Ալավերդի, ատրճանակ, հանցագործության գործիք, կրակոց, խանութ, ավազակային հարձակում, ոստիկանություն, ոսկու խանութ, Hayastan, novosti armenii, atrchanak, hancagorcutyan gorciq, vosku xanut, avazakayin hardzakum
Ձերբակալում

Պառկեցրել են գետնին, կրակել. Ալավերդիում զինված ավազակներին հայտնաբերել են

180
(Թարմացված է 18:11 17.08.2020)
Հանցագործության հետքերը թաքցնելու համար երիտասարդներն այրել էին այն հագուստը, որով եղել էին ավազակային հարձակման պահին։

ԵՐԵՎԱՆ, 17 օգոստոսի - Sputnik. Իրավապահները բացահայտել են օգոստոսի 1-ին և 10-ին Ալավերդի քաղաքում կատարված ավազակային հարձակումները։ Ոստիկանության մամուլի ծառայության հաղորդմամբ՝ օգոստոսի 1-ի առավոտյան գլխարկներով, դիմակներով ու ձեռնոցներով երկու անձ մտել են Ալավերդի քաղաքի Թումանյան փողոցի խանութներից մեկը։ Նրանք դանակի սպառնալիքով վաճառողուհուն պառկեցրել գետնին, կպչուն ժապավենով փակել բերանն ու փորձել բացել ոսկյա և արծաթյա զարդերի պահարանը։ Այդ ընթացքում նրանցից մեկը նաև հրազենով կրակել էր գետնին։ Սակայն չարագործներին այդպես էլ չի հաջողվել բացել պահարանի դուռը և նրանք ձեռնունայն հեռացել են։

Նմանօրինակ սցենարով ևս մեկ հարձակում տեղի էր ունեցել օրեր անց՝ օգոստոսի 10-ին։ Դարձյալ երկու հոգի, դիմակներով ու ձեռնոցներով, մտել էին Ալավերդի քաղաքի Սանահին-Սարահարթ թաղամասի խանութներից մեկը, փակել էին տիրոջ բերանն ու աչքերը, սպառնացել նրան, հափշտակել ոսկյա զարդեր՝ պատճառելով մի քանի միլիոն դրամի վնաս։

«Դեպքերի առթիվ հարուցվել են քրեական գործեր։ Ծանր հանցագործությունները թարմ հետքերով բացահայտելու նպատակով ոստիկանության Լոռու մարզային վարչության, Թումանյանի բաժնի և տարածքային քննչական բաժնի ծառայողները ձեռնարկել են օպերատիվ-հետախուզական բազմաբնույթ միջոցառումներ և քննչական գործողություններ»,- նշված է ոստիկանության տարածած հաղորդագրության մեջ։

Մոսկվայում սպանված հայ մարզիկը կասկածվում էր «Մասիվցի Անդիկի» սպանությունը պատվիրելու մեջ

Իրավապահները պարզել են, որ երկու դեպքում էլ գործել են նույն անձինք։ Նրանցից մեկը՝ Ալավերդիում բնակվող 22-ամյա երիտասարդը, բերման է ենթարկվել նախ որպես կասկածյալ և ձերբակալվել, ապա նրան մեղադրանք է առաջադրվել, խափանման միջոց է ընտրվել կալանքը։ Հետագա միջոցառումների արդյունքում պարզվել է նաև կալանավորված երիտասարդի հանցակցի ինքնությունն ու գտնվելու վայրը։ Ալավերդիում բնակվող 21-ամյա երիտասարդը ևս ձերբակալված է։

Դաժան սպանություն Լոռիում. մարզպետարանի աշխատակցին սպանել ու դիակը հրկիզել է. մանրամասներ

Հայտնաբերվել և առգրավվել են ավազակային հարձակման ժամանակ կալանավորված երիտասարդի վերնազգեստը, նաև հագուստի մոխրացած մնացորդներ. հագուստը երիտասարդները այրել են՝ հետքերը թաքցնելու նպատակով։ Առգրավվել են նաև հանցագործության գործիք ատրճանակը, մեկփողանի հրացանն ու հափշտակված ոսկյա զարդերը։ Հարուցված քրեական գործերի նախաքննությունը շարունակվում է։

180
թեգերը:
ատրճանակ, խանութ, կասկածյալ, Ձերբակալություն, ոստիկան, Ոստիկանություն, ավազակային հարձակում, կրակոց, Ալավերդի, Հայաստան
թեմա:
Վթար, պատահար, սպանություն, գողություն (2931)
Ըստ թեմայի
Ավազակային հարձակում է կատարվել Երևանի հանրախանութներից մեկում. տեսանյութ
Ավազակային հարձակում «Հայփոստում». տղամարդը սպառնացել է զենքով ու գումար պահանջել
Ավազակային հարձակում Սյունիքում. դանակի սպառնալիքով կնոջից զարդեր ու հեռախոս են գողացել
Ավազակային հարձակում Լոռու մարզում. թալանել են 75–ամյա կնոջը
Արխիվային լուսանկար

