Փրկարարները Պռոշյանի կոնյակի գործարանում

Հայտնի է կոնյակի գործարանի պայթյունից մահացածների ինքնությունը

305
(Թարմացված է 15:52 01.09.2020)
Գործարանի հիմնադիր–համասեփականատերը լրագրողներին հայտնել է, որ «Արեն Առաքելյան» Ա/Ձ–ն գործարանի տարածքում շինարարական աշխատանքներ էր իրականացնում, որի հետևանքով էլ տեղի է ունեցել պայթյունը։

ԵՐԵՎԱՆ, 1 սեպտեմբերի - Sputnik. «Պռոշյան կոնյակի գործարանում» այսօր տեղի ունեցած պայթյունի պատճառը նախնական վարկածով առաջացել է գործարանի տարածքում իրականացվող զոդման աշխատանքների հետևանքով։ Տեղեկությունը լրագրողների հետ զրույցում հայտնեց գործարանի հիմնադիր-համասեփականատեր Արմեն Գասպարյանը:

««Արեն Առաքելյան» Ա/Ձ–ն այստեղ շինարարական աշխատանքներ էր կատարում։ Ըստ երևույթին զոդումից պայթյուն է եղել և այրվել է»,– ասաց նա։

Գասպարյանը նշեց նաև, որ պատահարի հետևանքով մահացածներից մեկը գործարանի մասնաճյուղի տնօրենն է, մյուսը՝ զոդման աշխատանքներ իրականացնող Ա/Ձ–ի տնօրեն Արեն Առաքելյանը։

Այս պահին, գործարանը, սեփականատիրոջ խոսքով, չի աշխատում, հոսանքն անջատված է, խաղողի մթերման գործընթացը` դադարեցված։ Մթերվող խաղողը տեղափոխվել է գործարանի այլ մասնաճյուղ, որպեսզի չփչանա։

«Առավոտյան տեսնվել ենք, ո՞վ կպատկերացներ․․․»․ Արմավիրի գործարանի աշխատակիցները շոկի մեջ են

Հիշեցնենք, այսօր առավոտյան «Պռոշյան կոնյակի գործարանի» Արմավիր գյուղի մասնաճյուղում պայթյուն ու հրդեհ էր տեղի ունեցել, որի հետևանքով 2 մարդ մահացել է։ 4 տուժողները տեղափոխվել են հիվանդանոց, նրանց վիճակը ծանր է։

Պայթյուն և հրդեհ Արմավիրի կոնյակի գործարանում. կան զոհեր

305
թեգերը:
շինարարություն, ՀՀ արտակարգ իրավիճակների նախարարություն (ԱԻՆ), պայթյուն, գործարան, կոնյակ, Հայաստան
թեմա:
Պայթյուն և հրդեհ «Պռոշյանի կոնյակի գործարան»–ի Արմավիրի մասնաճյուղում (10)
Ըստ թեմայի
Արմավիրում թունավորվել են անհայտ ծագման խմիչքից. 2 մարդ մահացել են, 3-ը՝ հոսպիտալացվել
Մահվան ելքով վրաերթ Արմավիր քաղաքում․ հետիոտնը տեղում մահացել է
Երևանում պայթյունից հետո հիվանդանոց տեղափոխված տղամարդը մահացավ
Արմավիրում խմիչքից մահացածների թիվը հասել է 11-ի, ևս 4–ի վիճակը ծայրահեղ ծանր է
Շտապօգնության մեքենա. արխիվային լուսանկար

Վթար Սյունիքի մարզում. տուժել են 5 ուղևոր, որոնցից 2–ը` անչափահաս

12
(Թարմացված է 17:31 21.09.2020)
Բախվել են Honda Elison–ն ու Opel Astra–ն։ Վարորդներին ոչինչ չի եղել, սակայն 2 մեքենայի ուղևորներն էլ տուժել են։

ԵՐԵՎԱՆ, 21 սեպտեմբերի — Sputnik. Այսօր՝ սեպտեմբերի 21-ին, ավտովթար է տեղի ունեցել Սյունիքի մարզում, 5 մարդ, որից երկուսն անչափահաս, վնասվածքներով տեղափոխվել են հիվանդանոց։ Տեղեկությունը հայտնում է shamshyan.com–ը։

