Հաղթանակի կամուրջ

ԱԺ պատգամավորը Երևանում ինքնասպանության փորձ է կանխել

208
(Թարմացված է 19:40 19.04.2021)
Քաղաքացին ցանկացել է ինքնասպան լինել՝ նետվելով Հաղթանակի կամրջից, սակայն հաջողվել է նրան հետ պահել այդ քայլից։

ԵՐԵՎԱՆ, 19 ապրիլի – Sputnik․ Այսօր Երևանում ինքնասպանության փորձ է կանխվել։ ԱԻՆ մամուլի ծառայությունը հայտնում է, որ ժամը 17։31-ին Ճգնաժամային կառավարման ազգային կենտրոն ահազանգ է ստացվել, որ քաղաքացին փորձում է ինքնասպանություն գործել՝ նետվելով Երևանի Հաղթանակի կամրջից:

39-ամյա կնոջ ինքնասպանության դեպքի առթիվ հարուցվել է քրեական գործ. ՔԿ

«Դեպքի վայր են մեկնել ԱԻՆ ՓԾ Երևան քաղաքի փրկարարական վարչության հրշեջ-փրկարարական ջոկատից մեկ մարտական հաշվարկ, Ճգնաժամային կառավարման ազգային կենտրոնի օպերատիվ խումբը և Հոգեբանական աջակցության բաժնի հերթապահ հոգեբանը»,- նշված է հաղորդագրության մեջ։

ԱԻՆ հաղորդմամբ՝ Ռ․Պ․-ի ինքնասպանության փորձը հաջողվել է կանխել Ազգային ժողովի պատգամավոր, ԲՀԿ խմբակցության նախկին անդամ Սերգեյ Բագրատյանին, որը դեպքի վայրում է եղել։

208
թեգերը:
Սերգեյ Բագրատյան, ինքնասպանության փորձ, Պատգամավոր
Ըստ թեմայի
Ինչպես վարչապետն ու գեներալներն ինքնասպանություն գործեցին պատերազմից հետո
«Ես չէի կարող այդ խոսքերը հանդուրժել». Էրդողանի 27–ամյա թիկնապահն ինքնասպան է եղել
Covid-19–ին դեմ հանդիման. ՀՀ–ում համավարակի պատճառով ինքնասպանությունների թիվն աճե՞լ է
Հղի կին

Երևանի հիվանդանոցներից մեկում 30-ամյա ծննդկան է մահացել. երեխան ծնվել է

282
(Թարմացված է 15:32 07.05.2021)
Ծննդաբերության ընթացքում առաջացել են խնդիրներ, բժիշկներն ամեն ինչ արել են կնոջ կյանքը փրկելու համար։

ԵՐԵՎԱՆ, 7 մայիսի - Sputnik․ Երևանի հիվանդանոցներից մեկում 30-ամյա ծննդկան է մահացել։ Տեղեկությունը Sputnik Արմենիայի հետ զրույցում հաստատեց ՀՀ առողջապահության նախարարի մամուլի քարտուղար Հռիփսիմե Խաչատրյանը։

«Հղիի մոտ պրեէկլեմպսիա է եղել, 36 շաբաթական հղիություն է եղել՝ երկրորդ երեխան։ Ծննդաբերության ընթացքում առաջացել են խնդիրներ, բժիշկներն ամեն ինչ արել են կնոջ կյանքը փրկելու համար, նույնիսկ կեսարյան հատում են արել։ Ցավոք, չի հաջողվել կյանքը փրկել։ Երեխան ծնվել է, լավ է»,- ասաց Խաչատրյանը։

Նշենք, որ դեպքը տեղի է ունեցել մայիսի 6-ին։

Բժիշկն ասել է՝ ինչն է ներարգանդային կյանքում ազդում երեխայի ուղեղի զարգացման վրա

Պրեէկլամպսիան բնութագրվում է զարկերակային գերճնշումով, հաճախ մեզում առկա սպիտակուցի զգալի քանակությամբ։ Սովորաբար այն ախտորոշվում է հղիության 20-րդ շաբաթվանից հետո։ Հիվանդության ծանր ձևերի ժամանակ կարող է առաջանալ արյան կարմիր բջիջների քայքայում, թրոմբոցիտների քանակի նվազում, լյարդի ֆունկցիայի ընկճում, երիկամների դիսֆունկցիա և այլն։ Դա վտանգավոր բարդություն է, որը կարող է հանգեցնել թե՛ մոր, թե՛ պտղի մահվան:

Ողբերգական դեպք Գեղարքունիքում. 5 տարեկան երեխա է մահացել

282
թեգերը:
երեխա, հիվանդանոց, Մահ, ծննդկան, Հայաստան
Ըստ թեմայի
Այգուց հավաքած տապակած կանաչի. 12–ամյա երեխայի մահվան պատճառը հայտնի է
«3 երեխաներիս ի՞նչ անեմ». հայրն ու որդին զոհվել են նույն օրը` պաշտպանելով սեփական գյուղը
Շենք

Երևանում 74–ամյա բնակիչը ընկել է 10-րդ հարկից

71
(Թարմացված է 10:26 07.05.2021)
Փրկարարները սահմանազատել են տարածքը և քաղաքացու դին մոտեցրել շտապօգնության ավտոմեքենային։

