Նուբարաշեն ՔԿՀ

Երկու կալանավոր մի շարք վնասվածքներ են ունեցել. մանրամասներ «Նուբարաշենի» դեպքից

89
(Թարմացված է 13:46 10.09.2020)
«Նուբարաշեն» ՔԿՀ–ում խուզարկել են երկու կալանավորի: Նրանց մոտ արգելված իրեր չեն հայտնաբերվել։ Կալանավորների նկատմամբ հատուկ միջոցներ և ֆիզիկական ուժ են կիրառել։

ԵՐԵՎԱՆ, 10 սեպտեմբերի - Sputnik. ՀՀ արդարադատության նախարարության քրեակատարողական հիմնարկներում և մարմիններում հասարակական վերահսկողություն իրականացնող հասարակական դիտորդների խումբը տեղեկացնում է, որ «Նուբարաշեն» ՔԿՀ-ում տեղի ունեցած միջադեպի առթիվ չնախատեսված այց են կատարել ՔԿՀ։

Նշենք, որ ըստ «Հրապարակի» ՔԿՀ–ներում հաշվեհարդարներ են սկսվել «գողականների» դեմ, այսինքն՝ այն անձանց, որոնց ՔԿՀ ղեկավարությունը համարում է քրեական ենթամշակույթ կրող: Հատուկ ջոկատայինները դիմակներով մտնում են խցեր և դաժան ծեծի ենթարկում նրանց: Ըստ թերթի՝ ծեծվածներից ոմանք շատ վատ վիճակում տեղափոխվել են հիվանդանոցներ:

«Դիտորդների խումբը օգոստոսի 25-ի վաղ առավոտյան այցելություն է կատարել «Նուբարաշեն» ՔԿՀ՝ նախորդ օրը մամուլում և սոցիալական ցանցերում տեղ գտած տեղեկությունների հիման վրա: Պարզվել է, որ. օգոստոսի 23-ին ՀՀ ԱՆ քրեակատարողական ծառայության հատուկ ստորաբաժանումը չնախատեսված այց է կատարել, որի ժամանակ խուզարկություն է կատարվել 4-րդ պատժախցում: Պատժախցում եղել են կալանավորված անձինք Հ. Շ.-ն և Ա. Շ.-ն: Արգելված իրեր չեն հայտնաբերվել»,–նշված է դիտորդական խմբի հաղորդագրության մեջ։

Հետախուզման մեջ գտնվող «Սիցիլը» հայտնաբերվել է գարեջրատանը՝ «ռազբորկայի» ժամանակ

Ըստ միջադեպի վերաբերյալ կազմված զեկուցագրի՝ կալանավորված անձինք չեն ենթարկվել աշխատակիցների օրինական պահանջներին, ուստի առաջացել է հատուկ միջոցներ և ֆիզիկական ուժ կիրառելու անհրաժեշտություն: Խումբը նշված անձանց մարմինների վրա արձանագրել է հատուկ միջոցների և ֆիզիկական ուժի կիրառման հետևանքով առաջացած մի շարք մարմնական վնասվածքներ:

Դատապարտյալին ծեծելու հետքերով. ՄԻՊ–ն արագ արձագանքման խումբ է ուղարկել «Նուբարաշեն» ՔԿՀ

Խումբն այցից անմիջապես հետո հանցագործության մասին հաղորդում է ներկայացրել, որի հիման վրա էլ հարուցվել է քրեական գործ՝ Քրեական օրենսգրքի 309-րդ հոդվածի 2-րդ մասի (պաշտոնեական լիազորություններն անցնելը, որը զուգորդվել է բռնություն, զենք կամ հատուկ միջոցներ գործադրելով) հատկանիշներով:

89
թեգերը:
վնասվածք, քրեական հեղինակություն, Քրեական գործ, կալանավոր, հիվանդանոց, Ծեծկռտուք, ծեծ, «Նուբարաշեն» ՔԿՀ, Հայաստան
թեմա:
Վթար, պատահար, սպանություն, գողություն (2764)
Ըստ թեմայի
«Նուբարաշեն» ՔԿՀ-ում կալանավորը հացադուլ է անում. որն է պատճառը
«Նուբարաշեն» ՔԿՀ-ում կալանավոր է մահացել. ո՞վ է նա
«Նուբարաշեն» ՔԿՀ երկու աշխատակից ձերբակալվել են
«Նուբարաշեն» ՔԿՀ–ում ծառայողը դատապարտյալին դուրս է բերել խցից, որ մյուսները ծեծեն
Շտապօգնության մեքենա

