Մալուխներ են այրվում

Մալուխներ են այրվում. փրկարարները հեռացնում են Մանկական երկաթուղու թունելի ծուխը

176
(Թարմացված է 12:37 30.04.2021)
Տեղում մարման աշխատանքները համակարգողը հայտնեց` թունելի տարածքում 6000 վտ հզորությամբ 30 մալուխներ կան, որոնք էլ, հավանաբար, բարձր լարման պատճառով առաջացած ջերմությունից բռնկվել են։

ԵՐԵՎԱՆ, 30 ապրիլի - Sputnik. Երևանի մանկական երկաթուղու թունելից թանձր ծխի պատճառը հայտնի է` մալուխներն են այրվել։ Լրագրողների հետ զրույցում ասաց դեպքի վայրում աշխատող ԱԻՆ փրկարար ծառայության փրկարարական ուժերի վարչության հրդեհաշիջման և փրկարարական աշխատանքների կազմակերպման բաժնի պետ Արթուր Ոսկանյանը։

Ավելի վաղ հայտնել էինք, որ առավոտից թանձր ծուխ է դուրս գալիս երկաթուղու թունելից։

«Օջախն արդեն հայտնաբերվել է, ուժերը դասավորում են, որ մարման աշխատանքներ կատարեն։ Հավանաբար, բարձր լարում է տեղի ունեցել, որի հետևանքով էլ ջերմությունից մալուխները բռնկվել են։ Այնտեղ 6000 վտ հզորությամբ 30 մալուխներ կան»,–ասաց Ոսկանյանը։

Նրա խոսքով` հիմա ամբողջ տարածքը հոսանքազրկել են։ Ոսկանյանը հայտնեց նաև, որ փորելու կարիք չկա, պետք է հորի մեջ մտնեն փրկարարները, որպեսզի մարեն ծուխը։

Այս պահին 3 մարտական հաշվարկ է աշխատում դեպքի վայրում, և հիմնական դժվարությունը, ըստ Ոսկանյանի, ծխապատ գոտին է, որը, սակայն, հաղթահարելի է։

Գյումրի քաղաքում տեղի է ունեցել պայթյուն՝ հրդեհի բռնկմամբ

176
թեգերը:
Երևան, ՀՀ արտակարգ իրավիճակների նախարարություն (ԱԻՆ), հրդեհ
Կենտրոնի թաղապետարան

Ծեծկռտուք Կենտրոնի թաղապետարանում. վարչություններից մեկի պետին տեղափոխել են հիվանդանոց

162
(Թարմացված է 15:14 11.05.2021)
Հողօգտագործման բաժնի պետ Մանվել Մարգարյանի ինքնազգացողությունը վատացել է վիճաբանությունից ու քաշքշուկից հետո։

ԵՐԵՎԱՆ, 11 մայիսի – Sputnik. Երևանի Կենտրոնի թաղապետարանում այսօր առավոտյան ծեծկռտուք է տեղի ունեցել քաղաքաշինության և հողօգտագործման բաժնի պետ Մանվել Մարգարյանի և վարչական շրջանի ղեկավարի տեղակալ Արմեն Ազիզյանի միջև: Տեղեկությունը հայտնում է «Հայկական ժամանակը»։

Ըստ կայքի` առավոտ շուտ թաղապետարանի ղեկավար կազմը Մարգարյանին շատ կոպիտ ձևով հրահանգել է ազատել աշխատասենյակը: Այնուհետև վիճաբանություն ու քաշքշուկ է սկսվել, որից հետո Մանվել Մարգարյանի ինքնազգացողությունը վատացել է, շտապօգնության մեքենայով նրան տեղափոխել են հիվանդանոց:

Քաղաքաշինության և հողօգտագործման բաժնի պետի տեղակալ Ագնեսա Մելիքսեթյանը «Հայկական ժամանակի» հետ զրույցում պատմել է, որ միջադեպի ժամանակ կողքի աշխատասենյակում է գտնվել: Բարձր բղավոցներ ու հայհոյանքներ է լսել, առաջ է եկել, որ հասկանա՝ ինչ է կատարվում, բայց իրեն մոտիկ չեն թողել. «Ասացին՝ դու աղջիկ ես, գնա, գործ չունես ու չթողեցին մոտենամ, բայց սարսափելի իրարանցում էր, լսում էի նաև, որ կահույքն են քաշքշում: Այդ ընթացքում իմ սենյակում էի, հետո արդեն ոստիկանությունը եկավ»:

