Ֆելիքս Ցոլակյան, արխիվային լուսանկար

Խոշոր հրդեհ Երևանի էլեկտրոնիկայի խանութներից մեկում. դեպքի վայրում է նաև նախարար Ցոլակյանը

109
(Թարմացված է 18:17 31.07.2020)
Ըստ նախնական տվյալների՝ պահեստի (մոտ 1000 քմ) ներսում վարձակալած մոտ 150 քմ տարածքում այրվում է էլեկտրական տեխնիկա։

ԵՐԵՎԱՆ, 31 հուլիսի — Sputnik. Երևանի Արցախի պողոտայում գտնվող էլեկտրոնիկայի խանութում հրդեհ է բռնկվել։ Հայտարարվել է հրդեհի բարդության «1-ԲԻՍ» կանչ, հայտնում են ԱԻՆ լրատվական ծառայությունից։

«Հուլիսի 31-ին, ժամը 16:46-ին Ճգնաժամային կառավարման ազգային կենտրոն ահազանգ է ստացվել, որ հրդեհ է բռնկվել Երևանի Արցախի պողոտայի թիվ 42 հասցեի մոտակայքում գտնվող էլեկտրոնիկայի խանութում։ Դեպքի վայր են մեկնել ԱԻՆ ՓԾ Երևան քաղաքի փրկարարական վարչության հրշեջ-փրկարարական ջոկատներից չորս մարտական հաշվարկ, Հրդեհաշիջման և փրկարարական աշխատանքների կազմակերպման բաժնի և Բժշկական ապահովման վարչության օպերատիվ խմբերը, այնուհետև դեպքի վայր է մեկնել ևս մեկ մարտական հաշվարկ»,–նշված է հաղորդագրության մեջ։

Ըստ նախնական տվյալների՝ պահեստի (մոտ 1000 քմ) ներսում վարձակալած մոտ 150 քմ տարածքում այրվում է էլեկտրական տեխնիկա։

Հրշեջ-փրկարարներն իրականացնում են տարածքից տեխնիկայի դուրսբերման աշխատանքներ։ Դեպքի վայրում է գտնվում ԱԻ նախարար Ֆելիքս Ցոլակյանը։

Ժամը 17։42-ի դրությամբ հրդեհը մեկուսացված է։

Կարբի գյուղի տներից մեկում գազի արտահոսք ու հրդեհ է գրանցվել. վիրավորների թվում երեխա կա

109
թեգերը:
հրշեջ, Ֆելիքս Ցոլակյան, Երևան, հրդեհ
Ըստ թեմայի
Պետերբուրգում մասնատված ռեփերի կնոջը կասկածում են սպանության մեջ
Երևանում թալանել են «Միստր Գիրոս» արագ սննդի կետերից մեկը
Մինսկ-Երևան չվերթի ուղևորի ուղեբեռում թմրանյութեր են հայտնաբերվել
Հոգեբուժարան

Անպատիժ մնացած սպանություններ, կամ հոգեբուժարան տանող ճանապարհներն արյունոտ են

274
(Թարմացված է 22:03 19.09.2020)
Պատմության մեջ ահասարսուռ հանցագործությունների պակաս երբեք չի եղել, դրանք որոշ ժամանակ քննարկման առարկա են դարձել, ապա մոռացվել։ Շատ դեպքերում հանցագործը մնում է անպատիժ, որովհետև մարդկանց մեծամասնությունը նորմալ հոգեկան վիճակում այդպիսի արարքների պարզապես ընդունակ չէ։

Sputnik Արմենիան ներկայացնում է տարիներ առաջ տեղի ունեցած մի քանի աղմկահարույց սպանությունների մանրամասներ։

Ձայներ էր լսում, որոնք հրամայել են սպանել երեխաներին

2011 թվականի սեպտեմբեր 7–ին ոստիկանության Արարատի բաժնում ահազանգ է ստացվում, որ 34-ամյա Ռոզա Ալոյանը տանը վնասվածքներ է հասցրել իր 2 մանկահասակ երեխաներին և դուռը փակել ու հեռացել: Նշված բնակարանում ոստիկանները հայտնաբերում են խեղդամահ  արված 6-ամյա Վարդան և 4-ամյա Հայկ Ալոյաններին: Նույն օրը երեխաներին կյանքից զրկելու կասկածանքով ձերբակալվում է նրանց մայրը` Ռոզա Ալոյանը: Հարուցվում է քրեական գործ` քրեական օրենսգրքի 104 հոդվածի երկրորդ մասի 1–ին և 5–րդ կետերով (երկու կամ ավելի անձանց սպանություն՝ առանձնակի դաժանությամբ): Գործի քննությամբ պարզվում է, որ երեխաներից մեկին կինն իր շարֆով է խեղդամահ արել, մյուսին` սավանով։ Սպասելով շուրջ երկու ժամ ու համոզվելով, որ որդիները մահացել են` նա հեռացել է տնից։