ԵՐԵՎԱՆ, 7 մայիսի – Sputnik. Երևանում 74–ամյա բնակիչը ընկել է 10-րդ հարկից: Ինչպես հայտնում է ՀՀ ԱԻՆ մամուլի ծառայությունը, Ճգնաժամային կառավարման ազգային կենտրոն ահազանգը ստացվել է մայիսի 7-ին, ժամը 06։17-ին։ Տեղեկացրել են, որ Երևանի Ադոնցի փողոցի թիվ 17 շենքի 10-րդ հարկից քաղաքացի է ընկել։

Դեպքի վայր է մեկնել ԱԻՆ ՓԾ Երևան քաղաքի փրկարարական վարչության հրշեջ-փրկարարական ջոկատից մեկ մարտական հաշվարկ։

Շենքի բակում հայտնաբերվել է նույն շենքի 10-րդ հարկի բնակիչ Ս․ Ս․-ի (ծնված 1947 թ․) դին։

Փրկարարները սահմանազատել են տարածքը և քաղաքացու դին մոտեցրել շտապօգնության ավտոմեքենային։

71
թեգերը:
Դիակ, ՀՀ արտակարգ իրավիճակների նախարարություն (ԱԻՆ), բնակիչ, շենք, Երևան
Ազգային ժողովի նիստ

Ընտրական օրենսգիրքը փոփոխվեց միաձայն

0
(Թարմացված է 19:38 07.05.2021)
Նախագիծը մշակած «Իմ քայլը» խմբակցության ներկայացուցիչները մեկ անգամ ևս նշեցին, որ այս փոփոխությունները չեն կիրառվելու սպասվող արտահերթ ընտրությունների ժամանակ:

ԵՐԵՎԱՆ, 7 մայիսի – Sputnik. Ազգային ժողովը արտահերթ նիստում երկրորդ ընթերցմամբ ընդունեց «Ընտրական օրենսգրքի» փոփոխությունների փաթեթը: Այն ընդունվեց 81 կողմ ձայնով:

Փաթեթով առաջարկվում է նվազեցնել ԱԺ ընտրություններին մասնակցող կուսակցության (կուսակցությունների դաշինքի) ընտրական գրավի չափը: Գործող օրենքով կուսակցությունների դեպքում այն 10 միլիոն դրամ է, առաջարկվում է դարձնել 7,5 մլն, դաշինքի դեպքում՝ 15 մլն դրամ:

Կուսակցությունների դեպքում անցողիկ շեմը 5%-ից իջեցվում է 4%-ի, դաշինքի դեպքում, եթե այն կազմված է 2 կուսակցություններից, 7 տոկոսից բարձրանում է 8 տոկոս: Երեք կուսակցություններից կազմված դաշինքի դեպքում անցողիկ շեմը կլինի 9 տոկոս, իսկ 4 եւ ավելի կուսակցություններից կազմված դաշինքի դեպքում՝ 10 տոկոս:

Փոխվում է նաև քաղաքական կոալիցիաներ ձևավորելու կարգը: Առաջնահերթ կոալիցիա ձևավորելու հնարավորություն է տրվում այն կուսակցությանը կամ դաշինքին, որը ընտրությունների արդյունքով ձայների մեծամասնություն է ստացել: Վերջինս 14 օրվա ընթացքում կարող է կոալիցիա կազմել մանդատների բաշխմանը մասնակցած մյուս կուսակցությունների (կուսակցությունների դաշինքների) հետ, եթե նրանց օգտին տրված ձայների գումարը բավարար է մանդատների ընդհանուր թվի 52 տոկոսը ստանալու համար, և նրանք համաձայնություն ունեն վարչապետի թեկնածուի վերաբերյալ։

Քաղաքագետն ասել է` ինչ ազդեցություն կունենա Սերժ Սարգսյանն ընտրական գործընթացի վրա

Այժմ պատգամավորների նվազագույն թիվը 105 է (101+չորս ազգային փոքրամասնությունների ներկայացուցիչ)։ Նման նվազագույն թիվ է հավաքվում, եթե որևէ կուսակցություն կամ դաշինք հաղթում է ընտրություններում ՝ հավաքելով ձայների 50-ից 66 տոկոսը։

Եթե կուսակցությունը հավաքում է ավելի քան 66 տոկոս ձայն, ապա ընդդիմությանը տրվում են լրացուցիչ մանդատներ, որպեսզի նրանց պատգամավորները խորհրդարանում կազմեն առնվազն մեկ երրորդը։ Եթե հաղթած կուսակցությունը հավաքում է ավելի քան 50 տոկոս, բայց 54 տոկոսից պակաս, նրանց տալիս են լրացուցիչ մանդատներ, որպեսզի կարողանան հավաքել մինչև 54 տոկոս ձայն՝ նույնիսկ բացակա կամ գործուղված պատգամավորների դեպքում խորհրդարանում կայուն մեծամասնություն ապահովելու համար։

0
թեգերը:
ԱԺ, Ընտրական օրենսգիրք
Ըստ թեմայի
Նախագահը չի ստորագրել «Ընտրական օրենսգրքում» փոփոխությունների փաթեթը, բայց ՍԴ էլ չի դիմի
Համաձայն չեմ ՀՀ նախագահի մտահոգության հետ. Վարդանյանը` «Ընտրական օրենսգրքի» մասին
Վենետիկի հանձնաժողովը ՀՀ ընտրական օրենսգրքի վերաբերյալ կարծիք է հայտնել. մանրամասներ