Ուշի գյուղի ոլորաններում բեռնատարն ընկել է ձորակը

Ուշի գյուղի ոլորաններում բեռնատարն ընկել է ձորակը. վարորդը մահացել է

120
(Թարմացված է 13:21 14.04.2021)
Ճանապարհատրանսպորտային պատահարը տեղի է ունեցել առավոտյան՝ ժամը 9-ի մոտակայքում։

Ուշի գյուղի ոլորաններում ավտոմեքենան դուրս է եկել ճանապարհի երթևեկելի հատվածից և գլխիվայր շրջվել ձորակը (մոտ 6 մ):
ԵՐԵՎԱՆ, 14 ապրիլի – Sputnik. Արագածոտնի մարզի Ուշի գյուղի ոլորաններում տեղի է ունեցել ՃՏՊ, որի հետևանքով վարորդը մահացել է։ Տեղեկությունը հայտնում է Արտակարգ իրավիճակների նախարարության մամուլի ծառայությունը։

Նշվում է, որ դեպքի վերաբերյալ այսօր` ժամը 09։07-ին Արագածոտնի մարզային ճգնաժամային կառավարման կենտրոն ահազանգ է ստացվել։

Перевернутый грузовой автомобиль на трассе М3 у села Уши (14 апреля 2021). Арагацотн
Ուշի գյուղի ոլորաններում բեռնատարն ընկել է ձորակը. վարորդը մահացել է

Դեպքի վայր են մեկնել ԱԻՆ ՓԾ մարզային փրկարարական վարչության օպերատիվ խումբը և հրշեջ-փրկարարական ջոկատից մեկ մարտական հաշվարկ։

«Պարզվել է, որ Ուշի գյուղի ոլորաններում «DAF» մակնիշի ավտոմեքենան դուրս է եկել ճանապարհի երթևեկելի հատվածից և գլխիվայր ընկել ձորակը (մոտ 6 մ): Ըստ նախնական տվյալների՝ վարորդը հայտնվել է բեռնատար ավտոմեքենայի տակ և տեղում մահացել է»,–նշված է հաղորդագրության մեջ։

Փրկարարները կատարում են դիակի դուրսբերման աշխատանքներ։

Դեպքի վերաբերյալ այլ մանրամասներ դեռևս հայտնի չեն։

120
թեգերը:
ավտովթար, Մահ
Ըստ թեմայի
Ողբերգական ավտովթար Արարատում. 22-ամյա տղամարդը հիվանդանոցի ճանապարհին մահացել է
Խոշոր վթար Սյունիքում․ 6 վիրավորներից 2-ի վիճակը ծանր է
Վթար Չիվա գյուղի մոտ. տուժածներից մեկին մեքենայից դուրս են բերել հատուկ տեխնիկայի միջոցով
Հրշեջ

Ինքնահրկիզման փորձ Սարյան փողոցի բնակարաններից մեկում. 3 հոգու հոսպիտալացրել են

26
(Թարմացված է 17:13 15.06.2021)
Մինչ փրկարարները հասել են կանչի վայր, քաղաքացին տարբեր աստիճանի այրվածքներով հոսպիտալացվել է։ Հոսպիտալացվել են նաև նրան օգնություն ցույց տվող երկու քաղաքացի։

ԵՐԵՎԱՆ, 15 հունիսի - Sputnik. Երևանի Սարյան փողոցի թիվ 44 շենքի բնակարաններից մեկում տեղի է ունեցել ինքնահրկիզման փորձ, որը կանխվել է տեղի ուժերով։ Տեղեկությունը հայտնում է ՀՀ արտակարգ իրավիճակների նախարարության մամուլի ծառայությունը։

Դեպքը տեղի է ունեցել այսօր`ժամը 12։55-ին։ Ահազանգը ստանալուն պես դեպքի վայր է մեկնել ԱԻՆ ՓԾ Երևան քաղաքի փրկարարական վարչության հրշեջ-փրկարարական ջոկատներից չորս մարտական հաշվարկ, մեկ ավտոսանդուղք և Հոգեբանական աջակցության բաժնի հերթապահ հոգեբանը:

«Մինչ փրկարարների կանչի վայր հասնելը, քաղաքացին տարբեր աստիճանի այրվածքներով հոսպիտալացվել է»,–նշված է հաղորդագրության մեջ։

Ողբերգական վթար Ոսկետափ գյուղում․ տուժածը մահացել է հիվանդանոցի ճանապարհին

Դեպքի վայրում գտնվող՝ հարկադիր կատարումն ապահովող ծառայության տեսուչը և Կենտրոն ոստիկանության բաժնի աշխատակիցը, փորձելով օգնություն ցուցաբերել ինքնահրկիզվողին, ստացել են տարբեր աստիճանի մարմնական այրվածքներ և հոսպիտալացվել ԲԿ։

Կրակոցներ Գոռավանի գերեզմանոցում․ սպանվածը 34 տարեկան տղամարդ է

26
թեգերը:
ինքնահրկիզում, Երևան, Հայաստան
Следственный комитет Армении

Կրակել է համագյուղացու կրծքավանդակին. Արմավիրում կատարված սպանության դեպքը բացահայտվել է

37
(Թարմացված է 12:45 15.06.2021)
Վանանդ գյուղի բնակիչը ձերբակալվել է՝ համագյուղացուն սպանելու կասկածանքով:

ԵՐԵՎԱՆ, 15 հունիսի – Sputnik․ ՀՀ քննչական կոմիտեն բացահայտել է Արմավիր մարզում հրազենի գործադրմամբ սպանության դեպքը։

