Ոստիկանական ավտոմեքենա

Ողբերգական դեպք Արարատի մարզում. մեքենան մխրճվել է գնացքի մեջ, վարորդը տեղում մահացել է

141
(Թարմացված է 09:43 08.04.2021)
Մեքենան, որը որպես տաքսի էր շահագործվում, ամբողջովին վերածվել է մետաղե ջարդոնի։ Մահացած վարորդը 35 տարեկան է։

ԵՐԵՎԱՆ, 8 ապրիլի – Sputnik. Այսօր՝ ապրիլի 8-ին, ողբերգական դեպք է տեղի ունեցել Արարատի մարզում, որի հետևանքով երիտասարդ տղամարդ է մահացել։ Տեղեկությունը հայտնում է shamshyan.com–ը։

Ըստ կայքի` ժամը 00։20-ի սահմանում Նշավան գյուղի բնակիչ, 35-ամյա Նահապետ Հովհաննիսյանն իր վարած «Daewoo» մակնիշի ավտոմեքենայով Մխչյան գյուղի ուղեփակոցի մոտ բախվել է Մասիս քաղաքի բնակիչ, 60-ամյա Աշոտ Ոսկանյանի վարած, «Հարավկովկասյան երկաթուղի» ՓԲԸ-ին պատկանող Վարդենիսի «ԶՈԴ-Արարատ» երկաթգծի երկաթուղու «ՎԼՈ 101134» բեռնատար գնացքին։

Բախման հետևանքով Նահապետ Հովհաննիսյանը տեղում մահացել է։

Ոսկեվազի այգիներից մեկում հրդեհ է բռնկվել. հայտնաբերվել է 84-ամյա տղամարդու դի

Դեպքի վայր են ժամանել ոստիկաններն ու քննիչները։ Կայքի տեղեկություններով՝ «Daewoo»-ն, որն ամբողջովին վերածվել է մետաղե ջարդոնի, շահագործվում էր որպես տաքսի։

Տարիներով ստեղծվածը մի քանի ժամում ոչնչացավ. «Սուրմալուի» հրդեհի հետքերով

141
թեգերը:
Արարատի մարզ, Գնացք, Մահ, վարորդ, Հայաստան
Ըստ թեմայի
Երևանում ավտովթարից հետո վրաերթի են ենթարկվել մայր ու դուստր
Փորձում էր սելֆի անել պատուհանագոգին․ մահացել է Ելենա Փինջոյանի 14–ամյա որդին
Խոշոր ավտովթար Արարատի մարզում. կա 1 զոհ, 3 վիրավոր
Քննչական կոմիտե

39-ամյա կնոջ ինքնասպանության դեպքի առթիվ հարուցվել է քրեական գործ. ՔԿ

193
(Թարմացված է 10:16 12.04.2021)
Դիակի կողքին հայտնաբերվել է «Մակարով» տեսակի ատրճանակ՝ 7 փամփուշտով, մեկ կրակված պարկուճ ու մեկ գնդակ։

ԵՐԵՎԱՆ, 11 ապրիլի - Sputnik. 39-ամյա կնոջ ինքնասպանության դեպքի առթիվ հարուցվել է քրեական գործ։ Տեղեկությունը հայտնում է ՀՀ քննչական կոմիտեի մամուլի ծառայությունը։

«2021թ ապրիլի 11-ին՝ ժամը 17:05-ին, ՀՀ ոստիկանության Զեյթունի բաժնում քաղաքացուց ահազանգ է ստացվել այն մասին, որ կինն ինքնասպան է եղել՝ կրակելով ինքն իրեն։

Անմիջապես դեպքի վայր մեկնած քննչական-օպերատիվ խմբի կողմից կատարված դեպքի վայրի զննությամբ Երևան քաղաքի Դ.Անհաղթի շենքերից մեկի բնակարանի պատշգամբում՝ բազմոցին, հայտնաբերվել է նույն բնակարանի՝ 1981թ. ծնված բնակչուհու դին՝ կրծքավանդակի ձախ կեսի հրազենային միջանցիկ վնասվածքով»,- նշված է հաղորդագրության մեջ։