Կայքի հաղորդմամբ` ՃՏՊ–ն տեղի է ունեցել ժամը 11։20-ի սահմաններում, Երևան-Մեղրի ավտոճանապարհի 227 կմ հատվածում։ Բախվել են Կոտայքի մարզի բնակիչ՝ 29-ամյա Արսեն Գասպարյանի վարած Honda Elison մակնիշի և Երևանի բնակիչ՝ 48-ամյա Մուշեղ Գրիգորյանի վարած Opel Astra մակնիշի ավտոմեքենաները։

Վթարի հետևանքով Ա. Գասպարյանի ուղևոր՝ Մեղրիի բնակիչ, 25-ամյա Ա. Սայանը և Մ. Գրիգորյանի ուղևորներ՝ Երևանի բնակիչներ, 11-ամյա Նարեկ Գ-ն, 14-ամյա Գարեգին Գ-ն, 45-ամյա Լիաննա Ս-ն, 18-ամյա Արտեմ Ա-ն մարմնական վնասվածքներով տեղափոխվել են Գորիսի բժշկական կենտրոն։

Փաստի առթիվ նյութեր են նախապատրաստվում։

«Գլուխս բարձրացնեմ, տեսնեմ` սպիտակ ավտոն մտել է կրպակի մեջ». «խառը» վթար Երևանում

12
թեգերը:
հիվանդանոց, Տուժածներ, Սյունիք, վթար
թեմա:
Վթար, պատահար, սպանություն, գողություն
Ըստ թեմայի
Ավելացել են վթարները, որոնք տեղի են ունենում հանդիպակաց գոտի դուրս գալու պատճառով
Աղջկան գրկել և մեքենա վարել․ ինչ է հուշում ֆիննական փորձը, կամ ինչպես խուսափել վթարներից
Իջևան-Երևան «ԳԱԶելը» վթարի է ենթարկվել. կան տուժածներ
Հոգեբուժարան

Անպատիժ մնացած սպանություններ, կամ հոգեբուժարան տանող ճանապարհներն արյունոտ են

300
(Թարմացված է 22:03 19.09.2020)
Պատմության մեջ ահասարսուռ հանցագործությունների պակաս երբեք չի եղել, դրանք որոշ ժամանակ քննարկման առարկա են դարձել, ապա մոռացվել։ Շատ դեպքերում հանցագործը մնում է անպատիժ, որովհետև մարդկանց մեծամասնությունը նորմալ հոգեկան վիճակում այդպիսի արարքների պարզապես ընդունակ չէ։

Sputnik Արմենիան ներկայացնում է տարիներ առաջ տեղի ունեցած մի քանի աղմկահարույց սպանությունների մանրամասներ։

Ձայներ էր լսում, որոնք հրամայել են սպանել երեխաներին

2011 թվականի սեպտեմբեր 7–ին ոստիկանության Արարատի բաժնում ահազանգ է ստացվում, որ 34-ամյա Ռոզա Ալոյանը տանը վնասվածքներ է հասցրել իր 2 մանկահասակ երեխաներին և դուռը փակել ու հեռացել: Նշված բնակարանում ոստիկանները հայտնաբերում են խեղդամահ  արված 6-ամյա Վարդան և 4-ամյա Հայկ Ալոյաններին: Նույն օրը երեխաներին կյանքից զրկելու կասկածանքով ձերբակալվում է նրանց մայրը` Ռոզա Ալոյանը: Հարուցվում է քրեական գործ` քրեական օրենսգրքի 104 հոդվածի երկրորդ մասի 1–ին և 5–րդ կետերով (երկու կամ ավելի անձանց սպանություն՝ առանձնակի դաժանությամբ): Գործի քննությամբ պարզվում է, որ երեխաներից մեկին կինն իր շարֆով է խեղդամահ արել, մյուսին` սավանով։ Սպասելով շուրջ երկու ժամ ու համոզվելով, որ որդիները մահացել են` նա հեռացել է տնից։