«Նորք–Մարաշ» ԲԿ–ում գրանցված սկանդալային դեպքի առնչությամբ քրգործ է հարուցվել

Լրատվամիջոցի տեղեկություններով՝ միջադեպի գլխավոր հերոսը Արմեն Ազիզյանն է եղել: Աշխատակիցները հայտնել են, որ նա առավոտյան աշխատավայրում է եղել, սակայն հետո դուրս է եկել:

Արմեն Ազիզյանը կատարում է վարչական շրջանի ղեկավար Ավետ Պողոսյանի պարտականությունները: Ավետ Պողոսյանն արձակուրդում է:

Կայքը հիշեցնում է, որ Կենտրոն վարչական շրջանի աշխատակազմում սպասվող կառուցվածքային փոփոխություններով պայմանավորված` մի շարք անձինք կանգնած են աշխատանքը կորցնելու վտանգի առաջ, իսկ ոմանք էլ աշխատավայրում լուրջ ճնշումների են ենթարկվում, խոսքը՝ «Քաղաքաշինության և հողօգտագործման» բաժնի պետի, նրա տեղակալի, գլխավոր մասնագետի ու մի քանի այլ աշխատակիցների մասին է: Քաղաքաշինության և հողօգտագործման բաժնի պետ Մանվել Մարգարյանը ՀԺ–ին ասել էր, որ ամեն ինչ սկսվել է նրանից, երբ ամիսներ առաջ ինքը բարձրաձայնել է թաղապետարանում տիրող ապօրինության մասին, որի առնչությամբ հիմա նաև քրեական գործ կա հարուցված:

Հակոբ Արշակյանի ու լրագրողի աղմկահարույց դեպքի առնչությամբ նորից քրգործ է հարուցվել

162
թեգերը:
Ծեծկռտուք, Երևան, Հայաստան
Իրավապահ մարմնի աշխատակիցներ

Պարզվել է` ով է Նոր Նորքում եղբայրներից մեկին սպանած, մյուսին վիրավորած տղամարդը

155
(Թարմացված է 12:50 11.05.2021)
Երիտասարդի նկատմամբ հայտարարվել է հետախուզում, միջնորդություն է ներկայացվել դատարան՝ կալանավորումը որպես խափանման միջոց կիրառելու վերաբերյալ։

ԵՐԵՎԱՆ, 11 մայիսի – Sputnik. ՀՀ քննչական կոմիտեի Երևան քաղաքի քննչական վարչության Ավան և Նոր Նորք վարչական շրջանների քննչական բաժնում իրականացված մեծածավալ քննչական և դատավարական այլ գործողությունների արդյունքում պարզվել են մայիսի 8-ին Երևան քաղաքի Մոլդովական փողոցում տեղի ունեցած 37-ամյա տղամարդու սպանության դեպքի մի շարք հանգամանքներ, ինչպես նաև ենթադրյալ հանցագործություն կատարած անձի ինքնությունը։ Տեղեկությունը հայտնում է ՀՀ քննչական կոմիտեի մամուլի ծառայությունը։

«Նա Երևան քաղաքի 30-ամյա բնակիչ է»,– նշված է հաղորդագրության մեջ:

Ձեռք բերված բավարար ապացույցների համակցությամբ՝ որոշում է կայացվել՝ վերջինիս՝ ՀՀ քրեական օրենսգրքի 34-104-րդ հոդվածի 2-րդ մասի 1-ին կետով (երկու կամ ավելի անձանց նկատմամբ սպանության փորձ) և 235-րդ հոդվածի 1-ին մասով (ապօրինի կերպով զենք, ռազմամթերք, պայթուցիկ նյութեր կամ պայթուցիկ սարքեր ձեռք բերելը, իրացնելը, պահելը, փոխադրելը կամ կրելը) որպես մեղադրյալ ներգրավելու մասին:

Նրա նկատմամբ հայտարարվել է հետախուզում, միջնորդություն է ներկայացվել դատարան՝ կալանավորումը որպես խափանման միջոց կիրառելու վերաբերյալ։

Նախաքննությունը շարունակվում է:

Հիշեցնենք` մայիսի 8-ին`ժամը 06:30-07։30-ի հատվածում, ոստիկանությունն ահազանգ էր ստացել, որ Նոր Նորք վարչական շրջանի Մոլդովական փողոցում կրակոցներ են հնչել: Ոստիկանները Մոլդովական փողոցի 1-ին և 3-րդ շենքերի հարևանությամբ՝ ճանապարհին, հայտնաբերել էին տղամարդու դի: Դեպքի վայրից մեկ հոգի էլ հրազենային վիրավորումով տեղափոխվել էր հիվանդանոց։ Ավելի ուշ հայտնի դարձավ, որ սպանվածն ու վիրավորը եղբայրներ են։