Դիակի կողքին հայտնաբերվել է «Մակարով» տեսակի ատրճանակ՝ 7 փամփուշտով, մեկ կրակված պարկուճ ու մեկ գնդակ։ Ատրճանակը՝ որպես պարգևատրում, տրվել է ինքնասպանություն գործած կնոջ հորը։

Քննչական կոմիտեից տեղեկացնում են, որ դեպքի վայրից վերցվել են հրազենը, փամփուշտները, կրակված պարկուճը և գնդակը, դիակի ձեռքերից վերցվել են կրակոցի արգասիքներ, նշանակվել են դիակի դատաբժշկական, դատահետքաբանական-ձգաբանական համալիր փորձաքննություններ։

Սպանություն Արցախում. գլխի և ոտքի վրա կտրված վերքերով դիակ է հայտնաբերվել

Հարուցվել է քրեական գործ՝ ՀՀ քրեական օրենսգրքի 110-րդ հոդվածի 1-ին մասով (Ինքնասպանության հասցնելը):

Նախաքննությունը շարունակվում է։

Նշենք, որ մահացած կնոջ հայրը Ռուսաստանի Դաշնության սահմանապահ ծառայության գեներալ-լեյտենանտ է, որը 1996թ.–ին ավարտել է ծառայությունը սահմանապահ զորքերում:

193
թեգերը:
Քրեական գործ, ինքնասպանություն
Ըստ թեմայի
Վերիշենում 36-ամյա տղամարդը սուր կտրող-ծակող գործիքով խփել է 30–ամյա համագյուղացու կրծքին
Երևանում դաժանաբար սպանված Համբարձում Ղանդիլյանի անունով էլեկտրաքարշ գործարկվեց
Ռուսաստանի «օրենքով գողերը» սկսել են հրաժարվել իրենց տիտղոսից
Անձրև

Արմավիրում տներից մեկի նկուղից 8 տոննա անձրևաջուր է հեռացվել

42
(Թարմացված է 20:06 11.04.2021)
Փրկարարները մոտոպոմպով են հեռացրել անձրևաջրերը, որոնք ամբողջությամբ ողողել էին 6քմ տարածքով նկուղը։

ԵՐԵՎԱՆ, 11 ապրիլի – Sputnik․ Արմավիրի մարզում գիշերվա հորդառատ անձրևն անհետևանք չի անցել։ ԱԻՆ մամուլի ծառայությունից հայտնում են, որ ապրիլի 11-ին՝ ժամը 10:37-ին, մարզային ճգնաժամային կառավարման կենտրոն տեղեկություն է ստացվել, որ անձրևաջրերը լցվել են Բամբակաշատ գյուղի 13-րդ փողոցի տներից մեկի նկուղ։ Անհրաժեշտ է է եղել փրկարարների օգնությունը։

Քամին վնասներ է հասցրել Երևանում ու ՀՀ մի շարք այլ բնակավայրերում

«Դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ»,- նշված է հաղորդագրության մեջ։

Փրկարարները տան՝ մոտ 6քմ մակերեսով նկուղից մոտոպոմպով հեռացրել են մոտ 8 տոննա անձրևաջուր:

42
թեգերը:
նկուղ, Արմավիր, ՀՀ արտակարգ իրավիճակների նախարարություն (ԱԻՆ), Անձրև
Ըստ թեմայի
Կապան-Գորիս ճանապարհին հայտնաբերվել են հակատանկային արկեր, ականներ և զինամթերքի մնացորդներ
Covid-19–ին դեմ հանդիման. ՀՀ–ում համավարակի պատճառով ինքնասպանությունների թիվն աճե՞լ է
Խոշոր վթար Սյունիքում․ 6 վիրավորներից 2-ի վիճակը ծանր է
«ԱՐՄԵՆԱԼ»