Դատարանը պարզել է, որ կինը հոգեկան խնդիրներ ունի։ Ռոզա Ալոյանը տառապում է «պարանոիդ շիզոֆրենիա» հոգեկան հիվանդությամբ: Սպանությունն իրագործելու ժամանակ կինը գտնվել է վերը նշված հիվանդագին խանգարված վիճակում, որը նրան զրկել է իր գործողությունների վտանգավորությունը գիտակցելու և դրանք ղեկավարելու հնարավորությունից: Դա էլ հիմք է հանդիսացել, որպեսզի կինն ազատվի քրեական պատասխանատվությունից: Ռոզային նշանակվել է հարկադիր բուժում` հատուկ հսկողության հոգեբուժական բաժանմունքում։ Ամենայն հավանականությամբ կնոջ հիվանդության զարգացման վրա մեծ ազդեցություն է ունեցել մոր մահը, որին խորթ հայրը կացնահարել էր, երբ նա դեռ երեխա էր։ Ռոզան մեծացել էր Գավառի մանկատանը։

Դեպքից հետո նա ասել է, որ պարբերաբար ձայներ է լսում, որոնք էլ հրամայել են սպանել երեխաներին։

Սպանել է մորը, վիրավորել՝ հորը և հայտնվել հոգեբուժարանում

2019 թվականի հուլիսի 19-ին ողբերգական հերթական դեպքը տեղի ունեցավ Երևանի Նոր Արեշ թաղամասում. 27-ամյա Արման Ավագյանը տանը վնասել էր ինքն իրեն, ապա խոհանոցային դանակով սպանել էր մորը` 61-ամյա Անժելա Քալոյանին, հետո նույն դանակով մի քանի հարված հասցրել հորը` 59-ամյա Գասպար Ավագյանին, սակայն բժիշկները կարողացել էին փրկել վերջինիս կյանքը։ Արման Ավագյանը կալանավորվել էր։

Դատաքննության ընթացքում նա հրաժարվել էր ցուցմունք տալուց, իսկ Գասպար Ավագյանը նախաքննության ընթացքում հայտնել էր, որ վերջին 2 տարիներին որդու մոտ նկատել են հոգեկան առողջության հետ կապված խնդիրներ։ Մասնավորապես՝ նա անընդհատ գանգատվել է իր նկատմամբ ուշադրության պակասից, իրեն լուրջ չվերաբերվելուց, երեխայի տեղ դնելուց, իրեն ոչ ճիշտ դաստիարակելուց: Մի քանի անգամ դիմել են հոգեբանների օգնությանը, սակայն ապարդյուն:

Նրան ասել էին՝ 7 երեխա ունենաս, տուն կստանաս»․ նոր մանրամասներ Խաշթառակի ողբերգությունից

Դատարանը, հաշվի առնելով, որ Արման Ավագյանը քրեական օրենքով չթույլատրված արարքն անմեղսունակության վիճակում է կատարել, որոշեց նրան ազատել քրեական պատասխանատվությունից՝ նշանակելով հարկադիր բուժում հատուկ տիպի հոգեբուժական հիվանդանոցում:

Կասկածանքները կրծել են հոգին և ստիպել սպանել կնոջը

2010 թվականի ապրիլի 16-ի լույս 17-ի գիշերը, 60-ամյա Վլադիմիր Զոհրաբյանը Այնթափում գտնվող իր տան ննջասենյակում դանակով 18 հարվածներ էր հասցրել ու սպանել կնոջը՝ Մարինե Ավետիսյանին։ Ապրիլի 17–ին Վլադիմիր Զոհրաբյանը ձերբակալվել էր։ Հարուցվել է քրեական գործ` ՀՀ քրեական օրենսգրքի 104 հոդվածի 1–ին մասի (Սպանություն`ապօրինաբար մեկ ուրիշին դիտավորությամբ կյանքից զրկելը) հատկանիշներով։ Պարզվել է՝ դեռ 2009 թվականի ամռանը Զոհրաբյանի մոտ նկատվել են հոգեկան շեղումներ, նա մեկուսացել է և ոչ մեկի հետ չի շփվել: Բուժվել է Նորքի հոգեբուժական կլինիկայում, որտեղից դուրս է գրվել իր պահանջով:

Դեպքի օրը Զոհրաբյանը կնոջը մեղադրել է ամուսնական անհավատարմության մեջ, սկսել է վիճաբանել նրա հետ և որոշել սպանել, քանի որ, նրա պնդմամբ վերջին շրջանում կինն իրեն տարօրինակ է պահել, հաճախակի տնից բացակայել է և չի տեղեկացրել, թե ուր է գնում։ Դատարանի որոշմամբ՝ Վլադիմիր Զոհրաբյանն ազատվել է քրեական պատասխանատվությունից ու պատժից և նրա նկատմամբ նշանակվել է հարկադիր բուժում՝  Նուբարաշենի հոգեբուժական կլինիկայում։

Կրկին զոհը ծնողն է

2019 թվականի օգոստոսի 18-ին մեծ աղմուկ բարձրացրեց 29-ամյա աղջկա կողմից մոր պանությունը։

Լոռու մարզի Մեծ Պարնի գյուղում Գյումրի քաղաքի բնակչուհի Լուսինե Միկոյանը ընտանեկան անախորժություններից ծագած վիճաբանության ընթացքում, կացնով և փայտով բազմաթիվ հարվածներ էր հասցրել իր մոր`Գոհարիկ Քոսյանի գլխին և մարմնի տարբեր մասերին ու սպանել նրան:

Նախաքննական մարմնի կողմից Լուսինե Միկոյանին մեղադրանք առաջադրվեց ՀՀ քրեական օրենսգրքի 104 հոդվածի 1-ին մասով (Սպանությունը` ապօրինաբար մեկ ուրիշին դիտավորությամբ կյանքից զրկելը):

Նախաքննության ընթացքում Լուսինե Միկոյանը դրսևորել էր տարօրինակ վարքագիծ և, ըստ գործով վկաների ցուցմունքների, նա տառապում էր հոգեկան հիվանդությամբ, որն էլ հիմք էր հանդիսացել նախաքննական մարմնի համար Լուսինե Միկոյանի նկատմամբ նշանակել դատահոգեբուժական ստացիոնար փորձաքննության: Փորձաքննության եզրակացությամբ պարզվել է, որ Լուսինե Միկոյանը տառապել և տառապում է «շիզոֆրենիա պարանոիդ ձև» հոգեկան հիվանդությամբ, արարքը կատարել է ցնորազառանցական ապրումների ազդեցության տակ, որը զրկել և զրկում է նրան իր գործողությունների վտանգավորությունը գիտակցելու և դրանք ղեկավարելու հնարավորությունից: Ուստի իրեն մեղսագրվող արարքի նկատմամբ Լուսինե Միկոյանը ճանաչվել է անմեղսունակ:

Կնոջը սպանել է, դին նետել աղբանոցը. Արմավիրում 50-ամյա տղամարդ է կալանավորվել

Աղջիկն ազատվել է քրեական պատասխանատվությունից ու պատժից, և նրա նկատմամբ կիրառվել է հարկադիր բուժում` Նուբարաշեն հոգեբուժական հիվանդանոցի հատուկ հսկողության հոգեբուժական բաժանմունքի պայմաններում:

Կյանքում շատ իրավիճակներ մարդուն կարող են հասցնել հոգեկան խանգարվածության` սկսած գենետիկ հակվածությունից մինչև անհաջող պատահականություն կամ դժբախտ պատահար։ Ոչ ոք դրանից ապահովված չէ։ Այլ հարց է, որ մեր հասարակության շրջանում հոգեբանների հետ աշխատելու, նրանց դիմելու ձևավորված մշակույթ չկա։

Ամեն նման դեպքից հետո հոգեբանները կոչ են անում ուշադիր լինել իրենց և հարազատների հոգեկան առողջության նկատմամբ և խնդիրների դեպքում անպայման դիմել մասնագետին։

Իսկ նման ողբերգություններ հաճախ ծնվում են, որովհետև պատկան մարմինների թերացումների պատճառով խնդիրներով մարդը համապատասխան պահին համապատասխան վայրում չի ստանում համապատասխան բուժում։

