Արխիվային լուսանկար

«Գլուխս բարձրացնեմ, տեսնեմ` սպիտակ ավտոն մտել է կրպակի մեջ». «խառը» վթար Երևանում

162
(Թարմացված է 19:13 12.09.2020)
Ավտոմեքենան մխրճվել է թերթի կրպակի մեջ ու վնասել վճարային տերմինալը։

ԵՐԵՎԱՆ, 12 սեպտեմբերի – Sputnik․ Ժամեր առաջ ավտովթար է տեղի ունեցել Արաբկիր համայնքում։ Shamshyan.com-ի հաղորդմամբ՝ ժամը 15:45-ի սահմաններում Վաղարշյան-Աղբյուր Սերոբի փողոցների խաչմերուկում, դեռևս անհայտ հանգամանքներում, բախվել են Toyota Fortuner և Ford մակնիշի ավտոմեքենաները: Ըստ նախնական տեղեկությունների՝ տուժածներ չկան, եթե հաշվի չառնենք թերթի կրպակն ու վճարային տերմինալը։

Ավտոմեքենաների բախման հետևանքով Toyota–ն առաջ է ընթացել և մխրճվել ճանապարհին տեղադրված թերթի կրպակի մեջ, վնասել նաև վճարային տերմինալը: Թերթի կրպակի աշխատակցուհին պատմել է, որ հրաշքով է փրկվել, քանի որ վթարի պահին ներսում նստած է եղել։ 

«Հրաշքով եմ պրծել, ներսում նստած էի, մեկ էլ` ասես երկրաշարժ լիներ, կրպակս տեղից փախներ: Գլուխս բարձրացնեմ, տեսնեմ` սպիտակ ավտոն մտել է կրպակի մեջ»,- ասել է կինը՝ հավալելով, որ բարեբախտաբար, վթարի պահին կրպակի մոտ մարդիկ չեն եղել, այլապես հետևանքները ողբերգական կլինեին։ 

Ավելացել են վթարները, որոնք տեղի են ունենում հանդիպակաց գոտի դուրս գալու պատճառով

Կայքի փոխանցմամբ՝ բնակիչները պնդում են, որ այդ վայրում հաճախ են ավտովթարներ տեղի ունենում, ավտոմեքենաները մեծ արագությամբ են վարում։

162
թեգերը:
կրպակ, Երևան, վթար
թեմա:
Վթար, պատահար, սպանություն, գողություն (2769)
Ըստ թեմայի
Խցանումները կնվազե՞ն. նոր նախագծով վարորդը կտուգանվի, եթե վթարված մեքենան չհանի ճանապարհից
Ապահովագրումը կթվայնացվի. կառավարությունը կլուծի վթարներից առաջացող խցանումների հարցը
Վթարի է ենթարկվել Ապարանի հոգևոր հովիվը. նա հոսպիտալացվել է
Ոստիկանություն և շտապօգնություն

Սյունիքում 2 հոգի վթարի զոհ են դարձել, բժիշկները պայքարում են 11-ամյա աղջկա կյանքի համար

139
(Թարմացված է 21:21 27.09.2020)
Դեպքի վայրում հավաքվածները հայտնել են, որ մահացածները կին և տղամարդ են եղել: Իրավապահները պարզում են վարորդի, մահացածների և վիրավորների ինքնությունը:

ԵՐԵՎԱՆ, 27 սեպտեմբերի – Sputnik. Սյունիքի մարզում` Անգեղակոթ գյուղի վարչական տարածքում, «Toyota Land Cruiser»-ը, դեպի Երևան ընթանալիս, դեռևս անհայտ հանգամանքներում դուրս է եկել ճանապարհի երթևեկելի գոտուց և շրջվել։ Տեղեկությունը հայտնում է shamshyan.com–ը։

Դեպքը տեղի է ունեցել այսօր` ժամը 18:20-ի սահմանում։ Վթարի հետևանքով 2 հոգի տեղում մահացել են, իսկ ավտոմեքենայում գտնվող 11-ամյա աղջիկը մարմնական վնասվածքներով տեղափոխվել է Սիսիանի բժշկական կենտրոն:

Օպերատիվորեն դեպքի վայր է ժամանել Արտակարգ իրավիճակների նախարարության Փրկարար ծառայության Սիսիանի հրշեջ-փրկարարական ջոկատը՝ 1 մարտական հաշվարկով:

Վրաերթ Երևանում. հետիոտնը մահացել է հիվանդանոցում

Ոստիկանությունն ու քննչական բաժինը պարզում են վարորդի, մահացածների և վիրավորների ինքնությունը:

Դեպքի վայրում հավաքվածները կայքի թղթակցին հայտնել են, որ մահացածները կին և տղամարդ են եղել: Նշված ավտոմեքենան հաշվառված է Երևան քաղաքի Արաբկիր վարչական շրջանի բնակիչ, 47-ամյա Սամվել Հովսեփյանի անունով:

Ոստիկանությունն ու քննչական բաժինը պարզում են նաև այդ տեղեկությունը:

Ավտովթար-հրդեհ Երևանում. վարորդը BMW-ով տապալել է հաստաբուն ծառն ու բախվել մեկ այլ ծառի

139
թեգերը:
երեխա, Մահ, վթար, Սյունիք, Հայաստան
թեմա:
Վթար, պատահար, սպանություն, գողություն (2769)
Ըստ թեմայի
Արարատում «Կամազը» բախվել է ուղեփակոցին
Երևանի դպրոցներից մեկի բակում 15-ամյա տղան դանակահարել է համադասարանցուն
Այնթապ գյուղում տղամարդը հոսանքահարվել ու մահացել է
Քոբայրի վանք