Հրշեջները նախ կայրեն, հետո կվերահսկեն կրակը «Ծիծեռնակաբերդ» զբոսայգուն հարող տարածքում

60
(Թարմացված է 13:56 24.06.2021)
Վերահսկվող այրումը կկանխի հրդեհների առաջացումը և դրանց հնարավոր հետևանքները:

ԵՐԵՎԱՆ, 24 հունիսի - Sputnik. Այսօր՝ հունիսի 24-ին, ԱԻՆ-ը «Հայոց ցեղասպանության թանգարան-ինստիտուտ» հիմնադրամի ենթակայության տակ գտնվող «Ծիծեռնակաբերդ» զբոսայգուն հարող խոտածածկ տարածքում իրականացնելու է «Հսկվող կրակ» միջոցառում։ Այս մասին տեղեկացնում են ՀՀ Արտակարգ իրավիճակների նախարարությունից։

Ինչպես հրշեջները մարեցին Նուբարաշենի աղբավայրի հրդեհը. տպավորիչ լուսանկարներ

Անվտանգությունը կապահովեն ԱԻՆ ՓԾ Երևան քաղաքի փրկարարական վարչության հրշեջ-փրկարարական ջոկատներից չորս մարտական հաշվարկ, Հրդեհաշիջման և փրկարարական աշխատանքների կազմակերպման բաժնի հերթափոխային ծառայություն իրականացնող փրկարարական ծառայողները։

Վերահսկվող այրումը կկանխի հրդեհների առաջացումը և դրանց հնարավոր հետևանքները:

60
թեգերը:
Ծիծեռնակաբերդ, ՀՀ արտակարգ իրավիճակների նախարարություն (ԱԻՆ), հրդեհ
Ըստ թեմայի
Խոշոր հրդեհ Երևանի Վահագնի թաղամասում․ «1 ԲԻՍ» կանչ է հայտարարվել. տեսանյութ
Նուբարաշենի աղբավայրում շարունակվում են հրդեհաշիջման աշխատանքները
Խոշոր ավտովթար-հրդեհ Արագածոտնի մարզում. կա 1 զոհ, 3 վիրավոր
Փրկարարներ, արխիվային լուսանկար

Հրազդանի կիրճում տղամարդու դիակ է հայտնաբերվել

62
(Թարմացված է 19:21 23.06.2021)
Փրկարարները տղամարդու դիակը մեծ դժվարությամբ են դուրս բերել ձորից։ Դատաբժշկական փորձաքննություն է նշանակվել։

ԵՐԵՎԱՆ, 23 հունիսի – Sputnik. Այսօր՝ հունիսի 23-ին, ողբերգական դեպք է տեղի ունեցել Երևանում: Ժամը 16:30-ի սահմաններում ՀՀ արտակարգ իրավիճակների նախարարության փրկարար ծառայության 911 և ոստիկանության Երևան քաղաքի վարչության օպերատիվ կառավարման կենտրոններն ահազանգ են ստացվել, որ Հրազդանի կիրճում՝ Սուրբ Սարգիս եկեղեցու հարևանությամբ՝ ձորում, անանցանելի վայրում տղամարդու դի կա:

Ինչպես հայտնում է shamshyan.com–ը, դեպքի վայր են մեկնել ԱԻՆ փրկարար ծառայության թիվ 1 հրշեջ-փրկարարական ջոկատը, ոստիկաններն ու քննիչները։

Փրկարարները դին մեծ դժվարությամբ տեղափոխել են անվտանգ վայր։ Տեղում աշխատում է դատական բժիշկը:

Քաղաքացին ընկել է Ապարանի ջրամբարն ու խեղդվել

Ոստիկանությունն ու քննչական բաժինը պարզում են մահացածի ինքնությունը:

Քննիչի որոշմամբ նշանակվել է դիակի դատաբժշկական փորձաքննություն:

Վթար Ճամբարակ–Շորժա ճանապարհին. 1 երեխա մահացել է, կա 7 վիրավոր

62
թեգերը:
փրկարար, Դիակ, Երևան, Հայաստան
Ռուսաստանի Գիտությունների ակադեմիայի Արևելագիտության ինստիտուտի փոխտնօրեն Ալեքսանդր Սկակով