Դատարանը պարզել է, որ կինը հոգեկան խնդիրներ ունի։ Ռոզա Ալոյանը տառապում է «պարանոիդ շիզոֆրենիա» հոգեկան հիվանդությամբ: Սպանությունն իրագործելու ժամանակ կինը գտնվել է վերը նշված հիվանդագին խանգարված վիճակում, որը նրան զրկել է իր գործողությունների վտանգավորությունը գիտակցելու և դրանք ղեկավարելու հնարավորությունից: Դա էլ հիմք է հանդիսացել, որպեսզի կինն ազատվի քրեական պատասխանատվությունից: Ռոզային նշանակվել է հարկադիր բուժում` հատուկ հսկողության հոգեբուժական բաժանմունքում։ Ամենայն հավանականությամբ կնոջ հիվանդության զարգացման վրա մեծ ազդեցություն է ունեցել մոր մահը, որին խորթ հայրը կացնահարել էր, երբ նա դեռ երեխա էր։ Ռոզան մեծացել էր Գավառի մանկատանը։

Դեպքից հետո նա ասել է, որ պարբերաբար ձայներ է լսում, որոնք էլ հրամայել են սպանել երեխաներին։

Սպանել է մորը, վիրավորել՝ հորը և հայտնվել հոգեբուժարանում

2019 թվականի հուլիսի 19-ին ողբերգական հերթական դեպքը տեղի ունեցավ Երևանի Նոր Արեշ թաղամասում. 27-ամյա Արման Ավագյանը տանը վնասել էր ինքն իրեն, ապա խոհանոցային դանակով սպանել էր մորը` 61-ամյա Անժելա Քալոյանին, հետո նույն դանակով մի քանի հարված հասցրել հորը` 59-ամյա Գասպար Ավագյանին, սակայն բժիշկները կարողացել էին փրկել վերջինիս կյանքը։ Արման Ավագյանը կալանավորվել էր։

Դատաքննության ընթացքում նա հրաժարվել էր ցուցմունք տալուց, իսկ Գասպար Ավագյանը նախաքննության ընթացքում հայտնել էր, որ վերջին 2 տարիներին որդու մոտ նկատել են հոգեկան առողջության հետ կապված խնդիրներ։ Մասնավորապես՝ նա անընդհատ գանգատվել է իր նկատմամբ ուշադրության պակասից, իրեն լուրջ չվերաբերվելուց, երեխայի տեղ դնելուց, իրեն ոչ ճիշտ դաստիարակելուց: Մի քանի անգամ դիմել են հոգեբանների օգնությանը, սակայն ապարդյուն:

Նրան ասել էին՝ 7 երեխա ունենաս, տուն կստանաս»․ նոր մանրամասներ Խաշթառակի ողբերգությունից

Դատարանը, հաշվի առնելով, որ Արման Ավագյանը քրեական օրենքով չթույլատրված արարքն անմեղսունակության վիճակում է կատարել, որոշեց նրան ազատել քրեական պատասխանատվությունից՝ նշանակելով հարկադիր բուժում հատուկ տիպի հոգեբուժական հիվանդանոցում:

Կասկածանքները կրծել են հոգին և ստիպել սպանել կնոջը

2010 թվականի ապրիլի 16-ի լույս 17-ի գիշերը, 60-ամյա Վլադիմիր Զոհրաբյանը Այնթափում գտնվող իր տան ննջասենյակում դանակով 18 հարվածներ էր հասցրել ու սպանել կնոջը՝ Մարինե Ավետիսյանին։ Ապրիլի 17–ին Վլադիմիր Զոհրաբյանը ձերբակալվել էր։ Հարուցվել է քրեական գործ` ՀՀ քրեական օրենսգրքի 104 հոդվածի 1–ին մասի (Սպանություն`ապօրինաբար մեկ ուրիշին դիտավորությամբ կյանքից զրկելը) հատկանիշներով։ Պարզվել է՝ դեռ 2009 թվականի ամռանը Զոհրաբյանի մոտ նկատվել են հոգեկան շեղումներ, նա մեկուսացել է և ոչ մեկի հետ չի շփվել: Բուժվել է Նորքի հոգեբուժական կլինիկայում, որտեղից դուրս է գրվել իր պահանջով:

Դեպքի օրը Զոհրաբյանը կնոջը մեղադրել է ամուսնական անհավատարմության մեջ, սկսել է վիճաբանել նրա հետ և որոշել սպանել, քանի որ, նրա պնդմամբ վերջին շրջանում կինն իրեն տարօրինակ է պահել, հաճախակի տնից բացակայել է և չի տեղեկացրել, թե ուր է գնում։ Դատարանի որոշմամբ՝ Վլադիմիր Զոհրաբյանն ազատվել է քրեական պատասխանատվությունից ու պատժից և նրա նկատմամբ նշանակվել է հարկադիր բուժում՝  Նուբարաշենի հոգեբուժական կլինիկայում։

Կրկին զոհը ծնողն է

2019 թվականի օգոստոսի 18-ին մեծ աղմուկ բարձրացրեց 29-ամյա աղջկա կողմից մոր պանությունը։

Լոռու մարզի Մեծ Պարնի գյուղում Գյումրի քաղաքի բնակչուհի Լուսինե Միկոյանը ընտանեկան անախորժություններից ծագած վիճաբանության ընթացքում, կացնով և փայտով բազմաթիվ հարվածներ էր հասցրել իր մոր`Գոհարիկ Քոսյանի գլխին և մարմնի տարբեր մասերին ու սպանել նրան:

Նախաքննական մարմնի կողմից Լուսինե Միկոյանին մեղադրանք առաջադրվեց ՀՀ քրեական օրենսգրքի 104 հոդվածի 1-ին մասով (Սպանությունը` ապօրինաբար մեկ ուրիշին դիտավորությամբ կյանքից զրկելը):

Նախաքննության ընթացքում Լուսինե Միկոյանը դրսևորել էր տարօրինակ վարքագիծ և, ըստ գործով վկաների ցուցմունքների, նա տառապում էր հոգեկան հիվանդությամբ, որն էլ հիմք էր հանդիսացել նախաքննական մարմնի համար Լուսինե Միկոյանի նկատմամբ նշանակել դատահոգեբուժական ստացիոնար փորձաքննության: Փորձաքննության եզրակացությամբ պարզվել է, որ Լուսինե Միկոյանը տառապել և տառապում է «շիզոֆրենիա պարանոիդ ձև» հոգեկան հիվանդությամբ, արարքը կատարել է ցնորազառանցական ապրումների ազդեցության տակ, որը զրկել և զրկում է նրան իր գործողությունների վտանգավորությունը գիտակցելու և դրանք ղեկավարելու հնարավորությունից: Ուստի իրեն մեղսագրվող արարքի նկատմամբ Լուսինե Միկոյանը ճանաչվել է անմեղսունակ:

Կնոջը սպանել է, դին նետել աղբանոցը. Արմավիրում 50-ամյա տղամարդ է կալանավորվել

Աղջիկն ազատվել է քրեական պատասխանատվությունից ու պատժից, և նրա նկատմամբ կիրառվել է հարկադիր բուժում` Նուբարաշեն հոգեբուժական հիվանդանոցի հատուկ հսկողության հոգեբուժական բաժանմունքի պայմաններում:

Կյանքում շատ իրավիճակներ մարդուն կարող են հասցնել հոգեկան խանգարվածության` սկսած գենետիկ հակվածությունից մինչև անհաջող պատահականություն կամ դժբախտ պատահար։ Ոչ ոք դրանից ապահովված չէ։ Այլ հարց է, որ մեր հասարակության շրջանում հոգեբանների հետ աշխատելու, նրանց դիմելու ձևավորված մշակույթ չկա։

Ամեն նման դեպքից հետո հոգեբանները կոչ են անում ուշադիր լինել իրենց և հարազատների հոգեկան առողջության նկատմամբ և խնդիրների դեպքում անպայման դիմել մասնագետին։

Իսկ նման ողբերգություններ հաճախ ծնվում են, որովհետև պատկան մարմինների թերացումների պատճառով խնդիրներով մարդը համապատասխան պահին համապատասխան վայրում չի ստանում համապատասխան բուժում։

