Հիվանդանոց, արխիվային լուսանկար

Կոտայքում 15 և 17 տարեկան քույրեր են թունավորվել․ մեկը մահացել է, մյուսի վիճակը ծանր է

1168
(Թարմացված է 15:26 07.04.2021)
Քույրերին անգիտակից վիճակում հայտնաբերել է հայրը, կրտսեր որդին էլ ավտովթարի հետևանքով հիվանդանոցում է հայտնվել։

ԵՐԵՎԱՆ, 7 ապրիլի– Sputnik․ Կոտայքի մարզի Ջրառատ համայնքում այսօր 15 և17 տարեկան աղջիկներ են թունավորվել։ «Հայկական ժամանակի» տեղեկություններով՝ 15-ամյա աղջիկը մահացել է, իսկ մյուսը տեղափոխվել է Երևանի «Մուրացան» համալսարանական հիվանդանոց: Վիճակը գնահատվում է ծանր։

Լրատվամիջոցի տեղեկություններով՝ աղջիկները տանը միայնակ են եղել, առավոտյան նրանց այդ վիճակում գտել է հայրը։

«Հայրը տաքսու վարորդ է, առավոտյան մոտավորապես ժամը 10-ի կողմերը դռան զանգն է տվել, երկար ժամանակ չեն բացել, լուսամուտը ջարդել, ներս է մտել»,- պարբերականի հետ զրույցում հայտնել է Ջրառատ համայնքի ղեկավար Արթուր Ասատրյանը:

Համայնքի ղեկավարը նաև հայտնել է, որ աղջիկների մայրը նրանց հետ չի ապրում: Հորական տատն է երեխաներին խնամում, բայց նա էլ աղջիկների կրտսեր եղբոր մոտ՝ հիվանդանոցում է եղել։ 12-ամյա տղան վերջերս ավտովթարի է ենթարկվել, ինչի հետևանքով հիվանդանոցում է հայտնվել։

Համայնքապետի խոսքով՝ տեղում փորձագետներ են աշխատում, որպեսզի պարզեն, թե ինչն է ողբերգության պատճառ դարձել։

Երևանում ավտովթարից հետո վրաերթի են ենթարկվել մայր ու դուստր

«Մտանք, ներսում գազով ջրատաքացուցիչ կար խոհանոցում, բայց նորմալ միացված էր, գազի հոտ էլ չկար: Փայտի վառարան ունեն, բայց վառված չի եղել, դեռ չգիտենք, թե ինչն է պատճառը»,- ասել է Ասատրյանը:

Բժշկական համալսարանի աշխատակազմի ղեկավար Շուշան Դանիելյանն էլ թերթի հետ զրույցում նշել է, որ նախնական գնահատմամբ` թունավորման պատճառը շմոլ գազն է:

Փորձում էր սելֆի անել պատուհանագոգին․ մահացել է Ելենա Փինջոյանի 14–ամյա որդին

1168
թեգերը:
Ջրառատ, հիվանդանոց, Կոտայք, աղջիկ, Մահ, Հայաստան
Հիվանդանոց, արխիվային լուսանկար

Թունավորման դեպք Տավուշի մարզում․ 12 տարեկան երեխան մահացել է

210
(Թարմացված է 10:53 20.04.2021)
Հիվանդանոց են տեղափոխվել ընտանիքի 4 անդամները` ծնողներն ու երեխաները։ Մեկին չեն կարողացել փրկել։

ԵՐԵՎԱՆ, 20 ապրիլի – Sputnik. Այսօր Տավուշի մարզում թունավորման հետևանքով երեխա է մահացել։ Տեղեկությունը հայտնում է ՀՀ արտակարգ իրավիճակների նախարարության մամուլի ծառայությունը։

Ճգնաժամային կառավարման ազգային կենտրոնը ժամը 09։26-ին տեղեկություն է ստացել, ապրիլի 19-ին, ժամը 22:26-ին Գետահովիտ գյուղից նախնական սննդային թունավորում ախտորոշմամբ Տավուշի մարզի Իջևան քաղաքի ԲԿ են տեղափոխվել Գետահովիտ գյուղում բնակվող ընտանիքի 4 անդամներ` 41–ամյա ծնողներն ու 12 և 14 տարեկան երեխաները։

