Սյունիքում ՈւԱԶ է ընկել ձորը. տուժածներին առաջինն օգնության են հասել ռուս սահմանապահները
(Թարմացված է 14:40 11.01.2021)
Մեքենայի մեջ նաև երեխաներ են եղել, որոնք, բարեբախտաբար, միայն թեթև վնասվածքներ ու քերծվածքներ են ստացել:ԵՐԵՎԱՆ, 11 հունվարի - Sputnik. Ռուս զինծառայողները օգնություն են ցուցաբերել Հայաստանի քաղաքացիներին, որոնք վթարի են ենթարկվել Սյունիքի մարզում։ Ինչպես հաղորդում է Հայաստանում ռուս խաղաղապահների Telegram ալիքը, վթարը տեղի է ունեցել հունվարի 10-ին` Երևան-Մեղրի ավտոճանապարհի մոտ Հոթ բնակավայրից ոչ հեռու գտնվող հատվածում:
©
Photo : Минобороны России
Սյունիքում ՈւԱԶ է ընկել ձորը
ՈւԱԶ-ի վարորդը չի կարողացել կառավարել մեքենան. այն դուրս է եկել ճանապարհի երթևեկելի հատվածից և մի քանի պտույտ կատարելով` ընկել ձորը։ Մեքենայում եղել են նաև վարորդի ընտանիքի անդամները։
©
Photo : Минобороны России
Սյունիքում ՈւԱԶ է ընկել ձորը
Դեպքը տեղի է ունեցել ռուս զինծառայողների աչքի առաջ, որոնք մեկնում էին Ռուսաստանի Անվտանգության դաշնային ծառայության սահմանապահ հերթափոխի։ Վերջիններս առաջին բուժօգնություն են ցուցաբերել վթարից տուժածներին։
©
Sputnik / Aram Nersesyan
Նրանք եղել են 30-35 տարեկան ամուսնական զույգ ՝ իրենց երկու անչափահաս երեխաների հետ։
Դեպքի վայր են մեկնել ՀՀ ոստիկանության և շտապօգնության աշխատակիցները: Տուժածներին տեղափոխել են Գորիս քաղաքի հիվանդանոց:
Ինչպես պարզվել է` ամուսինները ստացել են ոտքերի փակ կոտրվածքներ և գանգուղեղային վնասվածքներ, իսկ երեխաների մոտ բացի թեթև վնասվածքից և քերծվածքներից ոչինչ չի հայտնաբերվել:
Վթար Վահանի ճանապարհին. 28–ամյա վարորդը մահացել է, կինն ու երեխան հիվանդանոցում են
թեգերը:
10 մեքենաներ արգելափակվել էին ձյան մեջ․ փրկարարներն օգնություն են ցուցաբերել
(Թարմացված է 00:04 26.01.2021)
Արգելափակված մեքենաները եղել են Գեղարքունիքի, Արագածոտնի և Կոտայքի մարզերում։
ԵՐԵՎԱՆ, 26 հունվարի – Sputnik. Վերջին մեկ օրվա ընթացքում փրկարարները հանրապետության տարբեր հատվածներում արգելափակումից մեքենաներ են դուրս բերել։ Տեղեկությունը հայտնում է ԱԻՆ մամուլի ծառայությունը։
«Հունվարի 24-ից 25-ն ԱԻՆ ՓԾ ճգնաժամային կառավարման ազգային կենտրոնում 10 ահազանգ է ստացվել հանրապետության տարբեր տարածքներում ձյան մեջ արգելափակված ավտոմեքենաների վերաբերյալ»,- նշված է հաղորդագրության մեջ։
Մասնավորապես, արգելափակված մեքենաները եղել են Գեղարքունիքի մարզի Գավառ, Վարդենիս, Վայոց ձորի մարզի Ջերմուկ, Արագածոտնի մարզի Ապարան քաղաքներում, Ջամշլու գյուղում, Կոտայքի մարզի Գեղարդ գյուղում, Ալագյազ-Վարդաբլուր ավտոճանապարհին։
Դեպքի վայր ժամանած փրկարարներն արգելափակումից դուրս են բերել 10 ավտոմեքենա։ 9 քաղաքացու ցուցաբերվել է համապատասխան օգնություն։
Աշտարակում 19-ամյա տղայի սպանության մեջ մեղադրվողը կալանավորվել է
(Թարմացված է 18:13 24.01.2021)
20-ամյա Գեղամ Ալավերդյանը Օշական գյուղի բնակիչ է։ Դատարանը բավարարել է քննիչի միջնորդությունը նրան երկու ամսով կալանավորելու վերաբերյալ։ԵՐԵՎԱՆ, 24 հունվարի – Sputnik. Կալանավորվել է Արագածոտնի մարզի Սասունիկ գյուղի բնակիչ 19-ամյա Արմեն Սարգսյանի սպանության մեջ մեղադրվողը։ Տեղեկությունը հայտնում է Shamshyan.com-ը։
Հունվարի 23-ին դատարանը բավարարել է քննիչի միջնորդությունը Օշական գյուղի բնակիչ, 20-ամյա Գեղամ Ալավերդյանին երկու ամսով կալանավորելու վերաբերյալ։ Ալավերդյանը դատարանից միանգամից տեղափոխվել է քրեակատարողական հիմնարկ: Ոստիկանություն նույն գործով բերման է ենթարկվել նաև Ալավերդյանի եղբայրը՝ 17-ամյա Հովհաննես Ալավերդյանը, որի նկատմամբ խափանման միջոց է ընտրվել ստորագրություն բնակության վայրից չհեռանալը։
Հիշեցնենք՝ հունվարի 21-ին Աշտարակ քաղաքի Միկոյան եղբայրներ 33 հասցեի հարակից տարածքում դանակահարել էին Արմեն Սարգսյանին։ Դատաբժշկի նախնական եզրակացության համաձայն՝ նրա մարմնի վրա եղել են սուր, կտրող-ծակող առարկայի հարվածի մի քանի հետքեր:
Կոտայքում ավտոմեքենան ընկել է կամրջից. վարորդը հիվանդանոցում մահացել է
Փաստի առթիվ ՀՀ քրեական օրենսգրքի 104 հոդվածի 1-ին մասի հատկանիշներով (սպանության) հարուցվել է քրեական գործ:
թեգերը: