ԱԻՆ

Երևանում 19–ամյա քաղաքացին փորձել է նետվել 14-րդ հարկից

60
(Թարմացված է 22:28 28.04.2021)
Հոգեբանական աջակցության բաժնի հերթապահ հոգեբանը քաղաքացուն ցուցաբերել է հոգեբանական աջակցություն․ վերջինս տեղափոխվել է ոստիկանության Կետրոնի բաժին:

ԵՐԵՎԱՆ, 28 ապրիլի–Sputnik. 19–ամյա քաղաքացին փորձել է ինքնասպանություն գործել՝ նետվելով Երևանի Արգիշտի փողոցի շենքերից մեկի 14-րդ հարկից: Տեղեկությունը հայտնում է ԱԻՆ մամուլի ծառայությունը։

Մասնավորապես`այսօր, ժամը 17։38-ին Ճգնաժամային կառավարման ազգային կենտրոն ահազանգ է ստացվել, որ քաղաքացին ցանկանում է ինքնասպանություն գործել։

Դեպքի վայր են մեկնել ԱԻՆ ՓԾ Երևան քաղաքի փրկարարական վարչության հրշեջ-փրկարարական ջոկատից մեկ մարտական հաշվարկ, Ճգնաժամային կառավարման ազգային կենտրոնի օպերատիվ խումբը և Հոգեբանական աջակցության բաժնի հերթապահ հոգեբանը։

«Պարզվել է, որ քաղաքացին փորձել է նետվել բնակարանի պատշգամբից։ Փրկարարները տեղի ուժերի հետ համատեղ կանխել են Ա․ Գ․-ի (ծնված 2002 թ.) ինքնասպանության փորձը»,–նշված է հաղորդագրության մեջ։

Հոգեբանական աջակցության բաժնի հերթապահ հոգեբանը քաղաքացուն ցուցաբերել է հոգեբանական աջակցություն․ վերջինս տեղափոխվել է ոստիկանության Կետրոնի բաժին:

Մասիսում 63–ամյա քաղաքացին փորձել է ինքնահրկիզվել. փրկարարները կանխել են

60
թեգերը:
ինքնասպանություն, ՀՀ արտակարգ իրավիճակների նախարարություն (ԱԻՆ), Երևան
Ըստ թեմայի
Կեղծ ահազանգ. ինչ–որ մեկը զանգել, ասել է, որ «Փակ շուկայի» դիմաց ահաբեկչություն է լինելու
Ավտովթար՝ «Զվարթնոց» օդանավակայանի ճանապարհին. կա զոհ
Երևանում 27–ամյա քաղաքացին փորձել է նետվել կամրջից
(0:43 / 4.53Mb / просмотров видео: 164)

Հրդեհ է բռնկվել Երևանի երեքհարկանի շենքերից մեկի տանիքում. տեսանյութ

30
(Թարմացված է 18:21 18.05.2021)
Հայտարարվել է հրդեհի բարդության «1 ԲԻՍ» կանչ․ դեպքի վայր են մեկնել ԱԻՆ ՓԾ Երևան քաղաքի փրկարարական վարչության հրշեջ-փրկարարական ջոկատներից ևս երկու մարտական հաշվարկ և մեկ ավտոսանդուղք։ Փրկարարներն իրականացնում են տարահանման աշխատանքներ։

ԵՐԵՎԱՆ, 18 մայիսի– Sputnik. Երևանի Պուշկին-Սարյան փողոցների խաչմերուկի երեքհարկանի շենքի տանիքում հրդեհ է բռնկվել։  Փրկարարներն իրականացնում են տարահանման աշխատանքներ։ Տեղեկությունը հայտնում է ՀՀ ԱԻՆ մամուլի ծառայությունը։

Հայտնում են, որ Ճգնաժամային կառավարման ազգային կենտրոն ահազանգը ստացվել է մայիսի 18-ին, ժամը 17:04-ին։ Տեղեկացրել են, որ երեքհարկանի շենքի տանիքում, հրդեհ է բռնկվել։

Դեպքի վայր են մեկնել ԱԻՆ ՓԾ Երևան քաղաքի փրկարարական վարչության հրշեջ-փրկարարական ջոկատից երկու մարտական հաշվարկ, Ճգնաժամային կառավարման ազգային կենտրոնի և Հրդեհաշիջման և փրկարարական աշխատանքների կազմակերպման բաժնի օպերատիվ խմբերը։

Չինաստանում երկնաքերը հանկարծ թեքվել է, մարդիկ սարսափահար փախել են. տեսանյութեր

Հայտարարվել է հրդեհի բարդության «1 ԲԻՍ» կանչ․ դեպքի վայր են մեկնել ԱԻՆ ՓԾ Երևան քաղաքի փրկարարական վարչության հրշեջ-փրկարարական ջոկատներից ևս երկու մարտական հաշվարկ և մեկ ավտոսանդուղք։