Լենինի նման` «պլոմբած» վագոնով․ Սկակովը խոսել է Սյունիքի «ճանապարհային միջանցքի» մասին

33
(Թարմացված է 23:28 24.06.2021)
Ռուս փորձագետը վստահ է, որ Հայաստանի Հանրապետության տարածքով Ադրբեջանից Նախիջևան մարդկանց ավտոմոբիլային երթևեկության կամ տեղափոխման մասին հիմա խոսք անգամ լինել չի կարող։

Հայաստանի Սյունիքի մարզով անցնող հնարավոր տրանսպորտային միջանցքը կարող է ենթադրել միայն բեռների տեղափոխում երկաթուղով և ոչ ավելին։ Այս մասին Sputnik Արմենիային տված հարցազրույցում ասաց Ռուսաստանի Գիտությունների ակադեմիայի Արևելագիտության ինստիտուտի փոխտնօրեն Ալեքսանդր Սկակովը։ 

Заместитель директора по развитию Института востоковедения РАН, кандидат исторических наук Александр Скаков беседует с корреспондентом Sputnik Армения
© Sputnik / Andranik Ghazaryan
Ռուսաստանի Գիտությունների ակադեմիայի Արևելագիտության ինստիտուտի փոխտնօրեն Ալեքսանդր Սկակովը և Sputik Արմենիայի լրագրող Դավիթ Գալստյանը

 

Սկակովի կարծիքով ՝ այս փուլում Ադրբեջանը ձգտում է ամրապնդել անցած պատերազմի արդյունքները։ Սակայն ապագայում Բաքուն ձգտելու է էլ ավելի շատ բան ստանալ՝ ռուս խաղաղապահների դուրսբերում և Լեռնային Ղարաբաղի նկատմամբ լիակատար վերահսկողություն։

«Եվ, իհարկե, մտադիր է ստանալ ճանապարհը (Սյունիքի տարածքով,– խմբ․)։ Դա առավելագույնն է, ինչ նա ուզում է։ Բայց այն, ինչ ուզում է և այն, ինչ արդյունքում կստանա, իհարկե, տարբեր բաներ են»,-ասաց Սկակովը։

Մեկնաբանելով այսպես կոչված «Զանգեզուրի միջանցքի» հարցը, որի մասին այդքան հաճախ են խոսում Բաքվում, փորձագետը նշեց, որ Սյունիքի մարզով հիմա միայն բեռների տեղափոխում է հնարավոր:

«Միայն տրանսպորտային միջանցք և ուրիշ ոչինչ։ Բեռնափոխադրումներ երկաթուղով։ Դա անել կարելի է։ Հիշո՞ւմ եք, թե ինչպես էր Լենինը Մոսկվա գնում։ «Պլոմբած» վագոնով։ Միայն այդպես։ Ոչ մի ուղևորափոխադրության, որևէ այլ բանի շարժման (օրինակ՝ ավտոմեքենաների) մասին խոսք անգամ լինել չի կարող։ Դա ակտուալ չէ»,-վստահ է Սկակովը։ 

Դրա հետ մեկտեղ նա չի կարծում, որ դա չի հանգեցնի Հայաստանի ինքնիշխանության կրճատման. միջանցքի անվտանգության համար պատասխանատու կլինեն ռուս սահմանապահները։

Գուցե ապագայում այդ ճանապարհը լիարժեք գործարկվի, բայց դա կլինի 50 տարի հետո, երբ նոր սերունդներ կմեծանան, իսկ առայժմ նման բան չի կանխատեսվում։ Ընդ որում, այս հարցում իրավիճակի բարենպաստ զարգացումն ուղղակիորեն կախված է նաև Ղարաբաղյան հակամարտության կարգավորումից։

«Վաղ թե ուշ կբարձրացվի Ղարաբաղի ապագայի հարցը, բայց հիմա բոլորն ուզում են դնել այն հեռավոր դարակում և այսօր այդ մասին չմտածել»,-նկատեց փորձագետը։

Նա վստահ է, որ ռուս խաղապահներն Արցախում կմնան ոչ թե 5 տարի, այլ շատ ավելի երկար՝ 15, 20, գուցե անգամ 30 տարի։ Թեև Բաքվում, իհարկե, դա ոմանց դուր չի գա։

«Զուտ տերմինի խնդիր է». Մհեր Գրիգորյանը` Ադրբեջանի հետ միջանցք բացել–չբացելու մասին