Քոբայրից Հոռոմայրի վանք տանող ճանապարհին քաղաքացիներ են մոլորվել

34
(Թարմացված է 22:08 26.09.2020)
Մոլորված քաղաքացիներին գտնելու համար դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ։

ԵՐԵՎԱՆ, 26 սեպտեմբերի – Sputnik. Քոբայրավանքից Հոռոմայրի վանք տանող ճանապարհին այսօր քաղաքացիներ են մոլորվել։ Տեղեկությունը հայտնում է ՀՀ արտակարգ իրավիճակների նախարարության մամուլի ծառայությունը։

Լոռու մարզային ճգնաժամային կառավարման կենտրոնն ահազանգը ստացել է ժամը 20։21-ին։

Արարատում «Կամազը» բախվել է ուղեփակոցին

Դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ։

Ավտովթար-հրդեհ Երևանում. վարորդը BMW-ով տապալել է հաստաբուն ծառն ու բախվել մեկ այլ ծառի

 

34
թեգերը:
ՀՀ արտակարգ իրավիճակների նախարարություն (ԱԻՆ), Քոբայր, Հայաստան
Ըստ թեմայի
«Բալես, ո՞ւր գնանք, տուն չունենք». Պտղունքում հրդեհի հետևանքով 14 ընտանիք անօթևան մնացին
Վրաերթ Երևանում. հետիոտնը մահացել է հիվանդանոցում
Կին վարորդը աղջկա է վրաերթի ենթարկել Երևանում
Վրաց-թուրքական սահման

Սամցխե Ջավախքի հայերը փակել են Թուրքիայի հետ սահմանը. ո՞րն է նրանց պահանջը

27
(Թարմացված է 03:01 30.09.2020)
Այս պահին ցուցարարները հեռացել են: Նրանք մտադիր են հայ-վրացական սահմանի բացման հարցը լուծել այլ ճանապարհով։

ԵՐԵՎԱՆ, 30 սեպտեմբերի Sputnik. Սամցխե Ջավախքի տարածաշրջանից հարյուրավոր հայեր ի նշան բողոքի մի քանի ժամով փակել են վրաց-թուրքական սահմանը։ Այս մասին Sputnik Արմենիայի թղթակցի հետ զրույցում ասել է Վրաստանի խորհրդարանի նախկին պատգամավոր Սամվել Պետրոսյանը։

Ցուցարարները Վրաստանի իշխանություններից պահանջել են բացել հայ-վրացական սահմանը ՝ հումանիտար բեռը Ղարաբաղ հասցնելու համար և թույլատրել կամավորների մեկնումը Արցախ։ Բացի այդ, ցուցարարները կասկածներ են հայտնել, որ Թուրքիան Վրաստանի տարածքով ռազմական բեռ է հասցնում Ադրբեջան։

Նշենք, որ նոր տիպի SARS-CoV-2 կորոնավիրուսային համաճարակի բռնկման պահից երկու երկրների միջև սահմանը փակ է։ Բացառություն են կազմում բեռնափոխադրումները։

«Սա մեզ համար առանձնակի ցավոտ է». Վրաստանի պատրիարք Իլյա II–ը դիմել է Երևանին և Բաքվին

Պետրոսյանը նշել է, որ ցուցարարները հասկացել են՝ արմատական (ռադիկալ) միջոցներով հարցը չի կարող լուծվել, և որոշել են չվնասել հայ-վրացական հարաբերությունները:

Ավելի վաղ Վրաստանի պաշտպանության և ազգային անվտանգության խորհրդարանական հանձնաժողովի նախագահ Իրակլի Սեսիաշվիլին հայտարարել էր, որ Վրաստանի տարածքը չի կարող օգտագործվել որևէ երկրի ռազմական շահերից ելնելով, և, որ դրանով է պայմանավորված Վրաստանի տարածքով ռազմական բեռների տարանցման արգելքը:

Հիշեցնենք` սեպտեմբերի 27-ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։

Վերջին տեղեկություններով` հակառակորդի կրակոցների հետևանքով զոհվել են 80 զինծառայողներ և 3 քաղաքացիական անձինք։ Հայկական կողմը շուրջ 200 վիրավոր ունի։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդի կորուստներն անհամեմատ մեծ են։

Սեպտեմբերի 29–ին ադրբեջանական զինուժը կրակ է բացել նաև Հայաստանի ուղղությամբ։ Մասնավորապես թիրախավորվել է Վարդենիսի տարածաշրջանը։ Վարդենիսում թշնամու ԱԹՍ հարվածից քաղաքացիական ավտոբուս է այրվել և մեկ խաղաղ բնակիչ զոհվել։

Պաստառներ ձկնկիթի փոխարեն․ հայերի հանրահավաքն ու Փարիզում Ադրբեջանի դեսպանատան արձագանքը

 

27
թեգերը:
Բողոքի ակցիա, Սահման, Վրաստանի Հանրապետություն, Ադրբեջան, Պատերազմ, Արցախ
Ըստ թեմայի
Հայ զինծառայողները մի քանի վայրկյանում երկու ԱԹՍ են խոցում. տեսանյութ
Ադրբեջանը 790 զոհ ունի, որից 180-ը` Քարվաճառի ուղղությամբ. Արծրուն Հովհաննիսյան
Հայկական զինուժը խոցել է հակառակորդի զինամթերքով բեռնված մեքենաների շարասյունը. տեսանյութ
Որտե՞ղ են տեղավորվել Արցախից տարհանված մարդիկ. ԱՀ պետնախարարը մանրամասներ է հայտնում