Художественный руководитель театра-студии Непоседы Елена Пинджоян

Փորձում էր սելֆի անել պատուհանագոգին․ մահացել է Ելենա Փինջոյանի 14–ամյա որդին

955
(Թարմացված է 18:35 04.04.2021)
Ողբերգական դեպքը տեղի է ունեցել մերձմոսկովյան Սոլնեչնոգորսկի շրջանում: Կատարվում է հետաքննություն:

ԵՐԵՎԱՆ, 4 ապրիլի – Sputnik. «Նեպոսեդի» մանկական ստուդիայի գեղարվեստական ղեկավար Ելենա Փինջոյանի որդին մահացել է՝ ընկնելով պատուհանից, հայտնում են ռուսական ԶԼՄ-ները։

Նշվում է, որ ողբերգական դեպքը տեղի է ունեցել մերձմոսկովյան Սոլնեչնոգորսկի շրջանում: 14-ամյա Կիրիլ Փինջոյանն ընկել է երրորդ հարկի պատուհանից։

Նախնական տվյալների համաձայն` դեռահասը փորձել է սելֆի անել պատուհանագոգին, սակայն չի կարողացել պահել հավասարակշռությունն ու ընկել է։ Տանն այդ պահին եղել է միայն տատը, բայց նա չի տեսել՝ ինչով է զբաղված թոռը։ Կիրիլի մարմինը հայտնաբերել են տան մոտ։ Հետաքննություն է ընթանում։

Կիրիլն ակտիվ մասնակցություն է ունեցել «Նեպոսեդի» ստուդիայի կազմում և հայտնի մանկական համույթի համերգների հաղորդավարներից մեկն էր եղել։ Բացի այդ, նա հաղորդումներ է վարել տարբեր հեռուստաալիքներով և նկարահանվել կինոյում։

3 օր առաջ տղայի ծննդյան օրն էր։

Երևանում 30-ամյա տղամարդը վայր է ընկել 10-րդ հարկից

«Կիրյուշենկա․․․ Կիրիլ․․․ Կիրիլ Ալեքսանդրովիչ․․․ Դու ինձ մոտ եկար 14 տարի առաջ։ Շնորհակալ եմ։ Սիրված եղի՛ր։ Երջանիկ եղի՛ր։ Առողջ եղի՛ր։ Հաջողակ եղի՛ր։ Իսկ ես միշտ կողքիդ եմ։ Հավատում եմ ուժերիդ։ Ու անսահման սիրում», - նման շնորհավորանք էր հրապարակել Փինջոյանն Instagram-ի իր էջում։

Ելենա Փինջոյանը ծնվել է 1969 թվականի հունիսի 10-ին Բաթումում (Վրացական ԽՍՀ)։ 1975 թվականին ընտանիքը Մոսկվա է տեղափոխվել։  1991 թվականին, երբ Ելենան ընդամենը 22 տարեկան էր, ստեղծեց «Նեպոսեդի» մանկական ստուդիան, որն ավելի ուշ բավական հայտնի դարձավ։ Երկար տարիներ Ելենա Փինջոյանն ընդգրկված է համառուսաստանյան և միջազգային երաժշտական մրցույթների ժյուրիի կազմում։

Արտակարգ դեպք Երևանում․ 20-ամյա աղջիկն ընկել է 11-րդ հարկից

955
թեգերը:
Ռուսաստան, Մահ, տղա, Դժբախտ պատահար
Ըստ թեմայի
Դժբախտ պատահար Վրաստանում. հանքի փլուզման հետևանքով կան զոհեր
Դժբախտ պատահար. փրկարարներին չի հաջողվել փրկել 17-ամյա պատանու կյանքը
Դժբախտ պատահար Երևանում. մեքենան վթարի է ենթարկվել, երբ վարորդը փորձել է օգնել ուղևորին
Ողբերգություն ՌԴ–ում ապրող հայերի ընտանիքում. դժբախտ պատահարի զոհ է դարձել 1,5 տարեկան երեխան
Սարդարապատ գյուղի մոտ ավտովթար է տեղի ունեցել

Սարդարապատ գյուղի մոտ ավտովթար է տեղի ունեցել. կա զոհ

170
(Թարմացված է 09:01 21.04.2021)
«Մերսեդեսի» 26-ամյա վարորդը հոսպիտալացման ճանապարհին մահացել է:

ԵՐԵՎԱՆ, 21 ապրիլի - Sputnik. Ապրիլի 20-ին, ժամը 23:22-ին Արմավիրի մարզային ճգնաժամային կառավարման կենտրոն ահազանգ է ստացվել, որ Սարդարապատ գյուղի սկզբնամասում տեղի է ունեցել ՃՏՊ, տեղեկացնում են ՀՀ արտակարգ իրավիճակների նախարարությունից։

Դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից երկու մարտական հաշվարկ։

Պարզվել է, որ բախվել են «Mercedes E» (վարորդ՝ Գ. Հ., ծնված 1995 թ․) և «Range Rover» (վարորդ՝ Ա. Ա., ծնված 1984թ․) մակնիշների ավտոմեքենաները։ Ա. Ա.-ն հոսպիտալացվել է Արմավիրի ԲԿ, որտեղ բժիշկները տուժածի առողջական վիճակը գնահատել են բավարար:

Փրկարարները Գ. Հ.-ին դուրս են բերել ավտոմեքենայից և մոտեցրել շտապօգնության ավտոմեքենային. տուժածը հոսպիտալացման ճանապարհին մահացել է:

170
թեգերը:
Զոհ, Սարդարապատ, ավտովթար
Ըստ թեմայի
Վթար Չիվա գյուղի մոտ. տուժածներից մեկին մեքենայից դուրս են բերել հատուկ տեխնիկայի միջոցով
Տեղի է ունեցել դժբախտ պատահար. պաշտպանը` Սիմոն Մարտիրոսյանի մասնակցությամբ վթարի մասին
Շղթայական վթար Երևանում. մեքենաներից մեկը պատկանում է լեգենդար ֆուտբոլիստի, կան տուժածներ
Արխիվային լուսանկար

Գյումրիում ամուսինը սպանել է կնոջը հարևանի տանը

488
(Թարմացված է 08:27 21.04.2021)
Շիրակի մարզի դատախազ Գուրգեն Գևորգյանը Sputnik Արմենիային մանրամասներ է հայտնել։

ԵՐԵՎԱՆ, 21 ապրիլի - Sputnik. Գյումրիում ապրիլի 20-ին՝ երեկոյան ժամը 8-ի սահմաններում, 69-ամյա տղամարդը հարևանի տանը սպանել է 65-ամյա կնոջը: 

Դեպքը տեղի է ունեցել Շիրակացի փողոցի տներից մեկում: Շիրակի մարզի դատախազ Գուրգեն Գևորգյանը Sputnik Արմենիային տեղեկացրեց, որ նախնական տեղեկությունների համաձայն, կինը եղել է հարևանի տանը: Կնոջ հետևից նույն բնակարան է գնացել ամուսինը, որը եղել է ոգելից խմիչքի ազդեցության տակ։

Կենցաղային հարցի շուրջ վիճաբանելով կնոջ հետ՝ նա դանակով հարվածել է որովայնի ու կրծքավանդակի հատվածին՝ պատճառել կրծքավանդակի ձախ կեսի կտրած-ծակած, որովայնի էպիգաստրալ շրջանի կտրած-ծակած վերքեր:

«Գյումրի» ԲԿ-ում գրանցվել է կնոջ կենսաբանական մահը: Հարուցվել է քրեական գործ ՀՀ Քրեական օրենսգրքի 104 հոդվածի առաջին մասի հատկանիշներով (Դիտավորյալ սպանություն)։ Սպանությունը կատարելու կասկածանքով ձերբակալվել է կնոջ ամուսինը՝ 1952 թվականին ծնված Վ. Մ-ն։

ԱՄՆ-ում ոստիկանը սպանել է ձեռքերը վեր պարզած 13-ամյա տղային. տեսանյութ

Հանցագործության գործիքը հայտնաբերվել է:

488
թեգերը:
Գյումրի, Սպանություն
Ըստ թեմայի
Սպանել են 37–ամյա տղամարդուն և պատահական ականատեսին. դիակները հայտնաբերվել են
Պետերբուրգի գլխավոր նեֆրոլոգը խոստովանել է, որ ինքն է սպանել կնոջը. Սեյրան Հարությունյան
Մոսկվայում սպանել են ադրբեջանցի «օրենքով գողին». կադրերը հայտնվել են համացանցում
Ազատության հրապարակ

Ալեքսանդր Սպենդիարյանի հուշարձանին կապույտ ներկ են քսել. տեսանյութ

0
(Թարմացված է 15:08 21.04.2021)
Մայրաքաղաքում հերթական իրավախախտումն է արձանագրվել։ Տեսանյութում երևում է, որ հուշարձանի ստորին հատվածում կապույտ ներկով ինչ–որ բան է գրված։

ԵՐԵՎԱՆ, 21 ապրիլի – Sputnik. Անհայտ անձինք կապույտ են ներկել անվանի կոմպոզիտոր Ալեքսանդր Սպենդիարյանի արձանը։ Տեղեկությունը հայտնում է ՀՀ ԿԳՄՍՆ «Պահպանության ծառայություն» ՊՈԱԿ-ը։

Կազմակերպությունը փաստի առթիվ հաղորդում կներկայացնի ոստիկանություն։

Վանդալիզմ Նոր Երզնկա համայնքում. խաչքարեր են ջարդել. լուսանկարներ

Սպենդիարյանի արձանը հանրապետական նշանակության հուշարձան է։

Գանձագողերը վնասել են «Ամրոցի համալիր Ախթամիր» հուշարձանը. լուսանկարներ

0
թեգերը:
Ալեքսանդր Սպենդիարյան, Հուշարձան, Հայաստան
Ըստ թեմայի
Երևանում գողացել են նավակով տղայի բրոնզե արձանը
Ոստիկանները հայտնաբերել են Լրագրողի արձանը գողացողներին