155
թեգերը:
հետախուզում, Սպանություն, Երևան, Հայաստան
Ըստ թեմայի
Կոմիտասի պողոտայում երթուղային «GAZel» է այրվել
Երևանի «Հաղթանակ» կամրջից քաղաքացի է նետվել
Վրաերթ Նոր Նորքում․ 56-ամյա կինը հիվանդանոցի ճանապարհին մահացել է

Նույնիսկ հաղթանակի դեպքում Նիկոլ Փաշինյանը հինգ տարի չի կարողանա պաշտոնավարել. քաղաքագետ

0
(Թարմացված է 20:30 11.05.2021)
«Շրջադարձ հանուն զարգացման» հասարակական կազմակերպության նախագահ, քաղաքագետ Էդվարդ Անտինյանը Sputnik Արմենիայի հետ զրույցում անդրադարձել է հունիսի 20-ի արտահերթ ընտրություններով պայմանավորված գործընթացներին և հետագա հնարավոր սցենարներին։ 

Էդվարդ Անտինյանի կարծիքով` քաղաքական ուժերն ընտրություններին փաստորեն մասնակցում են Նիկոլ Փաշինյանի օրակարգով, ժամանակացույցով և խաղի կանոններով, հետևաբար պարտության դեպքում մեղավորներ թող չփնտրեն։ Ըստ նրա` գալիք ընտրությունների արդյունքում ատելության մթնոլորտը երկրում չի փոխվի, իրավիճակը չի բարելավվի, և արդեն իսկ տեսանելի է, թե ինչպես են հիմնական խաղացողները մտնում պայքարի մեջ, չնայած որ քարոզարշավի պաշտոնական մեկնարկը չի ազդարարվել։ 

«Փաշինյանն իր հերթին ընտրությունների գնում է ոչ թե արվածի հաշվետվությամբ, այլ չարվածի արդարացումներով։ Ընդդիմությունը պնդում է, որ Փաշինյանը չի կարող երկրի շահերը ներկայացնել դրսում պարտվածի կարգավիճակով, իսկ Փաշինյանն էլ ասում է, որ պարտվել է Ադրբեջանին ու Թուրքիային, իսկ Հայաստանում դեռ բոլորից ուժեղ է, այսինքն` Փաշինյանին մանդատ տալու է ոչ միայն ընտրազանգվածը, այլև նրա հետ ընտրություններին մասնակցող քաղաքական ուժերը»,– ասում է քաղաքագետը։ 

Անտինյանի կարծիքով` թեև ավելի շատ կլինեն փոխադարձ կոմպրոմատները, բայցևայնպես դրանք մեծ հաշվով էական նշանակություն չեն ունենա, որովհետև նույնիսկ առկա շիկացած մթնոլորտում ինչ ուզում է դարակից հանեն, միևնույնն է, արդյունավետությունը շատ փոքր է լինելու։ Քաղաքագետի համոզմամբ`այն ընտրողները, որոնք կատեգորիկ կերպով կայացրել են իրենց որոշումը, ոչ մի բանի վրա ուշադրություն չեն դարձնելու, ուստի գալիք ընտրություններն ունենալու են բոլորովին այլ որակ։ 

Անտինյանի գնահատմամբ`սա լինելու է ընտրություն, որտեղ պետք է գործել առանց սխալվելու իրավունքի, բայցևայնպես պարտված ուժերը պետք է նախաձեռնեն մի գործընթաց, որպեսզի ասպարեզ մտնեն նոր ուժեր, քանզի նույնիսկ հաղթանակի դեպքում Նիկոլ Փաշինյանը հինգ տարի չի կարողանա պաշտոնավարել։  

Արմեն Սարգսյանը ստորագրեց հրամանագիրը. ընտրությունների օրը հստակ է

0
թեգերը:
Ընտրություններ, Էդուարդ Անտինյան
թեմա:
Sputnik զրույց
Ըստ թեմայի
ՔՊ–ն արտահերթ ընտրություններին կմասնակցի առանձին՝ առանց դաշինքի. Մակունց
ՀՀ նախագահը խառնեց պլանները. Հայաստանում հնարավոր է` ընտրությունների երկրորդ փուլ անցկացվի
Հայտնի է` երբ կմեկնարկի ԱԺ ընտրությունների քարոզարշավը. ԿԸՀ–ն հաստատեց ժամանակացույցը