Հղի կին

Ողբերգական դեպք Կոտայքում․ հղի կնոջը մահացած են հայտնաբերել

728
(Թարմացված է 15:14 16.04.2021)
Բժիշկների կարծիքով՝ կինը գտնվել է հղիության 7-րդ ամսում, ոստիկանները պարզել են կնոջ ինքնությունը։

ԵՐԵՎԱՆ, 16 ապրիլի- Sputnik. Այսօր ողբերգական դեպք է գրանցվել Կոտայքի մարզում։ Shamshyan.com-ի տեղեկություններով՝ ժամը 13։40-ի սահմաններում ոստիկանությունը «Հրազդան» բժշկական կենտրոնից ահազանգ է ստացել, որ կանչով մեկնած բժիշկների խումբը մարզի գյուղերից մեկում տանը կնոջ դի է հայտնաբերել։

Բժիշկները տեղեկացրել են, որ մահացած կինը հղի է եղել։ Նրանք խոսքով՝ նա գտնվել է հղիության 7-րդ մասում։ Ոստիկանները պարզել են, որ մահացածը տվյալ գյուղի բնակիչ 38-ամյա Լյուդմիլա Ա-ն է։

Ուշի գյուղի ոլորաններում բեռնատարն ընկել է ձորակը. վարորդը մահացել է

Կնոջ մահվան պատճառը դեռևս անհայտ է։

Դատաբժշկական փորձաքննություն է նշանակվել հղի կնոջ մահվան հանգամանքները պարզելու համար։

Սարսափելի դեպք Երևանի կենտրոնում. 54 համարի երթուղայինում տղամարդու են սպանել

728
թեգերը:
Մահ, հղի, Կոտայք, Հայաստան
Շտապօգնության ավտոմեքենա

Ողբերգական դեպք Արարատի մարզում. վրաերթի հետևանքով 15-ամյա տղա է մահացել

6
(Թարմացված է 23:36 16.06.2021)
Վարորդը տղային վրաերթի է ենթարկել հետընթաց կատարելու ժամանակ։ Հարուցվել է քրեական գործ, ընթանում է նախաքննություն։

ԵՐԵՎԱՆ, 16 հունիսի - Sputnik. Այսօր ողբերգական դեպք է տեղի ունեցել Արարատի մարզում, տեղեկացնում է shamshyan.com-ը:

Նշվում է, որ ժամը 13:45-ի սահմանում Արմավիրի մարզի բնակիչ, 43-ամյա Աղասի Ե.-ն իր վարած «Ford Transit» մակնիշի ավտոմեքենայով Ոսկետափ գյուղի Շիրազի փողոցի թիվ 3 հասցեի դիմաց հետընթաց կատարելու ժամանակ վրաերթի է ենթարկել 15-ամյա Սարգիս Թ.-ին։ Վերջինիս տեղափոխել են «Վեդի» բժշկական կենտրոն, սակայն տղան արդեն մահացած է եղել։ Սարգիս Թ․-ն ապրում էր Արարատի մարզի գյուղերից մեկում։

Ողբերգական վթար Ոսկետափ գյուղում․ տուժածը մահացել է հիվանդանոցի ճանապարհին

Դեպքի վայրում քննիչի կատարած զննությունից հետո քննիչի հանձնարարականով ավտոմեքենան տեղափոխվել է ոստիկանության Արարատի բաժնի պահպանվող հատուկ տարածք:

Փաստի առթիվ քննիչի որոշմամբ հարուցվել է քրեական գործ՝ ՀՀ ՔՕ 242 հոդվածի 2-րդ մասի հատկանիշներով (ճանապարհային երթևեկության կանոնների խախտում, որը անզգուշությամբ առաջացրել է մարդու մահ)։

Մահվան ելքով ավտովթար Տավուշում. մեքենան բախվել է գազատար խողովակին ու կողաշրջվել

6
թեգերը:
Մահ, տղա, Վրաերթ, Հայաստան
Նուբարաշենի աղբավայր

Նուբարաշենի աղբավայրում շարունակվում են հրդեհաշիջման աշխատանքները

10
Ութ օր շարունակ հրշեջները աշխատում են մարել աղբավայրում բռնկված հրդեհը։

ԵՐԵՎԱՆ, 16 հունիսի - Sputnik. Նուբարաշենի աղբավայրում շարունակվում են հրդեհաշիջման աշխատանքները։ Տեղեկությունը հայտնում է ՀՀ արտակարգ իրավիճակների նախարարության մամուլի ծառայությունը։

Նշվում է, որ հունիսի 8-ից ԱԻՆ ՓԾ Երևան քաղաքի փրկարարական վարչության հրշեջ-փրկարարական ջոկատների մարտական հաշվարկները հրդեհաշիջման աշխատանքներ են իրականացնում Նուբարաշենի աղբավայրում:

«Հունիսի 16-ին Նուբարաշենի աղբավայրում հրդեհաշիջման աշխատանքները շարունակելու նպատակով դեպքի վայր են մեկնել ԱԻՆ ՓԾ Երևան քաղաքի փրկարարական վարչության հրշեջ-փրկարարական ջոկատներից երեք մարտական հաշվարկ և Հրդեհաշիջման և փրկարարական աշխատանքների կազմակերպման բաժնի օպերատիվ խումբը», - ասված է հայտարության մեջ։

Հիշեցնենք, որ հունիսի 8-ին՝ ժամը 10։04-ին Ճգնաժամային կառավարման ազգային կենտրոնը տեղեկություն էր ստացել, որ հրդեհ է բռնկվել Երևանի Նուբարաշենի աղբավայրում։ Դեպքի վայր էին մեկնել հրշեջ-փրկարարական ջոկատներից վեց մարտական հաշվարկ և Հրդեհաշիջման և փրկարարական աշխատանքների կազմակերպման բաժնի օպերատիվ խումբը։

Հրդեհը մեկուսացվել էր ժամը 18։40-ին։ Սահմանվել էր հերթապահություն։ Հունիսի 9-ին և 10-ին դեպքի վայրում հերթապահող հրշեջ-փրկարարական ջոկատը նկատել էր հրդեհի նոր երկու օջախ, որոնցից մեկը մարվել էր, արդյունքում այրվել էր մոտ 400 խմ շինարարական աղբ։

Հրդեհաշիջման աշխատանքներին ներգրավված են Երևանի քաղաքապետարանի հինգ ջրատար, երկու բեռնատար մեքենա, հինգ տրակտոր, օժանդակ մեքենա (ջրատար), երկու ինժեներական տեխնիկա և ինքնաթափ մեքենա։

Շաբաթը թեժ էր ոչ միայն քաղաքական կյանքում, այլև Երևանի ամենամեծ աղբավայրում. լուսանկարներ

10
թեգերը:
հրդեհ, Նուբարաշենի աղբավայր, Երևան, Հայաստան
Ըստ թեմայի
100-ից ավել փրկարար, 6000 տոննա ջուր. Մասիսի աղբավայրի հրդեհն ահռելի ծախսեր է պահանջել
Թյուրիմացությո՞ւն է եղել. նախարարը Մասիսի աղբավայրի հրդեհի հարցով քննություն է նշանակել
Պատահականությո՞ւն, թե՞ հրկիզում. «գարշահոտ» պատմություն՝ Մասիսի աղբավայրի շուրջ