300
թեգերը:
հոգեբուժարան, հոգեբան, երեխա, մայր, Զոհ, Սպանություն
Ըստ թեմայի
Գառնիում ընկերոջը սպանել է փողի շուրջ ծագած վիճաբանության ժամանակ. մեղադրանք է առաջադրվել
2 աղջիկների բռնաբարության և սպանության մեջ մեղադրվողի «գլխի» համար պարգև են խոստանում
Խաշթառակում թոռներին ծեծելու մեջ մեղադրվողը հոգեկան խնդիրներ ունի. փորձաքննություն կարվի
սերժ Սարգսյան. արխիվային լուսանկար

Սերժ Սարգսյանն այցելել է Եռաբլուր. ինչ է խոստացել նա իրեն մոտեցած լրագրողներին

0
(Թարմացված է 19:12 21.09.2020)
Սերժ Սարգսյանը ծաղիկներ է խոնարհել սպարապետ Վազգեն Սարգսյանի, Անդրանիկ Օզանյանի շիրիմներին:

ԵՐԵՎԱՆ, 21 սեպտեմբերի — Sputnik. ՀՀ երրորդ նախագահ Սերժ Սարգսյանն Անկախության տոնի առթիվ այցելեց «Եռաբլուր» զինվորական պանթեոն:

Սարգսյանը հարգանքի և երախտագիտության տուրք մատուցեց Հայրենիքի համար կյանքը զոհաբերած իր մարտական ընկերների և նահատակված բոլոր նվիրյալ հայորդիների հիշատակին:

ՀՀ երրորդ նախագահը ծաղիկներ խոնարհեց սպարապետ Վազգեն Սարգսյանի, Անդրանիկ Օզանյանի շիրիմներին, ծաղկեպսակ դրեց զոհված ազատամարտիկների հիշատակը հավերժացնող հուշահամալիրին:

Եռաբլուրում լրագրողները Սերժ Սարգսյանին խնդրեցին մեկնաբանել Ադրբեջանի նախագահ Իլհամ Ալիևի հայտարարությունը, թե բանակցություններ գոյություն չունեն, և որ նա դրանում մեղադրում է Հայաստանի իշխանություններին: Սերժ Սարգսյանը խոստացավ այդ հարցին պատասխանել ավելի ուշ:

Ինչ ունենք անկախությունից 29 տարի անց. Քոչարյանի և Սարգսյանի շնորհավորանքն ու տեսլականը

«Շուտով ձեզ կհրավիրենք ասուլիսի և կպատասխանենք ձեր բոլոր հարցերին»,- ասաց նա:

Հարցին, թե արդյո՞ք Սերժ Սարգսյանը պատերազմի վտանգ տեսնում է, նա նույնպես խոստացավ անդրադառնալ առաջիկա մամուլի ասուլիսում:

Հիշեցնենք՝ պաշտոնաթողությունից հետո կազմակերպված առաջին ասուլիսի ժամանակ` այս տարվա օգոստոսի 19-ին, ՀՀ երրորդ նախագահ Սերժ Սարգսյանը պատասխանել էր բացառապես 2016թ-ի ապրիլյան պատերազմին վերաբերող հարցերին: Բոլոր այլ հարցերին Սարգսյանը խոստացել էր պատասխանել հետագա ասուլիսների ընթացքում:

Սերժ Սարգսյանը նաև նշել էր, որ այսուհետ մտադիր է լրատվամիջոցների հետ հանդիպել պարբերաբար: Ընդ որում, հաջորդ ասուլիսի թեման, նրա որոշմամբ, լինելու է արցախյան խնդիրը:

Պարզ է, չէ՞, որ Ալիևն ինքն իրեն չէր մեղադրելու. Դավիթ Տոնոյան

0
թեգերը:
Լրագրող, Եռաբլուր պանթեոն, Սերժ Սարգսյան
թեմա:
ՀՀ նախագահ Սերժ Սարգսյան
Ըստ թեմայի
Ինչ են քննարկել Պուտինն ու Ալիևը Հայաստանի առնչությամբ. Բաքուն մանրամասներ է հայտնել
Ինչ է տեղի ունեցել 2002թ–ին Քի Վեսթում և ինչ է պատմել ճաշի ժամանակ Հեյդար Ալիևը Քոչարյանին
Ալիևի հայտարարությունը հուզական էր. Զոհրաբ Մնացականյանը` ղարաբաղյան գործընթացի մասին