Մահվան ելքով վրաերթ Լոռու մարզում. 81-ամյա կինը տեղում մահացել է

12-ամյա երեխան հիվանդանոցում մահացել է։ Ընտանիքի մյուս անդամներին տեղափոխել են Երևան` ծնողներին` «Հերացի» թիվ 1 հիվանդանոցային համալիր, երեխային «Մուրացան» մանկական կլինիկա։

ԱԺ պատգամավորը Երևանում ինքնասպանության փորձ է կանխել

210
թեգերը:
Մահ, երեխա, թունավորում, Տավուշ, Հայաստան
Դեպքի վայր

Երևանում դիմակի պատճառով սպանություն կատարած տղամարդն ինքնակամ ներկայացել է ոստիկանություն

408
(Թարմացված է 15:06 20.04.2021)
Տղամարդու նկատմամբ հետախուզում էր հայտարարվել։ Երևանի կենտրոնում դիմակի պատճառով ուղևորին սպանելուց հետո նա թաքնվել էր։

ԵՐԵՎԱՆ, 20 ապրիլի – Sputnik. Երևանում, թիվ 54 երթուղային միկրոավտոբուսում ուղևորի սպանության մեջ կասկածվող Գարեգին Բաղդասարյանն ինքնակամ ներկայացել է Արտաշատի ոստիկանություն։ Տեղեկությունը հայտնում է shamshyan.com–ը։

Կայքի տեղեկություններով` այժմ նրան ոստիկանության Արտաշատի բաժնից տեղափոխում են ոստիկանության Կենտրոնական բաժին, որտեղից էլ՝ նախաքննական մարմին։

Ավելի վաղ հայտնել էինք, որ Գարեգին Բաղդասարյանն Արտաշատ քաղաքի բնակիչ է, 58 տարեկան։

Երեկ հայտնի էր դարձել, որ նրա նկատմամբ հետախուզում է հայտարարվել։

Հիշեցնենք` ապրիլի 14-ին՝ ժամը 10:10-ի սահմանում, Երևանում` Պարոնյան-Լեո խաչմերուկում, թիվ 54 երթուղին սպասարկող «Գազելում» սպանություն էր տեղի ունեցել։ Պատճառը եղել էր այն, որ սպանվածը` Երևանի բնակիչ, 40-ամյա Արմեն Հունանյանը, երթուղայինում նստած Բաղդասարյանին խնդրել էր, որ պաշտպանիչ դիմակ դնի, սակայն վերջինս վիճաբանել էր, ապա իր մոտ եղած դանակով հարվածել Հունանյանի կրծքավանդակին։

408
թեգերը:
տղամարդ, դիմակ, Երևան, Սպանություն, Հայաստան
Ըստ թեմայի
Ողբերգական դեպք Կոտայքում․ հղի կնոջը մահացած են հայտնաբերել
Վանաձոր-Ստեփանավան ավտոճանապարհին տեղի ունեցած վթարի հետևանքով տուժածներից մեկը մահացել է
ԱԺ պատգամավորը Երևանում ինքնասպանության փորձ է կանխել
Ալեքսանդր Չեֆերին

«Պարոնայք, սխալվել եք». ՈւԵՖԱ-ի ղեկավարը կոչ է արել վերանայել Սուպերլիգայի մասին որոշումը

0
Անգլիայի, Իսպանիայի և Իտալիայի մի շարք ակումբներ արդեն հաստատել են, որ մասնակցելու են Սուպերլիգային:

ԵՐԵՎԱՆ, 20 ապրիլի – Sputnik. Եվրոպական ֆուտբոլային ասոցիացիաների միության (ՈւԵՖԱ) ղեկավար Ալեքսանդր Չեֆերինը Սուպերլիգա ստեղծած ակումբներին հորդորել է վերանայել իրենց որոշումը: ՌԻԱ Նովոստին տեղեկացնում է, որ նա այդ մասին հայտարարել է ՈւԵՖԱ-ի կոնգրեսում։