274
թեգերը:
հոգեբուժարան, հոգեբան, երեխա, մայր, Զոհ, Սպանություն
Ըստ թեմայի
Գառնիում ընկերոջը սպանել է փողի շուրջ ծագած վիճաբանության ժամանակ. մեղադրանք է առաջադրվել
2 աղջիկների բռնաբարության և սպանության մեջ մեղադրվողի «գլխի» համար պարգև են խոստանում
Խաշթառակում թոռներին ծեծելու մեջ մեղադրվողը հոգեկան խնդիրներ ունի. փորձաքննություն կարվի
Խոշոր հրդեհ Մատենադարանի տարածքում

Խոշոր հրդեհ Մատենադարանի տարածքում. կրակը տեսանելի է քաղաքի տարբեր մասերից. լուսանկարներ

1266
(Թարմացված է 22:58 19.09.2020)
911 ծառայությունը հրդեհի մասին ահազանգը ստացել է։ Հրշեջ–փրկարարական խմբերն արդեն դեպքի վայրում աշխատում են։

ԵՐԵՎԱՆ, 19 սեպտեմբերի — Sputnik. Քիչ առաջ խոշոր հրդեհ է բռնկվել Երևանի Սարալանջի խճուղուց դեպի Մատենադարանի շենքի հետնամասն ընկած հատվածում։

Пожар у Матенадарана (19 сентября 2020). Еревaн
© Sputnik / Andranik Ghazaryan.
Խոշոր հրդեհ Մատենադարանի տարածքում

Ինչպես դեպքի վայրից հաղորդում է Sputnik Արմենիայի թղթակիցը, կրակը բավական մոտ է Մատենադարանի շենքի գիտական մասնաշենքին։

ԱԻՆ փրկարար ծառայությունից Sputnik Արմենիայի հարցին ի պատասխան հայտնեցին, որ 911 ծառայությունը հրդեհի մասին ահազանգ է ստացել։ Հրշեջ–փրկարարական խմբերն արդեն դեպքի վայրում աշխատում են։

Пожар у Матенадарана (19 сентября 2020). Еревaн
© Sputnik / Aram Nersesyan ,
Խոշոր հրդեհ Մատենադարանի տարածքում

Ավելի ուշ ԱԻՆ մամուլի ծառայությունը հաղորդագրություն տարածեց, որտեղ ասվում էր, որ 21։15-ին ստացած ահազանգից հետո դեպքի վայր են մեկնել ԱԻՆ ՓԾ Երևան քաղաքի փրկարարական վարչության հրշեջ-փրկարարական ջոկատներից վեց մարտական հաշվարկ և Հրդեհաշիջման և փրկարարական աշխատանքների կազմակերպման բաժինը։

Դեպքի վայրում է գտնվում ԱԻՆ Փրկակար Ծառայության տնօրեն փ/ծ գեներալ-մայոր Վ․Գաբրիելյանը։

  • Խոշոր հրդեհ Մատենադարանի տարածքում
    Խոշոր հրդեհ Մատենադարանի տարածքում
    © Sputnik / Andranik Ghazaryan.
  • Խոշոր հրդեհ Մատենադարանի տարածքում
    Խոշոր հրդեհ Մատենադարանի տարածքում
    © Sputnik / Andranik Ghazaryan.
  • Խոշոր հրդեհ Մատենադարանի տարածքում
    Խոշոր հրդեհ Մատենադարանի տարածքում
    © Sputnik / Andranik Ghazaryan.
  • Խոշոր հրդեհ Մատենադարանի տարածքում
    Խոշոր հրդեհ Մատենադարանի տարածքում
    © Sputnik / Asatur Yesayants.
  • Խոշոր հրդեհ Մատենադարանի տարածքում
    Խոշոր հրդեհ Մատենադարանի տարածքում
    © Sputnik / Andranik Ghazaryan.
  • Խոշոր հրդեհ Մատենադարանի տարածքում
    Խոշոր հրդեհ Մատենադարանի տարածքում
    © Sputnik / Andranik Ghazaryan.
  • Пожар у Матенадарана (19 сентября 2020). Еревaн
    Пожар у Матенадарана (19 сентября 2020). Еревaн
    © Sputnik / Asatur Yesayants.
1 / 7
© Sputnik / Andranik Ghazaryan.
Խոշոր հրդեհ Մատենադարանի տարածքում
1266
թեգերը:
ՀՀ արտակարգ իրավիճակների նախարարություն (ԱԻՆ), Երևան, Մատենադարան, հրդեհ
թեմա:
Վթար, պատահար, սպանություն, գողություն
Ըստ թեմայի
Վտանգավոր իրավիճակ. Աբովյանի ստորգետնյա գազապահեստի մոտ հրդեհ է բռնկվել
Երևան–Մեղրի ավտոճանապարհին բեռնատար է այրվում. ճանապարհը երկկողմանի փակ է
Վարորդի ինքնազգացողությունը վատացել է․ մանրամասներ բեռնատարի հրդեհից
Ջերմաչափ

