Հյուսիսային պողոտա. հրդեհ

Հյուսիսային պողոտայի շենքերից մեկում բռնկված հրդեհը մարվել է. հայտնի է` ինչ է այրվել

57
(Թարմացված է 20:05 14.04.2021)
Հրդեհը բռնկվել էր Հյուսիսային պողոտա թիվ 5 հասցեում գտնվող «Լա Պիացցա» իտալական ռեստորանին հարակից շենքի ծխատարում։ Փրկարարները տարհանել էին մոտ 65 քաղաքացու։

ԵՐԵՎԱՆ, 14 ապրիլի – Sputnik. Հյուսիսային պողոտայի շենքերից մեկում բռնկված հրդեհը մարվել է։ Տեղեկությունը հայտնում են ՀՀ ԱԻՆ մամուլի ծառայությունից։

Տեղեկացվում է, որ հրդեհը մեկուսացվել է ժամը 18։32-ին, մարվել՝ 19։01-ին: 3 քմ տարածքում իրականացվել են ծխատարի քանդման աշխատանքներ։

«Այրվել են ծխատար համակարգի 11-րդ հարկում գտնվող շարժիչը, 2 գմ թիթեղյա հատված, «Լա Պիացցա» ռեստորանի խոհանոցում մոտ 6 գմ խողովակ և 4 քմ կախովի առաստաղ»,–ասված է հաղորդագրության մեջ։

Ինչպես արդեն հայտնել էինք, ապրիլի 14-ին, ժամը 17։56-ին Ճգնաժամային կառավարման ազգային կենտրոն ահազանգ է ստացվել, որ Երևանի Հյուսիսային պողոտայի շենքերից մեկից ծուխ է նկատվում։

Հրդեհի բարդության «1 ԲԻՍ» կանչով դեպքի վայր են մեկնել ԱԻՆ ՓԾ Երևան քաղաքի փրկարարական վարչության հրշեջ-փրկարարական ջոկատներից չորս մարտական հաշվարկ, մեկ ավտոսանդուղք, Ճգնաժամային կառավարման ազգային կենտրոնի օպերատիվ և Հրդեհաշիջման և փրկարարական աշխատանքների կազմակերպման բաժնի հերթապահ խմբերը, Հոգեբանական աջակցության բաժնի հերթապահ հոգեբանը և Բժշկական ապահովման վարչության հերթապահ խումբը։

Հրդեհ էր բռնկվել Հյուսիսային պողոտա թիվ 5 հասցեում գտնվող «Լա Պիացցա» իտալական ռեստորանին հարակից շենքի ծխատարում։ Փրկարարները տարհանել էին մոտ 65 քաղաքացու։

57
թեգերը:
հրդեհ, Հյուսիսային պողոտա, Երևան
ՃՏՊ

Ողբերգական դեպք Վայոց Ձորում. «Գազելը» վերածվել է ջարդոնի, 1 մարդ տեղում մահացել է

72
(Թարմացված է 17:19 06.05.2021)
Եղեգնաձոր-Վայք ավտոճանապարհին տեղի ունեցած ՃՏՊ–ից հետո մեքենաներից մեկը մահացել է, ևս երկու հոգու տեղափոխել են բժշկական կենտրոն։

ԵՐԵՎԱՆ, 6 մայիսի – Sputnik. Վայոց Ձորի մարզում այսօր բախվել են «Գազելն» ու «MAN» մակնիշի բեռնատարը։ Տեղեկությունը հայտնում է ՀՀ արտակարգ իրավիճակների նախարարությունը։

Մարզային ճգնաժամային կառավարման կենտրոնը ՃՏՊ–ի ահազանգը ստացել է ժամը 14:27-ին։

Դեպքի վայր են մեկնել ԱԻՆ ՓԾ մարզային փրկարարական վարչության օպերատիվ խումբը և հրշեջ-փրկարարական ջոկատից մեկ մարտական հաշվարկ։

