշկական կենտրոն: Առայժմ երեխայի առողջական վիճակի մասին տեղեկություններ հայտնի չեն։

Ավտոմեքենաները բախվել են, զոհվել են հետիոտները

Ոստիկանությունը պարզում է հիվանդանոց տեղափոխված մոտոցիկլավարի, նրա ուղևորի և «Mitsubishi»-ի վարորդի ինքնությունը:

Վայոց Ձորում ավտոմեքենան գլորվել է ձորը, վարորդը տեղում մահացել է

 

53
թեգերը:
հիվանդանոց, երեխա, մոտոցիկլետ, Երևան, Հայաստան
Բուժկենտրոն

Վրաերթ Նոր Նորքում․ 56-ամյա կինը հիվանդանոցի ճանապարհին մահացել է

70
37-ամյա վարորդը սթափության փորձաքննության է ենթարկվել, հարուցվել է քրեական գործ։

ԵՐԵՎԱՆ, 10 մայիսի – Sputnik․ Ողբերգական ելքով վրաերթ է տեղի ունեցել Երևանի Նոր Նորք վարչական շրջանում։

Shamshyan.com-ը հայտնում է, որ ժամը 17:00-ի սահմաններում Երևանի բնակիչ, 37-ամյա Վահե Պ.-ն իր վարած Opel մակնիշի ավտոմեքենայով Վիլնյուսի փողոցում հետընթաց կատարելիս վրաերթի է ենթարկել մի կնոջ։ Վարորդը փախուստի չի դիմել, իր ավտոմեքենայով տեղափոխել է նրան «Սուրբ Գրիգոր Լուսավորիչ» բժշկական կենտրոն։ Կինը ճանապարհին մահացել է: Նրա ինքնությունը հայտնի է՝ Երևանի բնակիչ, 56-ամյա Լիզա Գ.-ն է:

Վարորդը՝ Վահե Պ.-ն ահազանգել է նաև Երևանի ճանապարհային ոստիկանություն։

Փաստի առթիվ ՀՀ քրեական օրենսգրքի 242 հոդվածի 2-րդ մասի (Ճանապարհային երթևեկության և տրանսպորտային միջոցների շահագործման կանոնները խախտելը, որն անզգուշությամբ առաջացրել է մահ) հատկանիշներով հարուցվել է քրեական գործ:

Վարորդը ենթարկվել է նաև սթափության փորձաքննության։ Պարզվել է, որ նա մեքենան վարել է սթափ վիճակում։

Մահվան ելքով վրաերթ Կոտայքի մարզում. հետիոտնը տեղում մահացել է

70
թեգերը:
Երևան, Մահ, Վրաերթ
Ըստ թեմայի
Ավտովթար և վրաերթ Շենգավիթում․ 3 մարդ տեղափոխվել է հիվանդանոց
Մահվան ելքով վրաերթ` Լոռու մարզում. 81-ամյա կինը տեղում մահացել է
Կոտայքում 6 զինծառայողի վրաերթի ենթարկած և փախուստի դիմած վարորդը կալանավորվել է
Անձրևն ու ուժեղ քամին վնասներ են պատճառել Շիրակի մարզի մի շարք համայնքների

Անձրևն ու ուժեղ քամին վնասներ են պատճառել Շիրակի մարզի մի շարք համայնքների

77
(Թարմացված է 18:27 10.05.2021)
Շիրակի մարզպետ Հովհաննես Հարությունյանը եղել է մարզի Գեղանիստ, Գետափ, Նոր Կյանք համայնքներում, ծանոթացել իրավիճակին։

ԵՐԵՎԱՆ, 10 մայիսի - Sputnik. Մայիսի 9-ի երեկոյան տեղացած անձրևի և ուժեղ քամու հետևանքով վնասներ են կրել Շիրակի մարզի մի շարք համայնքներ։

Ряд населенных пунктов в Ширакской области пострадали от сильного ветра
Անձրևն ու ուժեղ քամին վնասներ են պատճառել Շիրակի մարզի մի շարք համայնքների

Այսօր Շիրակի մարզպետ Հովհաննես Հարությունյանը մարզպետարանի պատասխանատու ստորաբաժանումների ղեկավարների հետ եղել է մարզի Գեղանիստ, Գետափ, Նոր Կյանք համայնքներում, ծանոթացել իրավիճակին։

Մարզպետը խոսել է համայնքների ներկայացուցիչների հետ, հստակեցրել բնակավայրերին հասցված վնասները։ 

Ряд населенных пунктов в Ширакской области пострадали от сильного ветра
Անձրևն ու ուժեղ քամին վնասներ են պատճառել Շիրակի մարզի մի շարք համայնքների

Աշխատանքների ավարտից հետո մարզպետարանում վնասների ուսումնասիրությունների մասին արձանագրությունները կամբողջացվեն և կուղարկվեն ՀՀ Տարածքային կառավարման և ենթակառուցվածքների նախարարություն:

77
թեգերը:
վնաս, Շիրակի մարզ, Քամի, Անձրև
Ըստ թեմայի
Նոր հավելվածը կթեթևացնի վթարների ստեղծած խցանումները, կկրճատվի կեղծ պատահարների թվաքանակը
Դժբախտ պատահար COVID-19 սպասարկող ԲԿ–ներից մեկում. 72-ամյա պացիենտը նետվել է պատուհանից
Դժբախտ պատահար Արմավիրում. տղամարդը մեքենան վարելիս հանկարծամահ է եղել
Արցախի թեմի առաջնորդ Վրթանես եպիսկոպոս Աբրահամյանը

Եթե Դադիվանքը խաղաղապահները չհսկեին, Ղազանչեցոցի բախտին կարժանանար. Արցախի թեմի առաջնորդ

19
(Թարմացված է 11:47 11.05.2021)
Վրթանես եպիսկոպոս Աբրահամյանը Sputnik Արմենիայի հետ զրույցում անդրադարձել է Ղազանչեցոց եկեղեցու գմբեթները հանելու փաստին և Դադիվանքի ճակատագրին։

ԵՐԵՎԱՆ, 11 մայիսի- Sputnik, Կարինե Հարությունյան. Արցախի թեմի առաջնորդ Վրթանես եպիսկոպոս Աբրահամյանը վստահ է` եթե Դադիվանքն այս կարգավիճակում չլիներ, այսինքն` ռուս խաղաղապահների կողմից չհսկվեր, ապա այն հիմա ընդհանրապես չէր լինի, Ղազանչեցոցի և մյուսների բախտին կարժանանար։ Sputnik Արմենիայի հետ զրույցում Արցախի թեմի առաջնորդը նման կարծիք հայտնեց` անդրադառնալով ադրբեջանցիների կողմից Շուշիի սուրբ Ամենափրկիչ Ղազանչեցոց եկեղեցու գմբեթները հանելու դեպքին։

Հայտնել էինք, որ  մայիսի 9 -ին ընդառաջ ադրբեջանցիները հանել են Շուշիի Ղազանչեցոց Ամենափրկիչ եկեղեցու գմբեթները։

«Պատերազմի ավարտից մինչ օրս Ադրբեջանն ավերում և վերացնում է այն ամենն, ինչ քրիստոնեական և հայկական է։ Մենք ականատես եղանք, թե ինչպես հրադադարից հետո նրանք գետնին հավասարեցրին 2017 թվականին Արցախի Մեխակավան բնակավայրում օծված Զորավոր սուրբ Աստվածածին եկեղեցին, նույնը նաև Սուրբ Հովհաննես Մկրտիչ եկեղեցու` Կանաչ ժամի հետ»,–ասաց Սրբազանը։

Նախկինում, երբ դեռ հայկական կողմը չէր ազատագրել այդ տարածքները, այնտեղ քրդեր էին ապրում, որոնք մեր եկեղեցիներին ու վանքերին ձեռք չէին տալիս։ Իսկ ադրբեջանցիները, ըստ Վրթանես եպիսկոպոսի, միայն մեկ նպատակ ունեն` այն, ինչ ժամանակին «սխալվել» և թողել են կանգուն, հիմա պետք է ոչնչացնեն։

Նման դեպքերում Ադրբեջանին կանգնեցնելու համար Արցախի թեմի առաջնորդն այնքան էլ հույս չի կապում դրսի որևէ ուժի հետ։ «Մենք տեսանք` պատերազմի օրերին ինչպես էին  ադրբեջանցիները վարվում մարդկանց հետ, հիմա ի՞նչ սպասենք նրանցից հոգևոր ու մշակութային արժեքների պահպանության առումով։ Սակայն նման պարագաներում, երբ հասնում են ատելության այս գագաթնակետին, նրանց գոռոզամտությունը և լկտիությունն այսպես անպատասխան չի մնալու` ի վերջո բումերանգի էֆեկտը գործելու է, և նրանք իրենց պատիժը ստանալու են»,–ասում է Սրբազանը։

Ինչո՞ւ է Շուշիի Ղազանչեցոց եկեղեցու գմբեթը կլոր

Նա հավելում է, որ մենք էլ մեր կողմից պետք է մեծ դաս քաղենք` ճիշտ ապրելու, հետագան ճիշտ կարգավորելու համար։ Սրբազանն իր խոսքն ամփոփեց` ասելով, որ դեպի ապագա տանող մեր աստիճանը պետք է հենված լինի ազգայինի վրա, այլապես մենք կկորցնենք շատ բան։

Հիշեցնենք, որ Վրթանես եպիսկոպոսն ավելի վաղ հայտնել էր` ադրբեջանցիներն արհեստական խոչընդոտներն են ստեղծում ամեն կիրակի Դադիվանք այցելել ցանկացող ուխտավորների համար։

19
թեգերը:
խաղաղապահ, Վրթանես եպիսկոպոս Աբրահամյան, Դադիվանք, Լեռնային Ղարաբաղ, Արցախ
Ըստ թեմայի
Հաղթանակի հպարտությունից մինչև կորստի ցավ. մայիսի 9-ը Հայաստանում ու Արցախում
Ողջ, բայց անտուն․ ինչպես են սոցիալական խնդիրները «սպանում» արցախյան պատերազմի մասնակցին
Վանաձորցին համաշխարհային ռեկորդ սահմանեց և իր հաղթանակը նվիրեց արցախյան հերոսներին