Այնթապ գյուղում տղամարդը հոսանքահարվել ու մահացել է

42
(Թարմացված է 17:38 25.09.2020)
Արթիկ քաղաքի բնակիչը էլեկտրաեռակցման աշխատանքներ կատարելիս էլեկտրահարվել և ընկել է 3.5 մետր բարձրությունից։

ԵՐԵՎԱՆ, 25 սեպտեմբերի - Sputnik. Այնթապ գյուղում դժբախտ պատահարի զոհ է դարձել մոտ 30-ամյա մի տղամարդ։ Ինչպես տեղեկացնում է shamsնyan.com-ը,  սեպտեմբերի 25-ին, ժամը 15։55-ի սահմաններում ոստիկանության Մասիսի բաժնի համայնքային ոստիկանության բաժանմունքի տեսուչը տեղեկություն է ստացել, որ Այնթափ գյուղի գլխավոր փողոցում տղամարդու դի կա։

Պտղունք գյուղի տներից մեկում հրդեհ է բռնկվել. դեպքի վայրում է ԱԻ նախարարը. լուսանկարներ

Դեպքի վայր ժամանած ոստիկանները պարզել են, որ մահացածը Արթիկ քաղաքի բնակիչ Սերգեյ Պապոյանն էր, որը էլեկտրաեռակցման աշխատանքներ կատարելիս էլեկտրահարվել և 3.5 մետր բարձրությունից ընկել է։  Նա տեղում մահացել է։

Նշանակվել են մի շարք փորձաքննություններ։

42
թեգերը:
Մահ, Դժբախտ պատահար
թեմա:
Վթար, պատահար, սպանություն, գողություն (2764)
Ըստ թեմայի
Արարատի մարզում 10 տարեկան աղջիկ է վրաերթի ենթարկվել
Վանաձորում պայթյուն է որոտացել. ձկան խանութի ուղղությամբ ձայնային նռնակ են նետել
Երևանի դպրոցներից մեկի բակում 15-ամյա տղան դանակահարել է համադասարանցուն
Ոստիկանական ավտոմեքենա

Երևանի դպրոցներից մեկի բակում 15-ամյա տղան դանակահարել է համադասարանցուն

114
(Թարմացված է 11:34 25.09.2020)
Ոստիկանների բացատրական աշխատանքների արդյունքում տղան ներկայացել է ոստիկանություն, խոստովանական բացատրություն տվել և ներկայացրել հանցագործության գործիքը։

ԵՐԵՎԱՆ, 25 սեպտեմբերի – Sputnik. Երևանում գործող դպրոցներից մեկի բակում երեկ դանակահարություն է տեղի ունեցել. 15-ամյա դպրոցականը դանակի մի քանի հարվածներ է հասցրել համադասարանցուն։ Տեղեկությունը հայտնում է shamshyan.com–ը։

Ըստ կայքի` ժամը 15։20-ի սահմաններում ոստիկանության Արաբկիրի բաժինը «Արաբկիր» բժշկական կենտրոնից ահազանգ է ստացել, որ «աջ ազդրի միջին երրորդականի, ձախ ազդրի վերին երրորդականի, հետույքի ձախ մակերեսի կտրած վերք» ախտորոշմամբ իրենց մոտ է տեղափոխվել մի տղա երեխա։

Իրավապահները մեկնել են հիվանդանոց, բժիշկները նրանց հայտնել են, որ վիրավորն ի վիճակի չէ կատարվածի մասին բացատրություն տալու։

Մինչ բժիշկները պայքարում էին երեխայի կյանքի համար, Արաբկիրի ոստիկանության անչափահասների գործերով և քրեական հետախուզության բաժանմունքի ծառայողները տաք հետքերով պարզել են, որ վիրավորը Երևան քաղաքի Կենտրոն վարչական շրջանի բնակիչ, Երևանում գործող դպրոցներից մեկի 10-րդ դասարանի աշակերտ, 15-ամյա Դավիթ Մ-ն է։