«Երբ բարձրացվի կարգավիճակի հարցը, հարկ կլինի ինչ-որ ուրիշ լուծումներ փնտրել։ Հասկանալի է, որ Ղարաբաղի հնարավորություններն արդեն այն չեն, ինչ պատերազմից առաջ, և տարածքների փոխանակումը կարգավճակի հետ արդեն անհնար է։ Բայց կարող է ինչ-որ այլ խաղ լինել։ Մասնավորապես, երկու համաշխարհային պատերազմներից հետո կիրառվում էր այնպիսի գաղափար, ինչպիսին է «կոնդոմինիումը (համատեղ տիրապետում,– խմբ.)»,-ասաց Սկակովը։

Այսինքն, ըստ Սկակովի, երեք կողմերը կարող են պատասխանատու լինել որևէ տարածքի համար։ Ղարաբաղի դեպքում որպես նման երկրներ կարող են հանդես գալ, օրինակ, Հայաստանը, Ռուսաստանը, Ադրբեջանը (առանց Թուրքիայի, իհարկե)։

Պատմության մեջ նման հակամարտությունների կարգավորման դեպքեր եղել են։ Այս համատեքստում նա օրինակ բերեց անցած հարյուրամյակի 90-ական թվականներին օսերի և ինգուշների միջև առկա հակամարտությունները, ինչպես նաև հիշեցրեց Չեչնիայի իրադարձությունների մասին։ Հիմա այդ շրջաններում իրավիճակը կայուն է։

«Հուսով եմ, որ այստեղ էլ կհաջողվի կարգավորել հարաբերությունները։ Բայց դրա համար, առաջին հերթին, տարիներ կամ տասնամյակներ են հարկավոր, և երկրորդ՝ ինչ-որ մեկը, ով կկարողանա անել դա «վերևից»։ Ուղղակի կօգնի մարդկանց հաշտվել, միասին ապրել։ Եթե դա կկարողանա անել Ռուսաստանը՝ շատ լավ։ Կկարողանա՞ դա անել ԱՄՆ-ն։ Կասկածում եմ»,-ասաց Սկակովը։

Եթե երկու երկրների կառավարությունների մակարդակով համաձայնություն լինի, գործընթացն ավելի հեշտ կընթանա։

«Միջանցքային» տրամաբանությամբ հարցեր ՀՀ–ն չի քննարկելու. Մհեր Գրիգորյանը` իրանցի նախարարին

Ինչ վերաբերում է Ադրբեջանի զինված ուժերի ստորաբաժանումների ներխուժմանը Գեղարքունիք և Սյունիք, ապա այս թեման, ըստ փորձագետի, նոր չէ. սահմանագծման խնդիրն առկա է ողջ հետխորհրդային տարածքում: Այդպիսի խնդիր կա Ռուսաստանի և Վրաստանի, Ռուսաստանի և Ադրբեջանի, Ադրբեջանի և Վրաստանի միջև։

«Մի կիլոմետր այս կողմ, մի կիլոմետր այն կողմ։ Այդ ամենը անելը դժվար չէ, բայց Բաքվի համար դա առևտուր անելու, իր խաղադրույքները բարձրացնելու ևս մեկ առիթ է»,-ասաց Սկակովը։

Նրա խոսքով՝ նույնը վերաբերում է նաև հայ գերիների վերադարձին հայրենիք։ Ադրբեջանը փորձում է Հայաստանից լրացուցիչ զիջումներ ստանալ ամեն տեղ, որտեղ դա հնարավոր է։

Ադրբեջանցի զինվորականները մայիսի 12-ից գտնվում են Հայաստանի Սյունիքի մարզի Սև լճի շրջանում՝ փորձելով ամրապնդվել հայկական տարածքների հաշվին: Նմանատիպ իրավիճակ է ստեղծվել նաև Գեղարքունիքի մարզում՝ Վարդենիսի մերձակայքում։ Պարբերաբար միջադեպեր են տեղի ունենում պետական սահմանի տարբեր հատվածներում։ Մայիսի 25-ին տեղի ունեցած փոխհրաձգության արդյունքում ՀՀ ԶՈւ պայմանագրային զինծառայող է զոհվել:

Ուրեմն մենք էլ ենք և՛ Նախիջևանում, և՛ Ադրբեջանում միջանցք ունենալու. ԱԽ քարտուղար

33
թեգերը:
երկաթուղի, Թուրքիա, Ադրբեջան, Ճանապարհ, Մեղրի
Ըստ թեմայի
ՀԱԿ–ը խոսում է Մեղրիից Ռուսաստան միջանցք ունենալու մասին. Տեր-Պետրոսյան
Սահմաններ բացելը` խնդրեմ, բայց ոչ սուվերեն տարածք կամ միջանցք․ Մարուքյան
ՀՀ կառավարությունը չի քննարկելու միջանցքային որևէ տրամաբանություն. Փաշինյան