«Դիմում եմ անգլիական որոշ ակումբների սեփականատերերին։ Պարոնայք, դուք մեծ սխալ եք գործել։ Ինչ-որ մեկը կասի` դա ագահություն է, մյուսները` ամբարտավանություն, տգիտություն, անգլիական ֆուտբոլային մշակույթի հանդեպ արհամարհանք։ Բայց դա կարևոր չէ։ Կարևորն այն է, որ ձեր կարծիքը փոխելու ժամանակ կա։ Բոլորն էլ սխալվում են։ Անգլիացի երկրպագուներն արժանի են, որ դուք ուղղեք սխալը», - ասել է Չեֆերինը։

Նա նշել է, որ իրենց հետ են ոչ միայն ֆուտբոլային հանրությունը, ֆուտբոլային ընտանիքը, այլև բոլոր կառավարությունները, երկրպագուները, լրատվամիջոցները։

«Մյուս կողմում քիչ մարդ կա, որոշ ագահներ։ Թո՞ւյլ կտանք, որ նրանք ֆուտբոլն իրենցով անեն։ Ո՛չ։ Հավատացեք` մենք դա թույլ չենք տա», - հավելել է նա։

Ավելի վաղ հայտնել էինք, որ եվրոպական 12 ակումբներ համաձայնության են եկել Սուպերլիգա ստեղծելու գաղափարի շուրջ:

Սուպերլիգան իրենց կներկայացնի 20 թիմերից կազմած մրցաշար, որոնցից 15-ը կլինեն անփոխարինելի ակումբներ: Մյուս 5 թիմերը իրավունք կստանան մասնակցելու մրցաշարին՝ հաղթահարելով որակավորման փուլը:

«Ուզում եմ Հայաստանի հավաքականում խաղալ»․ Արթուր Գալոյանը` իր նվիրական երազանքի մասին

Հիմնադիրները «Ռեալ», «Յուվենտուս», «Մանչեսթեր Յունայթեդ», «Բարսելոնա», «Ատլետիկո», «Միլան», «Ինտեր», «Մանչեսթեր Սիթի», «Լիվերպուլ», «Արսենալ», «Չելսի» և «Տոտենհեմ» ակումբներն են:

«Էությամբ խենթ եմ»․ դարպասապահ Դավիթ Յուրչենկոն՝ հայկական ծագման ու ֆուտբոլի մասին

Եվրոպական ֆուտբոլային ասոցիացիաների միությունը (ՈւԵՖԱ), Իսպանիայի ֆուտբոլի թագավորական ֆեդերացիան (RFEF), Իտալիայի ֆուտբոլի ֆեդերացիան (FIGC) և Անգլիայի ֆուտբոլային ասոցիացիան (The FA) հանդես են եկել համատեղ հայտարարությամբ, որում դատապարտել են եվրոպական Սուպերլիգայի ստեղծումը: ՈւԵՖԱ-ն նաև հայտնել է, որ Սուպերլիգայի մասնակից ակումբներին կարգելվի մասնակցել ազգային, եվրոպական ու համաշխարհային ցանկացած այլ առաջնության, իսկ ֆուտբոլիստները, ամենայն հավանականությամբ, կզրկվեն ազգային հավաքականներում խաղալու իրավունքից։

Սուպերլիգայի մրցաշարը կմեկնարկի օգոստոսին:

Հայ ըմբիշներից մեկը չի մասնակցի Եվրոպայի առաջնությանը. նա վնասվածք է ստացել

0
թեգերը:
ՈւԵՖԱ, ֆուտբոլ
Ըստ թեմայի
Շնորհակալություն, պետք չէ. հայկական ակումբն արձագանքել է Սուպերլիգայում խաղալու հրավերին
Մարմնամարզության աշխարհի չեմպիոն Արթուր Դալալոյանը վիրահատվել է