Մասնավորապես, հունիսի 14-ին՝ ժամը 22:55-ին, Արմավիրի բժշկական կենտրոնից հաղորդում է ստացվել, որ իրենց մոտ է տեղափոխվել երիտասարդ տղամարդու դիակ՝ հրազենային վնասվածքով, տեղեկացնում են ՀՀ քննչական կոմիտեից։

Փաստի առթիվ ՀՀ քննչական կոմիտեի Արմավիրի մարզային քննչական վարչությունում հարուցվել է քրեական գործ՝ ՀՀ քրեական օրենսգրքի 104-րդ հոդվածի 1-ին (սպանություն) մասով:

Ձեռնարկված անհետաձգելի քննչական և դատավարական այլ գործողությունների արդյունքում պարզվել են տուժածի և ենթադրյալ հանցագործություն կատարած անձանց ինքնությունը, ովքեր հանդիսանում են Վանանդ գյուղի բնակիչներ, դեպքի վայրը, շարժառիթը:

Պարզվել է, որ դեպքի օրը՝ ժամը 22:00-ի սահմաններում, Վանանդ գյուղում մի խումբ անձանց միջև տեղի է ունեցել վիճաբանություն, որի ժամանակ նշված գյուղի բնակիչը, իր անվամբ հաշվառված «ՄՌ-155» տեսակի, 12 մմ տրամաչափի որսորդական հրացանից կրակել է համագյուղացու կրծքավանդակի շրջանին, ինչի հետևանքով վերջինս, սրտի շրջանում ստացած վնասվածքից, տեղում մահացել է։

Շենգավիթում կատարված սպանությունը բացահատվել է. սպանվածը դանակահարողի քեռին է. տեսանյութ

Նախաքննության ընթացքում կատարվել են քննչական և դատավարական այլ գործողություններ՝ դեպքի վայրի զննություն, որի ժամանակ հայտնաբերվել են 12մմ տրամաչափի թվով 5 կրակված պարկուճներ, արնանման հետքեր, վերցվել են փորձանմուշներ, ենթադրյալ հանցագործություն կատարած անձը ներկայացրել է հանցագործության գործիք հանդիսացող հրացանը, հարցաքննվել են դեպքին ներկա գտնված անձինք, որոնցից վերցվել են կրակոցի արգասիքի նմուշներ, քրեական գործով էական նշանակություն ունեցող հանգամանքներ պարզելու նպատակով նշանակվել են փորձաքննություններ:

Նույն օրը Վանանդ գյուղի բնակիչը ձերբակալվել է՝ համագյուղացուն սպանելու կասկածանքով:

37
թեգերը:
Արմավիր, Սպանություն
Ըստ թեմայի
Վերջին 15 տարվա ընթացքում Երևանում կատարված ամենաաղմկոտ սպանությունները
Երևանի Աբովյան փողոցում կատարված աղմկահարույց սպանությունը բացահայտվել է. տեսանյութ
Սպանություն Երևանում․ 55-ամյա տղամարդու դին հայտնաբերել են հյուրասենյակում
Ֆուտբոլ

Հայաստանը ներկայացնող 2 լրագրող հավատարմագրվել են Եվրո-2020-ը լուսաբանելու համար

37
(Թարմացված է 00:05 16.06.2021)
Ըստ Կարեն Ռաֆայելյանի` ՀՖՖ-ն է եղել միակ կառույցը, որ պաշտոնական դիմում է ներկայացրել ՈՒԵՖԱ` հարցի կարգավորման համար։

ԵՐԵՎԱՆ, 15 հունիսի - Sputnik. Հայաստանը ներկայացնող 2 լրագրողներ հավատարմագրվել են Եվրո-2020-ը լուսաբանելու համար: Լրագրող Կարեն Ռաֆայելյանը ֆեյսբուքյան իր էջում գրառում է արել` հայտնելով, որ իր գործընկեր Դավիթ Եղիազարյանը նույնպես ստացել է նոր հավատարմագիր։

Ավելի վաղ հայտնել էինք, որ 2 մարզական լրագրողները մերժում են ստացել Եվրո-2020-ի հավատարմագրման համար։ Այսօր առավոտյան հայտնի դարձավ, որ Կարեն Ռաֆայելյանը նոր հավատարմագիր է ստացել։

«Ադրբեջանի կապիկությունները` կապված Եվրո-2020-ում հայ լրագրողներիս հավատարմագրումից զրկելու հետ, 2 օր էլ չտևեցին: Շնորհակալություն Հայաստանի ֆուտբոլի ֆեդերացիային արագ և ազդեցիկ արձագանքի համար: Բացի մեր անձնական նամակներից, հենց ՀՖՖ-ն է եղել միակ կառույցը, որ պաշտոնական դիմում է ներկայացրել ՈՒԵՖԱ` հարցի կարգավորման համար»,–ֆեյսբուքի իր էջում գրել է Ռաֆայելյանը:

Հիշեցնենք, որ լրագրողները դեռևս 2020 թվականի հունվարին էին հայտ ներկայացրել և համաձայնեցրել ՈւԵՖԱ–ի մամուլի ծառայության հետ այն քաղաքներն ու խաղերը, որոնք կցանկանային այցելել։ Այդ ցանկում, բնականաբար, Բաքուն չի եղել։

«Դուք տղամարդ չեք». մարզական մեկնաբանի հարցը հունից հանել է Օլգա Բուզովային

Հավատարմագրումը ստացվել է մայիսին, բայց մեկ վերապահումով, որ այն կարող են չեղարկել, եթե մասնակից երկրներից որևէ մեկի իրավապահ մարմինները որոշեն, որ լրագրողներն առնչություն ունեն հանցագործության հետ։

Բնականաբար, հասկանալի է, թե որ երկիրը և ինչո՞ւ էր մերժել լրագրողներին։

37
թեգերը:
ֆուտբոլ, Ադրբեջան, Լրագրող, հայ, Հայաստան