Շտապօգնության ավտոմեքենա, արխիվային լուսանկար

Վթար Արմավիրի մարզում. տուժածներից մեկի ականջը կտրվել է

48
(Թարմացված է 10:16 29.03.2021)
Մեքենան բախվել է ծառերին ու հայտնվել դաշտում։ Հիվանդանոց են տեղափոխվել վարորդն ու ուղևորը։ Երկուսն էլ երիտասարդ տղամարդիկ են։

ԵՐԵՎԱՆ, 29 մարտի – Sputnik. Արմավիրի մարզում այսօր հերթական ավտովթարն է տեղի ունեցել։ Shamshyan.com-ը հայտնում է, որ ժամը 06։00-ի սահմանում Երևանի բնակիչ, 31-ամյա Վաչագան Աղաջանյանն իր վարած «Nissan Teana» մակնիշի ավտոմեքենայով Երևան-Արմավիր ավտոճանապարհի 22 կմ-ին, դեպի Երևան ընթանալիս, դուրս է եկել ճանապարհի երթևեկելի գոտուց, բախվել մի քանի ծառի, տապալել դրանք և կողաշրջված վիճակում հայտնվել դաշտում։

Ըստ կայքի` վթարի հետևանքով Աղաջանյանն ու ուղևորը՝ Երևանի բնակիչ, 27-ամյա Կարեն Վարպետյանը, նախ տեղում առաջին բուժօգնությունն են ստացել, ապա տեղափոխվել «Վաղարշապատ» ԲԿ։

Հետաքննիչի հանձնարարականով ավտոմեքենան տեղափոխվել է ոստիկանության Վաղարշապատի բաժնի պահպանվող հատուկ տարածք։

Ողբերգական վթար Շիրակի մարզում. «07»-ը բախվել է բեռնատարին, ուղևորուհին տեղում մահացել է

Դեպքի վայրում հավաքվածներն ասել են, որ հիվանդանոց տեղափոխվածները տարբեր աստիճանի մարմնական վնասվածքներ են ստացել, իսկ նրանցից մեկի ականջը կտրվել է։

Արմավիրի մարզում BMW-ն դուրս է եկել ճանապարհից ու հայտնվել ձորակում

48
թեգերը:
Արմավիրի մարզ, վթար, Հայաստան
Արխիվային լուսանկար

Գյումրի քաղաքում տեղի է ունեցել պայթյուն՝ հրդեհի բռնկմամբ

123
(Թարմացված է 09:34 16.04.2021)
Այրվել են տաղավարը՝ մոտ 20 քմ, մասամբ գույքը, վնասվել են տաղավարի կառուցատարրերը:

ԵՐԵՎԱՆ, 16 ապրիլի – Sputnik. Գյումրի քաղաքի Տերյան փողոցում տեղի է ունեցել պայթյուն՝ հրդեհի բռնկմամբ։ Տեղեկությունը հայտնում է ՀՀ ԱԻՆ մամուլի ծառայությունը։

Նշվում է, որ արազանգը Շիրակի մարզային ճգնաժամային կառավարման կենտրոնում ստացել են ապրիլի 16-ին, ժամը 04։10-ին, դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից երկու մարտական հաշվարկ։

Պարզվել է, որ Տերյան փողոցում գտնվող սննդի տաղավարում տեղի է ունեցել պայթյուն՝ հրդեհի բռնկմամբ:

Հրդեհը մեկուսացվել է ժամը 04:28-ին, մարվել՝ 04:54-ին: Այրվել են տաղավարը՝ մոտ 20 քմ, մասամբ գույքը, և վնասվել տաղավարի կառուցատարրերը:

«Ձյունիկից» հետո սա ամենախոշոր հրդեհն է. «Սուրմալուի» հրդեհը` լուսանկարներում

123
թեգերը:
ՀՀ արտակարգ իրավիճակների նախարարություն (ԱԻՆ), պայթյուն, հրդեհ, Գյումրի
Ըստ թեմայի
Այրվել են խաղալիքների և տնտեսական ապրանքների տաղավարներ. մանրամասներ «Սուրմալուի» հրդեհից
Հրդեհ Երևանում. փրկարարները մոտ 50 բնակչի են տարհանել
Հրդեհ է բռնկվել Հյուսիսային պողոտայի շենքերից մեկում. 30 քաղաքացու տարհանել են
Արխիվային լուսանկար

Ոստիկանությունը պարզել է վրաերթի զոհ դարձած երիտասարդների ինքնությունը

302
(Թարմացված է 13:55 15.04.2021)
«Մերսեդեսի» 33-ամյա վարորդն ու նրա ուղևորը հայտնաբերվել ու, մեքենայով հանդերձ, բերման են ենթարկվել ոստիկանության Կոտայքի բաժին։