Ինչու պետք չէ վախենալ 37 աստիճան ջերմությունից. բժիշկը հետաքրքիր մանրամասներ է ներկայացրել

0
(Թարմացված է 21:41 19.09.2020)
37 աստիճան ջերմությունը դեռ բժիշկին դիմելու առիթ չէ։ Իսկ եթե այն պահպանվում է մի քանի օր շարունակ, արդեն մտահոգվելու առիթ է կա։

ԵՐԵՎԱՆ, 20 սեպտեմբերի – Sputnik. Երբ մարմնի ջերմաստիճանը բարձրանում է մինչև 37 և ավելի աստիճան միշտ չէ, որ դա վկայում հիվանդության մասին. Sputnik ռադիոկայանի եթերում ասել է ՌԴ բժշկական գիտությունների դոկտոր Անդրեյ Պրոդեուսը։

Ընդունված է համարել, որ 37 աստիճանից բարձր ջերմության դեպքում մարդը հիվանդ է։ Բժիշկի խոսքով` սա փոքր–ինչ պարզունակ մոտեցում է, որն այդքան էլ կոռեկտ չէ։

Ըստ նրա, նույնիսկ եթե ջերմաչափին տեսնում եք 37 աստիճան, սակայն դուք ձեզ լավ եք զգում, խուճապի մատնվելու կարիք չկա։

«Նման ջերմաստիճանն ինքնին վտանգավոր չէ։ Առավել կարևոր է մարդու ինքնազգացողությունը։ Եթե առկա են  թունավորման ախտանշաններ, մարդն իրեն լավ չի զգում, նույնիսկ եթե նա, պայմանականորեն նորմալ ջերմություն ունի։ 37.1 ջերմաստիճանը, որը նորմալ սարքով ջերմաչափվել է թևատակից, մտահոգություն չպետք է առաջացնի», – վստահեցրել է մասնագետը։

Նա նշել է, որ նման ջերմաստիճանը միշտ չէ, որ վկայում է հիվանդության մասին։

«Մարդու մարմնի նորմալ ջերմաստիճանը տատանվում է 36.2-37.2 աստիճանի սահմաններում։ Առավելագույն ջերմաստիճանը լինում է 20:00, նվազագույնը` 03:00, երբ քնած ենք։ Սրանք թևատակի մակերեսի ջերմաստիճաններն են, քանի որ մարդու ջերմություն հասկացությունը հարաբերական է և կախված է, թե որ մասից են ջերմաչափում։

Նուբար Աֆեյանի ընկերությունը Covid 19-ի դեմ պատվաստանյութի 20 միլիոն դեղաչափ կարտադրի

Ջերմաչափել կարելի է նաև բերանի խոռոչում, հետանցքում և այլն։ Իսկ եթե խոսում ենք 36,2-37,2 աստիճանի նորմալ ջերմության մասին, ապա դա թևատակի ջերմաչափման դեպքում է», – պարզաբանել է Պրոդեուսը։

Միևնույն ժամանակ բժիշկը նշել է, որ 37 աստիճանից բարձր ջերմությունը չպետք է հաճախակի երևույթ լինի։  Եթե այդպիսի ջերմությունը երկար է պահպանվում, անհրաժեշտ է խորհրդակցել բժիշկի հետ։

0
թեգերը:
բժիշկ, հիվանդություն, հիվանդ, ջերմաչափ, կորոնավիրուս
Ըստ թեմայի
Ռուսաստանից ժամանած հայ բժիշկը փրկել է էպիլեպսիայով հիվանդ երեխային
Ռուսաստանցի բժիշկը հայտնել է համավարակը վերջնական հաղթահարելու հավանական ժամկետները
Ինչպես օգտագործել խնձորը, որ ավելի օգտակար լինի․ բժիշկների բացահայտումը