«Արմենալը» 24 հազար քմ չօգտագործվող հող ռեկուլտիվացիայի կենթարկի. մրցույթ կհայտարարվի

0
(Թարմացված է 11:35 12.04.2021)
Քիմիական հետազոտության արդյունքներից հետո կսկսվի թույլատրության փաստաթղթային ձևակերպումը բնապահպանական մարմինների և Երևանի քաղաքապետարանի հետ:

ԵՐԵՎԱՆ, 12 ապրիլի - Sputnik. «ԱՐՄԵՆԱԼ»-ը սկսել է չօգտագործվող հողերի ռեկուլտիվացիայի ծրագրի իրագործումը գործարանի տարածքում: Տեղեկությունը հայտնում է ընկերության մամուլի ծառայությունը։

Նշվում է,  որ վերականգնման է ենթակա 24 հազար քառ. մետր տարածությամբ տեղամաս, որտեղ գտնվել են Քանաքեռի ալյումինի գործարանի (ԿանԱԶ)  էլեկտրոլիզի երկու արտադրամասերը:

Ռեկուլտիվացիայի աշխատանքներին նախորդել է էլեկտրոլիզային մասնաշենքերի ապամոնտաժը Հայաստանի ԱԻՆ մասնագետների հսկողությամբ և արդյունաբերական անվտանգության կանոնների պահպանմամբ: Մաքրված տարածքում մինչև երեք մետր խորությամբ հողի նմուշառում է կատարվել 20 մետաղների պարունակության ստուգման համար:

«Ծրագիրը նախատեսում է հողի մակերեսային շերտի փուլային ռեկուլտիվացիա: Քիմիական հետազոտության արդյունքներից հետո կսկսվի թույլատրության փաստաթղթային ձևակերպումը բնապահպանական մարմինների և Երևանի քաղաքապետարանի հետ:Հաջորդ քայլը կլինի վերականգնված տարածքների իրացումը»,–նշված է հաղորդագրության մեջ:

«ԱՐՄԵՆԱԼ»-ի աշխատանքի պահպանության, արդյունաբերական անվտանգության և էկոլոգիայի բաժնի պետ Վահե Թամրազյանը հայտնել է, որ կանցկացնեն մրցույթ մասնագիտացված կազմակերպությունների միջև:  Հաղթողին կհանձնարարեն մշակել մի քանի տարբերակներ, օրինակ, կանաչ գոտու ստեղծում, արևային մարտկոցների համալիր կամ մարզահրապարակ գործարանի հրշեջ ծառայության վարժանքների համար հատվածով։

Աշխատակիցների անվտանգությունն ապահովված է. «Արմենալը» շարունակում է արտադրանք թողարկել

Հիշեցնենք` ԿանԱԶ-ի էլեկտրոլիզային արտադրությունը դադարեցվել էր բնապահպանական պատճառներով 1984 թ., որից հետո ձեռնարկությունն ամբողջապես անցել էր ալյումինե փայլաթիթեղի արտադրության:

«Արմենալը» ստեղծվել 2000 թ. մայիսին  Երևանում Քանաքեռի ալյումինի գործարանի հիմքի վրա: Այն Հայաստանի խոշորագույն արդյունաբերական ձեռնարկություններից է, Կովկասում և Կենտրոնական Ասիայում ալյումինե փայլաթիթեղի միակ արտադրողը: «Արմենալը» «ՌՈՒՍԱԼ»-ի կազմի մեջ է մտել 2000 թվականից:

0
թեգերը:
մրցույթ, Հող, Արմենալ
Ըստ թեմայի
Հայաստանի տնտեսության 1,7% անկում. Եվրասիական զարգացման բանկի կանխատեսումը
Թվեր և փաստեր. Հայաստանը 6 տարվա ընթացքում որքա՞ն առևտուր է արել ԵԱՏՄ–ում
Հայկական փայլաթիթեղը սպառնո՞ւմ է ԱՄՆ-ի ազգային անվտանգությանը. դասեր՝ Հայաստանի համար