ԵՐԵՎԱՆ, 15 ապրիլի - Sputnik. Ապրիլի 15-ին, ժամը 02.00-ի սահմաններում, Կոտայքի մարզի Արամուս-Մայակովսկի գյուղամիջյան ճանապարհին «Մերսեդես» մակնիշի ավտոմեքենայի վարորդը վրաերթի է ենթարկել 5 քաղաքացու: Վարորդը դեպքի վայրից փախուստի էր դիմել։ Տեղեկությունը հայտնում են ՀՀ ոստիկանությունից։

Վրաերթի հետևանքով քաղաքացիներից երկուսը՝ 28-ամյա Լևոն Մկրտումյանն ու 32-ամյա Արամ Բադալյանը, տեղում մահացել են, իսկ երեքը մարմնական վնասվածքներով տեղափոխվել են բժշկական կենտրոն։

Ձեռնարկված միջոցառումների արդյունքում նույն օրը, ժամը 04.30-ին, «Մերսեդեսի» 33-ամյա վարորդն ու նրա ուղևորը հայտնաբերվել ու, մեքենայով հանդերձ, բերման են ենթարկվել ոստիկանության Կոտայքի բաժին։

Կատարվում է նախաքննություն։

Ավելի վաղ տեղեկացրել էինք, որ վրաերթի ենթարկվածները զինծառայողներ են։ Վարորդը եղել է անսթափ վիճակում։

302
թեգերը:
Զոհ, Վրաերթ
Ըստ թեմայի
Ողբերգական վթար Աբովյան քաղաքում. 1 մարդ մահացել է, երեքը հիվանդանոցում են
Վրաերթի հետևանքով պայմանագրային զինծառայողներ են մահացել. ՊՆ-ն մանրամասներ է հայտնում
«Մենք սպասում ենք նրանց». բողոքի ակցիա` ՄԱԿ–ի գրասենյակի և ՌԴ դեսպանատան առջև
Պայթյունից վիրավորում է ստացել փրկարար

Պայթյունից վիրավորում ստացած փրկարարի առողջական վիճակը կայուն է. ԱԻՊԾ

0
Երեկ Ջրականի շրջանում անհայտ կորածների որոնումներն արդյունք չեն տվել, դրանք կշարունակվեն այսօր`Որոտանի ուղղությամբ։

ԵՐԵՎԱՆ, 16 ապրիլի — Sputnik. Պատերազմի ընթացքում զոհված և անհետ կորած համարվող զինծառայողների, կամավորների, ինչպես նաև քաղաքացիական անձանց աճյունների որոնումներն այսօր փրկարարական մեկ ջոկատով իրականացվում են Ադրբեջանի վերահսկողության տակ անցած Որոտանի (Կուբաթլու) ուղղությամբ: Տեղեկությունը հայտնում Facebook–ի էջում հայտնում է Արցախի ՆԳ նախարարության արտակարգ իրավիճակների պետական ծառայությունը։

«Երեկ Ջրականի շրջանում որոնումներն արդյունք չեն տվել: Կեսօրին տեղի ունեցած ականապայթյունային պատահարից հետո աշխատանքները նույն պահին դադարեցվել են: Պայթյունից վիրավորում ստացած փրկարարի առողջական վիճակը կայուն է: Նա գտնվում է վերակենդանացման բաժանմունքում, օրվա երկրորդ կեսին կտեղափոխվի հիվանդասենյակ»,–նշված է հաղորդագրության մեջ:

Հիշեցնենք`երեկ`ապրիլի 15–ին, Արցախի վերահսկողությունից դուրս գտնվող Ջրականի շրջանում (Քենդ Հորադիզ տեղամաս) տեղի ունեցած որոնումների ընթացքում ականապայթյունային վիրավորում էր ստացել ԱԻ պետական ծառայության փրկարար ուժերի վարչության արագ արձագանքման հատուկ ստորաբաժանման օպերատիվ խմբի հրամանատար Տ.Հ.-ն (ծնված 1975թ.):

Զինադադարից հետո որոնողափրկարարական աշխատանքներ իրականացնելու ժամանակ, սա արդեն երրորդ դեպքն է:

Առաջին դեպքը տեղի է ունեցել Որոտանի ուղղությամբ, ականի վրա պայթել և վիրավորում են ստացել ՀՀ ԱԻն աշխատակիցները, իսկ հաջորդը՝ Մարտակերտի շրջանային բաժնի փրկարար ծառայողները՝ Թալիշ-Մատաղիս հատվածում: Բարեբախտաբար, մահվան ելքով դեպքեր չեն արձանագրվել:

0