Պարզվել է, որ բախման հետևանքով տեղում մահացել է «Գազելի» ուղևորը։

Ըստ shamshyan.com–ի` ևս 2 հոգում տեղափոխել են «Եղեգնաձոր» բժշկական կենտրոն։

Էջմիածնում սպանված երիտասարդը մենակ չի եղել. ՔԿ–ն նոր մանրամասներ է հայտնում

72
թեգերը:
բեռնատար, Մահ, վթար, Հայաստան
ՀՀ ոստիկանություն

Երևանում ավտոմեքենան հայտնվել է փոսում, վարորդին տեղափոխել են հիվանդանոց

20
(Թարմացված է 17:19 06.05.2021)
Երևանում ավտոմեքենան հայտնվել է «Վեոլիա Ջուր» ընկերության կողմից փորված դիտահորի մեջ։

ԵՐԵՎԱՆ, 6 մայիսի - Sputnik․ Արտակարգ դեպք է տեղի ունեցել Երևանում, տեղեկացնում է Shamshyan.com-ը։

Համաձայն կայքի՝  մայիսի 5-ի գիշերը, ժամը 01:00-ին, Երևանի բնակիչ 28-ամյա Կարեն Քեշիշյանը իր «Opel» մակնիշի ավտոմեքենայով հայտնվել է շինարարական աշխատանքների համար փորված «Վեոլիա Ջրի» փոսում։ Պատահարի հետևանքով  Քեշիշյանը մարմնական վնասվածքներով տեղափոխվել է «Արմենիա» բժշկական կենտրոն։ Դեպքը տեղի է ունեցել Լենինգրադյան փողոցի 29/10 հասցեում։

Դեպքի վայր են ժամանել Արտակարգ իրավիճակների նախարարության Փրկարար ծառայության Երևանի թիվ 7 հրշեջ-փրկարարական ջոկատից 1 մարտական հաշվարկ։

«Վեոլիա Ջրից» հրաժարվեցին մեկնաբանել տեղեկությունը, ոստիկանությունը հաստատեց պատահարի եղելությունը։

20
թեգերը:
ավտովթար, վարորդ, ավտոմեքենա

Մասնակցելո՞ւ եք ընտրություններին և ինչո՞ւ. հարցախույզ Երևանում

0
(Թարմացված է 22:44 06.05.2021)
Sputnik Արմենիան հարցում է անցկացրել Երևանում և պարզել` ՀՀ քաղաքացիների մեծ մասը պատրաստվում է մասնակցել հունիսին նախատեսված արտահերթ ընտրություններին։

Sputnik Արմենիայի հարցման մասնակիցները համարում են, որ ընտրություններին մասնակցելը յուրաքանչյուր քաղաքացու պարտքն է։ Գնալու են քվեարկության, որովհետև մտավախությունները շատ են, իսկ ընտրություններից հետո շատ բան կարող է փոխվել։

Քաղաքացիներից մեկի կարծիքով՝ մեր միակ հույսը հզոր զենք ստեղծելն է։

«Մենք ուրիշ ճար չունենք», -ասաց նա։

Առաջիկա ընտրությունները հեշտ չեն լինելու. Ռոբերտ Քոչարյանը` փողոցային պայքարի մասին

Տղամարդկանցից մեկն էլ շեշտեց, որ ոչ մի դեպքում չի մասնակցելու ընտրություններին։

«Հերս էլ բանակից գա՝ չեմ մասնակցելու։ Նիկոլի ժամանակ եղել եմ, Ռոբերտի ժամանակ եղել եմ, Սերժի ժամանակ եղել եմ, Պարույրի՝ ևս, բայց ինչի՞ տեղ անցավ»,– նշեց նա։

Որպեսզի իմանաք, թե ինչ պատասխաններ են տվել հարցման մյուս մասնակիցները, դիտեք Sputnik Արմենիայի տեսանյութը։

Ընտրողները 2 հոգու են տեսնում վարչապետի պաշտոնում. քաղտեխնոլոգը` ընտրությունների մասին

 

0
թեգերը:
Հարցում, Երևան, Ընտրություններ, Հայաստան
Ըստ թեմայի
Ընտրությունները ՀՀ պետականության անփառունակ վախճանի նոր էջ կբացեն․ Աշոտյան
Եթե Փաշինյանն անգամ ընտրություններում պարտվի, միևնույնն է, ինքնակամ չի հեռանա. քաղաքագետ 
Լինելու են ՀՀ պատմության մեջ ամենավատ ընտրությունները. տեղամասերում կլինեն բախումներ