Ըստ նախնական տվյալների՝ հրդեհը բռնկվել է շենքի տանիքում (240 քմ)։ Տուժածներ չկան։ Հրդեհի բռնկման պատճառը դեռ հայտնի չէ։

30
թեգերը:
շենք, Երևան, ՀՀ արտակարգ իրավիճակների նախարարություն (ԱԻՆ), հրդեհ
Գետ

Ողբերգական դեպք Գեղարքունիքում. գետում կնոջ դիակ են հայտնաբերել

52
(Թարմացված է 14:26 18.05.2021)
Մարտունի քաղաքի բնակիչներից մեկը զանգել է ոստիկանություն և հայտնել, որ մայրը վաղ առավոտյան դուրս է եկել տնից, նրա գտնվելու մասին ոչ մի տեղեկություն չունեն։

ԵՐԵՎԱՆ, 18 մայիսի – Sputnik. Այսօր՝ մայիսի 18-ին, ողբերգական դեպք է տեղի ունեցել Գեղարքունիքի մարզում. Մարտունի գետում 77-ամյա կնոջ դիակ են հայտնաբերել։ Տեղեկությունը հայտնում է shamshyan.com–ը։

Ըստ կայքի` ժամը 09։00-ի սահմանում ոստիկանության Մարտունու բաժին է դիմել Մարտունի քաղաքի բնակիչը և հայտնել, որ մայրը՝ 77-ամյա Հ. Գալստյանը, առավոտյան ժամը 05։00-ին դուրս է եկել տնից, և ոչ մի տեղեկություն չունեն նրա գտնվելու վայրի մասին։

Ոստիկանները սկսել են որոնողական աշխատանքները։

Ժամը 11։00-ի սահմանում Գալստյանի դին հայտնաբերել են Մարտունի քաղաքի Գետափնյա փողոցի հարևանությամբ հոսող Մարտունի գետում։

Դատաբժիշկը, զննելով դին, հայտնել է, որ բռնության հետքեր չկան։

Ողբերգական ավտովթար Երևան-Սևան ճանապարհին. 20-ամյա վարորդը տեղում մահացել է

Նյութեր են նախապատրաստվում, նշանակվել են մի շարք փորձաքննություններ, այդ թվում՝ դիակի դատաբժշկական։

Արարատում 3 տարեկան երեխա է խեղդամահ եղել

52
թեգերը:
Կին, Մահ, Դիակ, Գեղարքունիքի մարզ, Հայաստան
Ռոբերտ Քոչարյանն ու Վիկտոր Սողոմոնյանը. արխիվային լուսանկար

Ռոբերտ Քոչարյանը հեռանում է «Սիստեմա» ԲՖԿ–ից. Սողոմոնյանն ասել է պատճառը

0
(Թարմացված է 18:44 18.05.2021)
ՀՀ երկրորդ նախագահը մի քանի օր առաջ է հրաժարվել շարունակել աշխատանքը տնօրենների խորհրդում։ 

ԵՐԵՎԱՆ, 18 մայիսի –Sputnik. ՀՀ երկրորդ նախագահ Ռոբերտ Քոչարյանը որոշել է հեռանալ «Սիստեմա» ԲՖԿ–ից։ Տեղեկությունը Sputnik Արմենիայի հետ զրույցում հաստատեց ՀՀ երկրորդ նախագահի գրասենյակի ղեկավար Վիկտոր Սողոմոնյանը։

Սողոմոնյանը նշեց, որ ՀՀ երկրորդ նախագահը մի քանի օր առաջ է հրաժարվել շարունակել աշխատանքը տնօրենների խորհրդում։ 

«Նա կավարտի իր պարտականությունների կատարումը հունիսի վերջին կայանալիք բաժնետերերի ժողովից հետո։ Նախագահ Քոչարյանն այսուհետ ուշադրությունն ու ջանքերը կենտրոնացնելու է Հայաստանի առաջ կանգնած մարտահրավերների հաղթահարման և քաղաքական օրակարգի հարցերի լուծման վրա»,- ասաց Վիկտոր Սողոմոնյանը։

Հիշեցնենք` հունիսի 20–ին Հայաստանում կայանալու է արտահերթ խորհրդարանական ընտրություններ, որին կմասնակցի նաև Ռոբերտ Քոչարյանը` «Հայաստան» դաշինքի կազմում։ «Հայաստանի» կազմում Քոչարյանը միավորվել է ՀՅԴ–ի և Սյունիքի նակխին մարզպետ Վահե Հակոբյանի գլխավորած «վերածնվող Հայաստան» կուսակցության հետ։

Ի՞նչ ցույց տվեց Ռոբերտ Քոչարյանի, ՀՅԴ–ի ու «Վերածնվող Հայաստանի» հանրահավաքը

0
թեգերը:
«Սիստեմա» բաժնետիրական ֆինանսական կորպորացիա, Ընտրություններ, Ռոբերտ Քոչարյան