Արարատի մարզում 10 տարեկան աղջիկ է վրաերթի ենթարկվել

Այնուհետև Արաբկիրի ոստիկանները, ձեռնարկելով անհրաժեշտ օպերատիվ-հետախուզական միջոցառումներ, պարզել են, որ նույն օրը, ժամը 13։30-ի սահմաններում նշված դպրոցի մոտ վիճաբանության ժամանակ Դավիթ Մ-ին նշված վնասվածքները պատճառել է նրա համադասարանցի, 15-ամյա Էրիկ Յ-ն, որը ոստիկանների բացատրական աշխատանքների արդյունքում ներկայացել է ոստիկանության Արաբկիրի բաժին, կատարվածի մասին տվել է խոստովանական բացատրություն և ներկայացրել նաև հանցագործության գործիքը։ Վերջինս բաց է թողնվել։

Արմավիրում կանխվել է 24–ամյա տղայի ինքնասպանության փորձը. նա սպառնում էր նետվել աշտարակից

114
թեգերը:
դանակահարություն, դպրոց, Հայաստան
թեմա:
Վթար, պատահար, սպանություն, գողություն (2764)
Ըստ թեմայի
Կրակոցներ Երևանում. «Դվին» հյուրանոցի մոտ վիճաբանություն է եղել
Մահվան ելքով վրաերթ Արմավիրում. վարորդը փախուստի չի դիմել, բայց տուժածին փրկել չի հաջողվել
Ողբերգական դեպք Կոտայքում. խաչքարն ընկել է տղամարդու վրա, և նա մահացել է
Երևանում ԱՄՆ դեսպանատուն. արխիվային լուսանկար

Արցախ չգնալ, խուսափել հայ-ադրբեջանական սահման այցելելուց. կոչ ԱՄՆ քաղաքացիներին

66
(Թարմացված է 00:46 26.09.2020)
ԱՄՆ քաղաքացիներին Հայաստանում և Ադրբեջանում գործող դեսպանությունները հորդորում են ցուցաբերել զգուշություն` կապված հայ-ադրբեջանական սահմանին լարվածության աճի և վերջերս տեղի ունեցած բռնությունների հետ:

ԵՐԵՎԱՆ, 26 սեպտեմբերի - Sputnik. Հայաստանում և Ադրբեջանում Միացյալ Նահանգների դեսպանությունները կոչ են անում ԱՄՆ քաղաքացիներին խուսափել հայ-ադրբեջանական սահման այցելելուց։

Երևանում ԱՄՆ դեսպանությունն իր կայքում հրապարակված զգուշացման մեջ կոչ է անում պահպանել զգոնություն պահպանել և ցուցաբերել զգուշություն` կապված հայ-ադրբեջանական սահմանին լարվածության աճի և վերջերս տեղի ունեցած բռնությունների հետ:

ՀՀ-ում ԱՄՆ դեսպանատունը ԱՄՆ քաղաքացիներին կոչ է անում խուսափել այցելություններից շփման գծի և սահմանի մոտակայքով, այդ թվում Դիլիջան ազգային պարկից հյուսիս գտնվող M4 և M16 մայրուղիներով և մինչև Վրաստանի սահման գնալուց:

Դեսպանությունը կոչ է անում նաև չայցելել Լեռնային Ղարաբաղ։

Երևանում ԱՄՆ դեսպանությունն իր երկրի քաղաքացիներին հետևյալ ցուցումներն է տալիս`

  • Հետևեք տեղական լրատվամիջոցների թարմացումներին 
  • Խուսափեք մարդկանց բազմությունից 
  • Խուսափեք ցույցերից 
  • Տեղեկացրեք ձեր անվտանգության մասին ընկերներին և ընտանիքին 
  • Տեղեկացված եղեք ձեր շրջակայքի մասին:

Իսկ Ադրբեջանում ԱՄՆ դեսպանատունը ԱՄՆ քաղաքացիներին հորդորում է խուսափել Թովուզի և Ղազախի շրջաններ այցելություններից:

Հայաստանը սահմանին զորքեր չի կուտակում. ՊՆ–ն պատասխանում է ադրբեջանական ապատեղեկատվությանը

66
թեգերը:
Սահման, Ադրբեջան, Արցախ, դեսպանատուն, ԱՄՆ
Ըստ թեմայի
Ադրբեջանը պետք է հրաժարվի ռազմական շանտաժի քաղաքականությունից. Արցախի ԱԳՆ-ն՝ Ալիևին
Բլե՞ֆ, թե՞ պատերազմի նախապատրաստություն. Ադրբեջանում զորահավաքներ են
Ադրբեջանի գործելաոճն անարգանք է ՍԾՏՀ կազմակերպության հանդեպ. ԱԳ նախարար